سر تمسك النرجسي الشديد بالضحية اول ما تقرر تسيبه وايه رد فعله وهيتصرف ازاي .... كوثر سند

لو قررتي تسيبيه بيمسك فيكي ليه
ايه اللي حيحصل لو قررتي تسيبي النرجسي وايه اللي حيعمله وحيكون ايه رد فعله ؟ وليه بيكون دة رد فعله؟
النرجسي مش عاطفي ومش بيفرق معاه فراق حد واكيد معظمكم شافه لما مات له حد قريب جدا اب او ام او اخ بيكون ازاي الاغلبية العظمى بتقول انه مش بيحزن ولا بيتأثر ، فلو انتي تركتيه تأكدي انه لو اتشقلب ادامك عشان سيبتيه وهوفر وعياط والكلام دة ماتصدقيهوش هو مش عشان حبا فيكي ، هو بيخاف يفقد حاجة مهمة عنده ولها فايدة ، ولو ملهاش فايدة حيبقى عايز ينتقم منك عشان سيبتيه فحيموت نفسه عشان يرجعك عشان ينتقم منك المهم انه حيزعل اه لما تسيبيه لكن على نفسه مش عليكي ، طيب ايه رد فعله بقى طبعا غضب نرجسي وسخرية . شوفي هو النرجسي بيخاف من الهجر ودي نقطة ضعف قوية جدا عنده ، حتى السفر بيعتبره هجر ولو كان هو اللي مسافر مش انتي ، عشان كدة تلاحظي انه قبل السفر بيكون في حالة شد عصبي وخناقات قبل السفر ، حتى لما يرجع بيكون غضبان ولو انتي اللي مسافرة ورجعتي نفس الكلام غضب قبل السفر وغضب بعد الرجوع من باب الانتقام انك بعدتي مهما كان ايه سبب البعد وكل دة بسبب تجربة الهجر العميقة بداخل النرجسي اللي حصلت له من احد ابويه ، طبعا الهجر في الطفولة مش شرط هجر جسدي لكن الاهمال والتخلي وعدم الرضا وجفاف المشاعر كل دة بالنسبة للطفل هجر طبعا ، وفي نفس الوقت النرجسي مش قادر يفهم ولا عايز يستوعب ان الشريك انسان مستقل مش جزء منه ، حتى كتير حالات تقول لما قعد في البيت لازق فيها زي ظلها
كمان هو عنده حساسية الرفض اي نوع من انواع الرفض ولو عزومة غدا بتؤلمه وبيعتبرها اهانة ، في نفس الوقت هو مش بيحب يبان ضعيف عشان كدة لو حصل انفصال هو مش بيبين ابدا انه اتأثر وخسر لكن حيظهر لك غضبه لانك حركتي مشاعر الضعف عنده والخوف من الهجر
طيب لما هو بيخاف من الهجر طيب ليه كتير بنلاقيه يهرب او يرمي ضحيته وممكن بعدها يرجع يعمل هوفرينج ويحاول يرجعها ؟
هو اصلا خايف احسن هي تهجره فبيسبق هو ويحاول يهجر ودة من باب انه يسيطر على خوفه اللي هو وقوع البلا ولا انتظاره ، وبعدين يتراجع لو معندوش بديل او مش عايز يخرج من منطقة الراحة فيرجع يعمل هوفرينج ويحاول يرجعها ، طيب هو ليه بيخاف من الهجر لما هو مش فارق معاه ولا مهتم بيكي ولا عنده مشاعر ؟ الهجر بالنسبة له فقد للقبول و الوقود والسيطرة وفي نفس الوقت الهجر بينشط الاحساس بالعار والخجل من انه تم رفضه في الطفولة وبيعتبر تكرار لتجربة اليمة علي مستوى اللاواعي
معلومة قالتها د. رارماني في الفيديو دة انك لما بتحاولي تكوني لطيفة معاه لما يكون مكتئب او غضبان وتحاولي تهديه بيكون رد فعله عكسي وبيهبشك ويتعفرت بزيادة ودة فعلا حالات كتير قالته ، راماني قالت انك لما بتعملي كدة بتكوني بتعملي سبوت على ضعفه وهشاشته . كمان قالت حاجة لطيفة جدا وانا جربتها فعلا مع حالات كتير ، بتقول ان النرجسي لو عرف انك خايفة من الطلاق حيفضل كل شوية يهددك بيه ويضغط عليكي بيه لما يعوز حاجة انتي مش عايزة تديها له ، فهي بتقول جربي تقولي له تمام طلق حيتراجع ويقولك خلينا نقعد ونحاول نحل ، وطبعا دة في حالة معندوش بديل او كان نرجسي خفي مبيطلقش او كان مركزه الاجتماعي ميسمحلوش انه يخرب الصورة

