ازاي يبقى ليكي حدود واضحة وخطوط حمراء النرجسي ميقدرش يتعداها ؟ .... كوثر سند

ازاي تحطي حدودك مع النرجسي ومع اي حد
١- افهمي الاول انتي بتتعاملي مع ايه ، النرجسي ضعيف جدا داخليا وحاسس بعدم الامان زي ما انتوا عارفين ، وكونك تستقلي عنه نفسيا فدة معناه انك ممكن تسيبيه في اي لحظة عشان كدة هو حريص على انه يكسر الحدود تماما ويسيطر عليكي ويتحكم فيكي عشان تفضلي معاه قلبا وقالبا ، فانتي ممكن بعد ماتتعافي وتقرري تستمري معاه وتبني حدود صحية بينك وبينه تبدأي تطمنيه من وقت للتاني انك متمسكة بيه ومش حتسيبيه ( بس دة يكون في وقت صفا وقعدة حلوة ومش كل شوية تعملي دة يعني متقوليش دة كتير عشان ميحسش انك ضعيفة وخايفة يسيبك فيلعب بيكي )
٢- افهمي حدودك اللي انتي عايزاها ، يعني مثلا حددي عدد الساعات اللي عايزة تقضيها او تتواجدي فيها معاه او اللي تقدري تتواجدي فيها معاه في اليوم سواء هو موجود في البيت باستمرار او لا ، ورتبي يومك على اساس كدة يعني تشغلي نفسك باقي اليوم باشياء مهمة تخص البيت والاولاد وشغلك واهلك واهله حتى ، بحيث ميبانش انك قاصدة تتهربي منه خليها تاخد شكل طبيعي ، ومتسمحيش لنفسك انك تتعدي الوقت اللي انتي مقرراه ، وكمان لازم تحددي وقت تقضيه مع نفسك وتلزمي الجميع باحترام الوقت دة (لو انتي تعافيتي حتقدري تنفذي دة )
٣- استمعي لمشاعرك ، يعني متهمليش احساسك ومشاعرك وتكبتيها مثلا لما تحسي بالغضب ادي نفسك فرصة تسمعي مشاعرك بتقول ايه زي مثلا تلاقي نفسك بتكلمي نفسك داخليا انا زهقت من معاملته دي ولازم اوقفه عند حده ، ولازم تتفقي مع نفسك على حلول ، يعني مثلا انك لما تخلصي التعافي والعلاج من التعلق المرضي حتاخدي قرار او حتقدري تواجهيه او ساعتها مش حيهمك اصلا كلامه ولا اساءة ادبه ، او انها فترة وحتخلص لما تقدري تشتغلي وتاخدي قرار الانفصال ولا البقاء وساعتها حتكوني اقوي وحتجبريه يغير سلوكه ، او انك تحكي الموقف اللي اغضبك لحد بتثقي فيه عشان تخرجي مشاعر الغضب وتتخلصي من جزء كبير منها ، المهم انك لازم تتعاملي مع مشاعرك وتهندليها ومتكبتيهاش لان كبت المشاعر وتجاهلها بيخليكي مع الوقت تتقبلي التصرفات السيئة منه وتتأقلمي معاها وبالتالي بتكون حدودك منتهكة وضعيفة .المشاعر مهمة لان هي اللي بتفهمك انتي تقدري تستحملي ايه ومتستحمليش ايه ، تقبلي ايه ومتقبليش ايه وهو دة اساس بناء الحدود
٤-تجاهلي اوامره المتعجرفة اللي الغرض منها التحكم والسيطرة لمجرد التحكم والسيطرة المرضية ( عشان تعملي الخطوة دي لازم تكوني تعافيتي وعندك مصدر رزق ولو بسيط )يعني مثلا متنزليش الساعة كذا وانزلي كذا ، متلبسيش دة والبسي دة ، متتواصليش مع فلانة ، متقبليش العرض الفلاني ، سيبي الكتاب اللي في ايدك دة ، ممنوع القراءة اصلا ، الغي اكونت الفيس بتاعك ، اعملي بلوك لفلانة ، او يفرض عليكي فكره او رأيه ولازم توافقيه عليه ، المفروض لو انتي بقيتي قوية ومعافاه تقولي له دة رأيك وانا بحترمه بس انا لي رأي تاني و حعمل الحاجة الفلانية بالشكل الفلاني ، لان انا مش حقاطع فلانة لاني مش مقتنعة ، لما تجربي الكلام دة في حاجات هايفة وملهاش تأثير على مصالح النرجسي حتشوفي انه مع الوقت حيستسلم وحيبدأ يحترم حدودك بس اتعلمي تقتلي الخوف ودة مش حيحصل الا ولو قتلتي الادمان والتعلق المرضي والاهتمام برأي الناس والناس حتفرح فيا والناس حتقول مطلقة والناس والناس ومحدش منهم عايش مأساتك ولا حاسس بيها ولامهتم بيكي انتي ليه تهتمي بيهم
٥- لازم تتعلمي تقولي لا خصوصا في الانشطة اليومية اللي بيفرضها عليكي ،مثلا انا مش بحب الافلام الحزينة ، مش بحب الماتشات ولا النشرة ، مش حابة اخرج ، مش عايزة كل يوم ازور اهلك خصوصا اللي ساكنين في بيت واحد لازم تتعلمي تقولي لا ، بس خدي بالك موضوع اهله دة خليه اخر حاجة لما الاول تعلميه انك مش حتعملي حاجة انتي مش عازة تعمليها في الحاجات الهايفة الاول وبعدين في الاخر موضوع اهله يعني ابدأي بالراحة وبعدين صعدي بالتدريج .
٦-شفتوا حلقة( لو ناوية تكملي حياتك مع النرجسي لازم تمشي على الخطة دي عشان تخلي حياتك اسهل) اتكلمنا فيها ازاي متشاركيش النرجسي احداثك الشخصية وايه الاخبار اللي تقوليها له وايه اللي متقوليهوش،اسمعي الحلقة دي كويس هي دي رقم٦
٧- لما يجيب سيرة الناس بسوء ماتنخرطيش معاه في الحوار ابدا ارضاء له ، الغلط غلط ومينفعش تعمليه عشانه ولا عشان غيره وهو طبعا حيكون عايزك توافقيه على كل حاجة صح وغلط ودي فرصة كويسة تتعلمي تقولي فيها لا من غير ما تمسي مصالح النرجسي فيكون رد فعله مش عنيف ويبدأ يتدرب على انك عندك حدود لازم يلزمها وانتي كمان تتدربي على انك تقولي لا
٨- ماتدافعيش عن نفسك لما يهينك او يتهمك بيني له انك واثقة من نفسك ومش مهتمة برأيه ، لان دفاعك عن نفسك بيبن ضعفك ويعرفه ايه اللي بيستفزك ودة بيكون زي ثقب في الحدود بتاعتك يدخل لك منه
٩- متحاوليش تبيني له اي نوع من انواع الحنية والاشتياق وانك عايزاه يقضي وقت معاكي والكلام دة كله لازم دة يكون بحساب مش تزني وتشتكي انه مش موجود ومش بيقعد معاكي ومش مهتم بيكي لان كل دة بيحسسه انه بيمتلكك طالما امتلك مشاعرك وكمان بيفتح حدودك بدون حساب طالما انتي بالضعف لدرجة تتحايلي على حد مش عايز يتواجد معاكي او مش مهتم انه يتواجد معاكي دة معناه انك قابلة فكرة انك مش فارقة معاه وكمان بتتحايلي عليه انك تكوني فارقة معاه ( اللي مش متأكدة ان جوزها نرجسي متعملش كدة)
١٠- لازم تقضي وقت كافي مع ناس اسوياء ولازم يكون عندك علاقات سوية مع ناس فاهماكي ومقدرة قيمتك ومؤمنين بيكي وبقدراتك وبطيبة قلبك ومتستسلميش للعزلة اللي هو فرضها عليكي ، دكتور محمد طه بيقول العلاقة السامة نقدر نعالج نتيجتها بعلاقة صحية
حلقة رقم (٦) • لو ناوية تكملي حياتك م...
اكونت الفيس بوك
www.facebook.c...
جروب ادرس عدوك النرجسي
/ kawthersanad11

