القايمة - قائمة المنقولات الزوجية - أعرف حقك وحق زوجتك
Вставка
- Опубліковано 4 сер 2024
- القايمة هي أكتر سبب لخراب البيوت في مصر.
تبقى قاعد في أمان الله مع زوجتك، ويحصل بينكم خلاف تافه، تلاقي حد ينصحها تهددك بالقايمة أو قائمة المنقولات الزوجية.
من لحظة التهديد دي، بتبقى الحياة بقت خراب، لأنك لما مضيت عليها، ماكنتش فاهم أصلاً أنت مضيت على إيه.
الفيديو ده هدفه يعرفك حقك وحق زوجتك، وإزاي تحفظ حقوقك في حالة الطلاق أو الخلع ، كذلك حقها هي الشرعي. مش لوي الدراع والابتزاز اللي بيحصل.
00:00 ما هي القايمة؟
01:27 إيه المشكلة في القايمة؟
03:05 أنواع القايمة
03:50 التبعات القانونية للأنواع المختلفة
05:54 كيفية استغفال الشاب المصري
06:41 هل القايمة لحفظ حقوق الزوجة؟
08:00 أهمية توثيق المهر في العقد
09:01 هيحصل إيه لو لم توثق المهر في العقد؟
#نظام_القايمة_في_مصر#قائمة_المنقولات_الزوجية#ايه_مشكلة_القايمة#ازاي_تحفظ_حقك_و_حق_زوجتك
هل ناوي تمضي قايمة بعد ما شفت الفيديو؟
اتجوزنا والي كان كان 😄
لا طبعا
@@mohamedtarek9369
خايف من القايمة ولا من أصحابك؟ 🤣
@@Abosobaie
يمكن لو كنت سالتني من فتره كنت هقولك ده حقها زي اي شاب علي نياته ولكن دلوقتي بعد ما فهمت ايه هي القائمه بالظبط ده هو شرطي من اول الجواز لان مش معقول انت خايف مني وانا مش من حقي اخاف منك دي قمة العنصريه
هو السؤال الصح، هل ناوي تتجوز من مصرية؟ أغلب الشباب هيرد عن قناعة بلا.
لازم الرجالة تاخد موقف .. انا الحمد لله قلتلهم هدفع مهر و اجيب كل حاجه الي اقدر عليه .. استرجلوا يجدعان شوية
@𝖔𝖋𝖋𝖎𝖟𝖎𝖊𝖗 𝖍𝖆𝖘𝖍𝖊𝖒 عارفه اه ربنا يكرمنا و يحفظنا بإذن الله
@Offizier Hashem و إياك يارب
@Offizier Hashem فعلا عشان دي اول فترة في التاريخ مفيهاش حروب و انتشرت سبل الراحة ظهر القرف و التخنث ده
لو امتنعت عن كتابة القائمة انت لسه لست في أمان
لازم تكتب في العقد أنه لا توجد قائمة منقولات وان العفش كلو ملك للزوج ولا يحق الزوجة المطالبة به
لان في بند بالقانون الزوجة تقدر من خلاله تطالب بالعفش حتى لو مفيش قائمة إلا إذا كنت وضحت في عقد الزواج كما ذكرتُ سابقا
ممكن توضيح يا أستاذ طيب المهر أبو العروسه بيطلب فلوس كثير ولا كيف لان مش عارف بصراحة وعايز افهم هل المهر ده بياخد أبو العروسه ولا بياخد عليه وصل أمانه ولا اي بالضبط مش فاهم طيب الشب بيجيب كل شيء وهيا هتييجي بدون شيء حتي الدهب ممكن أجيب ليها كمان بس اهم شيء عايز اعرف موضوع المهر ده وشكرا
أنا من الأردن ، ومتابع لأوضاع الشباب في مصر ،
كونه أولا وأخيرا مشاكلنا متشابهه باستثناء موضوع القائمة الذي كنت أجهله وفهمته فيما بعد ، والفيديو هذا زادني فهما ، وللأمانة بستغرب إنه في حد ممكن يمضي على قائمة بالشكل هذا لأنه عبارة عن إجرام والله ، نسأل الله السلامة لشباب مصر ، ونسأل الله أن يوفقكم في تحصيل حقوقكم المسلوبة .
