Ση παρχάρ' το καρδόκαμαν | Νάκης Πολυχρονίδης - Γιάννης Καμπάς

#Αέρα_παρχαρί #Γιάννης_Καμπάς #Νάκης_Πολυχρονίδης
Στίχοι: Βασίλης Ταρνανίδης
Μουσική: Παραδοσιακό
Τραγούδι: Νάκης Πολυχρονίδης
Χͮειλι͜αύλιν: Γιάννης Καμπάς
-----------------------------------------------------
📝 Στίχοι 📝
Θεέ μ’ απόψ’ ξάι μη χͮι͜ονίεις
Παράκλησην ευτάγω
Σ̌κεπάεις τα ποδαρέας ατ’ς
Και ’κ’ επορώ να πάγω
Όντες γριντζών’ ο χͮειμωγκόντς
Και σύρ’ το χͮι͜όν’ βουρέας
Για τ’ εσέν τα κανάτι͜α μου
Θ’ ευτάγ’ ατα φωλέας
Σα παρχάρι͜α να έμ’ δεντρόν
Ση χαμονής την ώραν
Άλλο μιγκίν να μ’ εύρηκες
Να έρχουσ’νε σην εβόρα μ’
Ση παρχάρ’ το καρδόκαμαν
Να έμ’ νερόπον κρύον
Σίτ’ έπινες ν’ εβούρτσιζα
Σ’ εμπροκάρδι͜α σ’ ολίγον
⤛Γλωσσάρι⤜
ξάι: καθόλου
ευτάγω: κάνω
γριντζών': δείχνει τα δόντια του
βουρέας: χούφτες
κανάτι͜α [λ.τ. kanat]: φτερά
χαμονή, η: χαμός, όλεθρος
μιγκίν: τρόπος
εβόρα, η: σκιά
καρδόκαμαν: υπερβολική δίψα
εβούρτσιζα: γλιστρούσα
εμπροκάρδι͜α, τα: στήθη

[@pontian.youtube]

Υπέροχοι, συγχαρητήρια !!

[@Σοφια-η9λ]

Polli.oreo.mravo.
Sofia.apo.ptolemaida.❤💙