[@user-id-kawthers-sanad]

حلقة الرقم (٦) : ua-cam.com/video/O8Z6HnI_ZVw/v-deo.html

[@monakamal6339]

دكتوره من فضلك عياده حضرتك فين او رقم تليفون للتواصل

[@rababmohamed4206]

انا قبل كده اخدت حبوب عشان انتحر بس ربنا سترها وفكرت اكتر من مره بعد كده حسه اني لو مت ناس كتير هترتاح من مشاكلي

[@sanaaahmmad6367]

دكتوره جوزي عرف ان اهله اهانوني وغلطوا فيه ومع ذلك عايزني اتعامل معاهم كان مفيش حاجه حصلت وشايف اني وهو لازمنكون احسن منهم وتعاملهم كويس حتي لو عاملونا وحش وبيعمل كدا مع مرات اخوه اعمل ايه هموت من القهروالظلم والغيظ علي فكره هو من النوع الي شايف انه طالما محدش غلط فيه وعامله وحش يبقي عادي حتي لو الشخص دا شتم وبهدل مراته الي هيه انا مش مشكله بيقول انه يقدر عليه بس ميقدرش عليهم مش مستوعب اني ليه كرامه لازم يحافظ عليها

[@monarekaby898]

@@sanaaahmmad6367 حاولى ما تسكتيش وحاولى ما تتعامليش معاهم الا بحدود ولو قالك عادى قوليله لا مش عادى ومع الوقت وطول ما انت مصره على موقفك هيحاول بيعدك عنهم وحتى ولو اجبرك انك تروحى روحى واقعدى كانك لوح ثلج ومتعطيش اى اهتمام ليهم وياريت تقوليلى ايه النتيجه

[@monarekaby898]

@@rababmohamed4206 انت حاولى تتعافى مش مهم الناس لازم انت تقوى نفسك بنفسك وبعدها انت هترتاحى وكل اللى حاوليكى هيرتاح بلاش تفكرى تانى فى الانتحار انت ربنا بيحبك ابتلاك لرفع درجاتك ومرضيش تكون نهيتك الكفر ربنا يثبتنا ويثبتك على الا سلام ويتوفانا وهو راضى عنا

[@safhadjou1222]

كنت فتاة جميلة .خلوقة .متفوقة .ولما تجوزت ا كرهت نفسي واتمنيت الموت الف مرة في اليوم.اما االان استرجعت ثقتي وعرفت ان المشكل فيه ومين اليوم وطالع اتبع نصاءحك كلها.بوركت استا دة

[@اميرةالفولاذ-ز4ض]

وضع الحدود ضروري للجميع نرجسي وغير نرجسي لننعم بحياة صحية

[@جميلةللطبخوالجمال-ب4ي]

بالله تعليق في محله

[@karimabenraffar7824]

كنتي فين من 30سنة؟؟؟عمرنا و شببنا راح حسبنا الله ونعم الوكيل

[@aichaadrari6213]

وانا ايضا مثلك ٢٨ سنة قهر. حسبنا الله ونعم الوكيل.

