【18區搵食-食勻柴灣最出名4間餐廳】
Вставка
- Опубліковано 20 жов 2024
- 【18區搵食-食勻柴灣最出名4間餐廳】堅巨型魚柳包|真係有前臂咁長|魚柳仲長過麵包|葱油生炸雞髀|新鮮熱辣西多士|新桂香燒臘|全港最好食嘅叉燒?|$50盒叉燒飯|字典咁厚雪糕格仔餅|麻糬奶茶飲過未?
只要上網搜尋柴灣美食,通常都會有幾間好標誌嘅餐廳出咗嚟,今集就同大家食勻4間柴灣最出名嘅食店,可謂上山下海,拍到身水身汗呀!
第一站澤記快餐飯店,以超巨型魚柳包聞名,餐牌上見唔到有魚柳包嘅選項,店員話直接落單嗌魚柳包就有~魚柳包一上枱,果然名符其實,真係超巨型,足足同前臂一樣長!魚柳仲長過麵包,犀利!就咁睇以為好乾,點知咬第一啖非常juicy,冇雪味,除咗係食到好狼狽,冇其他缺點!
第二站興華茶餐廳,就喺興華邨入面,真係要行上山先食到~馳名葱油生炸雞髀,可能冇配飯就咁食係鹹咗啲,建議大家叫葱油生炸雞髀飯,撈埋啲葱油送飯就啱啱好~另外西多士新鮮熱辣,比起平時食開,呢度牛油味重啲,好邪惡。
第三站新桂香燒臘,呢度嘅叉燒係全港最好食@@單單一盒叉燒飯都要$50,唔好食真係揼心口呀。不過叉燒真係好食,一盒飯有齊半肥瘦叉燒同瘦叉燒,個人覺得半肥瘦叉燒好食,帶點焦香同埋蜜汁,送飯冇得彈!
第四站係BB雞蛋仔,成本字典咁厚嘅雪糕格仔餅!雪糕真係超厚,不過因為天氣太熱融得超快,又係食到好狼狽……但格仔餅外脆內軟糯,經過買嚟打卡ok喎~
最後一站嚟到新開嘅手搖店濛茶茶,久違地拍超過4間食店,呢度居然有一款麻糬奶茶@@作為麻糬控嘅我點可以唔試呢!本身茶底係伯爵奶茶,麻糬軟呼呼,同奶茶完美融合,叫咗微甜,甜度剛剛好,比起珍珠同椰果,更愛麻糬順滑嘅口感^^
澤記快餐飯店
地址:柴灣吉勝街10號熟食市場
巨型魚柳包 $32
興華茶餐廳
地址:柴灣興華邨二期和興樓203-204室
葱油生炸雞髀 $29
西多士 $18
新桂香燒臘
柴灣柴灣道345號金源洋樓地下17號
叉燒飯 $50
BB雞蛋仔
地址:柴灣柴灣道350號樂軒臺地下413號鋪
綠茶雪糕格仔餅 $24
濛茶茶
地址:柴灣柴灣道365號漁灣邨漁豐樓地下5號鋪
麻麻茶茶 $25
主持、撰文:Yvonne Lam
攝影、剪接:Doris Wong
美術:Anita Lam
TalkFood 先填飽肚子再前進:
UA-cam : / talkfood
Facebook : / talkfood
Instagram : ...
延伸閱讀:
【18區搵食-全港最後一間「扒王之王」+豬柳蛋雞蛋仔?】
• 【18區搵食-全港最後一間「扒王之王」+豬柳...
【18區搵食-銅鑼灣4間人氣刨冰店,邊間最好食?】
• 【18區搵食-銅鑼灣4間人氣刨冰店,邊間最好...
【18區搵食-太子搵食遇到史力加綠色「鬼口水」】
• 【18區搵食-太子搵食遇到史力加綠色「鬼口水...
桂香只係睇你彩數,好彩食到靚位嘅就好食(又或者你識揀or 佢心情好幫你㨂),如果唔係就唔值,附近其他燒味店平得嚟味道唔會差過佢。
佢隔離嗰間,好食好多
有鏡頭咪好食
@@eggban6768😂😂😂
佢心情好?我x,给咁嘅價錢睇你心情?
我本人的親身經歷:大約兩個月前專程往柴灣新桂香買义燒, 二百多元1斤, 要求要較瘦肉質較林的, 但師傅快手快腳切好肥的一塊給我, 我很是生氣, 不再光顧!
