1/64 CM Model Pagani Zonda Revolucion Hong Kong Toycar Salon 2023 vs. Tarmac

最終都去左車仔展, 去到好似對好多車仔都無晒感覺同興趣, 因為來來去去都係果啲款, 真係有啲厭倦, 就算買呢架都係掙扎過, 因為同款巳有, 但佢就靚過 Tarmac 同一架, 因為佢多左碳纖, 黑色同藍色地方都有, 其他既 CM Model 賣 HKD130, 佢就賣 HKD180, 應該係多左好多功夫造。
望住佢覺得顏色幾靚下, 先前無買 Tarmac 係因為佢用黑車 link, 都係鐘意金或銀 link 靚啲, 雖然佢送多對黑 link, 但真係無興趣安上去, CM Model 既link 似屎金色, 無 Tarmac 種銅金色咁靚, Tarmac 車前半身側邊位較圓渾, 但整體上唔多覺得佢地既分別, 最明顯分別係車尾中間堆死氣喉造法好唔同, 但都係鐘意 Tarmac 既造法, 轆就唔多好轆, 推住車輪會轉動, 但無 Tarmac 果啲轆得咁鬼順, 一放手架 CM Model 就即剎車, Tarmac 車窗有洞但 CM Model 無, 佢就送返幾條銀線比你而 Tarmac 又無, 如以車身顏色同質感, 就當然呢架 CM Model 靚過 Tarmac.
呢架車既嚴重 QC 問題係係車頭燈到, 例牌都係拍完片睇片時先發現, 真黑仔, 咁都中獎, 成條頭髮咁由左邊車燈延伸出嚟, 食死左係啲漆到整唔甩, 係成架車既敗筆, 仲有車頭亦有幾撇黑, 視頻可以清楚看見, 因為太深色所以買時都留意唔到, 上次買 CM Model metallic red Ferrari 又係車頭中招, 何必偏偏選中我。如果買呢架車, 要細心望下有無毛髮痴係啲車漆上, 其實我見有啲係有膠水跡, 係燈光下一望會知因反唔到光, 但黑毛髮呢加野係最難睇, 因為深藍色, 所以要退坑, 唔想買車仔, 因中獎實有我份。
反而車仔展既收獲又係人偶, 今次無再買 Subtle Dream, 因為又係迷彩, 只覺佢第一同第二年既迷彩造得靚, 今年係掃左 Nanoer preorder 三寶, Tom Cruise, Yes No Man, 同一對男女迷彩服人偶, 個人比較鐘意今次 Nanoer 既迷彩較簡單自然, Tom Cruise 今次真係第三次遇上, 第一同第二次又係慢左少少, 今次慢慢入因入得車仔展都會有, 哈哈。
原本就唔想去, 因為退坑嘛, 但一去又線左入坑邊, 但仍會努力爬返出嚟退坑。