ربنا ينجي الأردن وأهلها من الخبث ده
اللهم آمين .
تسلم اجرام حقيقى
أنا مصرية وأول مرة أفهم هي ايه القايمة. دمي اتحرق ازاي الناس بترضى بالظلم دا 😲
هل ده يعني أنك في جوازك مش هتعمليها؟
ولا بتتكلمي بس
الحمدلله متجوزة ومعملتهاش. ربنا يصلح حال المسلمين.
@@rehanas.4092 خلاص مترضيش بالظلم ل أزواج بناتك بردو..الكلام من عالشط سهل ..المهم في الموقف نفسه
جزاك الله خيرا
@@ahmedmagdy6346 ايوه ظلم للبنات ايه فين الظلم ده ؟ انت عايش فين ياباشا لو سمحت
ده من غير قايمه و كده محاكم الاسره مليانه مصايب منكم
كلام ممتاز. الحل البسييييييط جدا هو العودة للشرع. الزوج بيتقدم و يفرش بيته على قدر امكانياته. و شكرا
الله يجعله فى ميزان حسناتك
فعلا هما مش بيشتروا راجل هما بيبيعوا و يشتروا ف الراجل
الحتة الاخيرة روقان
لو لسه مُصر تكتب قايمة بعد كل ده يبقى اصحابك يكتفوك و على اقرب مصحة يعاجوك
احسن حاجه انك بتقدم الحلول مش
زي ناس تقول مشاكل وبس
ربنا يبارك لك والله.. كده حفظت الحقوق للطرفين من غير لا ظلم ولا افتراء.... بالإضافة ان الفيديو دمه خفيف قوي سلس وبسيط ونصيحة مخلصة توصل للقلب...
جزاك الله خير
أنا باعتباري من أهل الخليج كنت دائماً أسمع بمشكلة القائمة في المجتمع المصري وكنت أحاول فهمها وفهم السبب الذي يجعلها دمار للبيوت المصرية ولكن ما استطعت، لكن الآن فهمت بعد شرحك
أسأل الله أن يعف شباب المسلمين، ويخلصنا من الهبل الحاصل بخصوص الزواج في المجتمعات الاسلامية
امين يا رب العالمين
والله العظيم كلام حضرتك صح ياريت يلغو قائمة المنقولات الزوجية القانون في مصر بيضيع حق الراجل
انا من المغرب . اقول القايمة عمل شيطاني لتخريب البيوت . و طبعا بتدافع عليها المراة انها تصب في مصلحتها
ده طبعا غير إن البنات اليومين دول أغلبهم فيمنست ولا يتقون الله إلا من رحم الله وقليل ما هن.
بالإضافة لظهور نوع جديد يتاجر بالزواج ثم الخلع لأكثر من رجل كنوع من التكسب والقانون يسهل لهم كل الإجراءات خصوصا لو في طفل.
جزاك الله خير ، والله أنا شاب هنا في ألمانيا ، حتى أنا هنا جمبك في ديجندورف مش بعيده عنك لو تعرفها 😅
والله موضوع الجواز دا عاملي ازمة نفسية الفترة دي ، يعني قولت اتجوز مسلمة اوروبية هنا، ناس خوفتني وعرفت إن في بنات بتسلم وترتد او إننا نختلف هنا وساعتها هتشلوح والتمن ساعتها ممكن يبقى عيالي او حتى لو كانت كوسية وفكرت ارجع لدولة إسلامية عشان اربي العيال وهى ترفض ونختلف او غيره وغيره ، وبالنسبة للجواز من مصر فأنت ادرى بالأحوال مني واهو على يدك ، ولو فكرت اجيبها هنا ممكن تروح تعملي حوارات بردو وتقدم لجوء وساعتها ماتبقاش فرقت عن الألمانية في حاجة ، الواحد حاسس انه محاصر
هل كثير من اللي يسلمن يرتدوا؟
يا اخي النصيحة لك تزوج مصرية من بيت ديّن وتكون هي ملتزمة واهم شيء ابوها ايضا ملتزم لتضمن في حال نشوز الزوجة وقوف الاب معك
@@3in_al7aq ابوها متدين وظريف لا يضمن كونها كدلك