[@OmOmar-tc4cd]

ربنا يخلص كل ضحيه من النرجسي اللى بسيطر عليها ويرحمها من جحيم العيشه معه

[@Mimi-sz5tz]

اللهم امين يارب انا ضحية والله

[@يافاطمةادركيني-ص7ت]

امين

[@zainabmo1858]

أمين أمين أمين أمين أمين

[@رحيقالجنه-ظ5خ]

يااااارب اللهم آميييين 🤲

[@خادمةللزهراء]

ااااممممممييييينننننن

[@read55]

الله يسلط عليه.. دعيت عليه يوم عرفة بكل شيء... ليس لها من دون الله كاشفة... يارب تجيله داهية تشيله و يغور بعيد عننا

[@kookaaka6902]

وحياة ربنا زيك فى الصلاة فى رمضان يوم عرفة مسبتش الى لما دعيت علية ربنا يخلصلى حقى منه حسبى الله ونعم الوكيل فيه

[@mimiwael6333]

اللهم امين يارب العالمين

[@faatimah9757]

و أنا نفس الشيء ربنا ينتقم من كل معتدي ظالم و يخلصنا منهم اللهم آمين

[@MN-gr8qq]

امين يامجيب السائلين عجل لنا بالفرج

[@brightsun5254]

الله ينقذنا منهم ويريحنا منهم

[@fatimaali3384]

اصبحت ڤيديوهاتك يا استاذة كوثر و الله اجوبة لاسئلتي ..تخاطر كبير بيننا 🥰

[@بانقتانقادةالكيبوب]

لما توصلي لمليون مشترك....حكون كتير فرحانة....ربنا يوفقك اكثر و اكثر

[@UserRoza509]

النرجسي الخفي مابيعمل اي شيء من هذه التصرفات بيمشي بهدوء عشان يعمل نفسه مجروح ويلبسك إنك إنتي إلي غلطتي عليه لكن لمن تكون النهايه ويلاقي هجر وتطنيش بيعتبر نفسه مهزوم

[@leenabd2480]

حصل هادا الكلام بالزيط .. وقال لابني ... انا اتدمرت

[@maimonahmohammed7765]

هل بيهددك او يهدد حياتك ؟

[@UserRoza509]

@@maimonahmohammed7765 لحد الان لا مافيش تهديد الله يهد حيله

[@Mona-mx9jt]

بيرجع يسوي طيب وحنون ويرجعك وبعد كم يوم يسوي غضب وهكذا

[@baaz6950]

@@UserRoza509 🤣🤣😁😁 dahaktini wakga mafquosa

[@hayatieldjadida9575]

انا تركته من اسبوع فقط وعملتله النوكونتاكت امبارح جاء لبيت اهلي عمل دوشة كبيرة، تخيلو ليه. عايز السيارة وما كلفش نفسو وسأل على الاولاد، بس اخواني الولاد وقفو فوجهه، وهو المسكين مش عارف إني بدأت باجراأت الخلع، ادعولي ربنا يسهلي

[@zainabmostafamohamed6566]

ايه الاجراءات اللي عملتيها وممكن ارفع القضيه وانا في بيته ولا لازم امشي وخايفه امشي يعملي حكم بالطاعه

[@hayatieldjadida9575]

@@zainabmostafamohamed6566 انا رحت اشتري الدواء للاولاد وفي طريقي بحثت عن مكتب محامية، حكيتلها كل شيء وهي نصحتني بان لاابقى معه وان اعمل خلع وفعلا ذهبت في العيدلبيت اهلي دون رجعة وبدات اجراأت الخلع ولكن بسرية وقالت لي المحامية ان اقطع معه الاتصال حتى تصله دعوى الخلع

[@zainabmostafamohamed6566]

@@hayatieldjadida9575 شكرا
علي ردك عليا ربنا يسعدك ويعوضك خير

[@10renoo]

الله يقويكي

[@joujoumabroka7327]

@@hayatieldjadida9575 لو سمحتي انت من اي بلد؟ وعاملة ايه حاليا؟ اطلقتي و الا لسه؟ والأولاد حمكملهم ايه، يعني ممكن يجبرهم على رأيته؟ ارجوكي جاوبيني، انا هربت مع بناتي3 منذ شهر و نص و لم ابدا إجراءات الخلع لان عمال القضاء في عطلة و خايفة يعمل حاجة ضدنا. لم ابين له ما أنوي فعله حتى لا يضايقنا بالملاحقة او اي رد فعل وحشي من بتوعه

