ازاي نتعامل مع الام النرجسية الخبيثة وثالوث الظلام ؟؟ هل نقاطعها ؟ مش حرام؟؟
Вставка
- Опубліковано 15 січ 2022
- ازاي نتعامل مع الام النرجسية
هنا حنتكلم عن الام اللي بتندرج تحت نرجسي ظاهر خبيث وثالوث ورباعي ،الناس اللي مش فاهمة دول ايه تكتب ع اليوتيوب ثالوث الظلام كوثر سند وكمان النرجسي الخبيث والنرجسي الانتقامي ، اسمعي الحلقات دي ولو لقيتي امك فيها الصفات دي اعرفي انها نرجسية خطيرة
اللي بيحصل ان النرجسي نرجسي أيا كان صلته بيكي ايه ، انا عارفة ان في حالة الام الموضوع بيكون صادم جدا ومؤلم جدا وفعلا لما بيكون الزوج نرجسي بتخلعيه لو جبتي اخرك وبعدين خلصت تقدري ماتشوفيهوش ابدا تاني في حياتك اما لو كانت امك ، حتى الاب بيكون اسهل شوية من الام في الصدمة لان المتوقع الحنان والحب والاحتواء من الام ، المفروض ان محدش بيحبك اد امك وفجأة تعرفي انها مش بتحبك وكمان بتستغلك وبتهدك وبتخوض في عرضك ، كل دة بيعمل لك صدمة اقوى من صدمتك في النرجسي ، خدي بالك انا بتكلم عن الام النرجسي الظاهر الخبيث لان مش كل المهات النرجسيات بيعملوا كدة مش كل ام نرجسية بتخوض في عرض بنتها لكن مفيش ام تخوض في عرض بنتها متكونش نرجسية
كمان الام النرجسية للأسف بتغير من الابنة كبش الفدا حتى لو كانت البنت امكانياتها محدودة يعني الام ممكن تكون اجمل بكتير ومع ذلك بتغير من البنت اللي هي متوسطة الجمال بس لبقة ومتحدثة ، او حبيبة ابوها او اخواتها بيحبوها ، وفي الحالة دي الام بتسود عيشة بنتها ، وبتكون كل حياتها معاها انتقادات وتكسير وتقليل قيمة زي ما الزوج النرجسي بيعمل بالظبط دا غير الاستغلال في الخدمة يعني حالات بتقول انهم بيخدموا في بيت امهم زي الخادمات بالظبط قهرا وجبرا والام الجميلة لو بتروح الشغل بترجع بناتها يأكلوها بالرغم من انهم ممكن يكونوا بيدرسوا وعندهم مسئولياتهم او بيشتغلوا زيها لكن هي مجرد ماكبروا شيلتهم مسئوليتها كاملها وشالت هي ايدها وبعض الأمهات كمان بتعمل كدة حتى في أولادها الصبيان هي بتستخدمهم بدل ماتجيب شغالة تاخد من فلوسها بتستخدم أولادها بنات وصبيان في خدمتها وبعضهن دايما تقول لاولادها انا اللي جبتكم وانا السبب في وجودكم في الدنيا فلازم تردوا لي الجميل يعني فاضل تقول لهم لازم تعبدوني ، الام النرجسية والأب النرجسي ممكن يكونوا سعداء جدا ان زوجك نرجسي او بخيل عشان تفضلي محتاجة لهم وعشان ميكونش لكي غيرهم وتفضلي تاخدي منهم مصاريفك ، ولو حبيتي تخلصي منه وتشتغلي وتعيشي حياتك ممكن جدا يمنعوكي عشان تفضلي مذلولة له وبالتالي لهم وتفضلي تلجأي لهم .
الام النرجسية دايما تقارنك بالطفل الدهبي او باي طفل في العيلة لحد ما تكبري وتتجوزي وهي لسة بتقارنك برضه باي حد وبكل حد ، وعمرها ماتقف جنبك في أي محنة ولو جت وقفت جنبك في ولادة بيكون عشان الناس وعشان تبقى عملت عمل بطولي وتفضل تذلك بيه طول الوقت
انا ليه بقول لك هي بتعمل ايه ؟ عشان تفهمي لو امك بتعمل كدة تبقى انسانة غير سوية ومش مفروض تتعاملي معاها كشخص سوي وخدي بالك كمان من الكارثة الكبيرة ، انك ممكن جدا تكوني مدمانها ودة حيصعب عليكي الموضوع وممكن أصلا ميعجبكيش كلامي وتهاجميني وهي تصعب عليكي وخصوصا لو كبرت وضعفت ، المهم لو انتي مدمناها لازم تسمعي التشافي ولازم تقللي مقابلتك معاها حتى لو انتي عايشة معاها في نفس البيت
ازاي الكلام دة ؟
شوفي انا مش بقول لك قاطعي امك واقطعي الرحم وكل الكلام دة لكن حقول لك لو بعد الشر امك ذهب عقلها او بتسكر وبيذهب عقلها تفتكري ان ربنا حيكون عايز منك انك تفضلي عايشة معاها وهي ذاهب عقلها وممكن تدبحك وانتين ايمة ؟ ولا ربنا حيعاقبك عشان انتي القيتي بنفسك في التهلكة ببقائك معاها ؟
قيسي بقى هي اه ماذهبش عقلها لكن هي كل تصرفاتها مؤذية لكي ، وانا مش بقول لك ابدا اهجريها تماما وابعدي عنها واقطعيها لا انا بس بقول لك ابعدي شوية يعني خلي لقائكم مرة كل أسبوعين او مرة كل شهر واذا انتي اتطلقتي وعايشة معاها بأولادك موتي نفسك في الشغل عشان تخرجي من بيتها وتأجري لنفسك مكان واولادك حيكبروا وحيبقوا ونسك اما لو فضلتي معاها فاولادك حيكبروا ويبقوا نرجسيين ، تأثيرها على اولادك حيكون زي تأثير ابوهم عليهم واللي انتي سيبتيه عشان تهربي بيهم وعشان تحميهم منه وعشان ميطلعوش نرجسيين بسببه وسبب تربيته فتهربي منه وترميهم للي زيه ، واذا انتي أصلا لسة ماتجوزتيش خلي معاملتك معاها مش اكتر من معاملة الجارة يعني متعرفيهاش حاجة عنك ولا نجاحاتك ولا اخفاقاتك وماتديهاش فرصة تتدخل في حياتك وخلي الكلام معاها سطحي جدا واذا هي صحيا محتاجة الخدمة اخدميها لوجه الله اما لو هي تمام وبتستغلك ماتطوعيهاش ومتخافيش منها مهما دعت عليكي وهي ظالمة ربنا مش حيستجيب اكيد للظالم ، اذا هي صحيا تمام ساعديها في شغل البيت لكن ماتشيليش مسئوليتها كاملة واذا هي عندها مصدر رزق او بتشتغل زيك ع الأقل ادفعي مصاريفك وهي تدفع مصاريفها ، لان فيه حالات هي اللي بتصرف على امهاتها وهم الاتنين بيشتغلوا والام معاها والمفروض البنت تجهز نفسها وتجوز نفسها وتصرف على البيت وامها مش بتشارك بأي شيء يعني زي استغلال الزوج النرجسي بالظبط ، وساعة الجواز مثلا تلاقيها ممكن ماتديهاش أصلا ميراثها من ابوها عشان تتجوز بيه يبقى تصرف على نفسها وانتي اصرفي على نفسك ،حتغضب وتثور وتدعي عليكي ، ولا تهتمي ،خايفة اتصلي بدار الفتوى واحكي لهم اللي هي بتعمله بالتفصيل شوفي حيقولوا لك ايه ، في النهاية عايزة أقول لك ان الام النرجسية ممكن تكون أسوأ من الزوج لدرجة ان بعض الحالات بتقول لا نار النرجسي ولا جنة امي وطبعا لانها نرجسية اقوى واذاها اكبر وخصوصا لو هي ظاهرة والزوج خفي .
