細粒的故事（家長版）

文字版：
各位爸爸媽媽您地好，我係香港性文化學會的鄭安然。 不知你的子女有否問過你，「我係點來架？」 我地相信，每個人都會問自己的「來源」，而聽到的答案就決定佢地點睇自己的「價值」。 如果一個爸爸同兒子講，「你係爸爸在垃圾堆中執回來」，或者「你係從石頭爆出來」。 而另一個爸爸同兒子講，「你係爸爸媽媽相愛結合而來的」。 佢地兩個睇自己的價值就會差天共地。
我地相信，幼兒性教育的目的，係令子女覺得自己重要、有價值，係被父母所愛。 有見及此，我們準備了一條繪本影片：「細粒的故事」 讓父母可以跟兩歲至小三的子女一齊收聽或收睇。 播放片段前，我鼓勵父母先用正式的名詞，向子女講解性器官的名稱。 因為片段會提及這兩個名詞。 你可以用一個平時傾計的語氣，跟仔女講： 男仔柯尿的地方，叫「陰莖」。女仔將來生bb的地方，叫「陰道」。 咁就可以架啦。 然後可以一齊收聽收看這故事。
我鼓勵大家跟配偶一齊，在家中找個舒適的地方，攬住仔女一齊收聽收看。 在片段最後，旁白會鼓勵仔女攬住父母，你此時也可以攬住佢地。 呢條片只係一個工具，最重要係子女同你地的關係。 希望可以讓子女不但知道自己點來，更重要係知道佢的出現不是冇意義，而係充滿住父母的愛。
－－－－－－－－－－－－－－－－－－－－
香港性文化學會由一群基督徒組成，深感香港社會色情文化氾濫，香港家庭制度漸趨解體，。本會以基督教價值觀為本；尊重事實；以研究為基礎。
歡迎奉獻支持本會事工，在性開放的年代，為社會提供另一種聲音：
scs.org.hk/b5_s...