[@missandroid5646]

حلقه اكثر من رائعه ممتازه شكرا لجهود حضرتك ♥️♥️♥️

[@اميوسف-ش2ر6ع]

يسلم لسانك على الكلام الحلو ده وعلى الفهم الصحيح شكرا جزيلا

[@Cat_playing2025]

أنتِ رائعة بنتظر فيديوهاتك ربنا يجزيكي كل خير علشان بتعلمينا نتصرف ازاى اشكرك بشدة 🌹🌹🙏

[@miredmi9931]

كانت أمه تزعله وتخاصمه بالاربعين يوم ومترضاش ترد على تليفوناته حتى لو بيموت وكنت اكلمهم عشان يسألوا عليه ومحدش كان بيسأل فيه عشان كان فقير دلوقتى لما استريح بقى حبيبهم اوى وفلوسه ليهم

[@mecmec1147]

ما معنى ان يكون التجاهل يقابله التجاهل ولو طال الوقت ولا محولات ولا شئ ارجو الاجابة

[@hendali54]

ملىون لاكىك لاحلى كوثر والله بتهونى علىنا حاجات كتير شكرا

[@playmail8784]

والله بحس حضرتك منقذ ربنا بعتو من السما لينا كلنا ، الله يجزيكى خيرا

[@rimayousef8682]

كتير عجبني تعبيرك ..تشقلب ..فعلا صار يتشقلب وينبطح عالارض على اساس انهار ..ومرة قال حاول ينتحر وشرب ادوية ..وكلو كذب وتمثيل مشان يخليني غير قراري بالخلع ..وكان دائما يقول لابنتي حكيها لامك تغير رأيها بس مو قدام اخوكي لانو هوي عم يحرضها ..امك مو هيك ابدا ...مفكر حلبو اذكى من البشر كلها ..
كنت دائما قلو لا تستكبر ..الله اكبر ..كنت حس بخيانتو بس ما في دليل ..حتى الله سبحانه وتعالى كشفلي ياه متلبس ..انصدم وصار ينكر رغم اني كمشتو ..بعدين اعترف وطبعا حط الحق عليي واني انا مقصرة ..هههه

[@oomar9181]

ليك قبل ما اسمع يا قمرنا

[@CutestCuteFriend]

اروع اشي بفيديوهاتك انها تحت مكتوبة بالتفصيل يعني تثبيت اكتر سماه وقراءة شكرا الك كتير🌼🌸🌷

[@user-ov4xg5mi5m]

عمل الكثير والكثير م مشاكل-وكل مرة هو يرجع وانا اخر مرة م تعب تفكير ونفسي كان نفسي يطلقني والله العظيم -بس هو خسيس يفكر ف كل الي صرفه لي م مهر وبيت وراحه والاطمئنان والامان حب وعطاء لم سيتطيع تحمل انه كل هذا يروح منه

[@sarasaramohamedmostafa5260]

فعلا والله بيهددني بالطلاق كتيير واول متجاهلت وفوقت تراجع والله وقالي نحل مشاكلنا نرجسي خفي

[@ayatutty3126]

خلوا ال speed 1.5x لو عايزين تسمعوا الحلقة بسرعة ومستعجلين

[@ففف-ص1ح]

أختي تطلقت وزوجها نرجسي فجأة هجرها وتزوج عليها و طلقها بدون سبب واضح وزوجي صديقه والآن يهددني بالطلاق وإنه رح يبهذلني بالمحاكم لأن بيني وبينه شراكة بالبيت وهو في وضع غريب ومتقلب من حوال السنة.. ياليت تتفاعلوا معايه💕

[@aemanaeman9913]

والله ربنا وحده قادر يهده ويقضي عليه لا انتي دكتوره ولا اني حتى لو اطبق كل الكتب والدراسات

[@raghdamagdi7271]

بس في حالتي و هو خفي اتبع اسلوب مختلف و هو الاستسلام و فعلا اتطلقنا و ماحاولش يعمل هوفرينج

[@mounyambchannel7678]

ياريت كن سمعت فيديوهات قبل سنتين كان كثير حاجات تغيرت وماحصلتش بس الحمد لله علي اي حال

[@Mimi-sz5tz]

انا عايشة في جحيم معاه بيبعد واول مااحس اني خلاص ارتحث منه وبديت اتشافى منه بيرجع وبيعمل اولادو طريق😭😭😭😭 ساعدوني عاوزة اسيبو والله

