كل شىء عن ترخيص وبيع سيارة الورثه بالتفصيل؟
Вставка
- Опубліковано 6 вер 2024
- - فى فيديو النهارده بنتكلم عن مشكلة تواجه الكثير من المواطنين أثناء الترخيص وهى ترخيص وبيع سيارة الورثه -وخصوصا لو فيه قصر - تابعونا وده رابط الاشتراك بالقناة
#www.youtube.co...
www.youtube.com...
أهم الروابط :-
- رابط مصر الرقميه
digital.gov.eg...
- رابط موقع المرور المصرى
- traffic.moi.go...
-رابط مخالفات المرور
ppo.gov.eg/web...
#رخص_القياده
#مستشارك_المرورى
#Ehab_Atiea
نشكر حضرتك على المعلومات القيمه دى كلها
حبيبى تسلم - ده من أصلك الطيب
ياريت حضرتك ترد عليا رمضان كريم اولا ❤️
عندي استفسار لو فيه عربية ورثة و فيهم قصر و عايزين نبيعها و نشتري عربية تانية بنفس الفلوس (نبدلها) ايه الإجراءات اللي المفروض نعملها ؟؟
طالما فيه قصر لازم قبل ما تعمل اى حاجه تأخذ موافقة النيابة الحسبيه على بيع نصيب القصر فى السيارة والموافقة على شراء سيارة جديده
السلام عليكم الاستاذ الفاضل
هاشترى عربية صاحبها متوفى من أكثر من 6شهور بس رخصة العربية سارية
كده فيها مشكله لأن حضرتك بتقول بعد 6شهور العربية تبقى ملغاه
طاب هينفع نبيع العربيه ونجيب غيرها بنفس فلوسها او اعلي شويه في قصر
أكيد ينفع تبيع بنفس السعر اللى بيحدده مهندس المرور مش اقل منه ويودع مبلغ البيع بأحد البنوك بناءا على موافقه النيابة الحسبيه على البيع - فى الشراء تشترى بأى سعر وبتخطر النيابة الحسبيه لأن الشراء يعتبر تصرف فى اموال القصر
شكرا جزيلا لحضرتك
حبيبى تسلم
هل يجوز استعمال التوكيل العام في القضايا لاى محامى في التجديد للرخصة فقط ولا لازم توكيل خاص بإدارة العربية
1- ده بيبقى توكيل عام فى القضايا المرفوعه من الموكل او ضده للتعامل اما المحاكم - بالنسبة للمرور لازم يكون التوكيل مكتوب فيه التجديد والترخيص
2- لو الرخصة منتهية ممكن يعمل توكيل عام فى تجديد السيارات ماركة----- موديل كذا---- وده لا يحتاج شهادة بيانات من المرور
توفى والدى ونحن ولدان وامى وخمس بنات
وكان والدى بع لى السيارة بعقد ابتدائي ولكن لم يتم تسجيل العقد ولكن الجيع يعترف ويقر بذالك ماعدا اخت واحدة واريد نقل ملكية و التسجيل للسيارة بأسمى مع العلم الترخيص سارى
اللهم اغفر له وارحمه وسامحه
عملتم إعلام الوراثه؟ فيه قصر ولا لا ؟ العربيه فى حيازة مين؟
- عاوز تنقل الملكية بإسمك - تمام كده ومعاك عقد بيع عرفى سابق على وفاة الوالد
- حاول تجمع والدتك واخواتك وتراضى أختك المعترضه على البيع بأى شكل حتى لا تقطع صلة الرحم - الدنيا لا تغنى عن الآخرة
- طيب فى حالة الرفض ؟ معاك عقد بيع عرفى ها تأخذ عليه حكم صحةونفاذ على جميع الورثه وها ترخص بالحكم بدون منازعه من أحد
بعد اذن حضرتك احنا معنا سياره باسم والدنا واحنا ثلاث ابناء ولدين وبنت كلنا بالغين فكنا عاوزين نقدم في مبادره الاحلال السيارات ايه الاجراء اللي ينطبق علينا وايه المستندات المطلوبه بحيث نقدم رخصه تطلع ورثه ولا لازم تطلع باسم فرد من الورثه ارجو الافاده من حضرتك وشكرا جزيلا 🥰