شوفي موضوع الحرمانية في الام النرجسية فكري فيه بعقلك ، لو انتي بتتئذي وبيتخاض في عرضك وبيتعمل لك تشويه سمعة في العيلة والشارع وعند الجيران و بتستخدمك وتستغلك وتاخد فلوسك كمان وممكن تمنع ابوكي انه يساعدك تبقى بتؤذيكي اد ايه ، ولما تكسرك وتجيب لك امراض نفسية وجسدية تبقى بتؤذيكي ولا لا ، ويوم القيامة مش ربنا حيسألك عن نفسك وحيسألك حافظتي على جسمك وعمرك ومالك حتقولي له ايه امي حيقولك لك مابعدتيش عنها وصاحبتيها في الدنيا معروفا - Фільми й анімація
الام النرجسية بتدمر اولادها وبتدمر بيتها ونفسها والمشكله بتعيش دور الضحيه وكمان بتظلم كل اللي حوليها
كانك تتكلمي عن امي
للأسف الشديد
لايف امي ولسا بنعاني ومالنا حال المشكل اكبر كل يوم مصيبة وتروح شرطة تتهم ابناءها وزوجها باشياء غير موجودة لاسف القانون لا يعرف المرض ومافي حل يارب نتمني فرجك
فعلا حقيقه جدا ديما هيا الضحيه
انا امي بتطلعنا قدام الناس أننا ظلمنها وبتتبلي علينا وبتوقعنا في بعض كأخوات .اخوك قال اختك قالت .أما خلاص بندعي علي نفسنا بالوت عشان نرتاحه
اليتامى احسن مننا اليتيم بيبان انو مالوش ام احنا عندنا وحوش بتقطع فينا وبيفرضوا علينا طاعتهم ومحبتهم. الله ينتقم شر منتقم من كده امهات ومن كل من ساند ظالم. ربنا يخليكي يادكتورة قليل اللي يقول كلمة الحق في المسألة دي
انا دايما اقول انو اليتيمه احسن مني
عندك مليون حق وحوش
ما رأيك في اليتيم المتبنى من الام النرجسية ؟
ما رأيك في اليتيم المتبنى من الام النرجسية ؟
@@taylortayor3243 قلبي عليه وعلى كل مظلوم مقهور في هذه الحياة !
اصعب شي لما تكون امك قاسيه وظالمه ..
لان الام المفروض هي الملجأ لابناءها لما يتعرضو للقسوه من الخارج .. حسبي الله ونعم الوكيل 💔
😭😭
الله يفرجها علينا وعليكم ايه والله اصعب شي ام قاسيه ظالمه باغضه حاسده حاقده شيطانه بكل ماتعنيه الكلمه اذتنا دمرت حياتنا 😭😭
@@user-zz8jt2lk4iالله يعوضك خير يارب
أنا اكرهها من كل قلبي و أتمنى لو عندي شخصيه و استقل بالسكن لأن كارهه العيشه في البيت البيئه السامه @@user-zz8jt2lk4i
أنا مقهورة من مجتمعنا الحقير الي بيروج للظلم باسم الله وباسم الدين.. حسبي الله ونعم الوكيل
لانه مجتمع نرجسي نتاج أسر الاب و الام فيها نرجسيين. النرجسي دايما فاكر انه اله و لازم عبيده يدورو في فلكه. كمان الاب و الام دول نفسهم نتاج أسر نرجسية يعني أصلا مش بيعرفو يحبو غير نفسهم. مافيش أم أو أب نرجسيين بيحبو ولادهم و عايشين علشان يدمرو ولادهم. ربنا ينتقم من كل نرجسي و نرجسية و يدمرهم
صح
دمرتنا وأفسدت العلاقات كلها وفتنت بيني وبين أخواتي.. الله يقهرها البعيدة ويحقر من شأنها ويحرمها متاع الدنيا والآخرة
كان الله في عونكم الحال من بعضه معنا ام شيطانه فرقتنا واذتنا وحرمتنا من الاخوه والاخوات اذتنا في حياتنا
ااااااه تعبنا
اتوقعت فقط انا
انا كذلك امي فرقت بينا وتتمتع بفرقنا واصبحنا لانجتمع بسبب اكاديبها ونميمة التي تفسد بيها بيننا 😢😢😢😢😢
امي امتصت دمي كله شبابي نشاطي نجاحاتي اموالي سعادتي فجأه وانا عمري 40 سنه اكتشفت انها نرجسيه اصلا وانا اشوف صفات النرجسيين احس كانكم تتكلمون فقط عن امي ، مش حلقه بايخه حلقه من ذهب
تقولي ايه في الجهل ؟
نفسي وتكره لي الاحترام والراحه ودائما ضدي وتدور على زله
@@ghalsubaie762 عشت نفس احساسك و افهم ما تقولين و ما تحسي ربنا يعوضنا خير ان شاء الله
نفس مشكلتي وأنا اتخيل نفسي مرضيه ضيعتني وتفضل الآخرين أحس خدامه ليها فقط
انا اكثر من 40 لما اكتشفت حسبي الله و نعم الوكيل فيها
اصلا الام النرجسية ما تسمح للبعد ومستحيل تصبر بالعلاقة السطحية واذا ماعرفت كل التفاصيل تعمل مشاكل وتهين وتظلم
صح و الله
اااااااه بكيت بكيت بكيت ياليتك تكلمتي من زمان ياليتني عرفت في مراهقتي لكن الحمدلله عرفت الآن سر حياتي التعيسه
فعلا محزن حتى اننا كنا لا نعرف معنى تصرفاتهم المؤذية كثرة الأسئلة تؤذي للجنون من كثر التعجب من ظلم الأم وقسوتها ...إنه لأمر مؤلم.
