إختلاف الورثة ؟ ومتى يتم تجديد رخصة السيارة بأغلبية الأنصبه ؟
Вставка
- Опубліковано 15 вер 2024
- ممنوع الدخول؟
www.youtube.com...
www.youtube.co...
- الميراث من أعقد المشاكل الاجتماعيه التى تؤرق الكثير منا - فما هو الحل لو فيه سيارة موروثه والمرحوم مالك السيارة له ورثه كثيرين ومختلفين حول ترخيص السيارة - بين موافق ومعارض للترخيص؟ فى هذا الفيديو بنوضح الوضع القانونى عند الرغبه فى الترخيص بأغلبيه الأنصبه وفقا للقانون المدنى المصرى وقانون المرور 66 لسنه 1973 المعدل بالقانون رقم 121 لسنة 2008 ------ لو الموضوع يهمك تابعنا للنهاية أكيد ها تستفيد
- رابط مصر الرقميه
digital.gov.eg...
- رابط موقع المرور المصرى
- traffic.moi.go...
#رخص_القياده
#مستشارك_المرورى
#Ehab_Atiea
انا عندي نفس المشكله السياره ملك والدي و توفي علي حياه جدتي و انا و اخوتي و امي نمتلك اكثر من ٧٥ بالمائه من قيمه السياره بحسب الاعلام الشرعي و المرور رفض الترخيص الا بحضور كل الورثه و جدتي رافضه تبيع او تتنازل و رافضه تعملي توكيل علشان ارخص علي الرغم اني كنت برخص قبل كده لمده ٩ سنين فاتت بدون الرجوع لجدتي
كده لازم ترفع دعوى إلزام على جدتك وعلى المرور علشان تعرف ترخص
السلام عليكم لو سمحت والدي توفي وسايب سياره واحنا 4 بنات وولد واحد 3 بنات والولد متفقين انهم يجددو ترخص السياره لكن زوجه الاب رافضه او تبيع نصيبها وهي واصيه علي بنت واحده قاصر اي الحل اننا نجدد الترخيص مع العلم السياره في حيازتنا وشكرا مقدما
-وفقا للقانون المدنى الترخيص بيكون بأغلبية الأنصبه (الزوجه الرافضة الترخيص لها الثمن ( يعنى لها 3أسهم والباقى للأولاد 21سهم للذكر مثل حظ الأنثيين - تمام كده - يعنى الولد ضعف البنت
- ال3 بنات وولد " الأشقاء " لهم (17 سهم ونصف )
- والأخت غير الشقيقه لها 3 أسهم ونصف
- يبقى الموافق على الترخيص ( ولد و3 بنات ) ( 17 ونصف سهم )
- والرافض للترخيص ( زوجة الأب وبنتها ) ( 6 سهم ونصف )
- للأسف قانون المرور بيشترط موافقة جميع الورثة وتحرير اقرار مسئولية بإختيار احد الورثة مدير مسئول عن السيارة - شوفى حد من الاقارب له تأثير على زوجة الأب حاولوا تريحوا بعض فى توزيع الميراث لتوافق على الترخيص لأنه فى جميع الأحوال ها يبقى بإسم الورثة - طيب لو رفضت ؟ بقى حاجه من الإثنين :-
1- هاتى موافقه النيابة الحسبيه على تجديد الترخيص بإسم الورثه حرصا على مصلحة القصر
2- دعوى الزام على المرور وعلى الورثة جميعا المذكورين فى اعلام الوراثه والمرور ها يرخص بالحكم بإسم الورثه - بس بتظهرمشكلة فى البيع بعد كده لازم موافقة جميع الورثه برده أنا كمشترى مش هاأشترى عربيه الا ربع وادخل فى مشاكل مع الورثه
2- يبقى علشان نقفل باب الخلاف بعد كده - المحامى ها يرفع دعوى قضائيه ( فرز وتجنيب " او " قسمة واختصاص " طالما مش عارفين تريحوا بعض فى تقسيم الميراث لتقرر المحكمة تخصيص السيارة لأحد الورثة وتحديد نصيب كل وارث فى الميراث