الأفضل ان السيارة تكون بإسم شخص واحد طيب ليه؟ علشان مستقبلا لو قدمتم على مبادرة الاحلال مين اللى يسدد الأقساط وها تحصل مشاكل ماديه - فالأفضل من دلوقت اتفقوا على ان واحد فيكم يشترى نصيب باقى أخوته - وده الصح
اخي متوفي وانا واختي الورثه وهي مش عايزه تعمل توكيل او تبيع نصبها او تشتري نصيبي والمرور مش عايز يرخصها وانا لي الاغلبيه اعمل ايه
معايا عقد هبه لسياره زوجي المتوفي عليه صحه توقيع باسمى واسم بنتي ومعايا قرار وصايا على بنتي .و معايا اعلام وراثه عاوزه ارخص
هل السيارة دخلت فى محضر حصر التركه من عدمه ؟
1- فيه ورثه غيركم ده أكيد - ( الزوجة ال1/8 - البنت ال1/2 والباقى لأهل الزوج " والدته واخوته " ) تمام كده
2- المرور بيرخص بحكم صحة ونفاذ وليس حكم صحة توقيع فالمحامى ها يأخذ حكم صحة ونفاذ على عقد البيع العرفى إن وجد
3- الهبة لابد ان تكون رسمية وموثقه فى الشهر العقارى
4- حاولى تتراضى مع باقى الورثه لأن لو السيارة رخصت بإسم ورثه يبقى لازم تشترى منهم كلهم بعد كده - وعلشان تبيعى نصيب القاصر لابد من موافقة النيابة الحسبيه
لو الورثه اتنين ابناء ذكور التجديد لازم يبقى الاتنين موجودين و ازاى يبيع طرف لاخر؟
لو سمحت ينفع محطش العربية في النيابه الحسبية اصلا انا زوجي متوفي وعندي قصر وابعها بعقد عرفي وبعدين المشتري يعمل صحة ونفاذ
السلام عليكم، لوسمحت والدى توفي من ١٧ سنه وعنده فيسبا ولم يتم ترخيص المكنة منذ ذلك الوقت حيث من ضمن الورثه أعمامي وعماتي وفي منهم توفا و منهم رافض البيع مع العلم انهم أخذوا نصيبهم مالا فيها لكن دون وجود عقد يثبت ذلك فما هو الحل في هذا الموقف هل توجد غرامة علينا نحن بناته وزوجته وكيف يتم البيع دون وجود باقي الورثه مع العلم اننا كنا قصر والان بلغنا سن الرشد، فهل توجد مخالفات ولو وجدت كم تكلفتها وهل من الممكن أن ارخصها باسمي فقط أو اسم اختي فقط
الرخصع مكتوب فيها ورثه و في حيازتي انا مؤمن صلاح لازم الورثه كلهم يمضو لو عايزين نبيع ولا انا بس ؟
طب حضرتك احنا 3 أفراد ورثه ووالدتى توفية وذهبت إلى رحمة الله تعالى والعربيه كانت مكتوبة باسمها ومجددناش رخصة السيارة من عشر 10 شهور من تاريخ الوفاه عشان مكناش نعرف انها بتجدد من تاريخ الوفاه بمده 6 شهور والعربيه الرخصه بتعتها لسه فاضل عليها 5 شهور وكنا عايزين نبعها فلازم نرخص العربية الأول والا نقدر نبعها برخصتها ؟
1- كده كده عدى 6شهور على الوفاة يبقى ممكن تروح ترخص بإسم الورثه قبل ماالرخصه تنتهى بأسبوع وفى الحالة دى المرور ها يلغى الأسبوع فقط الباقى فى الضريبة
2- انما لو رحت ترخص باسم الورثه بعد انتهاء الرخصه كما ن يبقى المرور ها يدفع ضريبتين ( واحدة كعقوبه علشان لم تلتزم بمواعيد الترخص - والضريبة الثانيه للترخيص باسم الورثه )