[@انرفكرك]

كل شي خيره وانسب وقت للبدء هو الان

[@حياةالقلوب-ش4ب]

الحمدلله الي هدانا نسمعها حتى لو بعد مرور سنوات من القهر اكيد في حكمة وتعلمنا منها دروس وان شاء الله نتعافى اكتر ونقدر نكمل

[@sosobeso1663]

انا. بعد ٣١.سنه واكتر من ١٥سنه اكتئاب سمعت الفيديوهات وبعد الصدمه بدأت الان في التعافي. الله معنا وحسبنا الله نعم الو كيل يعوضنا بكل خير

[@jeezawijust6099]

أنا 31 سنة وبردو أصبت بالكتئاب
الحَمدُ للّٰه عرفته ومشيت في طريق التعافي
مش هقول إني تعافيت تماماً لكن الحمدُ للّٰه وصلت لدرجة عالية من التعافي

[@hanaasabry8162]

بعد 30سنة فى هذا العذاب فهمت واتعلمت وتعافيت بفضل الله طردنى من البيت ليلا بسبب الشخصية الجديدة التى تفاجأ بها واراد كسر ارادتى وفاكر زى كل مرة هيعاقبنى فترة ثم يرجعنى لدايرته مرة أخرى وإذ بى أقرر ألا أعود استقليت وأجرت شقة وفرشتها مستعمل وعشت انا وابنى من ذوى الاحتياجات الخاصة وتجاهلت كل ضغوطه ولم اترك له نقطة ضعف يلعب عليها والحمد لله أصبحت أقوى وأفضل نفسا وبدنا أصبحت حرة كريمة صحيح هو رافض الطلاق لكن مش فارقة أهم حاجة بعيش زى ما احب واشتغل بحرية واتنفس بكرامة الحمد لله

[@سهامالليل-م3خ]

طمنتيني على نفسي أنا كنت متأذية جدا من ذهابي عند أهله في الشتا في عز البرد يسحبني أنا و أولادي عشان نروح و يقابلونا أسوء مقابلة و يودينا الساعة 7 الصبح يتعمد نروح في أوقات غريبة و بالتالي يبقوا مش طايقيني أكتر من الأول و بعد سنين قولت لأ و قولت له هروح لهم في الوقت اللي يناسبني و مش هروح معاك هروح لوحدي

[@maggieboushra7125]

اول يوم اسمع فيديوهاتك انهارده وبجد وصفتيه بالضبط وكنت يستغرب ليه انا بتوصف باقذر الصفات مع اني بفضل الله بعيده عنها وانا بتعب في الدفاع عن نفسي ربنا يكون في عوني لانه دمرلي نفسيتي فعلا لاني كنت بحبه حب غير عادي وهو لا يبالي بذلك

[@منالمراد-ز8ن]

الي مش عارفة تقلل من وقته تحاول تنام بدري لو هو بيسهر او العكس تشهر لو هو بينام بدري وكدة هنقلل الوقت الي بيحجزك بيه بالليل ...وكل حاجة بحجة العيال او البيت او تعبانه اي حاجة

[@marwaviolin]

أنا نفسي مرتاحتش إلا لما اتطلقت من النرجسي صحيح في الأول تعبت نفسيا جدا ولكن بفضل ربنا سبحانه وتعالى ثم فيديوهاتك وفيديوهات سحر النادي والدكتور أحمد فؤاد وغيرهم بتعافى وبقيت أحسن كتير الحمد لله وبرغم إني مطلقة الحمد لله معنديش مشاكل وبمعنى أدق حتى لو فيه ناس بيتكلموا فأنا لا أعبأ بكلامهم

[@وبشرالصابرين-ي2ص]

ربنا يعوضك خير

[@اممهندومعاذحسين]

ماشاء الله الف مبروووك وعقبالى

[@marwaviolin]

@@وبشرالصابرين-ي2صربك والحق لسة عندي فوبيا من النرجسيين وخصوصا لما حد بيتكلم معي في موضوع زواج ومقررة أن لو حصل كده مش هتسرع ، بس كمان لو محصلش فأنا راضية بقضاء الله ومتصالحة الحمد لله يا رب أفضل كده على طول وميحصلش معي تقلب من تقلبات الشخصية الحدية

[@وبشرالصابرين-ي2ص]

@@marwaviolin ربنا حنين كريم وان شاء الله يرزقك الزوج الصالح متدين يخاف ربنا فيكي ويعوضك كل حاجه اتحرمتي منها

[@iammeme505]

شكرا لك كثيرا 💚💚💚
الله يوفقك اعملي لنا فيديو كيف نفرق بين الشخصيه النرجسيه ومن يعمل سلوك نرجسي بدون مايكون شخصيه نرجسيه ارجووووك نحن نقدر لك مجهودك وشكرا مقدما

[@3olaqutb489]

رااائع دكتورة كوثر
بصراحه برتاح لما بسمعك وبحس انك قريبه مني
ربنا يجعله في ميزان حسناتك 🙏

[@dorrakhounicherif1271]

ربي يباركلك بصراحة أصبحت مدمنة الفديوهات متاعك انتي عاونتني برشاااااا

[@dorrakhounicherif1271]

ممكن تعمليلنا حلقة كيف نتغلب علي الزوج النرجسي المتحد مع امو النرجسية الأولى واخوته القردة الطائرة وكيف احمي أولادي منهم مفيش خصوصية او راحة انا واولادي اشياء بيستعملها زوجي للصوره في المجتمع والتقرب من أمه
مع العلم حسب فيديوهاتك عاءلة زوجي نرجسين نخبة اغنياء يعني حالتي صعبة وانا بدون سند مالي و لي ٣ أطفال فيهم ولدين مقبلين على سن المراهقة والله خايفة مع العلم انا شفت اخصاءي صنف زوجي على انو نرجسي سام خطر لانو عنيف ارجوكي محتاجة نصاءح

[@wesamibrahiem5193]

جزاكي الله خيرا .لما ابديت رفض الغلط بعد 25.سنه استنكر عليا اخذ موقف واتهمني بأني طول عمرى خايبه ولما جيت اخد موقف اخده معاه 😄😧👏 .