澤記普通料嚟啫,去得果頭不如食咖喱魷魚麵仲好
興華希望新接手會搞得越來越好啦
新桂香真係講彩數,半肥瘦=任佢俾,瘦叉鞋口咬唔開
BB雞蛋仔唔識評,雞蛋仔同夾餅自己覺得北角好食啲,但夾餅加雪糕唔係間間都有
奶茶店自己幫襯過一次唔太啱口味,喜歡茶味重奶少嘅可以一試
真正柴灣友其實仲有好多選擇
我係柴灣街坊,我會食新桂香,雖然唔係話經常食,但唔好話柴灣街坊一定唔食,但買飯盒嘅叉燒真係麻麻地,斬料會好食D
飯盒一定俾下欄部位
識食一定係斬料,仲要係半肥瘦&爽叉。
思九宀N8~ 和
,現任
我哋西灣河呀有一間海寶酒樓 嗰啲叉燒飯好好食
謝謝你的介紹,非常非常佩服你嘅食力👍🏻👍🏻👍🏻
新挂香買左盒燒排骨飯。X到收唔到聲。幾乎全骨咬唔到一舊肉。同以前差好遠又貴。無下次。叉燒其實都係一般較上一點。性價比唔高。
十幾年前响柴灣返工,自己又住開柴灣,有次公司做牙,想幫啲同事謀求福利,早啲去新桂香買燒肉同雞返公司拜神,都買咗 $200-300蚊以上, 兩條骨、一隻雞拜完神,同事煮個飯同菜就係伙記福食啦!我搭單買份半肥瘦叉燒返嚟,諗住放工响屋企做餸,點知佢話30蚊,平時我買唔起, 十幾年前喎 ! 佢唔會賣,30蚊只得拳頭掌心咁多,又唔畀我揀,肥多肉少。
真係要我豬油撈飯咩?
平時買佢哋啲飯盒真係,差唔多五十蚊起跳。
如果真係想虐待自己,或者錢多,就睇佢哋面色啦 !
美食當前,就委屈下自己啦 !
又或者我五行欠打、樣衰啦!所以先至有呢種待遇。
被迫花錢,去買佢嘅下攔食品清貨。
新、舊桂香,我由出世,就住柴灣到依家,四十幾年,佢哋都係一街之隔啫。
我由以前嘅宏德居,食到金源樓,佢哋以前係用紙飯盒鋁質內幕,每日都要摺疊。
燒豬、乳豬响馬路邊燒。食到佢老細唔做,佢哋先至後來再開。
佢哋依家嘅氣燄,有時真係無人能及,隨時跳掣。
真係唔知有幾多個人受過佢哋嘅氣。
就連啲姐姐都一樣冇禮貌。
佢哋有禮貌,可能係你哋經常幫襯啩?或者自尊心較低?抵抗力強?畀人鬧當講笑。
我通常唔會再自己親自幫襯,除非我老公買。
要俾錢受氣我做唔到。
都唔建議堂食。
最好揀自己想要嘅嘢買走,望清楚佢會唔會掉包加料,湊夠數量。
佢唔係難食,價錢唔平,就係格衰。
有啲媒體都講過,或者街坊食後感,都會覺得有啲離譜。
你哋就著情去了解啦 !
10 年前 30蚊都俾唔起
師兄你返工最低工資😅?
新桂香唔係唔好食, 但唔值咁貴, 成舊水半斤
BB雞蛋仔好食,佢格仔餅超好食,仲有好多口味,正
Yvonne 加油💪🏻💪🏻💪🏻
新桂香斬料好貴,住柴灣都少吃,叉燒都是正常,有其他選擇。
最尾間茶店,我覺得伯爵奶茶味好怪,中伏😂
商場間功夫茶好飲好多
YY:個魚柳包抵食過M記,一定要搭來試下😁🙏
有邊間唔抵過金貢門😆
只能食包唔好叫其他嘢,加幾蚊叫多杯嘢飲都不過不失嘅
雪糕格仔餅好吸引
YY:下次有機會介紹下三餸飯😄🙏🙏🙏
柴灣大
更係食澤記隔離2個舖' 合興嬤姐麵,/咖哩鱿魚麵
仲有興華邨二期興華茶餐廳👍😋
朝頭早開嗰間車仔撈麵把鬼,完全冇特別,啲汁都係普通豉油汁
執左囉,吾好賣廣告
柴灣街坊表示 唔會食新x香~
Why???
咁行前幾個鋪的大方燒臘呢?我見有叔叔會堂碟頭飯
没口杯,差评
桂香平日午市有開幾張摺檯,算唔算堂食
興華茶餐廳巳顶手给往日大厨,改國號為(添淑厨房)
每次有youtuber 介紹新桂香,總有不知名的人出來代表10萬柴灣街坊說柴灣人不會吃,難道新桂香每天的叉燒都是外區人來買哂?
咁新桂香都應該自己檢討吓,如果唔係間鋪點會越搬越細
我就係住柴灣都唔去買,新桂香門口長期停泊違泊車輛,唔係外區人唔通住柴灣揸車去買咩!?
我都搬咗去柴灣23年, 問人有咩好食, 真係未有人會向我推薦過新桂香, 只係回應叫我咪撚去, 因為都說....."柴灣街坊說柴灣人不會吃".
就係會揸車嚟買燒味嘅,外來人😮
舊時桂香真係好食啦 新桂香就算吧啦去大家樂食都無咁嬲
興華茶餐廳結業了,條片唔update
20$奶茶抵飲!!搵日去試先!!
