IV FESTA DA CANTARELA. Asuán Alejandría 7 Graos. Sumrra

Video resumo da IV Festa da Cantarela, organizada pola Asoc.de Desenvolvemento Rural Serra do Caurel dentro dos actos de celebración do seu 25 Aniversario e grazas ao convenio asinado coa área de Medio Rural, Mar e Mocidade da Deputación de Lugo.
Nesta ocasión contamos tamén coa colaboración do Campus Terra da USC, que aportou documentación científica e informativa a tódolos asistentes.
Para o menú degustación, ademais do traballo de Casa Caselo e Casa As Triegas, contamos coa imprescindible axuda de Héctor López e o seu equipo do Restaurante España de Lugo.
Ademais, queremos salientar o traballo da Sociedade Micolóxica Lucus nos roteiros interpretados e da Fundación Legar no apartado musical: sen eles, non habería festa.
A música foi cedida polo su autor, Xacobe Martínez Antelo, e está incluída no traballo "7 Visións", de Sumrrá, que no 2018 e mais no 2022 actuaron no mesmo escenario padernés dentro do noso CourelSon.
E a montaxe foi a cargo de Miguel Ares, tamén dentro do proxecto do 25 aniversario da nosa asociación subvencionado pola área de Medio Rural da Deputación de Lugo.
Grazas a tod@s.