لو سمحت العربية ملك والدى المتوفي والعربية ليها ورثه بالغيين وعددهم 6 وفى واحد فينا رافض تجديد رخصة العربية والمرور بيقولي لازم توكيل ادارى والورثه كلهم يوقعو علشان تقدر ترخص مع العلم ان معاية اعلان الوراثه ارجو ايفادة حضرتك وشكرا جدا لمجهودك
ممكن الترخيص وفقا لأغلبية الأنصبه لو المراجع "دكـــــر "وفقا لنصوص القانون المدنى
بس المرور بيخاف يدخل فى خصومة مع الطرف الثانى وبالتالى بيطلب احضار توكيل من جميع الورثة - حاول مع اخوك تانى
انا توفيا والدي وخلا سيارة رخيصة فتمن ومعندناش ولد عمي وعمتي موافقين ليا بس عمتي وحدة متتكلمش معنا ومستحيل توافق عشان هيا برات لبلد عندي ورقة عدد موتي ولورتة شو لحل عشان اغير سيارة باسمي
1- طيب لو فيه عقد عرفى ببيع السيارة من الوالد لك قبل وفاته ممكن تأخذى عليها حكم محكمة بصحة ونفاذ عقد البيع لو سابق على الوفاة - تمام كده والمرور ها يرخص بالحكم القضائى وتستخرج الرخصه بإسمك
2- لو مفيش عقد عرفى سابق على الوفاة - يبقى قانونا السيارة ترخص بإسم الورثة بس لازم يكونوا جميعا موجودين سواء بأشخاصهم او بتوكيلات امام المرور للتوقيع على اقرار مسئولية
3- علشان ترخصى بإسمك لوحدك يبقىلازم عقد بيع من جميع الورثة الموجودين بإعلام الوراثة - يبقى شوفى الحل الأول بعاليه - وشوفى الحل الودى قبل الرجوع للمحكمة حرصا على صلة الرحم
السلام عليكم استاذى الفاضل استولى اخو زوجى على سيارته ورخصتها بعد ان توفاه الله ولم يقم بابلاغ اداره المرور بوفاه اخيه صاحب السياره وهو واخوته ورثه معى لعدم انجابى فكيف اجبرهم حتى ينقلوا ملكيه السياره باسماء الوره كلهم وبيعها وهل اقوم بابلاغ اداره المرور ان مده السته اشهر مرت دون ان يقوم باى جراء ناقل للملكيه حتى اخلى مسئولتى من اى غرامه او مخالفه على السياره ............ وشكرا لحضرتك
1- معاك صورة من شهادة الوفاة وإعلام الوراثه إعملى إنذار مباشر للمرور على يد محضر بعدم التعامل على ملف السيارة لوجود خلافات على السيارة وها يحاول يتراضى معاكى لأن حال السيارة ها يقف مش ها يعرف يبيع لحد - والأنصبه ( الزوجه الربع ) والأخوة الباقى 3/4 السيارة - تمام كده -
2- وأى مشترى ها يخاف يشترى العربيه لأنها كده (عربيه إلا ربع) وفيها مشاكل بين الورثه وبالتالى لازم التراضى بينكم - تمام كده-
@@EhabAtiea الله يباركلك يا رب
لوسمحت دلوقتي احنا ورثة ابنة وابن وزوجة الزوجة مسافرة برة في المرور بيقولي لازم كل الورثة هي منقطعة اقدر اعمل ايه
الزوجه ال1/8 - الولد والبنت الباقى 7/8 تمام كده -
1- وفقا للقانون المدنى أعمال الادارة تجوز بأغلبية الأنصبه - وبالتالى يجوز التجديد بإسم الورثه لمن يمتلك أغلبية الأنصبه لأن الرخصه ها تبقى بإسم الورثه والمسئول واحد منهم - المرور بيخاف يدخل فى مشاكل بين الورثه وبعضهم فيشترط حضور جميع الورثه او توكيلات عنهم علشان إقرار المسئولية فى المرور - تمام كده -
2- خلى الزوجه تعمل توكيل من الخارج بتجديد وترخيص السيارات ماركة كذا موديل كذا - بإسم الولد او البنت وفى المروربترخص بالنيابة عن ( بنت المتوفى وزوجته ) وتقوم بعمل إقرار المسئولية بالنيابة عنهم والرخصه بتطلع بإسم ورثة المرحوم فلان........... حياذة فلان
