Bloger jurnalistik tekshiruv olib borishi mumkinmi?
Вставка
- Опубліковано 14 тра 2023
- Milliy qonunchilikda blogerlarning jurnalistik tekshiruv ishlarini olib borishini tartibga soluvchi yoki ularga jurnalistlar bilan bir hil huquqlarni beruvchi alohida norma nazarda tutilmagan.
O‘zbekiston Respublikasining “Jurnalistlik faoliyatini himoya qilish to‘g‘risida” gi Qonunining 9-moddasiga binoan, jurnalist axborot to‘plash va jurnalistik tekshiruv o‘tkazish huquqiga ega.
Biroq, O‘zbekiston Respublikasi Konstitutsiyasining 29-moddasiga muvofiq, har kim fikrlash, so‘z va eʼtiqod erkinligi huquqiga ega. Har kim istalgan axborotni izlash, olish va tarqatish huquqiga ega, amaldagi konstitutsiyaviy tuzumga qarshi qaratilgan axborot va qonunda nazarda tutilgan boshqa cheklovlar bundan mustasno.
Bundan xulosa qilishimiz mumkinki, blogerlar konstitutsiyaviy huquqqa ko‘ra o‘rganayotgan mavzusiga oid maʼlumotlarni qidirish, olish va tarqatish huquqiga ega. Bloger faqat professional jurnalistlar uchun beriladigan huquqlarda cheklangan.