[@امتبارك-م2ي]

المرأة من البدايه تحذر من الارتباط بشخص نرجسي تعيش حياة مستقره سعيده بإذن الله مادامت تمشي بما يرظي الله

[@الغنيةالسعيدة]

والله بمشي بما يرضي الله وخايفة الله لكن ربي كتبلي اهل نرجسيين وزوج نرجسي وعرفته وحسيت لكن اهلي اجبروني اتزوجه ربنا ينتقم

[@zinalina8323]

شكرا كثيرا يا استاذة
كلامك ونصائحك يجب أن تكون في المعاملة مع كل الرجال ايا كان جنسه أو مرضه او دينه🇩🇿🌹❤👌

[@sosofaty4784]

الله عليك كانك عائشه معانا
شكراااا لكل المجهود الرائع ده
بجد ارتيييياح جامد لما فهمنا وازاى نتعامل صح م غير منأذى نفسنا

[@mounabelle6508]

والله نموت عليك حبيبتي مدمنة على قناتك وعلى نصايحك لانك صح تدخلي القلب ونرتاح كي نتبعك بالتوفيق حبيبتي في كل خطوة احلى تحية واجمل تحية عطرة من الجزائر .

[@tinfo982]

الحمد لله اني وضعت الحدود من سنة اولى زواج لاني بالفطرة وحسب طبيعة شخصيتي و طريقة تفكيري كنت ارفص اي حد يدخا في حياتي او قراراتي لكن ندمانة اني بقيت عايشة معاه بعدما اطلقت منو رجعنا لبعص و كنت ان الطلاق حدث بسبب الضغط وانا كنت سبب الخلاف ولكن بعد ماعرفت و فهمت ادركت انا عايشة مع الة حتى هذه الملاحظة كنت اوجها له واقول انك غريب في ردود افعالك

[@egyptian-nagla4615]

اللهم أرزقنا الصبر......😅

[@عفافالعجيري]

ممكن تتواصلي مع مش عارفة اكلمك عايزة

[@قعدهستاتحلويات]

النرجس ده عامل ذي مصاص الدماء اللي بيعيش على دماء الناس وهكذا النرجس بيعيش على حرق دم الشريك والنكد والهم والحزن اللي بيعيشه فيه

[@rokiaosama1250]

فعلا دة الوصف الحقيقي له

[@hindrestum8501]

انا بدأت احط حدود والحمدلله في نتايج كويسه وفعلا اهم شي انه الخوف اللي جوا يكون راح والف شكر

[@houda2379]

السلام عليكم ورحمه الله وبركاته اختي ممكن تفيدني بنصيحة

[@hindrestum8501]

قوي علاقتك بالله
حبي نفسك
قولي لا وحاولي تطبقي اللي بالفيديو حسب ظروفك وباشياء بسيطه الأول طبعا بعد ماتكون فكيتي التعلق وتشافيتي بدرجه كويسه
حطي نفسك اولويه ورح تلاقي حالك بتحطي الحدود تلقائي.. مثلا انا بشرب الشاي هلأ محد يزعجني وتكلمي الاولاد وهو يسمع ويفهم وهكذا

[@houda2379]

@@hindrestum8501 بارك الله فيك اختي وفقك لما يحبه ويرضاه

[@Pharma_beauty]

نصيحة اللي تقدر تهرب تهرب بلوك من كل شيء !

[@nounoubeauty400]

الله ينعم عليك بأفضل النعم نورتيلنا عقولنا بعد ماكنت حيرانة ليه تصرفات هاذا الزوج معي هكذا رغم أني مافيني ولا عيب وكنت بشوف الرجال المتزوجين في عائلتي وأقاربي ليسو هكذا وسعداء ويقدرو المرأة ويحترموها وظننت أنو العيب فيني ودمرلي نفسيتي، رغم أني كنت أشوف النساء المتزوجات في أقاربي ضعيفات وناقصات جدا عني ولكنهن محترمينهم أزواجهم ومسعدينهم ويلبولهم كل طلباتهم خرجات وفسحات وألبسة.

[@nazihamosbahi4046]

انتي ست عظيمة صح صح صح ربي ينصرك ويخليك

[@nenuphar2880]

الله اكبر عليك يا استاذة و على حنيتك. من فضلك وجهينا لو نريد شيء وهو رافض ماذا نفعل. جربت البديل أو المقابل لكنه يرفض ويستغني عن المقابل شكرا

[@user-id-kawthers-sanad]

ua-cam.com/video/3Z3ECWsbEtY/v-deo.html

[@الصبروالدعاء]

*اللَّهُــمَّ صَلِّ وسلم وبارك على نَبِيِّنَـــا مُحمَّد وآله وصحبه أجمعين* 🌿🌿🌿🌿🌿🌿🌿

[@salma9101]

ست كوثر 💜💜💜ثانكيووو على كل فيديوهاتك المفيدة 💟💟💟
حسبي الله ونعم الوكيل فيمن ظلمني وبغى على.
اللهم رد له كيده في نحره و اشغله به واجعل تدبيره في تدميره

[@amalghareeb831]

اللهم امين

[@ايمانابوالسعود-ش6ن]

معي اولاد من الزوج الأول واتنازل كثيرا حتى ينعم أولادي لأنه يعاقبهم دون علمي وانا خارج البيت ولو رفضت معاملته يعاقبني بالصمت بالشهر والشهرين وبدأت اعاقبه بالصمت ردا على صمته

[@marouanesalwa6556]

...شكرا يا استاذة. ..ربنا يباركلك في صحتك و في حياتك...المتعافية بإذن الله من تونس الخضراء.....🥰🥰🥰🌹🌹🌹🌹

[@theqh8]

دايما لايك 👍 لفيدوهات أ. كوثر سند قبل حتى الاستماع.