انا مثلك تماما
حتى صحتي خسرتها
😢زيييي
مثلك انا
حبيبتي انا كمان زيك اصبري
ياجماااعه ابعدوو عنهم والله العظيم راح تتعافون بعد اول سته شهوور ..الله يجزاك خير يادكتووره عبرتي.عن اللي في قلووبنااا
كيف نبعد عنها
فعلا كيف نبعد عنها؟ 😪
أعطينا الحل
كلامك صحيح عشته بتفاصيله ،الام النرجسيه هي اصعب شيءبسببها عرفت كل الامراض النفسيه للدرجه الاستنزاف،بارك الله فيك يا دكتوره
ربنا يهون علي كل مبتلي
نفس الحالة حطمتني وحطمتلي حياتي
انا حاليا بتابع مع دكتور نفسي بسبب امي ولازلت اعيش فجحيييييم معاها
@@medazr7844 ممكن اعرف استفدتي مع الدكتور النفسي لانه انا بعاني نفس مشكلتك
عمري 32 سنة ضيعتلي حياتي مخلاتني اتزوج أيضا
للأسف حقيقة مؤلمة لكنها تبقى حقيقة لا يحس بيها إلا اللي عايشها، تحياتي لك.
فعلا
لا احد يحس بيك الا من يعاني مثلك
اي امرأة مو قد الزواج وبتجيب اولاد تعذبهم لا تتزوج . واي رجل عارف طبع زوجته سيء ويخلف منها ويظلم الاولاد الله حسيبك
يا ريت العالم يسمع منك
هذا اللي صار يعرف شرها و جاب منها عيال و مات و تركنا للويل غير عابىء بحجم الكارثه اللي تركنا لها و هذي دمرتنا و فرقت شملنا و اعدمت حياتي
تجيب اولاد علشان تستعبدهم ، وتشوف طاعتهم من غير اعتراض واجبه وعليهم كل الواجبات وما لهم حقوق !! عمرها ما عطتنا شي لا مادي ولا معنوي بخيله بمعنى الكلمة
ينصر دينك صح كلامك
صح كلامك
انا انصدمت في امي بشكل كبير جدا ، ما عرفت وجه امي الحقيقة لما تضارب مع زوجي و جيت عندها البيت شفت وجها الحقيقي صدمه صراحه ، الله يعوضني خير منها و ناس افضل منها بكثير يا رب و يزيل مني كل الامراض النفسية اللي ربتها فيني منذ الطفولة
كلامك روعة، دلوقتي عرفت ليه امي بتعامل زي مرات الاب من وانا عمري9 سنين لغاية النهاردة، ربنا يزيدك من علمو يا دكتورة
نفس السن ايلي الام النرجسيه افهم فيه
نفس حساسي و تفكيري والله بس الحمد الله اليوم فهمت و عرفت امي
@@yasmineahmedbentelazhar2896 انا كمان والله علي طول مكشره في وشي واسوأ معامله جابتلي امراض نفسيه وشعري وقع من الزعل بسببها
و انا كنت افكر امي مرت ابوي …من قسوة المعاملة
أنا مثلك دمرت حياتي منذ طفولتي
الامهات النرجسيات مجرمات مشوهات نفسيا وعقليا وبحاولوا طول حياتهم يشوهوا عقلية وسمعة وحياة بناتهم وجودهم في الحياة خطير جدا . الابتعاد عنهم تماما و السعي للتشافي منهم هو الحل ورحلة التشافي منهم مع مجتمع مش واعي عايزة شجاعة ومجهود قوي . حسبنا الله ونعم الوكيل . شكرا ليكي ولامثالك يا ست كوثر على حلقات التوعية المهمة دي وكشف حقيقة الامهات النرجسيات الخبيثات المجرمات
نعم الابتعاد هو الحل
و الله يا دكتورة كلامك الجميل ده بيعوضنا عن حنان الأم المفقود
احنا ايتام
ياريتنا أيتام الأيتام بيحترمو امهاتهم
ا
اليتيم احن إن تكون امك نرجسية خفية ادعيلي الله بي ان يفرج علي
@@lasmiidris5893 وضعنا أسوا من الأيتام اللي فاقدين أمهاتهم
لاحول ولا قوة الا بالله نفس الحالة اعيشها تفضل الآخرين وتوقع بيني وبينهم وانا متزوجة وعندي 2 اولاد وزوجي نفسه يعيش مغي نفس المشاكل حتى المصاريف من عندي طول حياتي ولكنها كبرت وبريت بها لا يريد احد ان يتكلف بهة لانها أصعب من الصعب نرحيسية 100في الماة
انتي صادقه لما بعدت عنهااا وعن اي احد يوصل اخباري لهااا نجحت وارتحت وحياتي مشت صح
والله يا دكتورة كانك توصفي امي بالضبط ...والله تعبت كثيرا وأصبحت مثل المجنونة من معاملتها السيئة وتصرفاتها الغريبة ....
كلامك صحيح دكتورة الأم النرجسية دمار شامل لشخصية أطفالها و لكن للأسف اكتشفنا الأمر بعد فوات الأوان
المقاطعة هي الطريقة الوحيدة للتعافي من ألم الأم النرجسية، ودة عن تجربة.