@@Berke-Khan صحيح نعم
لكن انا احببت اجمع له القرائن بعد التوكل على الله فقط لا غير
عشان يتوكل وياخذ بالاسباب الظاهرة
جزاك الله خيرا يا حبيبنا على مجهودك الكبير
الفديو الصراحه اشتمل على معظم الجوانب السوداوية نتاج بدعة القايمة
نسال الله ان يكون سببا في هدم تلك البدعة وسببا في نجاة الشباب قبل ما يمضوا ويلبسو الاساور لانهم احسنوا الظن واظهرو حسن نياتهم في غير موضعه
معلومة للعمر
القايمة مش بتتكتب عشان حفظ حقوق الزوجة
القايمة بتتكتب عشان لو فكرت تطلقها تخرب بيتك
ولو هى حاولت تخلع تخلع بكل حاجة
خلص الكلام
الحمد لله الذي عافانا
نحن أهل الشام عندنا الأمور أسهل بكثييير
المشكلة الوحيدة التي قد تواجهك هي غلاء المهر
أفضل فديو تكلم عن قائمة المنقولات. جزاك الله خيرا
الحمدلله ..عندنا في اليمن سهولة ويسر
إمساك بمعروف او تسريح بإحسان
ازاي أهم نقطة وهي اثبات عدم وجود قائمة منقولات في القسيمة تقولها كدا بصورة عامة ضمن ڤيديو 13 دقيقة لازم النقطة دي تبقى highlighted جدًا عشان الشباب تاخد بالها
كمان القائمة مش المشكلة الوحيدة فيه كمان ان الشقة من حق الزوجة لو خلفت ودي كارثة لازم النصيحة تبقى متتجوزش مصرية اتجوز مسلمة من دولة تانية ومتدهاش الجنسية وتوثق زواجكم في السفارة أو لو في شرط يوضع في العقد مع المصرية ان مسكن الزوجية من حق الزوج في حالة الطلاق يبقى اتحلت
جزاك الله خيرا على التوضيح
ربنا ينفع بك
وربنا يصلح الحال
شرح ممتاز .. ربنا يوفقك ويجعله في ميزان حسناتك
جميل اوي جزاء الله خيرا ياريت ينتشر اكتر واكتر
مش ناوي أمضي على قايمة بصراحة حتى لو لم أتزوج
ربنا يرزقك ببنت الحلال
لم أسمع بمثل هذه القائمة إلا في مصر. بقية الدول العربية، والتي لها تقريبا نفس أعراف وتقاليد الزواج لأنها مستوحاة من نفس المصدر الشريعة الإسلامية، لا تفعل هذا.
لاحظ أن أغلب قوانين الدول تميل إلى جانب المرأة بحجة ضعفها. لكن الأمور انقلبت وأصبح قانون الأحوال الشخصية سلاح إذلال في وجه الرجل.
أيها الرجال، العنوسة أصبحت شائعة وهذا سلاح موهوب كي لا تذلوا.
جزاك الله خيرا، الفيديو دة ممكن يورث للاجيال القادمة، وياريت القائمة دى تتلغى وكل شاب يجهز نفسه ويفرش بيته بفلوسه يدفع مهر (حق الزوجة) بكل بساطة بدل ميمضى على نفسه وصل امانة ولو مش قادر على كدة يعيش بكرامته افضل
يا أخي يا رب مايحتاجش يتورث لحد، وتغور الفكرة الفاسدة دي في ستين داهية
الله عليك يا أوستاااااااااذ .. حبيتك من طريقة كلامك والله .. ربنا يكتبلك الخير و التوفيق دايماً
امين ، وإياكم يا فندم
ده مهرها ..طيب ليه بيرضى ان اهلها يشتروا نصف الشقة ..النهارده صينية التقديم بالفين جنيه
استمر في الفيديوهات اللي بتوعي الشباب اكتر وربنا يكرمك ويجزيك خيراً
امين، وإياكم 🌹
مصدق كل كلمة ..خصوصا تهمة تبديد القايمة دى لانها حصلت مع خالى ..استمر فى المحتوى المفيد
تقريبا ده احلى فيديو شوفته الشهر ده
جزاك الله خيرا بجد ♥️
تسلم ع التوضيح.