[@monaosama6279]

انتي خلتيني اقدر اعيش بجد انتي حد جميل

[@mohamedelhossiny966]

حضرتك فين م ٩ سنين بجد انا من فتره قليلة جدا بدات افوق فعلا ربنا يباركلك يارب ويجعله ف ميزان حسناتك

[@bushrakarim3769]

الله يطول بعمرك يا طيبه

[@أمةالله-ب3ز]

جزاك الله خيرا
حلقة رائعة مع حلقات التشافي
الله يسعدك يارب

[@غفرانكيارب-و8ض]

الله يبرك فيكي يا دكتورة انا عيشه مع وحد نرجسي ما يعرف الله 30 سنه
مش عرفه في ايه دمرني كنت اتمنااا لو سمعتك من زمان ولكن حسبي الله ونعم الوكيل

[@هندثابت-ش8خ]

الحمد لله وضعت معه حد من البداية اني مازورش اهله خالص حتى في المناسبات قليل جدا لما بروحلهم وكل لما بقل من زيارتهم بيحترم نفسه وهم كمان احترمو نفسهم ونفسيتهم تعبت

[@esheshfteiha7977]

كلام حضرتك جميل جدا ومفيد بإذن الله
لكن ياريت حضرتك الكلام يبقى بالراحة شوية
لانه سريع جدا
وجزاكم الله خيرا حبيبتي

[@رياضهب]

اغلب الرجال نرجسيين طيب !!! هل ممكن النرجسي يكون متدين ولماذا اذا انشغلت عنه ساعه ينهار ولابد الكل يكون حوله في الوقت الي يناسبه وعاوزه !!!🤨 الله يجزاك خير وينور حياتك لأن الانسان السوي يعتذر ويخاف يظلم ولا ينام لوحس أنه مزعل حد هؤلاء بلا قلوب ولا مشاعر كلها أقنعه لايستطيعون مواجهه حتى أنفسهم ولا يحبون المواجهه نهائي ولا الحوار ... أحس صرت نرجسيه أصليه أصيله🤣🤣🤣

[@omtote6585]

يسلم فمك ياحبيبتي ويحفظك ربي انت علمتينا الكثير

[@Sencer69]

أحبك في الله 💗💗💗💗

[@ريماحمد-ذ3ه]

بالنسبة لموضوع الكلام عن الناس بالسوء انا مابتفق معاك فيها أبدا دفاعي وعدم موافقتي للكلام عملي مشاكل كبيرة جدا وأنه انا واقفة مع الناس كلها ويدافع عنهم الا هو بصراحة كان باب كبير لغضب نرجسي هو دفاعي عن الناس

[@duhaa.abdullah1562]

مش لازم تدافعي هناك طرق عديدة ...تسكتي مثلا ..ماتعطيش تفاعل ..أصلا الغيبة حرام !!

[@NouNou-y1r]

بارك الله لك في صحتك.احبك في الله تحية مغربية عطرة💓💓💓👍👍👍👍👍

[@nazihamosbahi4046]

دكتورة انا اليوم كنت بعمل رياضة وجعتني رجلي طلبت منو يجيب دواء ما جاب انا ما حكيت شيء لكن تركتوا جيعان وما حطيت الطاولة وقعد بستنى حكيت رواية وقعدت اقرا ما حكى ولا كلمة وراح واصل بالطريقة انا ولا ممكن اخليه يعمل هيك

[@dorrakhounicherif1271]

صدقني انتي ونوعية النرجسية هو ممكن يخرج ياكل ويخليك كمان جوعانة بالعكس وريه الي انتي موش مستحقة كرمو

[@AnisAyouni-ph7mc]

لك ثواب عظيم عند ربنا.

[@sherndawod8109]

انا بحب حضرتك جداواستفدت كتير منك

[@nohaahmed8857]

جبتي كل التحكمات الي حصلت لي والله 💔 وكنت للاسف اوافق. اففففف مني كيف كنت 😭😭😭

[@Nameertrabulsi]

الحلقة مهمة لأبعد الحدود

[@duhaa.abdullah1562]

الله يعطيكِ العافية ..حلقة غاية في الاهمية ..❤❤❤😘

[@امهمسه-س5ج]

لايك مليون لايك قبل المشاهده

[@marinabegoold7275]

تبارك الله عليكى بجد كلامك ذكى جدآ وصحيح

[@user-pq7ux9xo1s]

يا دكتورة النقطة الأخيرة.. كيف ما استسلم لكلامه اني ما اخرج او اروح لأحد او اعمل اي حاجه الا بإذنه.. كيييييف اعمل

[@wisalrashid6410]

ابداي بحاجات صغيرة زي انك تنزلي الدكان تحت او تروحي زيارة قصيرة للجيران وابقي زودي شوية بشوية

[@wisalrashid6410]

وساعات لما يكون مشغول او مريض ابقي استغلي الموقف واعملي شوية حاجات من غير ما تساليه

[@Mona-mx9jt]

كلامك دعم نفسي انا الحمد لله نفسيا مستقله وتشافيت من قبل اعرف انه نرجسي

[@noraalwali7602]

ذائما يهينني ويقلل من قيمتي وانا اتفاعل وابرر له لكن الآن تعلمت منك اني اطنشه وفعلا لما عملت كذا بدا الان يحترمني ويحسب لي

[@املوجدي-غ6ف]

السلام عليكم،دكتورة ماشاء الله عليك،معلومات قيمة وفي المستوى جزاك الله خيرا،ممكن تفهميني النقطة ٨ كيف يكون الدفاع عن النفس يعني بالصمت أو كيف؟فضلا لو تشرحي لي،الله يحفظك🤲

[@samiahassan6461]

الله يبارك لك يادكتورة مجهود رائع ونصائح مفيدة جدا 🌹🌹🌹🌹

[@بتولبتول-ق2ز]

ممكن حضرتك يادكتور ه.تعمل.فيديوعن.حماه.النرجسيه.ازي.اتصرف.معه.لم.تقول.انت.خاينه

[@kristeenagamal2304]

انا بحبك جدا يادكتوره وكل يوم بشوف فديوهاتك وبتساعدني جدا شكرا جدا لحضرتك

[@سحرفيصل-ض9و]

اجمل ما في القناه حضرتك بتفصلي بطريقه عمليه جدا.