صح
اتفق معك
اعطيني التجربة لي بعدتي عنها ارجوكي
اصعب شي لما امك تكون ضدك ماتفهمك وهي تشوف الظلم الي واقع علي من اخوي واقفه معاه على ظلمه هلكوا نفسيتي ونفسيت اولادي متلاعبين مو دايما الاهل عزوه في اهل هم الظلم نفسه حسبي الله
اقسم بالله زي امي تضرب أولادي وتهينهم واخوي يضربني وويهين اطفالي وهي واقفه معاه وبصفه
الله يكون في عونك اختي😢❤
ياهه هي في ناس كدا اعتقدت انا لوحدي اللي اعاني من قبح امي واخواتي
من أبغض الناس إلى قلبي اللي يستحقرون و يستخفون بعذابنا و يقولون فيه ناس عندهم كانسر و ناس كذا و كذا ، و يعتبرون معاناتنا بسيطه ،عساهم يجربون عذابنا ،الظلم بشع ما أدري ليه يقارنونه بالأمراض لأنهم مرتاحين فيتبطرون على المقهورين
انا قطعتها خاااالص و خلصت ....احنا تلاتة و كلنا قاطعناها و انا اصغرهم بس اخي و اختي بقو زيها و العن منها كمان....انا الحمد لله اتجوزت و بعدت عنهم خالص و الحمد لله ربنا اكرمني ببنت امورة....يارب اهديني و قدرني اننا اربي بنتي بما يرضيك
انتي شجاعة جدا 😢❤ الله يسعدك ويشفي كل تأثير سلبي سببوه ليكي ويبارك لك في ذريتك
انا بجد عايزة اعرف اكثر عن تجربتك كيف قدرتي تتخذي هذا القرار وايه اللي شجعك ؟ براحتك طبعاً
@@oxanas.7495 انا كمان قاطعتها حاولت ابرها من بعيد واخرجها من حياتي بس اخليها شكل سطحي بس رفضت وفضلت تضغط على اعصابي لحد ماجالي القولون والتهاب الاعصاب ومرضت نفسيا وجسديا بتلاحقني على الحرف فما تركتش مجال للمصاحبه بالمعروف هي ماقبلتش الوضع ده هي عايزه تفضل تموتني في ي الحياه فقاطعتها ووقف الوالد معاها كالعاده بالرغم من اني اتكلمت معاه عنها قبل كده وحكالي قد ايه هو تعبان منها هو كمان بس نصرها عليا واختار يقاطعني كان اسعد يوم في حياتي وحسيت بتقل راح من قلبي وحريه لو ندمت على شيء في حياتي هو اني ماقاطعتهمش من زمااان وربنا ينتقم منهم مس مسامحاهم لحد مايفصل بينا ربنا في امهات نرجسيتهم فضيعه ماينفعش معهم انك تفضلي على علاقه معاهم وتعملي حدود
وانا مثلك اخذت القرار وربنا كتب الأسباب والحمدلله ابتعدت عنها وفعلا ارتحت راحة نفسية ورديت صحتي اللهم لك الحمد والشكر يارب لأول مره في حياتي اتحررت من ظلمها
نفسيتي زفت
انا اكتشفت مؤخرا أنها نرجسيه بعد ٤٧ سنه وبعد اكتشافي لها صبرت علي اذاها لي ولزوجي ولاولادي لكنها لم يعجبها صبري وظلت وراءي حتي اخترعت حكايه كاذبه من تأليفها حتي تقطع صلتها بيا وبالفعل تحدثت تليفونيا مكالمه وتطاولت عليا جدا وقفلت السكه ومن يومها منذ عامين ولا سلام ولا كلام وقاطعتني وانا للاسف من يومها وانا خايفه جدا من ربنا خايفه اني اكون عاقه لأن كتير من الشيوخ يؤكدوا علي برها وانا كنت باره بيها حتي في آخر مكالمه بينا لكن بصراحه هي الحياه معها عباره عن معاناه نفسيه وقله قيمه وكسر خواطر واشاعات كاذبه وتشويه سمعه هل هذا يرضي الله ورسوله وهل الابتعاد عنها رغم أنها هي اللي قاطعتني هل حرام شرعا اني اعيش في حالي وفي سلام نفسي بعيد عنها رغم أنها لم تحاول منذ سنتين أن تكلمني بل قالت عني اعتبرتني ميته
انا بسال علشان ما شاء الله شايفه أن حضرتك قويه ومش فارق معاكي البعد عنها ولا الخوف من الاندراج تحت العقوق اتمني أن أسمع راي حضرتك يمكن ربنا يرحمني من العذاب الذي أشعر به برغم اني لم اقوم بأذي لاي شخص
اسفه للاطاله
كلامك صح مليون في الميه
دمرتني نفسيا رغم اني متزوجه وصلتني للانتحار اكثر من مره
انا مثلك ربنا يخلصنا منها وتموت
آمين وانا كمان
نتيجة سلوكات امي النرجسية زرت أطباء نفسانيين نصحوني بمقاطعتها !!!!