@@EhabAtiea هي للأسف الزوجة مسافرة ومفيش أي تواصل معاها
طالماعلى قيد الحياة حاولوا التواصل معها تبعث توكيل لحد من الورثة
والدى قبل وفاته قام بتجديد الرخصة لمدة ثلاث سنوات . والورثة انا واختلا وأمى ولا يوجد قصر . اعطيت لأامى واختى حقهم من المال..فهل يوجد طريقة حتى اضمن حقى بدون نقل ملكية وبدون تسجيل فى الشهر العقارى . هل يكفى توقيع منهم على تنازل والا اعمل ايه؟
عقد بيع موثق فى الشهر العقارى وريح بالك طالما تراضيتم مع بعض
بيقولوا التوثيق دلوأتى فوق خمسة الاف جنيه للسيارات فوق موديل 2104 وفوق 1500 cc علشان كده انا عايز اهرب من النقطة دى
@@EhabAtiea
وللأسف حكم الصحة والنفاذ كما بقى بيلزمك بسداد مبلغ فى الشهر العقارى
طيب عندى مشكله ياريت الرد عليها لان ممكن توصل للدم ارررررجوك انا جدى توفي وتارك سياره وكان والدى شريك فيها بالنص والنص التانى بقي ورث بينه وبين اخواته ال4 وابوهم قال السياره كلها ملك لوالدى ولكن بعد مامات جدى انكرو كلام جدى المهم والدى خلصهم كلهم مبقاش غير فرد واحد مش عاوز يحل ولابفلوس ولااى طريقه للحل واصبح والدى يمتلك توكيل من كل اخواته +نصيبه النصف ولايوجد قصر ولاااطفال وواالدى مش عارف يجدد خالص لان المرور مش راضي غير بموافقه كل الورثه حتى لو فاضل واحد بس ومش لاقين حل ممكن حل قانونى ارجوك السياره بقالها سنه واقفه وهى ايد ورجل والدى ووالدى راجل معدى السبعين ارررجوك الرد
المسائل من هذا النوع بتتحل قاعدة مصطبه _ تمام كده -
1- مفيش فى القانون حاجه اسمها جدى قال لأولاده ان العربيه لأحد الأولاد - السيارة مقيده فى المرور بإسم شريكين واحد توفى والثانى على قيد الحياه يبقى ورثة الشريك المتوفى بما فيهم والدك شريك بالنصف بالميراث وصاحب النصف الآخر من البدايه من حقه يرخص بأغلبية الأنصبه وفقا للقانون المدنى
2- اذا فشل الحل الودى بين الورثه يبقى لازم اللجوء للقضاء لأنه ما ينفعش نقسم العربيه بين الشركاء والقانون مع صاحب أغلبية الأنصبه حاول تتراضى مع عمك ا و الشريك الرافض للترخيص لأن الحل القضائى بيأخذ وقت شوية
ازى اخو ابوك عرف يوقف ترخيص السيارة من المرور مع ان ابوك معه اكتر من 75 % من السيارة ؟؟؟
السلام عليكم توفي الابن قبل الاب وترك زوجه وأولاد وبنات كلهم بالغون طبعا الأب له السدس في ميراث ابنه وعم يأخذه اويتنازل عنه وبعد فتره توفي الآب وله أبناء وبنات كلم بالغون نصيب الآب السدس سيكون ميراث لهم ومعهم أبناء الابن وصيه واجبه من ضمن الميراث سياره قيمتها ثمانون ألف بل أقل انتهت الرخصه من عامين والآن يريد ابن الابن شراء السيارة والورثه علم موافقون على البيع ما عدا الأعمام والعمات و طبعا نصيبهم اقل من السدس رافضين البيع والتوقيع ما الحل ربنا يبارك في حضرتك تراض مفيش حتى لو أعطيناهم ارواحنا هم رافضين لمجرد الرفض لان هم مرتاحين ماديا ومفيش غير اخوهم داوهو على قد حاله وهو السبب في غناهم ولكن اتكرو كل شي إيه الحل ربنا يكرم حضرتك تقول الرد بالتفصيل جزاكم الله خير