[@الوعيقوة]

استاذة كوثر. كان عندي صديقة كتير بتحبني وبتسندني وكان كل يوم يشتم فيها استشرت إمرأة كبيرة بالسن قالت لي هو لما انت بدافعي عنها امامه بزيد حقد وغيرة منها لما يجي يتكلم عليها. قوليله فعلا كلامك صح وجاريه بالكلام.... للاسف فعلت بالنصيحة طبعا البيت كله لجهزة تسجيل كان مسجل كلامي عن صاحبتي وقصه اللي محتاجه وارسل كلام لاخته وبتالي اخته ما ارسلته لها لكن طلبت مقابلتها وسمعتها الكلام وانقطعت صداقتنا وكرهتني كره شديد وانا كان نيتي اخرسه ويبطل يسب ويشتم ويهين فيها وهو كان بحفرلي فخ.

[@duhaa.abdullah1562]

بإمكانك إرسال رسالة لصديقتك.. توضحي لها سبب مجاراتك لها .. وتحكي له كل القصة.. فقط للتوضيح حتى لو لم تعد الصداقة... أو توسطي واحدة تشرح لها.. بعد فترة لما تهدأ..

[@زغلولهانم]

فعلا بقيت اعامله بمعملته بقا يستغرب ويقولي تربيتي 😎🙄🙄

[@dt-aljanad5564]

هههههههههههههههه

[@sofamohamed2028]

لازم ينسب الفضل لنفسه

[@nehadamber8932]

هههههههههههه

[@olaalzaibak4363]

طيب لو سمحتي من وين بدي جيب علاقة سوية وانا ما بحب الاختلاط بالناس .يعني انا ما بكره الناس بحد ذاتهم بس انا رسامة وبحب قضي وقتي لحالي عم ارسم ولما اقضي وقت مع الناس بحس طاقتي خلصت بدون نتائج إيجابية و اني ما استثمرت وقتي وما ربحت شي لا بالدنيا كعائد مادي متل ما بيجيني بالرسم ولا بالآخرة كثواب لأنه أغلب الناس حوارها مو عن العبادة والدين بل عن اللبس والاكل والاولاد وشكوى من هموم الحياة . حتى لو بدي اعمل علاقة مع الناس المتدينة عم تكون لفترة قصيرة كتير متل ساعة بقضيها بالمسجد مع صديقاتي ونحنا نحفظ قرآن بس هيك علاقة هي سطحية كتير يعني بتقتصر على مشاركة اهتمامات فقط ما فيها أمور شخصية، هل هيك علاقات كافية وتعتبر صحية ولا أنا عندي مشكلة ولازم لاقي علاقة متينة ؟؟ مع العلم انه انا مو قاطعة أهلي بس كل واحد ببلد ما عندي غير اخت وحدة بالبلد وعلاقتي فيها قوية أما الأقارب الابعد مافي اهتمامات مشتركة بس بشوفهم بالمناسبات و تعامل لطيف بس سطحي.

[@زغلولهانم]

يعمل ثقب ف طبله الاذن
او ارتجاج ف المخ ناس طيبين حقيقي
ربنا كفيل بيهم

[@marinabegoold7275]

هو مش عايز يوقف الاهانه أمام أوادلادى

[@user-id-kawthers-sanad]

شوفي حلقة الطريقة الصحيحة للتجاهل ،ونفذيها ، شوية شوية حيبطل

[@shoshoradwan5378]

ربنا يبارك في عمرك ويمتعك بالصحة والعافية وزادك الله علما ونفعا

[@Sali-or7ck]

لما اخذت موقف ، و قررت اوقفه عند حده، وطلبت منه يغير تصرفاته ، راح المحكمة و طلب الطلاق 😢

[@ironhero3607]

عل طول كذا هههههههه لا تحزنين هو مبيت النيه من اول ابدي حياه جديده وكل مااختاره الله خير

[@فاطمهالعبدالله-ق9ب]

انا سويت حلقات التعافي وزرت اطفال الايتام ودار الرعايه انسطت كثييير

[@AsmaMebarkia-z3c]

عاونتيني بزااف شكرا

[@afafarafa1519]

هل ممكن تفيديني في ابن اصيب الوسواس القهري نتيجة نرجسية ابوه حسبنا الله ونعم الوكيل فيه بدأنا العلاج من ١٥ سنه ومازال مريض

[@aichachaarani6094]

لماذا النرجسي الضعيف رغم انه يعيش على قوة ضحيته وعلى اهمية تحملها للمسؤؤلية واتخاذها للقرارات بدل عنه الا انه يدخل في صمت عقابي لشهور

[@user-po4if3bg3s]

هيك اسلوبهم
وعالفاضي صدقيني.. بالاول وبالاخر بدهم وقود
بدهم حدا زيي و زييك يضل يحكيلهم انتو مافيش زييكم .. انتوا وإنتوا وإنتواا
والنرجسي بس يشوفك مبسوطه مستعد يختلق مشكله عشان يخررب عليكي فرحتك وسعادتك
لانه النرجسي بنجن بس يشوفنا مبسوطين

[@alihamed5889]

الله يباركلك انقذتي حياتي

[@طورذاتك-ب4ع]