@جوجو والله وأنا من قلب الحدث جننتني وصلت بيها انها تتجن و تخلق المشاكل لما تشوفني نضحك أو فرحانة موش عادية 💔 تحب تغرس فيا قلة الثقة في نفسي و تجعل مني شخص معقد نفسياً
@يوميات جوجو الغبية ☺️ حسبنا الله ونعمه الوكيل وخيتي 💔
عانيت كتير من امي النرجسيه وهي سبب كبير في مشاكلي شكراً جزيلاً دكتوره كوثر سند انتي فعلاً سند لينا جزاكي اللّٰه خيراً
كنت اشوف امهات صديقاتي يستقبلوهن بابتسامة واكل طيب اما انا كنت خادمة عند امي مع تهزيئ وقلة ادب
وامي النرجسيه
انا مثلك كانك تتكلمي عني
والحضن والمدح الا انا 💔
وانا كمان امي غير عن امهات صديقاتي الحنونات 💔
@@rosehh8205 كم هو شعور مؤلم الان انا ام وصديقات بناتي يحسدنهن علي اشعر بالفخر لاني ام سوية هل انت ام ؟
وصفتي أمي بكل دقة بكل كلمة تكلمتي عنها فعلا ريحتي قلبي و أنا اليوم إبتعدت عنها رغم كل الضروف الصعبة إستأجرت منزل و سأحاول ترميم ما تبقي لي من الدمار الذي سببته في حياتي ولكن أكرهها بكل قوة فما فعلته كبيير لقد طردت جدتي التي ربتني من المنزل جدتي هي أمها إمرأة كبيرة في سن طردتنا من منزل جدتي بعدما أخذته منه طردتنا لمجدر أن جدتي منحتني كل الحب و الحنان و ربتني و كانت معي في كل لحضة بقيت مع جدتي ثلاثون سنة وهي طريحة الفراش و اليوم ماتت حبيبتي التي أنقضتني من الضياع رحلت أغلي ما عندي ألف رحمة عليها لن أنسي لها الم الذي سببته لها و لي
كيف كانت علاقة والدتك مع جدتك ؟؟؟
الله يرحم روحها لجدتك
انقذتني ليس انقضتني
الظروف ليس الضروف
أحسنتي ما فعلتي انك خرجتي مع جدتك وقضيتي وقتك مع جدتك الله يرحمها ويغفر لها
للاسف عشت سنين وأنا فاكرة إني محرومة من حنان الاب لي توفى
لكن اكتشفت مأخرا اني ضحية أم نرجسية أيضا
انا كمان ضحية ام نرجسيه
شعور انعدام الحيله و العمر اللي ضاع و فقداني التوازن و الصبر و العزله الممتده و اخواني اللي خربت بيني و بينهم و شر العقارب الأقارب، شعور قاتل مر سم نتجرعه.
@rwaa لما دخلت فيديو عن النرجسية اجد تعليقك ،اتمنى إن الله يفرجها عنك أنا حاسة بيك اتقربي من الله ادعيله و اشكي الحل عنده. 😔
@@felllla4512 من قال لك اني ما دعيت ، دعيت لين ما تقطع قلبي و نظري تدهور و أنا اقرأ سورة البقره من شاشة الكمبيوتر و كنت اختمها بشكل شبه يومي ع مدى ٣ سنين و نص لين صرت آخذ أدوية اكتئاب،الحياه ما تمشي بالدعا بس، و لا كان محد قام و صحى لدوامه و لا مريض راجع مستشفى، إذا ما عندك قبل قرايب طيبين ينجدونك من النرجسيه، بالعكس ما فيه الا عقارب ساهموا بمحاسدهم و قطاعتهم و سمومهم بزياده عذابي تحتها و ساعدوا بنجاستهم انها تستفرد بي بجبروتها و تقطع نصيبي و بعدها تشمت بي و هم يشمتون
@@rwaa8528 أنا أخرج برة بدون طاقة و أسرح و احس نفسي كبيرة و لا أستطيع نسيان الماضي تتحكم في خروجي و كل شيئ فضولية جدا لا احس بحنان الام او خوفها علي 🙄لكن لا أفقد الأمل ربي كريم .
@@rwaa8528 انصحك برقية غرفتك والمدوااامة وربي يفرجها عليگ و يفتح نصيبك .
والله نفس الاحساس
جزاك الله خيراً على النصائح في كيفية التعامل مع الأم النرجسية الي بتستغل مفهوم ( بر الوالدين ) بطريقة فيها ظلم واجحاف واذية لأبنائها ،،، ❤
بس للاسف هى عندها القدره انه مهما اكون فى حالى فهى تصطنع المواقف المؤذية و عايشه معاها ، اضطررت للرحيل و العيش لوحدى
بالضبط
هذا أول مره ببيت برا البيت،أول مره اخطي هالخطوه و عمري ٤٠ سنه،الساعات الأولى حسيت بكآبه و لكن بعد ٤ ساعات تعودت ع المكان و حسيت براحه ،البعد عن المجرمه السامه فاحشة اللسان راحه نفسيه،والله أتمنى لو اني خطيت هالخطوه من سنتين من سمحوا بالسكن المستقل من كذا سنه،أنا حاليا ما بعد ادور شقه للإيجار السنوي ،لكن هالخطوه جات ارتجاليه عفويه اليوم طلعت و استأجرت شقه مفروشه ليوم ،بس هالخطوه فعلا طلعت مؤثره تمهد للسكن الدائم ،اعتبرها تست حقيقي كاني اقدر اتعود او لا، و طلع بسهوله ممكن اتأقلم بعيدا عن التزامات تجهيز الايجار بس يستاهل العنا البعد عن الوحش الكاسر كمية قذارة لفظيه علي ما يتحملها جبل، ما فيه شيء منغض علي الا الاحساس بالذنب اللي عودتني عليه النرجسيه ،لكن ما عاد احس ذنب تجاهها لكن تجاه اخواني مع انهم بايعيني و صايرين قرود طائره لها،اخاف الحنون اللي اساسا خلاص شايل نفسه مني كليا من ٣ سنين لكن خايفه يقلق او يتعب ،هو كله يوم واحد لأن الآيجار المفروش غالي.
