Ven.Walapane Rathanawansa Thero - 2022.04.01 - 08.02 වලපනේ රතනවංස ස්වාමීන්ද්රයාණන් වහන්සේ
Вставка
- Опубліковано 5 вер 2024
- තුන්ලෝකාග්රවූ, භාග්යවත් වූ, අර්හත් වූ, දසබලධාරී, සුගත තථාගත සම්මා සම්බුදු රජාණන් වහන්සේටත්, උන්වහන්සේ විසින් පරෝපදේශ රහිතව ස්ව උත්සාහයෙන් ප්රත්යක්ෂ වශයෙන් අවබෝධ කරගෙන දේශනා කොට වදාළ උතුම් ශ්රී සද්ධර්මයටත්, උන්වහන්සේ විසින් දේශිත ඒ උතුම් මාර්ගයේ වැඩමකළ සහ වැඩමකරන්නාවූ අෂ්ටාර්ය පුග්ගල මහා සංඝරත්නයටත් පළමුවද, දෙවනුවද, තෙවනුවද අපගේ නමස්කාරය වේවා!!! සාදු! සාදු!! සාදු!!!
*** (Suthra pitaka, Ku.ni, Ithiwutthakapali, Ekaka nipatho, Duthiyo, Paduttapuggala suttha 1. 2. 10.)
අද, 2022 බක් මස 01 දින, (සිකුරාදා) ගුවන්විදුලි සංස්ථාවේ ස්වදේශීය සේවය ඔස්සේ පෙරවරු 08.02 ට විකාශනය කරන ලද ධර්මානුශාසනාව පවත්වා වදාළේ; වාද්දුව, මොරොන්තුඩුව, කුඩාගෝනදූව උත්තර චේතියාරාම මහා විහාරාධිවාසී, ඓතිහාසික වීදාගම සිරි ඝනානන්ද පිරිවෙනෙහි සහ කළුතර දෙදියවල ශ්රී ධර්මාරාම පිරිවෙනෙහි දෙමළ විෂය භාර ආචාර්ය, මහාවංශ පරිවර්තක මණ්ඩලයෙහි දෙමළ භාෂා පරිවර්තක, ත්රිපිටකාචාර්ය, ත්රිපිටක විශාරද, ප්රවීණාචාර්ය, අපගේ කළ්යාණ මිත්රයාණන් වහන්සේ, අවසරයි, වලපනේ රතනවංස ස්වාමීන්ද්රයාණන් වහන්සේ විසිනි.
තුන්ලෝකාග්ර වූ, භාග්යවත් වූ, අර්හත් වූ, දස බලධාරී, සුගත තථාගත සම්මා සම්බුදු රජාණන් වහන්සේ විසින් දේශනා කොට වදාළ, උතුම් ධර්මස්කන්ධයන් අතුරින්; සූත්ර පිටකයේ, ඛුද්දක නිකායේ, ඉතිවුත්තක පාළියේ, ඒකක නිපාතයේ, දෙවන වර්ගයේ, "පදුට්ඨපුග්ගල සූත්ර දේශනාවේ" එන; "ඉධාහං භික්ඛවේ ඒකච්චං පුග්ගලං පදුට්ඨචිත්තං - ඒවං චේතසා චේතෝ පරිච්ච පජානාමි' ති"... යන උතුම් ගාථා රත්නය මාතෘකා කරගනිමින් හා තවත් සූත්ර ධර්ම කීපයක් ඇසුරු කරගනිමින් පවත්වන ලද ඒ උතුම් ධර්මානුශාසනාව අසා ඒ අනුව සිත් මෙහෙයවමින් මෙලොවින් පරළොවට ගෙනයන මිණිමුතු රැස්කරගන්නට ධර්මයට සමීප (උපාසක) ඔබ අප්රමාදී වේවා!!!
*** මෙම උතුම් ධර්මානුශාසනාවේ හඬපටය බාගත කරගෙන අන්තර්ජාල සබඳතා නොමැතිව ශ්රවණය කිරීම සඳහා පිවිසෙන්න;
www.y2meta.com...
අපගේ වන්දනීය දේශකයාණන් වහන්සේටත්, ගුවන්විදුලි සංස්ථාවේ හා බාහිර වශයෙන් නන් අයුරින් දායකත්වය සැපයූ සැමටත්, පින් කැමති සියළුදෙනාටත් මේ උතුම් ධර්ම දානමය පින් අත්වේවා!!!