1- دلوقتى فيه 2 إعلام وراثه الابن المتوفى فى حياة ابيه وهو مالك السيارة ( الزوجة ال1/ 8 - الأب ال1/ 6 - الباقى لأولاده )
2- توفى أبو مالك السيارة المتوفى فى حياة أبيه -( صاحب ال1 /6 فى عربية إبنه - تمام كده - يبقى ورثته كلهم بما فيهم اولاد ابنه المتوفى فى حياته لهم وصية واجبة فى 1/6 السيارة وتركة جدهم - التركة توزع كالتالى :-
-الزوجة 24÷8 = 3 أسهم
-الباقى 24 - 3 = 21 سهم
-الأب 21 ÷6 = 1/2, 3 سهم
- الباقى لأولاد المتوفى "مالك السيارة "1/2 ،17 سهم
قيمةالسيارة 80000 جنيه
نصيب الزوجة 10000 جنيه
الباقى 70000 جنيه
نصيب الأب " والد مالك السيارة" 70000÷6 = 11600 جنيه
الأولاد 70000-11600=58400 جنيه
- يبقى الزوجة والأولاد بالأسهم ( 3+1/2 ،17سهم = 1/2 ,20 سهم ) من 24 سهم
- والد المتوفى 1/2, 3سهم
-الزوجه والأولاد بالمال ( 10000+58400= 400, 68 جنيه)
- نصيب والد المتوفى بالمال ( 600, 11جنيه )
بعد وفاة والد المتوفى الكل شركاء فى ال1/6 بما فيهم اولاد ابنه المتوفى فى حياته بالوصية الواجبه
ال1/6 اللى هو ( 1/2 ,3 سهم بقيمة 600 ,11جنيه )
-المرور ممكن يرخص بأغلبية الأنصبة لأنكم معاكم النصيب الأكبر ( بالميراث عن والدكم + بالوصية الواجبه فى ال1/6اللى كان لجدكم ) ده وفقا للقانون المدنى من يمتلك أغلبية الأنصبة من حقه الترخيص بس المرور بيخاف يدخل كطرف فى المشاكل بين الورثة
- حاولوا ثانى مع أعمامكم عماتكم ربنا يهيدهم شوفوا حد ليه تأثيرعليهم كرجال الدين - الأقارب -وأكيد ها يخلوا عندهم دم
- إرفعوا عليهم دعوى إلزام بالترخيص والحكم اللى ها يصدر المرور ها يرخص بيه
طيب لو السيارة مافيهاش قصر واحنا نصيب الاغلبية وعايزين نبيع وباقي الورثة النصيب الاصغر مش عايز يبيع
1- وفقا للقانون المدنى من حق الأغلبيه التصرف -
1- بس أنا كمشترى ها أخاف أشترى السيارة من بعض الورثة دون البعض الآخر وها أوجع دماغى ليه فى مشاكل بين الورثة ؟ إيه اللى غاصبنى على كده ؟ - كان عندى مشكلة صيدلى من حوالى 20 سنة اشترى من أغلبية الورثة وتبقى نصيب صغير جدا لأحد الورثه - فعرفته أنه هناك فرق بين البيع وبين الترخيص
2- من ناحية الترخيص هاترخص السيارة ومعاك شريك وفقا لأنك صاحب أغلبية الأنصبه بس ها تيجى تبيع لازم ترجع لهذا الشريك وفعلا الشريك مش عاوز يبيع - بعد حوالى 5 سنين وبعد محاولات مع الشريك باع بسعر مضاعف ومغالى فيه بس الدكتور كان مضطر علشان يعرف يتصرف فى السيارة
3- السيارة من الممتلكات التى لا يمكن تجزئتها وبالتالى لا بد أن يكون هناك إنهاء لحالة الشيوع و إتفاق وتراضى من جميع الورثه على البيع " سواء بالتراضى او بالتقاضى " يمكن اللجوء للمحكمة لعمل قسمة وإختصاص "فرز وتجنيب " للممتلكات المشتركه بين الورثه لأنها مملوكه للجميع على الشيوع - مثلا واحد يأخذ السيارة واحد يأخذ شقة واحد يأخذ أرض -------كده يعنى