بلا قايمة بلا هباب.. اكتب لي ع نفس وصولات في حين إني مجهز أصلا نص الفرش مش نخسر حاجة لما استنى كمان ٦شهور أو حتى سنة واكون جهزت كله وع فرشي وملكي.
افضل فيديو تكلم عن القايمة
الله يرضى عنك ويجازيك خير
جزاك الله خيراً ❤
بوركت. حلقه مهمة جدا
شكراً لك يا عزيزي ربنا يجازيك خير وينفع بيك
جزاك الله خيراً.
شروة وبيعة وفي الأخر يزعلوا لما رجالة تشوفهم سلع وحاجة مستخدمة لراحتهم. القرف ده كان لازم اول حاجة النسويات تثور عليها عشان يبقوا أحرار بجد. وعلى فكرة انا اكتر حاجة بسطاني في كل القوانين اللي عمالة تتحط إن الرجالة هتعزف عن الجواز اكتر واكتر لحد لما يبقى في توازن وإتزان. العصيان المدني الزوجي هو الحل 😅
طيب وحضرتك زعلان يه ماتدفع مهر وجهز بيتك ومتكتبش قايمة..او حتى لو اهلها اعدوك وجابوا حاجات ف البيت اكتب بيهم وصل امانة انما من الواضح ان مفيش حل راضيكم
جزاك الله خيرا
انت راجل محترم ربنا يزيدك و ينفع بيك خلقه
ربنا يبارك لك ♥️
محتوي جميل جدا ❤️
That's what I called enlightenment.
أنا مش ناوي أتجوز أصلا يا عم حسين ههههههه محدش هيقبل أبدا باللي بيتقال ده، وللأسف هتمشي هييجي مليون مغفل هينفذوا كل طلباات الأهالي بحجة أنا شاري أهو انا عريس ماليش مثيل
ربنا يعينك تلاقي بنت الحلال المسلمة سواء في مصر أو بره مصر
والله كتر الله من امثالك انت راجل محترم والقوانين ظالمه كل الظلم
ربنا يبارك في حضرتك ويبعد عننا الظلم يا رب
امين
هو العيب في الرجال المنبطحة المذلولة لي ترضى بهاته العبودية و التلاعب ..مش عارف إلى متى الرجال لما تتزوج تروح لاهل الزوجة كأنهم يمنو عليه ببنتهم وهو ماعندوش قيمة كأنو مش هو الجائزة أصلا وتحمد الله أنو جاها عن طريق الحلال في وقت العلاقات المحرمة أسهل من شرب الماء
جزاكم الله خيرا
الفيديو لخصلي حاجات كتير اوي مكنتش فاهمها بسبب الترتد اللي طالع ده...
اتمني يبقي له جزء تاني وتالت زيادة توضيح للشبهات اللي طلعت جديدة وممكن سلسلة حلقات كمان
شكرا يا فندم. فيه جزء تاني موجود على القناة بالفعل
عالي قوي❤️
انا بدءت احس ان البنت بتفرض علي الشاب مستوي معين لما بتجهز معاه بحجات هي بتختارها
في حين ان بداية الحياه الزوجية ممكن تكون ابسط من كده بكتير جداً
مثال
انا تزوجت ٢٠١٥ فى مصر وشقتى حرفيا فيها تجهيزات لا تقل عن مليون جنية مني ومن زوجتى
بعد الفرح بشهر سافرنا الخليج مغتربين وجهزت شقة تانيه هناك فيها الاساسيات فقط
لك ان تتخيل اننا عايشين في الخليج لنا ٧ سنوات وخلفنا بنتين في شقة الخليج بالاساسيات
والحمد لله مبسوطين وتمام، وشقتنا اللي في في مصر اللي صرفنا عليها المبالغ المهوله دي
مقعدناش فيها غير ٤ شهور في سبع سنوات
الشاهد
ان الحياه ممكن تبتدى بحجات بسيطة اساسية وتعيش زمن طالما الاتنين عايزين بعض
ومستعدين يكملوا مع بعض
انما اللى بيحصل حاليا دة عبث بصراحة قايمة وتكاليف خرافية وبعدها بكام شهر يطلقوا برضة
لو صرفوا علي تربية البنت اللي اتصرف في حاجة القايمة كانت بدءت من شقة وخلتها قصر
لكن نقول لمين🤷🏻♂️
بالضبط كده. منتهى التهريج طبعاً إن حد يتعامل مع كل المشتروات دي على إنها "أساسيات"!