حبيبتي يادكتوره ربنا يزيدك من علمه ويجازيكي كل خيير ويبارك في عمرك وصحتك ياررب 🙏🙏،❤️❤️

[@سيدهالضوء]

جزاك الله خيرا مجهود رائع

[@Nameertrabulsi]

الله يسعدك سعادة الدارين يارب والله لإدعيلك كل عمري

[@user-mt1ph3gc8e]

ايه نهايه النرجسي في الدنيا هيستمر مهما اهملوه من حوله ولا ممكن يصاب بالجنون ولا يموت من القهر

[@user-id-kawthers-sanad]

اذا استمر اهمال اللي حواليه له ووقفوا الوقود النرجسي تماما بيحصل له ذهان وممكن يؤدي للانتحار

[@user-mt1ph3gc8e]

@@user-id-kawthers-sanad جوزي بقي يقول كلام غريب ورد مش مفهوم وتصرفات غريبه حتي ولاده لاحظو ده ومش بينام تقريبا
هو ده الذهان ولا ايه اعراضه

[@الزهراءالدميري]

بصراحة انا بستفيد جدا جدا من حضرتك جزاكم الله خيرا

[@زغلولهانم]

اخر طلب صعب يا دكتوره غالبا زي مقولتي قبل كدا اننا مغنطيس للعلاقات غير السويه
احيانا تكون عزلتنا هي دواء لينا واستجماع لقوتنا

[@user-id-kawthers-sanad]

عزلة مؤقتة بس بعدها لازم تفتحي حياتك لنور الشمس ، العزلة الطويلة تجيب اكتئاب متستسلميش

[@belkisbakko2643]

@@user-id-kawthers-sanad ان شاء الله تشرق الشمس في حياتي

[@melissacc8681]

@@user-id-kawthers-sanad طيب انا في عزله طويله ..ولا عندي صديقات ...واغلب أقاربي لا يحبوني ولا يعطوني قيمه أو احترام ....ماذا أفعل انا مضطره اعيش في عزله....

[@زغلولهانم]

@@user-id-kawthers-sanad هي فعلا عزله مؤقته استراحه محارب
لكن اعطي ايحاء لمن حولي بعكس ذلك واتمني ان لا تغيب عني نفسي كثيرا لاني خزلتها كثيرا لكنها مشيئه الله حتي اتعلم من دروس الحياه اكثر
شكرررااا كتير لردك يا بشمهندسه ☺☺

[@fatimaali3384]

@@melissacc8681 حبي نفسك و اديها قيمتها اعملي لنفسك جو جميل نظمي وقتك و حياتك اقري كتب اسمع كورس الثقة بالنفس و اخرجي و ستغلي و ان شاء الله رب العالمين يرزقك الصحبة الطيبة

[@asiasaddik1157]

دكروا الله سبحان الله وبحمده سبحان الله العضيم

[@Ikramadkarwaadia]

ua-cam.com/video/4A7C1byyrzI/v-deo.html

[@البندري-ه8ن]

"سبحان الله وبحمده، سبحان الله العظيم"،

[@adamzein296]

ربنا يسعدك يارب انتي جوهره ثمينه ،❤️❤️❤️❤️❤️❤️❤️❤️❤️❤️❤️

[@brightsun5254]

استاذة ممكن اقول لاء بعد ٣٠ سنة لان عن طريق فظيواتك وكيف اعمب علاقة صحية وملنعني من كل العلاقات حتى مع اخواتي

[@NadaA-vy3yf]

انت ذكرت الحدود لكن هو لايستجيب وليس لدينا سلطان عليه وهو لايلتزم بالحد فكيف اجبره

[@بتولبتول-ق2ز]

ازي اتصرف مع حماتي النرجسية بعد أما فرق بين أنا واهلى

[@nuraalhusaini4329]

حلقة بتجنن

[@maymagdy87]

انا بشكر حضرتك عالفيديو دا وكل فيديوهات حضرتك الصراحه ربنا ينفع بيكي ديما, ومن متابعتي للفبدوهات تيقنت ان والدتي نرجسية, انا للاسف ضحية امي عندي 31سنه ولسه ربنا مأذنش انه ينقذني منها بالموت او بالزوج الصالح او بأي طريقة يعني فهي بتتحكم فيا بطريقة بشعه كل حاجه لو حتى حاولت اعافر وابني لنفسي اقل الحدود او اعمل اي حاجه من الحلول دي بتحاربني بكل ما تملك من الاسلحه حاولت اروح لاخصائيه نفسيه وللاسف عرفت و قاطعتني وعرفت اخواتي ومرجعتش تكلم معايا الا لما بطلت اروح ,حاولت اتعلم مهاره جديده وقولت اتعلم السواقه برضو نفس الحرب بس المره دي اصريت اني اروح اتعلم والنتيجه انها على طول مش طيقاني ومش بتكلمني
مشكلتي الكبرى اللي اتمنى من حضرتك تنصحيني فيها هي انها لما بتمارس عليا الصمت العقابي ويتقلب عليا جامد بتحبسني ف البيت وبتمنعني من النزول من البيت بتترجم دا اني كده متربتش ومش محترمه حتى لما كنت مخطوبه (خطوبتي باظت وجزء كبير من دا بسببها برضو) كانت بتمنعني من النزول معاه حتى لو كنا متفقين وواخده اذنها مسبقا بس مادام حصلت مشكله بينا انا وهي يبقى مش هينفع تسيبني انزل ف انا مش بعرف اقولها لا ف اي حاجه تفرضها عليا لاني كده بطلع متربتش و(طبعا هي بتشتم شتايم اقبح من كده كتيروبتكون شتايم واهانه مؤذيه )
هل اعاند وافتح الباب كده وانزل حتى لو هي قالت لا مفيش نزول؟

[@khuloodhari9138]