يا ليت اللي استقلوا بدون زواج و حسوا براحه يكتبون تجربتهم تحت هالتغريده و المزايا و الصعوبات،خلونا نشجع بعض
فعلاً كل كلمه قلتيها موجوده في امي. امي متعبه جدًا وخلتني اوصل لابشع الامراض النفسيه خلتني اوصل اني أأذي نفسي جسديًا بسببها شبه يومي تجيني نوبة هلع وخفقان قلب عالي يوصل لانقطاع التنفس وكل شي احاول اسويه عشان اللين قلبها علي مستحيل ترضى واشوف تعاملها معى اخواني اتحسر على نفسي وعمري وطفولتي ومراهقتي وشبابي اللي قاعد يروح على امراض نفسيه بسبب امي صرت شخص وحيد ماعندي احد والسبب هي وصارلي كم سنه افكر اهاجر برا بس افكر باختي الصغيره مابي اتركها بروحها والله لولاها هي كان منزمان هاجرت وتركتها ولا همني شي لانه مافي حل معاها بس الله يعين قلبي ويعين قلب كل بنت تعيش نفس الحاله
اللهم آمين يارب
حالتك نفس حالتي بالضبط....اختي الصغيرة اللطيفة اللي رغم اني احاول احميها بس لسا اشوف تأثيرها السلبي عليها..اللهم عوضنا في الآخرة
يارب
اخواتي بالتعليقات حالنا من بعض...فعلا الأيتام...أرحم منا ...انا واخواني ذقنا المر من أمي..كانت مشاكل مع ابوي وتفرغ فينا بالضرب والإهانة والكي والظلم شيء لايوصف .. وكنا منصاعين لها تحسسنا ان الجنة والنار بيدها..حياتنا جحيم ومانتكلم من الخوف...كرهناها كره لايعلمه الا الله.. تجاوزت الخمسين ولم أنسى ولن أنسى...تتعامل مع الناس بذوق وأدب مااحد يصدق كيف هي وحش بالبيت معنا انا وأخواني.. مجرمة ظالمة...حسبي الله ونعم الوكيل..الله يعوضنا يارب بكل خير
@@user-yt7dh8tr6i حسبنا الله ونعم الوكيل فيهم....اللهم آمين
وضعت يدك في جرحي لكن رغم كمية الالم و الاذى الذي اعانيه من امي حديثك ريحني جزاك الله عني خيرا🌷
الحلقه ماكانت بايخه ابداً إلا الله يبيض وجهك ويرفع قدرك وينور عليك ويبارك في علمك .. الله يجزاك خير يا د. كوثر .. الي تعمليه هذا شيء جداً انساني عظيم الله يكثر من امثالك شكراً من القلب على هذه الحلقه وعلى كل الفيديوهات الي تعمليها باليوتيوب
أشعر بقهر وغضب ألم كبير ولا أرى أنني أمر بلحظات صعبة أكثر حتى من ضحايا الحروب
شوفو حلقة الأستاذة سحر النادي تكلمت عن هذه الصدمة اسم الحلقة ضحايا الإيذاء .. تكلمت عنهم زي ضحايا الحروب
والله إنها معانات كبيرة تصبح تتخبط وتعيش أشياء أكبر منك وتعاني ضغوط نفسية 💔
أنا ارتفع عندي الهرمون و صار عندي خمول بالغده لما فحصت من الضغط النفسي الرهيب و كم الصدمات اللي حياتي عباره عنها
معاناة ليس معانات
كلامك صح جدا انا عايشة كل كلامك بالحرف أعاني معناة غير طبيعية ، لا شيء يرضيها علي الإطلاق ، بتفنن بكل الطرق تحرق دمي رغم اني لا أستطيع الرد عليها علشان هي امي
انت بتحكي عن امي ، دمرتني نفسيا و بسببها كرهت الزواج وانا عندي 39 و الحمد لله بعدت عنها بس لسة مخلفات الدمار ملازمتني
الله يعوضك بزوج صالح وحنين ويرزقك الزرية الصالحة
امي دمرت شبابي
الحلقة مش بايخة خالص.جزاك الله خير الجزاء❤ أنا كنت بموت من القهر. كنت بين نارين بين ان أغضب ربي من جهة وبين الألم النفسي و الإنتقاد و...
امي طلعت كده فعلا طول عمرها وعملت موضوع أصاحبها في الدنيا معروفا...وكنت بروح مرة كل أسبوع واجيب اكل معايا عشان متعبهاش حتى انها تعملي اكل ...ابويا كان مسافر طول عمره وكنت بستحمل ده عشان الحق اعيش معاه واشبع منه ...انا متزوجه وفي الاخر اتلكتت ليا ومنعتني اروح بيت ابويا وطردوني انا وولادي ...وبعدت وقلبت اخواتي عليا عشان اعيش لوحدي وارجع ليهم بكسرة نفسي على العلم اني استحملت ده كتير منها وجبت اخري وبقالي ٣ سنين سابوني وتخلو عني وتعبت كتير وفي الاخر انا اتعودت على بعدهم
أحسن شي البعد عنهم والله
و الله العظيم كانك تحكي عليا الله يفرجها عليك و على الجميع
الحياة جحيم مع الأم النرجسية وخاصة نظرة المجتمع الذي لايرحم ..منذ طفولتي وأنا عايش في عذاب ..الى اليوم وأنا أقاسي والناس لاتحرمني وتنظر لي نظرة العاق ..ولا حول ولاقوة الا بالله العلي العظيم..لايحس الجمر أحد غيرك أو مجرب نفس الاحساس
بالسلامه انتى الكسبانه البعد عنها غنيمة
انا نفس الحاله وأبتديت ابتعد عنها ازورهم فقط بالأعياد في سبيل الله (أعتزل ما يؤذيك )
الحل مع الام النرجسية هنا بالدقيقه هاذي 9:00 شكرا ي دكتوره ربي يكرمك💛
شريط حياتي( اللي ما كانت إلا اهانات و قهر و شماته و حرمان و ضيم و افتراء )بشكل يومي أو شبه يومي يمر علي ،لسانها الخبيث الفاحش ،الدراما و افتعال المشاكل قبل و رعب الصمت العقابي اللي كان بالشهور ،و انها نصبت نفسها إله لا تسئل عما تفعل، و لو يصير اعصار في المريخ تحطه في راسي و تقول أنا السبب،فوق ما خلاص أخلت بتوازني النفسي لي ٥ سنين و نص بعد صبر دهر ع افساد حياتي،فوقه ببقى اعيش بدون أمان نفسي من شرها و صراخها المفاجىء المعتاد و عدوانها و مكرها،ببقى في عدم أمان دامني لا زلت في هالبيت