@@EhabAtiea
يعنى لازم ارخصها الأول قبل مبعها حتى لو رخصتها منتهتش ؟
وانا اسف بس انا مش فاهم قصدك فى الفقره الاولى هوه قصد حضرتك أنه لو عدى 6 شهور من بعد تاريخ الوفاه والعربيه مترخصتش باسم الورثه باقى المدى المتبقي فى الرخصه هتضاف كضريبه والا ايه قصد حضرتك؟
لو سمحت استاذنا اذا كان المتوفي منذ عامين ولم يتم عمل إجراءات لترخيص العربية ويوجد عقد بيع نهائي لصالح الوالد قبل الوفاة ب ٤ أشهر. ايه الحل
والعربية ترخيصها ينتهي ١١/٢٠٢٢ والفحص ٢٠٢٤/٣
الرخصه والعربيه معاكم؟ عقد البيع السابق على الوفاة يسرى فى حق الجميع وسند ناقل للملكية فى حق الكافة والترخيص ها يكون بإسم الورثة بحياذة احدهم وده بيكون ( مدير مسئول عن باقى الورثه) وبتحتاج:-
1- إعلام وراثة لبيان الورثة وأنصبتهم الشرعيه
2- قرار وصاية لو فيه قصر
3-شهادة مخالفات او براءة ذمه من نيابة المرور او البريد
4- الفحص الفنى للترخيص ونقل الملكية بإسم الورثه بعد عمل توكيلات بالادارة لأحدهم وده بيكون توكيل عام بتجديد وترخيص السيارات ماكرة كذا موديل كذا
5- تحرير إقرار مسئوليه من المير المسئول عن نفسه وبصفته وكيل عن باقى الورثه
أكيد ها يبقى فيه فحص تانى لنقل الملكية والترخيص
استاذنا الفاضل استخراج شهاده بيانات ومخلفات موجه للشهر العقارى اى فرد يجبها ولا لازم كل الورثه يحضرو فى المرور؟
1- شهادة المخالفات بتستخرج من نيابة المرور او البريد من أى حد من الورثه إنما بيانات الشهر العقارى لازم يكون معاك توكيل من باقى الورثة المذكورين فى إعلام الوراثه زمان كان ينفع اى حد من الورثة يطلع البيانات دلوقتى المرور بيخاف ليكون فيه مشاكل بين الورثة
2- طيب لو مفيش توكيل من باقى الورثة ؟ يبقى لازم تتجمعوا كلكم وفقا لاعلام الوراثة وتطلعوا بربطة المعلم على الشهر العقارى تعملوا العقد المسجل علشان يبقى مشوار واحد
@@EhabAtiea للاسف رد حضرتك اتاخر وضربت المشوار ووقفت على توكيل الورثه فى شهاده البينات مشكور لمجهودحضرتك والمعلومات القيمه 👍
كنت محتاج رقم حضرتك
لو رخصت باسم المتوفى للورثة كام سنه مسموح ليه اجدد باسم الورثه
1- مدة الترخيص او البقاء فى الة الشيوع دى ترجع للورثه - انما ترخيص الملاكى ممكن ترخص بسنة او 3 سنوات
2- لو الورثه عاوزين يبيعوا لحد منهم او شخص غريب عنهم برده مفيش مشكلة طالما الكل متفق على رأى واحد - المشاكل بتظهر فى حالة الخلاف بين الورثه على التجديد او البيع
دلوقتي احنا ٦ في اعلام الواثه وعايزين نجدد الرخصه باسم الورثه ٥ من الورثه موجودين جدتي مريضه و ف المستشفي مبتتحركش ومعايا صورة بطايق الورثه كلهم بما فيهم جدتي ومعايا توكيلات من الورثه كلهم ماعدا جدتي ينفع ارخص بالاغلبيه ولا الحل ايه
1-المشكلة مش فى الترخيص دلوقتى ؟ المشكلة لو توفت جدتك قبل ما تبيع لحد منكم ها تدخل فى متاهات مع ورثتها
2- إلحق بيع نصيب جدتك حال حياتها علشان ما تدخلش فى متاهات مع ورثتها بعد كده