[@الخبيرالقانونيج]

كوني قوية ولاتسيطر عليك العاطفة ابدا
يجب ان تحسسينو انتي قوية ولاتحتاجي وجوده

[@hendali54]

@@الخبيرالقانونيج اسمع الاستاذه لتتحدث اذى تتعافى منه ولا ترجعى للنرجسى ا

[@UserRoza509]

النرجسي الخفي بيطلق ويكرر الطلاق في حالة اتزوج نرجسيه أو وحده عندها اضطراب في الشخصيه

[@maryemalabdullah8794]

والله نفس الشي صار معي .وكأنك عايشة معانا ،كان يهددني إنه يتزوّج كل لحظة ألا إنه الله هداني إنّي أهدده بالطلاق فاتراجع لأن ماعنده بديل 😃

[@Mimi-sz5tz]

فعلا كنت حسافر وقعد يقولي بليز متسافريش متتركينيش وحدي وبعد شويا قالي انتي سافري وانا حسافر حتى انا 😞 زي طفل والله انا تعبت معاه

[@fatimaali3384]

صحيح و الله كل ما يحدث سفر بعد السفر خناقة كبيرة تحدث ...الان عرفت سبب الخناقة

[@tasnemhessin6104]

كل يوم وحضرتك بخير استاذه كوثر كل ال حضرتك قولتيه انا فهماه ولكن انصحينا نعمل ايه بالفعل لو اردنا الهروب اناعايزه طريقه لوممكن نعملها مع ان كله غلط فى غلط. اعمل ايه

[@kookaaka6902]

هددنى انه عايز بنتى تعد مع امه اسبوع واسبوع عندى وانا رفضت خفت على بنتى منه فمسكنى من ايدى الى بتوجعنى روحى الى هيا بنتى وانا عارفه انه اصلا مبيحبهاش وكان بيضربها فخفت على بنتى منه فوقف الطلاق ومرضاش يطلقنى عشان رفضت شروطة

[@Mariam_2020]

اوعي تخلي بنتك تروح معاه

[@خيوطالأمل-س5ظ]

اعملي خلع او تطليق

[@totabashir4677]

راح إتزوج فجاءة وقال حايطلق... وقلت له جيب ورقة الطلاق. ..مارد حتى الأن .. طبعا قبلها سنين هجر طويلة ..وبقول ل بنتي ماما ماضي ونسيته . والبنات في عمر شباب .ومش عارفة ايش اتصرف معه . أفيدوني جزاكم الله خيرا ..مع العلم بيت العائلة صعب جدا أحد الوالدين نرجسي والأخوات والأخوة حالات غريبة جدا

[@tasnemhessin6104]

تمسكى بالله وتقربى من الله ومهما كان بيت الاهل غير الزوج لان هما حاجه وهو حاجه ثانيه وانتى فاهمه قصدى. وحاولى تعيشى حياتك وترسميها زى ماانتى عايزه ويريحك. ومش تبررى عشان تبقى معاه اهربي وعيشى حياتك

[@kookaaka6902]

انا زيك بالظبط قالى حجوز عليكى واطلقك قولتوا ابعتيلى ورقتى مش عايز يبعتهالى بقالوا ثلاث سنوات حالف طلاق شفوى و مجوز علية وسيبنى متعلقة لانا
مجوز ة ولا مطلقة هو عايش حياته فى بيته التانى هجرنى اصلا مفيش اى تواصل نهائ
مع العلم انى زيك اخويا نرجسى وطبعة زى الزفت الله ومش عارفه اعمل اه
غير انى فوضت امرى لربنا

[@hafsaalmuhanna2319]

@@kookaaka6902 طلبي الطلاق واعتقد المحكمة في مصر معاك والرزق بيد ربنا اتكلي على الله

[@omhamza1674]

على فكرة يا أستاذة كوثر أحيانا سبب النرجسية عند النرجسى الأهتمام الزائد من الأب والأم فى الطفولة وانه كان عندهم ملأ السمع والبصر إللى مفيش زيه وبيكونوا واخد منهم مكانة كبيرة قوى كأن هو الاب والام بالنسبة لاخواته فمش دايما بيبقى سبب النرجسية الاهمال لأ أحيانا بيكون الأهتمام الزائد والتبجيل والتعظيم لغاية ما يترسخ فى نفسه قيمة وأهمية نفسه

[@maramalnasser3896]

صحيح ١٠٠%

[@hindshehdi522]