飯盒菜都無條,食水深。
自討滅亡,只能呃到外來客
新桂香叉燒……正,好食。
唔好講笑,我係興華二邨住咗四十幾年,興華餐廳D嘢好一般,不過價錢係比較平
食完今集 。 應該爆晒標 == 》熱量
佢隔離嗰間燒臘D叉燒重好食過佢…..新桂香上次入一入去買咗D普通野都要五百幾…見你唔係街坊會sale你買貴啲嘢😅
之前叫半肥瘦叉饭,来了個全瘦叉很难食
點解唔講埋魚肉咬落去嘅口感呢?
呢樣嘢都好重要
桂香就去過.但佢地係有堂食.不過得一張檯仔三個位我每年春秋二祭都係喺呢度買燒肉同雞.貴人幾倍但好食.
中伏,麻麻茶茶啲麻薯口感好難頂,好似食緊鼻涕咁樣😢
係幾好食,不過名大於實,太興义燒好食過佢啦
炭乜鬼燒佢有炭爐牌咩唔通揾個燒烤爐逐條叉燒過火呀,炭燒
有一次買一盒雞鴨飯 基本上全部都係骨 左搭右搭 以後都不幫襯
高威閣個間豬排大王都好食的(10年前), 搬走左之後無食過唔知水準KEEP 唔KEEP到了
現在把鬼
Y小篇好似韓星金智恩😂
新桂香的燒味不算最好食,不少人慕名而來,都失望而回。
其實新桂香街頭的大方燒臘好食過佢,燒肉有肉味,燒味好吃好多,價錢平很多,有機會試下啦。
新桂香真係超好食😋
7/8拾年代是怎样的1.
大魚柳大多是越南Seabassa,Cheap野,同唔健康
新桂香千祈唔好用app叫外賣,否則十居其九都要食蔗渣叉燒😢必需要親身去自己揀, 其實我覺得佢啲品質控制不是太好
新桂香就算親身去到,都無得揀的!
新桂香,忘记啦,算吧
澤記係幾正既😂
新貴香都叫好食,D叉燒又黑又硬,被你D傳媒吹大咗,真係呃鬼食豆腐啦🤭🤭🤭🤭🤭
我喺柴灣
原本都想知柴灣有咩美食, 都試吓.... 講到新桂香幾好.... 笑咗.... 信一成都死啦.... 柴灣美食...
點解左邊眼大過右邊
試咗嗰隻雞髀把鬼,喊到死,山長水遠唔使去,求其一間茶餐廳都好食過佢
介紹人去澤記
唔該介紹清楚
次次見D生面口一兩個人就霸大枱
又唔比人搭抬又唔想人等佢位
位已經唔係多
有幾次明明睇住係人地坐低先
有D友衰到同伙計講
叫人地坐開讓佢地先
坐低又嫌棄D野污糟又無冷氣
有時仲要被逼同佢地搭枱坐
叫D友無耐性勿排勿去
主持懶音嚴重,聽得很辛苦
新桂香用新鮮豬肉,其實唔算貴。
唔介意新鮮豬定冰豬,或者根本食唔出分別嘅人當然就另計。
曚茶茶難飲到 飲兩啖已經頂唔住
50值唔值🤔
太貴了😅😅😅
不值
唔係喎,我專登落去買义燒,好好食喎!,
啲阿伯阿婆好有錢 成日圍住間新貴香
可能其實係圍住佢隔離間西醫診所,8:30開診,7點前幫家人排隊已有好多公公婆婆在排緊,好彩去得早
龍脷柳把鬼, 最唔鍾意食佢陣味.
主持話間矇查查mix埋落去另一間舖頭, 真係香港人先明
白飯差
試過興華炸雞肶,又乾又硬。失望。
😂宜家邊度仲有20-30蚊燒味飯啊 平均都40-50 食個老麥都唔止呢個數字
40蚊系加埋野飲姐🤔
土瓜灣有廾蚊义燒飯,不過質素麻麻
50蚊
真係傻左,唔值
it sounds like she oversold every dish.
新桂香啲野好撚贵,品质一般。50蚊义烧得几片,白反15蚊,冇下次🖕🖕🖕
澤記…. 去到門口已經唔想食…太污糟了
作假,全部劣評
我住柴灣十幾年都未去過.渣車成日經過吉膀街見就見過呢間快餐,但咩名都唔知.纖過你介紹.我會補去返.
主持唔掂!
先唔評論新桂香好唔好食,一心買出名叉燒外賣回家一開,佔咗大半盒係純肥膏,透明果隻,真仆街!此生不再幫襯🖕
扮哂口細,同真人一樣咁扮野
一次過食四間,會變肥妹仔
又介紹垃圾新桂香?都唔明有咩好介紹
She sounds to me she speaks cantonese with a foreign accent.
主持好似肥左
我都覺
淨係見到興華大大隻加油字就唔會去食,黄店。
垃圾擇記, 夠膽去嗰度食野都算係好大勇氣, 見到個環境都想嘔, 咪講笑啦柴灣邊有好嘢食啊?