3- الترخيص بيكون بأغلبية الأنصبه والرخصه بتطلع بإسم ورثة المرحوم فلان------- حيازة / فلان اللى هو المدير المسئول اللى ها تختروه ليدير السيارة
تابع فيدوهات القناة او القناة الأخرى ( مستشارك المرورى ) فيها فيديوهات مفصلة لهذا الموضوع
انا عندي نفس المشكلة دي
@@EhabAtieaطيب لو سمحت زوج خالتى اتوفى من ٢٢ سنة وعنده ولدين لكن مامته كانت عايشة وورثت فيه ولم تتنازل عن نصيبها وبعد كده عماتهم ورثوا معاهم فى نصيب جدتهم وحالياً مش عارفين يبيعوا العربية بسبب ان عمة منهم رافضة البيع وبجد بتتعامل كأنه مسمار جحا فقط لتكديرهم مع العلم ميراثها هيكون اقل من نص التسع... فهل فى طريقة لبيع العربية ودفع نصيبها فى المحكمة بما ان باقي الورثة متفقين على البيع ؟؟؟؟؟
نفس المشكله منهم لله
والدي توفي منذ عام وله ١٠ افراد ورثة زوجه وابناء ذكور واناث وترك سيارة رخصه منهيه تم بيع السيارة بعد الوفاة بشهرين وتم عمل عقد بيع ابتدائي واستلم المشتري السيارة ودفع عربون لحين التسجيل بالشهر توفيت احد الورثة قبل التسجيل ولها زوج وابنه فقط ولظروف الوفاة وباتهام زوجها بقتلها تم تأجل عمل اعلام الوراثة للوريثة المتوفيه لحين ادانة زوجها او براءتة من قتلها وبعد عام تم الحكم بالبراءة ونحن في صدد عمل اعلام الوراثه وللبنت القاصر يصبح خالها الواصي لوجود حكم سرقة لاب البنت.. هل النيابة الحسبيه تعتمد عقد البيع الابتدائي المؤرخ قبل وفاة الوريثة ام انها ستكلف لجنة لتثمين السيارة بتاريخ تقديم الطلب خصوصاً ان فيه فرق كبير جدا في السعر بين العام الماضي والحاضر ارجوا الافادة
طالما فيه قاصر لازم الرجوع للنيابة الحسبيه
لو الورثه وهم زوجه المرحوم و والابن باعوا لابنه المرحوم ما هي الاوراق المطلوبه للترخيص غير عقد البيع واعلام الوراثه والرخصه ساريه مع العلم ان المرور طالب اثبات وفاه من المرور الخاص بالرخصه ارجو الافاده
الرخصه باسم الورثه وفقا لاعلام الوراثه باعوا لحد منهم بعقد بيع موثق فى الشهر العقارى يبقى فيه نقل ملكية ( شهادة مخالفات وفحص فنى باسم المشترى الجديد )
المرور طلب شهادة بيانات علشان يعرف الترخيص تم للورثه كلهم ولا لا وعاوز اسماء الورثه اللى تقدموا للترخيص فى المرور ووقعوا على اقرار المسئولية - مفيش حاجه اسمها اثبات وفاة هو طالب شهادة بيانات بتقول ان السيارة رخصه باسم ورثة المرحوم وهم1 - 2 - 3 علشان يعرف مين اللى باع من الورثه وهل المشترى اشترى العربيه كلها ولا لا ؟ وبيطابق العقد المسجل مع اعلام الوراثه مع شهادة بيانات المرور لنقل القيد -
الأنصبه كالتالى ( الزوجه الثمن 3أسهم - وال21 سهم الباقيين للولد والبنت ( 7أسهم للبنت و 14 للولد ) راجع العقد الموثق ها تلاقى مكتوب فيه 17/24 سهم وموظف المرور عاوز يعرف الحسبة دى
يبقى البنت لها نصيب بالميراث ( 7أسهم
وبالشــــــراء من باقى الورثه ( 3 أسهم ميراث الزوجه ال1/8)
وبالشراء 14 سهم - من أخوها