طيب لو حد يمتلك ثلثين السياره و السياره في حوزته و احد الورثه يمتلك الثلث الباقي مش عايز يجدد الترخيص و لايبيع و لما راح المرور علشان الرخصه انتهت و كان عايز يجدد الترخيص المرور رفض و قال لازم كل الورثه .. ايه الحل القانوني ؟
ارفع دعوى قضائيه للحصول على بالزام المرور بالترخيص لامتلاك اغلبيه النصبه النرور نش عاوز يدخل طرف بينكم وبالتالي بيطلب كل الورثه
@@EhabAtiea هو مش المفروض فيه قانون يحكم عمل المرور ؟ قالوا في المرور كان زمان اللي يملك الاغلبيه يقدر يجدد الترخيص لكن دلوقتي القانون اتغير و لازم وجود كل الورثه
المرور مش عاوز يدخل فى مشاكل الورثه مع بعض - ارفع دعوى وخد حكم على المرور وعلى باقى الورثه
@@EhabAtiea هو ممكن قانونيا رفع دعوي علي المرور ؟ و مدتها اد ايه في المحاكم
دلوقت لو استريت الانصبه لحد ٧٠ فى الميه والباقى مش راضي يبيع وعدا على العربيه ٧ سنوات لم ترخص
هل لى الحق فى الترخيص
ولو رخصت هل هدفع فلوس سنويه لباقى الورثه ولا لا
عربيه إيه ؟ ملاكى ولا اجرة ؟
70% من الأنصبه ينفع ترخص بأغلبية الأنصبه وفقا للقانون المدنى بس موظف المرور بيخاف وبيطلب حضور جميع الورثه او توكيلات عنهم خوفا من المشاكل والشكوى من باقى الورثه - فليه أوجع دماغى فى مشاكل الورثه وبالتالى بيطلب حضورهم جميعا او توكيلات عنهم _ تمام كده -
الضريبة بتدفع المتأخرات بحد أقصى 5 سنوات - لو عربيه أجرة او أتوبيس ممكن الورثه بيرفعوا عليك دعوى محاسبة للمطالبه بإيراد أو ريع السيارة خلال الفترة السابقه
عربيه ملاكى
طيب كده ارفع دعوى قضائية واجيب حكم من المحكمه صح
وكده مفيش ايراد والى ليه حق يطالب بيه فى المحكمه مظبوط كده
احنا 6 في الميراث و5 موافقين ومعايا توكيلات فاضل جدتي ودي ست كبيره و وولادها مش مخليينها تعمل توكيل وهي ست عندها 90 سنه مفيش اي حل ؟
خدها المرور ومعاها بطاقتها - وهى فى العربيه الموظف بيبص عليها ويمضيها على اقرار المسئولية من غير ما تنزل من العربيه - لو توفت ها تشوف الويل فى الترخيص والبيع بعد كده
@@EhabAtiea هي مبتتحركش خالص ومبتتكلمش ومبتقدرش حتي تخش الحمام وانا حتي مش عايز اي العربيه حظر بيع من البنك والمديونيه ادفعت وعايز ارخص مفيش اي حلول ؟
@@EhabAtiea للعلم انا معايا صورة بطاقتها
@@EhabAtiea لو في لحضرتك مكتب او تليفون واتواصل مع حضرتك
ممكن رقم تليفونك
السلام عليكم . لو في سيده متوفيه ليس لها اولاد ولها سياره رخصتها منتهيه والورثه متفقين البيع لشخص معين عدي شخصين من الورثه لبط عايزين فلوس اكتر من المشتري وموقفين البيع فهل يجوز بيع انصبه الورثه لهذا الشخص عدي الاثنين دول علما بان اجمالي انصبتهم خمس التركه , وتطلع الرخصه باسم المشتري الجديد و باسم الاثنين دول ؟ ولا لازم هم ايضا يبيعوا لهم انصبتهم ؟ وهل لو احد الورثه اشتري باقي الانصبه عدا الاثنين دول يجوز انه يرخص العربيه باسمه وباقي الورثه ويكون له سلطه استخدامها مع عدم بيعها باعتبار انه الحائز الاكبر للانصبه دون الرجوع لهم ؟
قانونا يجوز بس الواقع العملى المرور بيطلب عقد موثق من جميع الورثه - حاول تتراضى مع باقى الممتنعين عن البيع