خد دي بقى. بعد ما جيت ألمانيا، حد اقترح علي واحد مصرية أهلها عايشين في كندا، وهي عايشة بين مصر (مع جدتها لظروف شغلها) وكندا.
باكلم والدها، لقيته بيقول لي "بس لازم تشتري شقة تمليك في مصر".
قلت له بس حضرتك أنا مش ناوي أرجع مصر تاني، ولا حضرتك، ولا هي! إيه لازمة الشقة في مصر؟
قال لي لازم يبقى لكم بيت زوجية في مصر علشان لو فكرتم تنزلوا في أي وقت.
قلت له: يعني اشتري النهارده شقة علشان احتمال بعد عشر سنين مثلاً احتاجها؟
قال لي: ده شرطي.
قلت له: ماشي، اشتري شقة، وأؤجرها بعقد إيجار سنتين مثلاً.
قال لي: لأ طبعاً محدش يستعمل عفش بنتي.
قلت له: مين جاب سيرة عفش؟
قال لي: أمال مش عاوز تفرش الشقة؟
قلت له: أكيد طبعاً هافرش الشقة، بس هافرش الشقة اللي هنقعد فيها في ألمانيا، إنما أجيب عفش في شقة مقفولة في مصر، لا أنا استفدت بالشقة بإني أجرتها، ولا بالعفش؟ أدفع دم قلبي في عفش علشان العتة تاكله؟
قال لي: ده شرطي.
قلت له: ربنا يرزقها بحد مناسب.
@@Abosobaie القصص اللي بأسمعها ذي في مصر كلها مستفزة حرفياً ،، الحمد لله ماعندنا هذا الكلام في اليمن ،، وبشكل عام عندنا مهر (مقطوع) يعني انا ادفع مبلغ يقارب الـ 20 ألف إلى 25 ألف ريال سعودي للزوجة وكل حاجة منها اللي هو فرح النساء لأنه مش مختلط والكوشة والميك اب والذهب وكل شيء يخص الزوجة ،، وانا استأجر شقة أو تكون ملك لي وأجهز الشقة بالأثاث والزوجة تزف بوم العرس لبيت الزوجية اللي هو أصلا ملك للزوج واذا حصل طلاق بائن ترجع لبيت والدها ولها حق النفقة للأبناء ونفقة لها في حال كانت حامل أو في مدة العدة ،، ومافيش حاجة إسمها (قائمة المنقولات) لأن الزوجة أساسا لا تقوم بتأثيث الشقة وليس ذلك إلا من شأن الزوج فقط ،، هي ترجع بذهبها إن كان لديها ذهب محتفظه به ولم تقم ببيعه فقط.
ربنا يديم عليكم النعمة ويبعد عنهم شر النواشز
جزاك الله كل خير، بس أنا بعد الفيديو ده كرهت الجواز على اللى بيجوزا أصلا.
للأسف الموضوع مابيمشيش بالسهولة دى، يعنى مش مجرد أروح أقول لأهلهم أنا مش هاكتب قايمه هايقولولك تمام، هايقولولى يلا ياض من هنا :( :D
ما هو لو هيقولوا لك ياض، يبقى بناقص النسب ده
@@Abosobaie 👏😅
بارك الله فيك
وإياكم
الاب الروحي ❤️ جزاك الله خيرا ❤️
جزاك الله خيرا.
محتاجين التوعية دي.
كلام صح مية بالمية
متشكر جدا
عفوا عفوا
ربنا يبارك لك
الفيديو ده مرجع للأجيال
الله يجازيك خير
ياريت تعمل فيديو تاني عن الطرق اللي نقدر ناخذ بيها حق الزوجة المعتدى عليها، لأن دي أهم حجة بيستخدموها لما يبرروا الإجرام ده.
وشكرا..
امين، وإياكم.
