الهاشمي قروابي -راشدة-El Hachemi Guerrouabi -Racda-
Вставка
- Опубліковано 11 вер 2024
- قصيدة راشدة
****
سبحان الدايم بالدوام سبحانه من لا ينام
من لا يخلى منو مكان ساكن في قلوب المومنين
***
صليو يا ناس على الرسول بحر الجود و بحر الفضول
بوبكر عمر و زيد قول على العشرة المبشرين
هاذي قصة احضيتها في كتاب كبير قريتها
لولاد اليوم رويتها اسمع يا عبد و كون زين
قصة العابد في خلوتو يعبد فالله بنيتو
جاه الشيطان يفلتو صابو متوحد باليقين
****
الله يهديكم يا سلام صلو على جد الحسين
آلجواد اللي حاضرين صلو على النبي كاملين
****
جابلو عضام من وحد القبر رماها في حجرو بالغزر
قالو تحييلي دالبشر إذا كنت من الواصلين
قالو ذهب يا جيش الحرام انت شيطان بلا كلام
ربي هو محيي العضام بعد ما كانو راشيين
راح الشيطان مشا وغاص خلالو على عضام يا ناس
احفرلو حفرة بالقياس صبحت شجرة ب ثمار زين
دزاير حلت بيبانها بانت شجرة بثمارها
ولات الناس تزورها جمعة و خميس متنزلين
عندو طفلة مثل الهلال تعبد مولاها بالكمال
سال عليها يا من تسال فالحومة يا سامعين
****
الله يهديكم يا سلام صلو على جد الحسين
آلجواد اللي حاضرين صلو على النبي كاملين
****
خرجت زورة يوم الخميس صابت شجرة خضرة تليس
قالو ليها قومي تقيس فيما قاسوه الاولين
قالت خوفي لا نستذل ورمات يديها بالمهل
جرف اللي طاح مات واستهل صب عليها بحليب زين
ثلث شهور بانت كرشها وزل الريق في فمها
نشها العرق و رشها صبحت من المتوحمين
قالت يماها واش دا آش عملتي يا راشدة
نرسل لباك يجي غدا يقبل أمرك ما كان وين
قالت يا يما واش جاك ياك مين ترقدي نرقد معاك
الوين تمشي نمشي معاك تتهميني بكلام شين
****
الله يهديكم يا سلام صلو على جد الحسين
آلجواد اللي حاضرين صلو على النبي كاملين
****
قال محمد سيرلو روح لباباك وقولو
يقتل دالطفلة خيرلو فضحتنا بين المومنين
كي سمع بابها دالخبر جا و قلبو قاسح كي الحجر
علاش عملتي هاد الأمر يا قلتنا فالجاحدين
انطق بابها لأمها آش يبردلي سمها
نقتلها و نشرب دمها هاذا حكم المعاصيين
قالت تقتلني بلا سباب كيف تعمل انهار الحساب
يوم يجيك مالك الرقاب ربي وعبادو شاهدين
قالت يا بويا يا رفيق حن و كون لي صديق
امشى طالب يعمل طريق سال العلماء الكاملين
الله يهديكم يا سلام صلو على جد الحسين
آلجواد اللي حاضرين صلو على النبي كاملين
طلق منها و مشا يسال جمع العلماء يا رجال
صاب السادات اهل الفضال فوق زرابيهم جالسين
قالولو مرحبا واش بيك شي لي تبغيه نقضوه ليك
الحاجة اللي تصعب عليك نجريو عليها كاملين
قاللهوم يا حباب فيدوني بكلام الصواب
من تعصي مالك الرقاب آش دواها يا عابدين
افتاو الطلبة كلهم قالو تترجم كلهم
برحو في الحومة جاوهوم باللي فارح باللي حزين
خرجو د الطفلة بالحزام حطوها في باب الرجام
تبكي و الخاطر ينعزم تقول يا جاه المرسلين
يا من جا في حق الرسول بالفرض السنة و العدول
سمعو وحد الصبي يقول اعلاش احنا متلايمين
الله يهديكم يا سلام صلو على جد الحسين
آلجواد اللي حاضرين صلو على النبي كاملين
قالولو طفلة عصات جينا نرجموها بالحياة
هام ليك شهودها بالثبات العلماء و الوالدين
قال فين هو كبيركم نمشي لعندو و نجيلكم
نسألو كيما سألتكووم كان عليها متفقين
امشاو السادة تلايمو عند جبرائيل تكلمو
قالهوم خافو لا تندمو تعودو من الظالمين
اللي في كرشها واش دار ما كان عاصي ما خان جار
درتو فيها راي السرار وانتوما كبار و فاهمين
لوكان صبرتو يا ناس تكفيو عذابها بالقياس
يوم يلحق شهر النفاس شوفو حق الصابرين
****
الله يهديكم يا سلام صلو على جد الحسين
آلجواد اللي حاضرين صلو على النبي كاملين
****
اطلق الطفلة من الكتف قالها سيري و لا تخاف
اللي يعطي يعطي نصاف والله حسيب الظالمين
قالت يماها يا غزال من فكك من هاذ الخبال
قالت صبي مثل الهلال يظوي بنجومو زاهرين
بعتيني بيعة باخصة ورجعت معايرة للنسا
نصبر ليام التاعسة نحمد مولانا بعد حين
ما عندي علم ولا دراع غير حكم المولى شفع
لو صبت الموت تنشرى و لا ملاقية الوالدين
تسع شهور بلا عداد ابداها لوجاع و النكاد
منين كلاتو منين زاد سبحان عالم العالمين
****
الله يهديكم يا سلام صلو على جد الحسين
آلجواد اللي حاضرين صلو على النبي كاملين
****
راحو جابو القابلة جبدت سلتها كاملة
بقات دهشانة داهلة كانت ما بين الشامتين
صاحت صيحة طاح الشباب أنفو مالبنت بلا عداب
سلكها ماليك الرقاب ربي وعبادو شاهدين
فرحو بيه و دارو سبوع ولى يتسلى بالجموع
ماذا جابولو من طبوع عادو من فضالو رابحين
اداو الصبي للفقيه ابقا يتقلب كل جيه
يلقى فالعلم من كل ليه عدا فالمقريين
حياني بعد ما فنيت فناني بعد ما حييت
ذقت الموت لما فنيت كلنا عليها جايزين
الله يرحم مول الكلام الهاشمي من جاب النظام
جدو مولاي عبد السلام عبد القادر عقلو رزين
****
الله يهديكم يا سلام صلو على جد الحسين
آلجواد اللي حاضرين صلو على النبي كاملين