هذا ما حصل معي فعلا هو بدا التصعيد بكل اشكال الاساءة لحد ما حاول يضربني ولما رفضت تماما الضرب وهربت من البيت وكبرت الموضوع وما رجعت الا بشروط عليه بعدها رجع زي اول ما خطبني حب وغرام ومدح وما قدر يرجع يحاول يضرب نهائيا
طبعا بحاول يرجع يسيء بس بحذر شديد مني وخوف

[@الزهرهالسجينة]

معلش حبيبتي ممكن تقولى لى اى الشروط اللى فرضتيها علي زوجك لان انا واقعة فى نفس المشكله اليومين دول وللأسف مش عارفة اعمل اى ومعنديش حد ينصحني

[@فاطمهالعبدالله-ق9ب]

احذفته اروح واجي واعتمدي على نفسي في كل شي

[@توتة-س2م]

انا تعلمت كروشيه و صار يطلع معي كتير قطع حلوة .. مع محاربته لي ... و ما في أي مجال للاسف أن اقدر ارجع له .. هو رافض بشدة و كنت اشتغل بغيابو .. بس هلأ دوامو جدا صار قليل ... يا دوب ألحق اشتغل أشغالي بغيابو ..

[@shafiaasultan5636]

فعلا انا وصلت مرحلة فكرت في الإنتحار عدة مرات

[@aminaahmed1276]

ربنا يخليكي لينا زي مانورتينا

[@aliaaabdelgleel7634]

انا بحبك جدا برتاح لما اسمع صوتك

[@rokiaosama1250]

كل كلامك صح لدرجة أن مش قادره أتخيل ازاي كنت مرتبطة بواحد زي دة .. لا وكأني كنت منومة مغناطيسيا وللاسف كسرني .. كسرني لدرجة حتى أن مش قادره اسامح نفسي أن ازاي كنت منومة مغناطيسيا كدة وكنت بقول أن بحبه 😢

[@drines6532]

اشياق ايه يا استادة دا احلى وقت بقضيه وهو برا

[@chamss2335]

👍👍👍

[@hanamohamed7911]

اكيد طبعا

[@aferzahia195]

والله يا حبيبتي انا كان فيه خناقة ونزل فيها قلت أدب وسب ولما ردت عليه عمل صمت عقابي لمدة 2 شهرين والآن كنت مظطرة أن اتكلم معها لأن بسبب مصلحته ابنى لكن هو زايد فيها ولما وجهت وقلتل ليه دى المعملة ذكرنى بالكلمة الشتيمة إلى قلتهالو
لان عمرى ولا ردت عليه بشتىمة
ردت عليه وفلتلو أنا مش ندمنة لان هو أول من غلط في حق وقلت كلام جارح
والله ماعرفت ازاى أتصرف معه لان بأثر في ظروف الاولاد

[@karimaakrim6506]

انت نورتي بصيرتي ...شكرا

[@nazihamosbahi4046]

بيشتغل طول الوقت الحمد الله نص ساعة بس

[@فاطمهالعبدالله-ق9ب]

ورحت اليله بفتح محظر لوضع حدود مارضو قالو مصيره السجن

[@islamsultan345]

استاذه كوثر عاوزه اقول لحضرتك اني أعرف حد كانت بطبق الكلام دا كله وشخصييتها اقويه وعاملاله حدود وكان بيحترمها وعمره مااتعدي عليها قولا ولا فعلا لكن طبعا مشاكل العطاء المفرط والطيبه المفرطه ودي خلتها تتنازل عن حقوق ليها كثير وكانت بتقول خلاص طالما البيت مستقر والولاد كويسين وتربيتهم سويه ومافيش مشاكل تضحي ولادها يستاهلوا لكن النفاجأه الكبرى انه كان بيطعنها في ظهرها وبيقول عليها كلام عكس حياتهم تماما وانها ست سيئه ومصايب سوده تانيه كثير يعني كلل الناس تعرف انها سيئه وهو مظلوم في حياته معاها الا هي ههههه مع العلم من اهله يعرفوه تماما وعارفينه شيطان لكن شمتانين فيها حقدا وحسداا وغيره مش طبيعيه منها والمثير للقرف اكثر ان ليه اخت زيه تماما حياتها مدمره ولكن بتشجعه وبتقوله ان هو كان بستحق الانسانه الافضل وبتعيط عليه علي اساس انها بتحبه موت وبتقوله ان زهره شبابه راح ياحراام هههه ومع العلم ايضا ان همه دخلوا بيوت البلد كلها بحثا عن عروسه واترفض المهم ان بعد عشرين سنه هههه اخدت القرار الصح وانفصلت ..والحمدلله رب العالمين

[@مريمتكروني-ظ7ط]

فعلاً والله يطلب مني اني ما امسك الجوال واجلس معاه وهو مايفتح اي موضوع ولاتكلم بكلمه وحده يجلس ساكت طول الوقت

[@عبداللهالعراقي-ت2ض]

امي عاشت مع النرجسي لمدة ٣٠ سنه وتوفت بجلطة ناتجه عن ارتفاع ضغط الدم..والدي النرجسي عيشنه مأساة..ولان انا مع زوج نرجسي

[@fatimaali3384]

الكلام في هذه الحلقة روعة كل عادة 💕💐🥰ربنا يبارك فيك يا استاذة كوثر .

[@rodysamy9570]

اقسم بالله قبل ما اسمع حضرتك
واعرف انه شخص نرجسى
انا كنت هاخد شريط برشام يوقف الدوره الدمويه ويعمل هبوط حاد واخلص من حياتى

[@noraalwali7602]

يادكتوره انا بحبك كثير جدا ومعجبه بفيديوهاتك انا متزوجه لي عشرين سنه وزوجي اكتشفت انه نرجسي ولما بديت احط له حدود راح تزوج عليا