معذرة مش فاهم السؤال. ايه الحجة بالضبط؟
@@Abosobaie
بيحتجوا بالظلم الواقع على بعض النساء على القايمة، فأنا باطلب منك تعرض الطرق اللي نقدر نرفع بيها الظلم عن النساء بدون قائمة.
الواحد حزين والله
يعنى الواحد عايز يتجوز بس اللى بيشوفه بيبقى خايف يلبس فالحيط
احنا معندناش كتابة قايمة الحمد لله
لكن الخوف من إنى أتجوز طالب الاستقرار وألاقى نفسى فجأة فدوامة واللى متجوزها وشايفها ملاك تتحول لعدو يريد هلاكى!
ادعي ربنا يرزقك بالزوجة الصالحة
أحسنت
جامد ♥️♥️
فيديو مهم
المرة السادسة لمشاهدتي للفيديو
القايمه مثل الفوايد والربا
مثلاً يجبوا عفش ب ١٠٠ ألف يمضوه قايمه ب ٥٠٠ ألف
القايمه حرام شرعاً مثلها مثل الربا والقمار
بارك الله فيك
و فعلا و الله اللي قولته في الدقيقه 5:40 مسخره فعلا
هي حقها تطالب بمهر و قائمة المثل حتى لو مش مكتوب و الزوج ملزم بأثبات العكس
و انت في حالة الخلع لما تيجي تطالب بالمهر اللي مش مكتوب ماتعرفش
ده غير ان قانون الاحوال الشخصية معمول علشان يحط عليك ، و فيه بنود كثير ظلم و افتراء ، زي مثلا حق الزوج في الولاية التعليمية ، اللي بتروح بدعوه إجرائية عاديه للحاضن اللي هي الزوجه ، او مثلا موضوع التمكين من مسكن الزوجية
حاجه بؤس.
بس و الله الواحد مش يائس ، و عنده امل في ربنا و التغيير قادم لا محاله ، لان اللي احنا فيه ده من علامات استبدال الامم ، و ده على مستوى عام و شامل ، مش في موضوع الفيديو بس .
اللهم مكن لعبادك الصادقين .
الموضوع جميل ومهم بس للأسف الواحد من كتر المشاكل اللي بيشوفها في الواقع مبقاش عنده أمل أن ده ممكن يحصل
أنا ضد القايمة، ديه حجات مش في الشرع ،الناس الي عايزة تعمل كده دول بيتجرو ببنتهم مش بغرض الزواج وتكوين الأسرة، لو اتقدمت لواحدة وطلب مني اهل العروسة أمضي علي قائمة هرفض وهقلهم شكرآ ومع السلامة، مفيش حاجة اسمها العريس يجيب عفش البيت ويكتبه باسم الزوجة في القايمة إلا لو ابو العروسة هو الي جاب جزء من العفش او العروسة جابت يبقي يكتبها أبو العروسة لو مش مأمن العريس
يارب ما تنتقل لدول اخرى
هذه تقلل رغبة الزواج عند الشباب
مع صعوبة الوضع الحالي
بيزيد العزوف عن الزواج وهذا شر عظيم
برافو
ربنا يصلح حالك
المشكلة إني لو ممضتش قايمة مش هتجوز كده 😂 بس حتى لو وصلت لكده أنا على استعداد إني أدفع الضريبة دي مقابل إني عيش راجل مش مجرد شخص الزوجة بتتحكم فيه وتوديه شمال ويمين وليس له من أمره شيئ
أرض الله واسعة. ماتبقاش بتدور في مدينتك أو محيطك بس وتقول مستعد أدفع الضريبة. توكل على الله ، وابقى اعزمني على الفرح
ربنا يصلح الحال وييسر لأنها باظت من جميع الجوانب ، الحمد لله ، وشكرًا لحضرتك حلقة عظيمة ♥️♥️
لو عايز تتجوز بدون قايمة هتتجوز ما تقلقش بإذن الله.
دلوقتي في جوازات كتير جدا بتبوظ عشان القايمة ، ف هتلاقي ناس هتقبل بالجواز بدون قايمة.
معلومات وكلام مهم جدا جدا.. بس للاسف جه بعد فوات الاوان. وبعد ما الناشز المادية ما خربت بيتي قضايا. واستحلت الذهب تاخده مرتين زورا وبهتانا عشان مكتوب قي القايمة.
