Dhamma sermons in Pali - 501, පූජ්‍යපාද හපුරුදෙනියේ පියදස්සන ස්වාමීන් වහන්සේ Hapurudeniye
Вставка
- Опубліковано 15 вер 2024
- "බුද්ධ ජයන්ති ත්‍රිපිටක ග්‍රන්ථ මාලාවේ සූත්‍ර පිටකයට අයත් සුපිරිසිදු බුදු වදන් පාළි භාෂාවෙන්"...501 Dhamma sermons in Pali
*** (Suthra pitaka, Ku.ni, Ithivutthakapali, Duka nipatho, Patama waggo, 2. 1. 1. - 10. / Duthiya waggo 2. 2. 1. - 12.)
වසර 30 ක පමණ කාලයක් උතුම් ශාසනික ප්‍රතිපදාවේ යෙදෙමින්, දෙස් විදෙස් ගිහි පැවිදි බොහෝ පිරිසකට පිවිතුරු දහම කියා දෙමින් ආරණ්‍යවාසීව වැඩසිටින වසර 21 ක පමණ කාලයක සිට අද දක්වාම අපගේ කළ්‍යාණ මිත්‍රයාණන් වහන්සේ නමක් ලෙසින් නිරතුරුව උතුම් ධර්ම කාරණා අප සමඟ සාකච්ඡා කරන අපගේ පින්වත් කල්‍යාණ මිත්‍රයාණන් වහන්සේ, අවසරයි, පූජ්‍ය පාද හපුරුදෙනියේ පියදස්සන ස්වාමීන්ද්‍රයාණන් වහන්සේ විසින් පාලි භාෂාවෙන් කෙරෙන සූත්‍ර ධර්ම දේශනා මාලාවක් නිර්මල ශ්‍රී සද්ධර්මයට ලැදි බොහෝ දෙනාගේ දෙලොව යහපත පිණිස ඉදිරිපත් කිරිමට අපේක්ෂා කලෙමු. මේ එහි පන්සිය එක්වෙනි පියවරයි...
අද, 2022 බක් මස 04 වෙනි දින (සඳුදා) අපගේ කළ්‍යාණ මිත්‍රයාණන් වහන්සේ, අවසරයි, පූජ්‍යපාද හපුරුදෙනියේ පියදස්සන ස්වාමීන්ද්‍රයාණන් වහන්සේ විසින් පාලි භාෂාවෙන් සිදුකරනු ලැබූ ධර්ම දේශනා මාලාවේ පන්සිය එක්වැන්න මෙසේ ඉදිරිපත් කරමි.
තුන්ලෝකාග්‍රවූ, භාග්‍යවත් වූ, අර්හත් වූ, දස බලධාරී, සුගත තථාගත සම්මා සම්බුදු රජාණන් වහන්සේ විසින් දේශනා කොට වදාළ, උතුම් ධර්මස්කන්ධයන් අතුරින්; - සූත්‍ර පිටකයේ, ඛුද්දක නිකායේ, (හතරවැනි පොත් වහන්සේ) ඉතිවුත්තකපාළියේ, දුක නිපාතයේ, ප්‍රථම වග්ගයේ එන සූත්‍ර දේශනා දහය; (පඨමබික්ඛු සූත්‍රය, දුතියබික්ඛු සූත්‍රය, තපනීය සූත්‍රය, අතපනීය සූත්‍රය, පාපක සීල සූත්‍රය, භද්දක සීල සූත්‍රය, ආනාතාපී සූත්‍රය, ප්‍රථම ජනකුහන සූත්‍රය, දුතිය ජනකුහන සූත්‍රය හා සොමනස්‌ස සූත්‍රය ද; දෙවන වග්ගයෙහි එන සූත්‍ර දේශනා දොළහ; විතර්ක සූත්‍රය, දේශනා සූත්‍රය, විද්‍යා සූත්‍රය, ප්‍රඥාපරිහාන සූත්‍රය, ශුකලධර්ම සූත්‍රය, අජාත සූත්‍රය, නිර්වාණධාතු සූත්‍රය, ප්‍රතිසංලයන සූත්‍රය, ශික්ෂානෘශංස සූත්‍රය, ජාගර්ය සූත්‍රය, ආපායික සූත්‍රය හා දෘෂ්ටිගත සූත්‍රය)...ඉදිරිපත් කරමින් පවත්වන ලද මේ උතුම් ධර්මානුශාසනාව අසා ඒ අනුව සිත් මෙහෙයවමින් මෙලොවින් පරළොවට ගෙනයන මිණිමුතු රැස්කරගන්නට ධර්මයට සමීප (උපාසක) ඔබ අප්‍රමාදී වේවා!!!