وصفتيها كأنك عايشه معنا , كل الطفات تنطبق عليها و أشد , و الوعاظ و الوعظ الديني ساهم في معاناة الأبناء باعتبارهم يهونون من شأن ظلمهم و لا يرون ضيرا فيه و يمنحون الأم حصانه مطلقه بحيث يتم تخدير الضحيه بالصبر حتى تتدمر نفسيتها كليا لتصحو بعد طول صبر وتخدير لم يعد يجدي على صدمه فاجعه بأن عمرها راح و قد حرمت من أبسط حقوقها حقها في الكرامه و الزواج و تكوين أسره و مع ذلك النرجسيه غاضبه عليها
يسلم قلبك يادكتور بالعكس جميل انك عملت حلقه عن الام النرجسيه حتي من يعاني يرتاح
غلطتي اني طاوعتها وكنت في قمة الطاعة والعبودية لغاية ما ادمرت وفقدت السيطرة ولما تعبت قاطعتها بعد ما ندمت كثير
انا كذلك
سبحان الله كلنا حياتنا متشابهة
وأنا
حماتي نرجسية وزوجها متوفي اولادها وبناتها مساكين دمرت حياتهم كلهم بيعانو مشاكل نفسية وضايعين
بنتها الكبيرة تقول احنه يتيمين الاب والام
وجودها وعدمه واحد
يفرحوا جدا لما تكون مسافرة بيعيشو حياتهم طبيعي بوجودها كأنهم يمشون على قشر البيض
نعم أمي نرجسية، شربنا وياها المر والعلقم، ضرب مبرح بصورة يومية، وساعات ٣ مرات يوميا ، حرمتنا من اللعب والحركة والتعبير والكلام نهائيا، وحرمتنا من أننا نتمتع بعاطفة أبونا، ممنوع نضحك، ولا نشتكي، ولا ننام ونصحى ولا نشوف الدنيا والناس إلا بأمرها ورغبتها، وأي حاجة بتعملها لينا تمن بيها علينا، عصبية وصراخ وأهانات مستمرة، نروح المدرسة يوميا بأزماننا النفسية، وفوق كل ذلك خدم من نعومة أظفارنا، أختي الكبيرة حاولت تنتحر وكان عمرها ٦ سنوات، وحاليا عمرها ٦٥ سنة، عجرت وتعبت، لكنها ما تغيرت، خانت بابا وطلبت الطلاق، وتطلقت ونسيتنا ٦ أطفال، الكبيرة ١٠ سنوات، والصغير ١٠ شهور، كبرنا وكبر ويانه همنا، لا شفنا راحة ولا سعادة وياها، واللي زاد الطين بلة، زوجي ايضا نرجسي 😔
الله يكون في عونك .....الحاله من بعضه عندنا ام شيطانه اذتنا دمرتنا بكل ماتعنيه الكلمه لاقلب لاضمير لارحمه فيها 😢
اخلعيه خلعه الله
بعض الأمهات خصوصا لا ترضى على ابناءها إلا ادا اعطوها المال لا حول ولا قوة الا بالله
صح والله وانا لسه مش عارفه اعمل حاجه لنفسي تقولي اخواتك احسن منك عشان بيعطوها فلوس لكن انا مش بشتغل ولما يتعبو ولا الشغل يتقطع عندهم تقطع الكلام معاهم
انا امي باعتني للرجال عشان الفلوس ونفسيتي مدمره حدا جدا جدا وتعبانه حيل
صحيح والله تدفع تكون افضل ياربي تريحنا
@@user-iu7wf9kq7v 😭😭😭😭😭نفس الحال
ياليت تتكلمين عن الأم النرجسيه الخفيه حبيبتي ♥️
كلامك كله صحيح ،،،،،ولا نعترض على شيء ،،،،، أقول صحيح والله عن تجربة ،،،،،حلقة مهمة جدا وليست ثقيلة ،،،جزاك الله خيرا عنا .
فعلا كلامك صح اناانصدمت صدمة عمرى لما عرفت وشوفت امى على حقيقتها بعد36 سنة من معمرى ماكنتش مصدقة نفسي ولحد دلوقتي ومش عارفة اسمحها دمرتني انا واخواتى
الزوج، النرجسي، أسهل، بكثير، من، لام الله، يكون، في، عون، من، امه نرجسيه
ايه والله اسهل بكثيييير
روحى يا شيخه الله ينور طريقك اقسم بالله انا حاسه انى مضروبه على دماغى اخيرا فهمت امى واخيرا عرفت ليه كل البلاوى الانا مريت بيها كان سببها ايه اللهم لك الحمد على العلم ونور البصيره يارب
اتمنى افهم قصتك لانى نفس المعاناه
حتي انا حاسة اني كنت مضروبة علي دماغي او تنويم مغناطيسي وبدأت افهم اللي كان يجري معايا انا وصلت اعمل في نفسي اللي هي تريده يمكن من ادمانها ربنا يصبرنا ويخفف علينا
مثلك لكن عرفت وادركت بعد سنوات طويلة وانا مكذبة نفسي والوم واضغط على نفسي خوفا من الله واعتقد انو انا مريضة نفسيا لدرجة اشك في تصرفات امي لغاية ما كبرت ووعيت جيدا وميزت مليح وجدت ان المشكل بها لست انا
والعذاب الاكبر انو هي من جهة وزوجي من جهة
دمروني ولم اجد المهرب الله يدرهم ويسلط عليهم ابشع العذاب يا رب
ايه ده لا يليق باي ام مهما كانت ولايليق كلمة خبيثة بالام
كلامك وكل تفصيله في منتهي الاهميه والروعه والواقع.... نورتي طريقي المظلم
مستغربة الحين في ناس تتكلم عن قسوة بعض الامهات !! البعض مصور هالكائن ملاك نازل من السماء ، اللي عنده وحده مثلها لازم يحمد ربه صبح ومسا مايدري مو الكل عنده هالنعمة ، البعض يتيم وامه وابوه عايشين !!
لما تجرب الام النرجسية او زوج النرجسي راح تغير كلامك انا عندي اصحابي امهاتهم ملاك على وجه الارض
لو كنتي بتفكري في الإنتحار كل لحظة في يومك مكنتيش هتقولي كده و لو كنتي زي كده لا صديقه و لا عمل و لا مرجع و لا زواج و لا أي حد لو كنتي زي كده مكنتيش هتقولي كده ربنا يكافئها و يحاسبها علي ذرة ألم تعرضت لها بسببها
الام من هذا النوع مقرفة جدا ومرض ومابتستاهل تكون ام وحسبي الله ونعم الوكيل
ربنا يوفقك ويسعد قلبك..لقد تعلمنا منك الكثير..الف شكر وتقدير ومحبة لحضرتك 🌷🌷🌷🌷🌷🌷🌷
الحلقة مش بايخة دي أجمل حلقة يا أجمل دكتورة عرفتها وبرتاحلها نفسيا ❤..