ربنا يعوض عليك بحسن نيتك دنيا وآخرة ويبتليها حتى تتوب وترد الحقوق
مش عايز اشمت فيك بس والله انت تستاهل
هل في شخص ضربك في ايدك و قال لك توقع؟؟
هل اهل العروس غصبوك؟؟
هل انت قليل عقل او فاقد للأهلية؟؟
انت اللي وقعت بأيدك فخليك راجل و استحمل اللي يجيك
@@rosegball1689 لما اسأل كل الناس ويقولوا لي عادي انك تمضي على قايمة، الكل بيعمل كده. وانك لو مش عاوز تمضي على قايمة ف انت كده مش هتتجوز..
انا كنت بأسس أسرة عشان اكمل نص ديني واستقر، كنت حسن النيه ومش معطي اي خوانه.
وعشان نيتي سليمه وكنت بقول اني في كل الاحوال هحافظ على زوجتي وبيتي، مكنتش اتخيل ان ممكن يحصل شيئ زي كده وان ممكن زوجة تهد بيتها بسهولة لانها كسبانه ماديا في كل الاحوال.
لكن اتضح اني كنت طيب زيادة وان الناس نفسها اتغيرت وبقت مادية وانهم بيقابلوا الاحسان بالإساءة الا ما رحم ربي.
ساعد على كده قوانين ظالمه، شجعت من في نفسها مرض انها تخرب بيت زوجها او طليقها لانها مستفيدة ماديا بكل الاحوال.
@@rosegball1689 ثانيا واضح من ردك انك سيدة.. لكن ده مش معناه ان عشان كنت حسن النية وصادق في تأسيس اسرة مع من اعتبرتها زوجتي وشريكة حياتي، انها تستحل ما لا يحق لها ظلما وعدوانا.
@@ahmedsamir2273 للأسف صديقي انت 7 ...ار وتستاهل لو إللي قدامك ابن حلال وشاريك كان إلتزم بالشرع وبالدين وماطلعش منو زمان كنا نتعاطف مع إللي زيك بس في الوقت الحالي السوشال ميديا انتشرت والمعلومات اصبحت بمتناول اليد بس للأسف في ناس مستحيل تفهم إلا بالتجربة
الله ينور أستاذنا بس حتة قايمة المثل كانت محتاجة تاخد أهمية أكبر من كدة و كمان ذكر التمكين من الشقة لو ملك في حالة جابو طفل.
ربنا يكرمك. أنا ركزت في الحلقة دي على القايمة بس، لأنها هتاخدها كده ولا كده سواء مخلفة أو لا.
والله كفيت ووفيت
فى مرسى مطروح كقبائل عربية لا يوجد شىء إسمه قائمة منقولات
الزواج يكون بمهر إلى الزوجة
و تجهز بيتك او شقتك او حتى دار لك فى بيت العائلة و انتهى الأمر
بل و أصلاً يتم العقد على الطريقة الشرعية بدون عقد لدى المأذون
و يكون العقد بعد سنوات من الزواج
و ممكن تسجيل الاولاد قبل العقد عادى عن طريق مجلس العمد المُعتمد لدى الحكومة لطبيعة اهل مطروح
بارك الله فيك ونفع بك بالله عليك متسبيش الشباب
I guess we did it, we won 😂❤️
محتاجين نعرف اكتر عن موضوع قائمه المثل
لا طبعآ أنا ضد القايمة تماما ولو عندي بنت مش هكتبهلها
اللهم صل وسلم على نبينا محمد وعلى آله وصحبه أجمعين
عليه جنحه حكمه .هل يمكن عرض المنقولات بدون الذهب لانه مع الزوجه ولا يوجد شهود .المحامى بيقول لازم المنقولات تكون كامله . وبيقولى ممكن ياخد القاضى بحلف اليمين وممكن مش ياخد بالحلف ويطلب العرض كامل ايه الحل .