*** මෙම උතුම් ධර්මානුශාසනාවේ වීඩියෝව හෝ හඬපටය බාගත කරගෙන අන්තර්ජාල සබඳතා නොමැතිව ශ්‍රවණය කිරීම සඳහා පිවිසෙන්න;
www.y2meta.com...
අපගේ වන්දනීය දේශකයාණන් වහන්සේටත්, පින් කැමති සියළුදෙනාටත් මේ උතුම් ධර්ම දානමය පින් අත්වේවා!!!
එසේම අපගේ මව්පියන්, සහෝදර සහෝදරියන්, ඤාති මිත්‍රාදීන්ටද, අනන්ත සසර පටන් මේ මොහොත දක්වා අප නමින් මිය පරලොව ගියා වූ සියළුම ඥාති-මිත්‍රාදීන්ද, ගුරු-දෙගුරුන්ද මේ පින් අනුමෝදම් වෙත්වා!!!
යමෙකු දුගතියක වෙත් නම් මෙ පින් බෙලෙන් සුගතිගාමී වෙත්වා!!! සුගතියක වෙත්නම් එහිදීම උතුම් වූ ධර්මාවබෝධය වේවා!!!
අවසන් වශයෙන්, ඔබ අප සියළු දෙනාටම මේ උතුම් ගෞතම ශ්‍රී සම්බුද්ධ ශාසනයේදීම සසර කතරින් එතෙරවීමට තෙරුවන්ගේ ආශීර්වාදයෙන් හැකියාව ලැබේවා!!!
බුදුන් සරණ හැර අන් සරණක් නැත මා හට,
දහම් සරණ හැර අන් සරණක් නැත මා හට,
සඟුන් සරණ හැර අන් සරණක් නැත මා හට,
මෙතුන් සරණ හැර අන් සරණක් නැත මා හට.
සාදු! සාදු!! සාදු!!!
"දස බල බුදුරජාණන් වහන්සේ නම් මහා පර්වතය මුදුනින් හටගත් අමා මහ නිවන නම් මහා සයුර කෙළවර කොට ඇති ආර්ය අෂ්ඨාංගික මාර්ගය නම් සිසිල් දිය පිරුණු ඒ උතුම් තථාගත බුද්ධ වචනය නම් වූ මහා ගංගාව අපමණ සත්ත්වයාගේ අනන්ත සසර දුක් ගිනි නිවාලමින් තව බොහෝ කල් ගලා බසීවා!!!
(වසර විසිපහක් පුරා භාග්‍යවතුන් වහන්සේට ඇප උපස්ථාන කරමින් කටයුතු කළ අග්‍ර උපස්ථායක, ධර්ම භාණ්ඩාගාරික ආනන්ද මහ රහතන් වහන්සේ විසින් කරන ලද අධිෂ්ඨානයකි.)
අපගේද පරම පැතුම එයයි. එය එසේම වේවා!!! සාදු! සාදු!! සාදු!!!
*** විශේෂ දැනුම්දීමයි... සුගත තථාගත ශ්‍රී සද්ධර්මයට ලැදි ඔබ සැමගේ පහසුව තකා, ඔබගේ දැහැමි සිතුවිලි බෙදාහදා ගැනීම සඳහාම වෙන්වූ මුහුණුපොතේ පිටුවක්ද නිර්මාණය කළෙමි.
/ sunathadharetha.charat...
෴ ජයවීරගේ සමන්ත ෴ රුසියාවේ සිට ෴
෴ අහමස්මි ජයවීරගෙ සමන්තො නාම ෴ ෴ රුසියාදෙසෙ ෴