@@EhabAtiea شكرا للاهتمام والإفادة
بعد اذنك انا رحت المرور رفض الترخيص لازم توكيلات من الورثه قلت لهو النسبه تفوق الخمسين في المئه
روح الشئون
القانونيه فى الادارة بتاعتك ها تعمل مذكرة بالموافقه على الترخيص لاغلبية الورثه
ايه الشئون القانونيه الا في الاداره دي
والدي توفي و جدي كان عايش و ليه نصيب في الميراث و بعد كده جدي توفى و زوجته بقي ليها نصيب في ميراث والدي من نصيب جدي و بعد كده زوجة جدي توفت و ليها إبن عايش بس مختفي و منقطع عن الجميع و مش عارف أعمل اية عشان أبيع السيارة مع العلم كل المتواجدين من أعمامي و أمي وأخي موافق علي البيع معاده الشخص المختفي إللي هو ابن زوجة جدي.
كده فى 3 إعلام وراثة:-
1- والدك " مالك السيارة المتوفى فى حياة ابيه " وورثة والدك هم ( الزوجة "ال1/8 " اللى يساوى 3أسهم / من 24 سهم -
- والأب ال1/6 ويساوى 3اسهم و 1/2 سهم
- والأولاد " انت واخوك " 17 و1/2 سهم
2- اعلام الوراثة الثانى بتاع جدك " والد المتفى مالك السيارة ":-
- زوجة ال1/8 - لها 3 اسهم فى تركة جدك - وليها ال1/8 فى ما يخص جدك فى السيارة " ال1/6 بالميراث " فى والدك يعنى ال1/8 فى ال3 اسهم
- الأولاد " اعمامك ووالدك " ورثة والدك لهم وصية واجبه لوفاة والدك فى حياة أبيه " ليهم 21 سهم فى تركة جدك
3- اعلام راثة بإسم زوجة الجد
- الابن الموجود بالخارج ولا تعلموا عنه شىء - طيب طلع حكم قضائى بإعتبارة مفقود ولا لا؟
الرخصه بإسم الوالد لحد دلوقتى ولا ثبتوا الوفاة وطلعت رخصة بإسم الورثة ؟ وهل يوجد صور للإعلام الشرعى لوالدك وجدك فى الملف ولا لا؟
طالما الشخص غائب ومفيش اى اخبار عنه - هل هو حى ولا ميت ؟ يبقى الصح انكم تعملوا عقد بيع عرفى من الوالد لوالدتك بتاريخ سابق على وفاتة واعمامك يمضوا عليه كشهود وتأخذوا حكم صحة ونفاذ - والمرور بيرخص بالحكم وبعد عمر طويل للحاجه بتبقى العربيه بإسم ورثتها
- الرخصة باسم والدي لحد دلوقتي و انتهت و لم نثبتها بإسم الورثة, لم يتم إثبات وفاة ابي و جدي في ملف السيارة@@EhabAtiea
طيب لو معاه تنازل من الجد للورثه نتصرف ازاي@@EhabAtiea
ماده كام في القانون المدني من فضلك
628 من القانون المدنى وما بعدها " اعمال الادارة والتصرف فى المال الشائع من حق من يمتلك أغلبية الأنصبه
- فيه نص فى قانون المرور واللائحه يشترط حضور جميع الورثه لعمل " اقرار المسئولية من جميع الورثه" أمام ظابط التراخيص
هل في امكانيه اقوم باصدار الرخصه باسم والدي المتوفي و بعد كده انقل ملكيه و اروح المرور لان الرخصه شارفت علي الانتهاء و الورثه مسافرين و لم نتجمع بعد و باقي شهر المهله علي تجديد الرخصه و بعد كده الورثه بيقومو بعقد بيع السياره ليا و اخد العقد و اعلام الوراثه و اقوم بنقل الملكيه
لا طبعا ده تذوير ها تتحبس لو انكشفت - خليهم يبعتوا لك توكيل
@@EhabAtiea لو اصدرت الترخيص بانها ورثة والدي المتوفي بموجب اعلام وراثة و بعد كده عملت عقد بيع سياره بيني و بنهم مسجل و نقلت ملكية كده صح و قانوني