اللي فهمته مما قرات و تابعت من فيديوهات ان النرجسي الظاهر سبب علته التدليل و الاهتمام الزائد من الابوين و النرجسي الخفي العكس

[@ruaa6897]

تجاهلني وعمل لي الصمت العقابي ولم اتحمل وتركته وفضحته امام اهلي واهله وكسرت شوكته وطلبت الطلاق منه و وافق على الطلاق وانتظر عودته من السفر لكي يطلق
لكن هل سيطلق فعلا ام يتلاعب بي
هل سيعطيني حقوقي ام يتلاعب ويراوغ وينتقم مني ولا يعطيني اياها
لان وقت ما فضحته قال سأحاسبك على مافعلتي ظنا منه سأعود اليه
ادعولي ربي ينصرني عليه واخذ حقي منه بسهوله لاني تعبت من هذه الحرب

[@zainabmo1858]

اعمل ايه لو كان زوجي نرجسي وأخواته البنات نرجسيين

[@tasnemhessin6104]

هو بنى ادم كله غلط فى غلط حياته تصرفاته وانا عايزه امشى اعمل ايه بالضبط

[@hendali54]

اسمع فىدىوهات الاستاذه كوثر سند تتحدث عن كيف تتعافى من النرجس

[@username33220]

قالهالى مرة....مفيش عندنا طلاق...بابا قال نوno 😃جملة احمد رزق فى فيلم عشان ربنا يحبك

[@randaegyptology6372]

صح جدا جدا جدا وخصوصا حته السفر دي يعتبرها هجر فعلا فعلا دي حقيقه أوي بيخاف من الهجر وانك تغيبي عليه

[@jihanmahdy5198]

جزاك الله خيرا على مجهودك الرائع والمميز انا عايزة اوصل للطلاق الامن انا بنفذ التشافي ودلوقتي مركزة مع نفسي وولادي وهو مجرد شخص عايش معانا فاصل ممنا لكن من حين لاخر بيعمل غضب ع الولاد وعليا لكن انا بتصدي له وبطلت اخاف منه ومستينه ارتب لي مكان اعيش فيه بس مش عايزة مشاكل تاثر علي ولادي

[@طورسينين-ه5ض]

لماذا النرجسي لاينكشف الابعدمرور سنوات طويله؟؟؟؟تصل الى ٢٠سنه يرجى الرد

[@maimonahmohammed7765]

مرحبا ،،انا في بداية حياتي مع النرجسي واتخذت القرار وذهبت لأهلي يادكتوره ولكن أرجوك قوليلي كيف النرجسي يطلق ؟مع العلم أنه نرجسي خفي وشكراً لك

[@فاطمهالزهراء-د3د]

حببيبي نرجسي تركته من اسبوع
لو حاول يرجع اقاوم ازاي

[@baaz6950]

Quoli 3adowi

[@reemmaraqa2087]

طيب يا استاذه ممكن تعطينا نصائح للي عايش مع نرجسي من العائله اختي نرجسيه متعبه جدا ومن يوم وقفت بوجهها عاملالي اذى نفسي وجسدي وتحريض اهلي علي لدرجه بفكر اترك البيت من وراها انا حابسه نفسي بغرفتي طول الوقت مشان ما اشوفها مع اني بتصرف انها مو ماثره علي بس انا فعليا تعبانه وبحاجه لمساعده

[@لليبيةوأفتخر369]

شكرًا. سيدة كوثر❤️ هل النرجسي يخاف من الانتقام او موش في حساباته ابداً؟؟

[@eslamgems5383]

علي فكرة حضرتها ..كوثر سند...مش سحر النادي

[@لليبيةوأفتخر369]

ESLAM GEMS 😂😂 والله تلخبطت لان دائماً اتفرج. على سحر النادي

[@asmarahiymo4500]

صحيح يخاف من الهجر انفرغ في حياتو انا عيش مع النرجسي وخبيت تقعد غير ترقب فيا واش النداير في حياتي اليومية وكل دقيقة تقلب عليا نعرف كل نقاط ضعفي وتيبدا بيتحسبني على افعل على حجا مدرتهاش

[@ziadmhmod4705]

فعلا فضل 17 سنه بيهددني بالطلاق كل حاجه واي حاجه مش علي مزاجه يقولي لو عملتي كذا تبقي طالق
و لما فهمته و عرفت انه نرجسي و قرفت منه و انا الي طلبت الطلاق فضل يماطل و لما لاقاني مصره قالي انا مش بطلق روحي اخلعي نفسك لو عايزه

[@read55]