එසේම අපගේ මව්පියන්, සහෝදර සහෝදරියන්, ඤාති මිත්රාදීන්ටද, අනන්ත සසර පටන් මේ මොහොත දක්වා අප නමින් මිය පරලොව ගියා වූ සියළුම ඥාති-මිත්රාදීන්ද, ගුරු-දෙගුරුන්ද මේ පින් අනුමෝදම් වෙත්වා!!!
යමෙකු දුගතියක වෙත් නම් මෙ පින් බෙලෙන් සුගතිගාමී වෙත්වා!!! සුගතියක වෙත්නම් එහිදීම උතුම් වූ ධර්මාවබෝධය වේවා!!!
අවසන් වශයෙන්, ඔබ අප සියළු දෙනාටම මේ උතුම් ගෞතම ශ්රී සම්බුද්ධ ශාසනයේදීම සසර කතරින් එතෙරවීමට තෙරුවන්ගේ ආශීර්වාදයෙන් හැකියාව ලැබේවා!!!
"ශ්රී සද්ධර්මය නිතර අසන්න (සුණාථ), ඒ ඇසූ ශ්රී සද්ධර්මය හොඳින් සිත් හි දරාගන්න (ධාරේථ), එසේ සිත් හි දරාගත් ශ්රී සද්ධර්මයට අනුව හැසිරෙන්න (චරාථ - ධම්මේ). එසේ ශ්රී සද්ධර්මය නිතර ශ්රවණය කිරීම තුළින් කලින් නොඇසූ දේ අසන්නට ලැබේවි, ඇසූ දෙයක් නම් එය වඩාත් තහවුරු වේවි, සැකයක් තිබුණා නම් ඒ සැක දුරුවලා යාවි, වැරදි මත තිබුණා නම් ඒවා නිවැරදි කරගන්නට හැකි වේවි, සිතේ පැහැදීමක් ඇතිවීම තුළින් දෙලොවටම වැඩදායී ජීවිතයක් ගතකරන්නට ඉන් විශාල පිටුවහලක් ලැබේවි. ඔබටත්, පවුලේ සැමටත්, සමාජයටත්, මුලු මහත් ලෝකයටත් ඉන් යහපතක්ම වේවි.
බුදුන් සරණ හැර අන් සරණක් නැත මා හට,
දහම් සරණ හැර අන් සරණක් නැත මා හට,
සඟුන් සරණ හැර අන් සරණක් නැත මා හට,
මෙතුන් සරණ හැර අන් සරණක් නැත මා හට.
සාධු! සාධු!! සාධූ!!!
"දස බල බුදුරජාණන් වහන්සේ නම් මහා පර්වතය මුදුනින් හටගත් අමා මහ නිවන නම් මහා සයුර කෙළවර කොට ඇති ආර්ය අෂ්ඨාංගික මාර්ගය නම් සිසිල් දිය පිරුණු ඒ උතුම් තථාගත බුද්ධ වචනය නම් වූ මහා ගංගාව අපමණ සත්ත්වයාගේ අනන්ත සසර දුක් ගිනි නිවාලමින් තව බොහෝ කල් ගලා බසීවා!!!
(වසර විසිපහක් පුරා භාග්යවතුන් වහන්සේට ඇප උපස්ථාන කරමින් කටයුතු කළ අග්ර උපස්ථායක, ධර්ම භාණ්ඩාගාරික ආනන්ද මහ රහතන් වහන්සේ විසින් කරන ලද අධිෂ්ඨානයකි.)
අපගේද පරම පැතුම එයයි. එය එසේම වේවා!!! සාදු! සාදු!! සාදු!!!
*** ධර්ම ප්රචාරය සඳහාම වෙන්වූ අපේ මුහුණුපොත;
m.facebook.com...
෴ ජයවීරගේ සමන්ත ෴ රුසියාවේ සිට ෴
(කෘතඤ පූර්වක පුණ්යානුමෝදනාව; ගුවන්විදුලියේ මහ ගෙදර, ගුවන්විදුලි සංස්ථාවේ ආගමික අංශයේ සැමට)
෴ අහං පන රුසියා දීපේ ෴ ජයවීරගේ සමන්ත ෴ නාමෝ හොතිි ෴
Itha watina daham panividayak asemata salas weme pinen swameenwaha nsetath obatath boho pinsiduveva. Obathuma suwa yen athai sithami
ඔව්, තෙරුවන් සරණින් අපි සුවෙන් සිටිනවා.🙏😍 සුගත තථාගත ශ්රී සද්ධර්මයට ලැදි ඔබට බොහෝ පින් සිදුවේවා!!! තෙරුවන් සරණින් යහපතක්ම වේවා!!! 🙏🙏🙏
@@DrSamanthaJayaweerage theruwan saranai! !!
Rosamalie