تكتل النظرة الأخيرة | قصيده لوداع السيده زينب تبجي الصخر ملاية طور جديد يخبل اسماء المشخاب / بالوصف
Вставка
- Опубліковано 1 лют 2025
- تكتل النضرة الأخيرة
مسلب وحيران حيرة
صوت زينب والخيم //انضر بحيرة والم
☘☘☘☘☘☘
شفت بنتي والحرم عالجمر يمشن
هنا تمنيت وعلي العيون يعمن
كوم لينه ياولينه اعليه صيحن
الجمر يحرك بلعبايه وهن يبجن
طفي خالي من الزلم//انضر بحيرة والم
☘☘☘☘☘☘
اسمع رقيه تصيح حسين وينه
مادرت بنتي ابوها ذابحينه
كوم ماعدهم رحم ومسلبينه
حقها تعتب غير سمتني ولينه
اكدر اتحرك حلم//انضر بحيرة والم
☘☘☘☘☘☘
اكدر اتحرك حلم والجسم مطحون
خيول داست عالصدر والعدة يعيلون
راح نسبي الحرة اسمعهم يكولون
بزينب شلون العدة تالي يشمتون
تثلم كليبي ثلم// انضر بحيرة والم
☘☘☘☘☘☘
انه ماهمني الذبح والذبح فدوة
انه همتني العقيله تنخي نخوة
كوم ليه حسين صاحت انته تجوه
بشوفتك خويه تكلي حيلي يكوه
صحت اخيج ماسلم// انضر بحيرة والم
☘☘☘☘☘☘
تكتل النضره الاخيره وحيل تخنك
الحمرة مو بلخيم والله بكلبي تحرك
انضر لزينب تون وبحيره تصفك
يعوفني حسين بألم لا مااصدك
نابت بصدري السهم//انضر بحيرة والم