@@EhabAtiea @C.Mohamed.Nasser الرخصه قربت تتنهي و ممكن ملحقش التجديد عشان تصليحها و ممكن اخواتي ميكونوش عايزين ديوهالي الا وقت مدفعلهم فلوسها هل كده يتعمل تبديد لوحات علي والدي عشان رخصه باسمو و انا عايز اجدد الرخصه باسمي و لا اجددها باسم الورثة بموجب اعلام وراثه لتفادي تبديد لوحات علي والدي المتوفي اعمل ايه ممكن تفدني عشان حضرتك خبره تقدر تفدني
تمام وده الصح والقانونى - رخص الأول بإسم الورثه وبعد كده لما تتفقوا على البيع بيعملوا لك عقد بيع موثق فى الشهر العقارى
حنى لقدر الله لو فيه محضر تبديد - كده إنقضاء الدعوى الجنائيه لوفاة المتهم -
- يبقى اول خطوة لازم توكيل تجديد وترخيص من الورثه لحضرتك علشان تعرف ترخص بإسم الورثة وتكون انت المدير المسئول عن السيارة لحد ما ربك يفرجها ويبيعوا لك السيارة
- ولو إتفقتوا على البيع لصالحك يبيقى بيعملوا لك التوكيل بالبيع والتجديد والترخيص - وربنا يهديكم لبعض
لو سمحت عندي عربية زوجي المتوفي وفي قصر ،متوفي من 8شهور والرخصه منتهيه6اشهرو 10ايام هل كذا اقدر اجدد الرخصه ولا حدفع ضريبه
ها تدفعى ضريبتين واحدة علشان عدى 6 شهور على الوفاة ولم يتم الترخيص للورثه " كعقوبة للتأخير فى الترخيص باسم الورثه" والضريبة دى ها تتلغى ومش ها ترخصى بيها
الضريبة الثانيه اللى ها ترخصى بيها
في حاله ترخيص سياره ورثه و القله الرافضه لا يتوفر لهم صوره بطاقه ما العمل هل تجوز شهاده ميلاد ؟
المرور بيطلب حضورهم او توكيلات منهم علشان تعمل ( اقرار المسئوليه)وتعرف ترخص باسم الورثه - طالما الحل السلمى مش نافع يبقى ها ترفع دعوى الزام على المجموعه اللى رافضة الترخيص - وبترخص بالحكم
@@EhabAtiea بتاخد وقت الدعوي دي ؟ و هل علشان مرخصتش هيتعملي تبديد لوحات ؟
أستاذنا الفاضل سيارة باسم والدى رحمه الله وهو الجد وقد توفت امى واخى قبله ولا يوجد فى اعلام الوارثة سوى انا ابنه ويوجد أبناء اخى المتوفى وهم قصر بنصيب الوصية الواجبة وهو الثلث فقط بوصاية أمهم فهل يمكن تجديد ترخيص السيارة باسم الورثة وفقا لاعلام شرعى وقرار الوصاية وتوكيل خاص من الواصى بالإدارة لى وهل موظف التجديد سوف يستكمل اجراءات ونقل الملكية لسيارة ورثة ام سيطلب مستند موافقة بالترخيص والتجديد من النيابة الحسبية وتكون هذه الموافقه فى كل مرة تجدد السيارة فيها.. وشكرا
الترخيص بيكون باسم الورثه كلهم المذكورين فى اعلام الوراثه بالنسبة لاولاد اخوك المتوفي فى حياة ابيه بتكون الوصيه هى المسؤله عنهم
بتعملوا اقرار مسؤلية امام مراجع التراخيص ورئيس الوحدة بيوقع عليه بتمضى انت عن نفسك وزوجة اخوك بصفتها وصية على القصر وخد معاك قرار الوصايه واعلام الوراثه بتاع اخوك رحمة الله عليه وشهادات ميلاد القصر
بالنسبه للنيابه الحسبيه بتستازنها لما تيجى تبيع نصيب القصر الرخصه بتبقى باسم ورثة المرحوم. /حيازة.