ممكن لو حد محامي يقول لنا ايه طريقة الخلع و بتتكلف كام من الآخر و ووضع الأطفال ايه

[@kookaaka6902]

وحياة ربنا انا كل الى رعبنى وضع الاطفال

[@اللهمإجعلهميالآخرة-م4ظ]

نفس سؤالي😭😭

[@الخبيرالقانونيج]

حاضر اساعدك
عندك واتساب او لا؟؟؟؟؟

[@eslamgems5383]

بلاش الخلع...ده عشان بيجنن ناس كتير منهم...وخصوصا النرجسي السيكوباتي

[@duhaa.abdullah1562]

حيضرك بالأطفال.. ومش حيصرف عليهم.. إلا لو حصلت على نفقة من المحكمة.. مثلا.. والله أعلم...

[@hebahashem3006]

حتى جاب امه واخته قصادى فى الشقه وعلى طول قاعد معاهم وهملنى جدااااا وكلام امه واخته ينفذ حتى مصروف بيتى امه مسكه هى واخته ورافض انى امسكه واجيب طلابات بيتى هو نرجسى خفى وأمه واخته برضو نرجسين ...انا لما بسافر عند أهلى مش بيتاثر ولايزعل بس بيحرض الولاد عليه وعلى أهلى وعيزهم يغلطه فينا بس يخلى ولادى يمجدو فى امه واخته وهو بسسس ..بس نحيه المشاعر بيزعل لو امه تعبت او اخته بس وبنسبه ليا ولولادى بيسبنا عادى وعندى إهمال لينا

[@نجمةالليل-ع4ط]

انتي لزمك تفك التعلق منه وتحول تتشاف منه وتقوي نفسك هو كل الى بيعمل معاكي دا تلاعب من عشان يكسرك ويحسسك انك ولا حجة لو اضهرت له قوتك وان ميش فارق معاك وتحول تخلق السعادة والفرح والسرور لنفسك بعيد عن حتلاقيه زي الكلب يلف وراك رغم كل دا انا افضل اعيش لوحدي ولا اني اعيش مع انسان ميت من كل حجة حلوة خلقها ربينا فينا كبنادمين

[@lolot4910]

يسعد ايامك
لما بقا مش فارق معاي وجوده من عدمه بحياتي ولما مره قالي يلا امشي نروح المحكمه حطلقك قلتله يلا من الصبح حروح وكنت برد عليه بهدوء غير العاده وقف للحظه واتصدم من ردي لكن من يومها اصبح يتصيد لي الاخطاء وكمان صار يصور فيديو لو لقي مثلاً اني في يوم نمت وكان الحوض فيه شوية مواعين مغسلتهمش ومش بيحط فباله اني اكون تعبانه طول النهار في البيت والعيال والغسيل وجيت آخر الليل مش قادره اعمل حاجه فمبشطبش المطبخ او مثلاً يقوم بالليل واحنا نايمين ويفتح التلاجه ويشوف هل فيها حتة جبنه مركونه وناشفه او مثلاً حبة طماطم خربت يقوم برضو مصور فيديو والاهم انه بيعلق بصوته 😅(شوف ياحضرة القاضي كيف هي مهمله في بيتها وتلاجتها)
ولما سألته ليه بتعمل كده قال:دليل ضدك عشان افضحك وقتها انا ضحكت، اصبح عندي مشاعر اشمئزاز منه ومشاعر كره وبنفس الوقت شفقه عحالته المزريه
بقيت اقول الحمدلله الذي عافاني

[@mahaalgammal2336]

مرضي نفسيين. دائما يحاول يمسك علي اخطاء باشياء تافهه بتحدث من كل امراه في بيتها.واتصور ان القاضي لو سمعهم سفهم انهم غير اسوياء.

[@brightsun5254]

دكتورة كانك انتي عايشة معي كل الاحداث تحدث معي صار ٢٥ سنة الصبر يارب

[@emanmhamad1333]

هو يا جماعه هو فى حد بيحب الهجر او بعد عن حد بيحبة مش ممكن طبعا

[@mostafaahmed2211]

النرجسي عامل ذي عبده الشيطان الزومبي الجديد

[@zainabmostafamohamed6566]

لما عرف اني عملتله محضر عدم تعدي وبستعد للخلع قام مهددني بقضيه نشوز وعدم اعطائي اولادي وانه هيندمني جدا

[@AhmedMohamed-pl3nt]

انا كمان بالظبط ...بس قضية النشوز دي بتتلغي اعتقد بالمحضر والخلع

[@kiryresin7856]