ممكن حضرتك تضيف جزئية أصلها نفسه وإنها عادة يهودية عملها واحد يهودي عشان يركع جوز بنته المسلم وتحطها مع فيديو الانفوجراف جانب مهم مينفعش نغفل عنه
ياجماعه اسمع الكلام ياجماعه اسمعوا الكلام حسبي الله ونعم الوكيل
انا واحد سرق العفش وانا مسافر ورافعين قضيه تبديد عفش
الله
حسبنا الله ونعم الوكيل
يسلم بوقك، يا مستشار
ربنا يبارك لك، بس أنا مش محامي أصلا
طيب فيه سؤال، لو هو فعلا بعد الطلاق رمى عياله، يتقترح على الست تعمل ايه؟؟ لو هي عاوزة تتقي الله. انا باسأل حضرتك لأني أم عندي اولاد و بنات ، و لا عاوزة اظلم ازواج بناتي ان شاء الله و لا زوجات بناتي ان شاء الله.
كلامك ممتاز بس ياريت تقول محدش اصلا يكتب قائمه لاي سبب جيب بنفسك كل شئ واكتب في العقد زي محضرتك قولت واوعى شاب يكتب قائمه اللي مش راجل هو اللي هيكتب قائمه وهيبقى خلال في ايد الست
يا نهار اسود..يبقى بلاش نتجوز احسن..هي الدنيا بقت وحشه ليه كده؟!
محتاجين تفصيل أكتر في الحاجات الي كانت في أخر الفيديو.
زي ايه؟
@@Abosobaie زي شهادة الزور في القايمة وكتابة الدهب في القايمة.
@@abdelrahmankhaled1996 حاضر، قريبا إن شاء الله
طب والخلفه يا استاذنا ؟ لما تكون حاضنه هترفع قواضي وتاخد الشقه وتبهدله طالاما خلفت؟
لوسمحت يبقى الحل ايه ؟
نكتب فى عقد الزواج كل المنقولات ملك للزوج
وبعدين نكتب وصل أمانة نقدًا ؟
معلش عشان انا ام لعريس وخايفة عليه
وهو ده اللى فهمت انه يتعمل …فهل صح ولا خطأ؟
الافضل ان يجهز بيته بحسب مقدرته وبالحد الادنى من كل شئ اذا كانت مقدرته ضعيفة اما اذا كان الله ميسر عليه فيوسع على نفسه واخرجو من القضية بالكامل ويبقى ارتحتو من وجع الدماغ . والإجابة على سؤالك لو كل المنقولات ملك الزوج فلا داعي لكتابة اي شئ لأنها ملكه وغير ملزم بأي شئ اما لو ساهمت الزوجه في تجهيز البيت فيضمن الزوج قيمة ما دفعته هي ويدفعه لها كمهر بأثر رجعي ولا يكتب اي شئ
تزوجنا من مصر ولم اسمع بالقائمة ولله الحمد
ولكن اذا كتبت في القائمة يحق للزوجة اذا طلقتها فقط ، هل هكذا ممكن قانونيا؟
طبعا .. القاضي هياخد باللي مكتوب
محتاج رقم حضرتك ضرورى .
او رقم عليه واتس لو تكرمت .
وهل في الحالة الأخيرة اللي حضرتك ذكرتها وهى أن الزوج هيكتب مكان المنقولات المهر سواء مقدم أو مؤخر ، مش ممكن بردو القاضي يحكم بقائمة المثل ، أو أن المنقولات اللي في مسكن الزوجية ملك لها ؟
هيحكم بقائمة المثل لو طلاق إنما خلع مش هيحكم طالما مكتوب مهر
سؤال هو لو اتكتب ان القائمة هي المهر مش كدة من حقها تاخدها لو كسبت قضية خلع؟
رائع انت اخي والله منصة اليوتيوب منصة فاشلة
اصبر وان شاء الله تصل كلمتك
ربنا يبارك لك يا رجل 🌹
@@Abosobaie أنشر فيديوهاتك على الفايسبوك او توتير تصل أكتر
طيب لو البنت كويسه جدا وأهلها رفضوا ان مكتبش قايمه؟ و هل هلاقي ناس يرضو اني مكتبش قايمه؟
لو البنت كويسة جدا وأهلها مصرين أنك تكتب قايمة، تستنى وماتمضيش لحد بكره، تكون نزلت الحلقة الجديدة، وتقرر بنفسك بعدها.