جزاك الله خير الجزاء
سؤال من فضلك
الورثه باعو السياره لمشترى بعقد مسجل شهر عقاري ، والمشتري باع لأخر بعقد مسجل شهر عقاري
ولكن الرخصه مازالت باسم المتوفي ، هل المشترى الاخير اللى اشترى بعقد مسجل هايقابل مشكله عند نقل الرخصه باسمه وايه الورق اللى يحتاجه من الورثه
1- لازم يكون مع المشترى الأخير صورة من إعلام وراثة المرحوم مالك السيارة واصول العقود السابقه عليه ( تسلسل الملكيه ) - ولو كان فيه قصر يبقى معاك صورة من قرار الوصاية ولو حد من الورثهعامل توكيل لواحد منهم يبقى لازم اصل التوكيل يكون معاك
2- جراءات الترخيص لو نفس الوحده ها تعمل شهادة مخالفات من البريد وتروح المرور تفحص وترخص وتدفع الضريبه وتستلم رخصه باسمك - طيب لو انا من مرور محافظة ثانيه ؟ يبقى ها تستخرج شهادة بيانات لنقل القيد لو الرخصه منتهيه بتسدد ضريبة المرور وبتسلم ( الرخصه المنتهيه وشهادة المخالفات وصور العقود ) وبيكتب فى شهادة البيانات لا يطالب بالرخصه - لا يطالب بالمخالفات - يطالب باللوحات - يطالب بسندات الملكيه )
3- وفى المرور بتاعك بتفحص وممكن المهندس يرجعك تطابق البصمات فى المرور القديم - وبعد الفحص والحصول على الصلاحيه الفنيه بتسلم الأوراق الخاصه بالسياره ( العقود وشهادة بيانات نقل القيد واللوحات القديمه وتأخذ لوحات ورخصه من المرور بتاعك
سلام عليكم لو اخواتي عملولي توكيل اقدر ارخص العربية بأسمي؟ وهل لازم يكون معاهم إعلام الوراثة لما يعملوا التوكيل؟
1- لو ها ترخصوا بإسم الورثه يكفى توكيل ادارة ومش لازم يكون معاهم اعلام الوراثه لما يعملوا التوكيل فى الشهر العقارى - لكن فى المرور لازم يكون معاك لأنه بيحدد مين الورثه وانصبتهم والمرور بيحتفظ بصورة من اعلام الوراثه فى الملف الترخيصى
2-لو عاوز ترخص العربيه باسمك لوحدك فقط يبقى لازم تشترى نصيب باقى الورثه بعقد بيع موثق فى الشهر العقارى وفى الحالة دى العربيه ها تبقى باسمك لوحدك والرخصه بتبقى باسمك لوحدك
ممكن رقم تليفون حضرتك