معلشششش سؤال لما تقول. للنرجسي انت نرجسسى وكده يعمل ايه

[@ayatutty3126]

يا أما بيعمل غضب نرجسي فبلاش احسن
يا أما بيفضل يضحك ويقول أيوة انا نرجسي وده بيبقي هطل

[@amsahed3965]

والله ياست الي ممشترك بقناتج فاته كثير

[@user-cz5oq2mu4b]

موشرط يسيب ممكن يدمرها يحطمها يخليها تمرض يجيها حالة نفسية فضيعة

[@herte7643]

اختي اخواني ارجو الرد لو النرجسي ضرب الباب عشان ادخله في البيت وقلت له لا تجي بيتي مرة آخرى ماهو رده؟ وماذا تنصحوني افعل خلاص معاد أقدر احتملهم أبدا.

[@zainabmostafamohamed6566]

عملت كده مرضيتش افتح الباب خرب الدنيا عليا واشتكي لاخواتي واخواته ومسكلي كده غلطه من وجهه نظره ونظرهم

[@herte7643]

@@zainabmostafamohamed6566 شكرا على الرد حسبنا الله عليهم ونعم الوكيل اتمنى تنبهون اي أحد تعرفونه عن هاذة الشخصية الخبيثة لينتبهون منها وتكسبون أجرهم

[@joujoumabroka7327]

@@herte7643 اخبري الشرطة بأنه يتهدد عليكي

[@وبشرالصابرين-ي2ص]

ادعولي افك التعلق بيه عشان حاسه نفسي ضايعه 😢😢😭

[@oomar9181]

اسمعي لادهم المصري في فك التعلق هو اللي ساعدني بعد الله وعقبالك

[@وبشرالصابرين-ي2ص]

@@oomar9181حاضر راح اسمعه اشكرك يارب ادعيلي ربنا يفرجها عني

[@oomar9181]

@@وبشرالصابرين-ي2ص الله يفرج همي وهمك ويفرح قلوبنا قريب يا اختي

[@وبشرالصابرين-ي2ص]

@@oomar9181 يآرب امين

[@وبشرالصابرين-ي2ص]

@@mahaalgammal2336 انا عايزة اتعافه من التعلق مش عيزا اتعب نفسي اكثر

[@randaegyptology6372]

ليه طيب النرجسي الخفي مش بيطلق؟؟؟؟؟

[@asmarahiymo4500]

انيس كوثر سلام راني حاب نتااعب بيها قبل ماتعرف بلي راني عرفت كل افعايها الشريرة ارجوكي احبك انيستي شكرا

[@roumaissaroma7323]

والله انا حايره اعمل ايه جوزي دا لمره ثانيه عامل متل طفل صغير في مفاهمه يعامل اولادو بعنف وسب وشتم وانا كمان دائما يقولي حطلق وبعدين يسكت اما اقلو حرمني يتهرب كل يوم مشاكل مع اولاد ابني صغير 5 سنواتما يصبوش بمشاكل الله ينتقم منو افيدوني ارجوكم

[@mahaalgammal2336]

الله يعينك ويصبرك انا نفس وضعك اولادي منذ صغرهم تعلمو كيف يتجنبوه ولكن لابد وحتما ان يطولنا اذاه .المهم بقدر الامكان حاولي تعرفي اولادك ان يتلاشوه ويتجنبوه حتي ياتي الفرج من الله سبحانه القادر علي كل ظالم.

[@roumaissaroma7323]

شكرا حبيبتي على مساسندتك

[@حناناحمد-ش3د]

انا سافرت ورجعت بعد اسبوعين من رجوعي من السفر غضب وطلاق على طول ورجع نكر الطلاق

[@hindrestum8501]

طيب النرجسي عندي بيتفنن بالسفر والهروب من مسؤولياته.. بجيبنا البلد وبيهرب منها. وهو اللي يعمل حجج عشان يبعد عنا.. شو بكون تفسير هالحال؟

[@nisoz2325]

يالله نفس اللي عندي, سافر وهرب من مسؤلياته, انتبهي يكون طلقك وانتي مش عارفة , او تزوج عليكي

[@nisoz2325]

وممكن بيعملها عشان يحسسك بقيمته وانك بحاجته, ففي تفكيره يحب احساس الجميع بالحاجة لديه

[@hindrestum8501]

لا ماطلق ولا تزوج لغايه الان يعني.. لانه بيكون عند أهله او ببلد اهلي.. يعني مراقب بالحالتين.. بس المهم يكون لوحده ويتركني انا والاولاد

[@GoGo-mu1cj]

هو مايحب المسؤليه

[@nortaha7438]

نفس اللي عندي

[@سمكالزينة-ذ6ت]

استاذة كوثر راح اشرحلك حالتي انا وزوجي واختو عايشين بنفس البيت هما الاثنين نرجسيين هوا بعد اقامة اختو عندنا لمدة 5سنين طبعا كانت سنين عجاف مليئة بالمصائب قررت امهم يعني حماتي انو ابنها يبعت اختو هما مقيمين ببلد ثانية المهم السؤال هوا ...هل النرجسي بعد ما فقد امدادو النرجسي واختو اللي كان يثلث فيها هل راح يخفف مشاكل معي كوني صرت مصدر الوقود الوحيد

[@خيوطالأمل-س5ظ]

او العكس تزيد المشاكل ويستبدل اخته بشلة اصحاب او عشيقات

[@سمكالزينة-ذ6ت]

@@خيوطالأمل-س5ظ 😂😂الله لا يوفقو

[@ashganaboushanb8632]

رأيي هيستبدل اخته بأي عشيقه ليستفزك

[@ahmadsall5081]

استاذه انا قريبي شخصية نرجسية بحته
والضحية اللي خاطبها انا تقريبا اعرف اهلها
اروح احذر أهلها؟

[@zinaalrashedlifecoach]

البارحه طبقت هذا الفيديو الله المستعان

[@اممحمدالصعيديه]

تحياتي يا حبيبتي

[@madamebenhamel7663]

أول خصومة بعد ما ضربني رحت لبيت أبي و قررت انفصل و لكنه لم يستسلم و عرف يقنع أبي أنه يرجعني ليه...و لما رجعت على مضض ونغلق باب الغرفة علينا بدأ يبكي فأنا اتقربت منه و قلتله خلاص ما تبكيش انا هنا😅 كنت اضن انه افتقد ليا و لكنه نظر اليا نظرة غريبة و قال انت ذلتيني و لن اسمح لك هذا أبدا و راح تندمي على اللي فعلتيه معايا طول حياتك💔 وأخذ حقه الشرعي بعنف😢 و من يومها وانا في معانات لا يمكن حتى ان أبوح بها لأن الجميع راح يقول انت بتعملي مشاكل من لاشيء لأنه يعاملني بطريقة غير ما بيعامل الناس خاصة أهلي 😣 هو يكرههم و لكنه يمثل العكس
والحل الوحيد أنني قويت نفسي و بدأت انا اتصدى له بنفسي 😒

[@hebahashem3006]

انا جوزى النرجسى عيط لمه امه جتلها جلطه واتحجزت فى المستشفى خاف تموت وخاف على بنت اخته برضو لمه وهمو انها تعبانه وهيجرلها حاجه يبئه كدة ايه ليه عواطف بس تجاة امه واخته وبنت اخته فقط اما انا واولادى لا بس تصرفاته والاختبار جاب ٣٠ من ٣٠ دة ايه

[@kookaaka6902]

كل ده هجس تمثيل هو النرجسى بيعمل كده تمثيل هو مبيحبش حد حتى اهله

[@nura1283]

نفس النرجسي اللي عندي يموت ف بنات اخته وبنتي ابو خمسه سنوات يحتقرها ومتسلط عليها

[@gogo9404]

ام ومنزليش دمع واحد ☝

[@aa.737]

أمبلا بس دموع التماسيح

[@solafamasarwa3310]

🦋🐬🐋🦋🐳🦋🐟🐬🦋

[@sherenshorab6823]

😢😢😢😢😢😢😢

[@userdrfatma]

👍❤️❤️

[@read55]

يا جماعة خلوا ليكو نت خاص عشان محدش ييتبع سجل المشاهدات عندكم و يراقبك و يعرفوا انتو بتتفرجوا على ايه... بتخيل النرجسي و هو بيتفرج على الفيديوهات دي😁😁

[@UserRoza509]

ايش يعرفهم انه بنتفرج على الفيديوهات والجوال خاص؟

[@dfjlfdwgj7755]

ازاي يعني نت خاص مش فهمه

[@read55]

@@dfjlfdwgj7755 فيه برامج بتتوصل بالراوتر بتجيب سجلات كل الأجهزة اللي متواصلة بيه

[@read55]

@@UserRoza509 فيه برامج بتتوصل بالراوتر بتجيب سجلات كل الأجهزة اللي متوصلة بيه

[@زهره-و4ق]

كخكخ

[@wijdandaboo8534]

😪