شكرا على الحلقة ، و هي لا بايخة و لا تقيلة ، جات في الوقت المناسب تماما، الله يوفقك استاذة
بالعكس الحلقة جد مهمة و مفيدة للناس التي تعاني في صمت ، شكرا جزيلا 🙏🙏🙏
والله كلامك صح الف في الماية وانا من ضحايا الام النرجسية عذبتنا واستغلتنا وفرقت بينا وبين أبونا وحرمتنا من الميراث ووووووووو
ازاي حرمتك من الميراث
حلقة مهمة جدا ... شكر الله لك
حلقة تحفة بجد تسلمي يارب استفدت كتير من كل حاجة بتقدميها 🌹🌹🥰🥰😊😊
عايزين الحما ه النرجسيه واهل الزوج النرجسين والبيئة السامة لاهل الزوج ولاسف الزوج بيعرفهم كل اخبارنا وكل حاجة تخصنا لكن ادني معلومة عنهم مفيش غموض فطيع ربنا يرحمنا ويجازيكي عنا كل خير
كأنك بتتكلمي عني .. حسبي الله ونعم الوكيل فيهم كلهم .. ربنا يخلصنا منهم بقدرته وعزَّته عاجلا غير آجل
حاجة صعبه اوي لما بيكون في شخص واحد سام شوفي تاثيره ما بالك عيله بحالها ب الوضع دة ربنا يجعلنا من كل ضيق مخرج وينصرنا
حياة مرة و دمار نفسي و اطفال معقدين من كثرة المشاكل انا عندي 16 سنة زواج دايما مشاكل
نفس حكايتي حتى في زواج إخواتو سمعت يومين قبل الفرح
@@minalghalia4915 لا كتر خيرهم ربنا ينتقم من كل ظالم
الله ينور عليكي ويجازيكي كل خير
انت انسانة رائعة يابخت اولادك بيكي الله يخليكم لبعض🥰🌹🌹🌹🌹
الحلقة من ذهب الف شكر استاذة الفاضلة
الحلقة عظيمة وفيها طبطبة عالقلب لأبعد الحدود شكراً دكتورة كوثر سند الله يرضى عليك ويبارك فيك ❤
امي كده وبتحاول بكل الطرق أنها تخرب حياتنا انا واخواتي الصبيان تعمل مشاكل مع ستات اخواتي
نفس الموضوع
عملت ايه في الاخر
يارتني يتيمه ولا ام نرجسيه كل المريت بي بسببها حسبي الله ونعم الوكيل .... بارك الله بيچ دكتوره وموضوع الحلقه كلش مفيد مو بايخه كلامج ذهب الله يحفظج لفعل الخير
شكرًا لله ثم لك انك توعين النساء ♥️🙏🏻
جزاك الله خيرا دكتورة كوثر
الدقيقة 9.27 أنا في هذه المرحلة
لسانها تقوى أكثر فأكثر أقوى من صواريخ روسيا حرمتني من ميراث والدي حرمتني من ميراث أختي التي
كانت تعمل بفرنسا رحمهما الله والآن تعاديني مع إخوتي الذكور عداوة شديدة حتى يقوم بدورها بعد وفاتها
وكما قلت منذ صغر سني وأنا أقوم
بتنظيف المنزل وغسل الأواني لا أحد
من إخوتي يقوم بذلك وهي التي تقوم
بالطبخ وتجربت الوصفات على التلفزيون والكتب حتى يشكرها الكل
على طبيخها (شميشة )
معذبة من المغرب
اصعب ابتلاء الام النرجسية
حبيبتي يا استاذة كوثر لا تقبل نضع لها حدود ونقلها صباح الخير ياجاري انت بحالك وانا بحالي والله قومت الدنيا ضدي واكلت ورثنا جميعا
شكراً من القلب دكتوره كوثر 🥰
وكمان بتوقع بين ولادها وتقول دي اختكم البيت كلو مشاكل بالرغم كلنا السمع والطاعة اخواتي بيعرفوش ولو قلتلهم مش راح يصدقو مخليا سر بيني وبين نفسي
لا حول ولا قوة الا بالله
فعلا
انا مثلك واعظم
آه آه
لكن حاولي تفهميهم..
انا خدامه ليها ولو تعبت ومأدرتش اخدمها ومرضت بتدعي عليه بالامراض الخبيسه او بالموت ودايماً محسساني اني نائصه ومابرضيهاش ابداً وبتغار لو بابا الي صباح الخير او كيف حالك ياحبيبتي ديه هي بتئول لي ضرتي انا تعبت وزهئت وأرفت اوي منها بفكر اهرب من البيت لانها دايماً بتطردني واستخبى بالعماره لاحسن محدش من الجيران يشوفني منذ الطفولة وهي بتطردني وبفكر انتحر واستغفر ربي وبتئعد تخوض في عرضي وبتعايرني عشان لسه ماتجوزتش ولا اشتغلت عندي ٢٣ سنه ولسه متخرجه من الجامعه ماليش الا ٤ شهور ارفت حياتي اوي ومافيه يوم ماتضربني فيه لسه من شويه ضربتني حسبي الله ونعم الوكيل وكفى 😭.
تمنيت لو ما قطعت نصيبي و تزوجت و ارتحت منها لكن للأسف، انا دائما كانت تطرد فيني و تعاقبني و تخوض فيني
بالعكس كنتي خفيفه علينا جدأ كعادتك وربنا ينور عليك
❤️❤️❤️الف شكر ليك يادكتورة
اَمي نرجسية دمرت حياتي اهلكتني بتدخل في ابسط اموري دمرت اخواتي ضيعتنا
نفس الشي والله
الله يعينك
كوني قوية ولا تعطيها الفرصة
أنا أيضا فرقت بيني وبين إخوتي ودائما تحاول التفريق بيني وبين والدي انصحوني أعمل ايه
انا امي مركزة عليا لأني البنت الوحيدة بين اخواتي الذكور وانا الوحيدة الي تعملني وحش 😢😢😢
الام اللى تسب أولادها بأبشع الالفاظ وتضغط على حياتهم ولازم نعيش معها ولما بنعيش بتزهق وتعامل أحفادها بمنتهى السوء نعمل معها ايه يا دكتورة؟؟؟؟
الله يكون في عونك نفس حالتك عندنا ام شيطانه اذتنا ودمرتنا والان الحمدلله مستاجر انا واولادي بيت وعايشين ونتصل في الشهرمره سلام عليكم عليكم السلام وبس كان الله في عون اختي جالسه عندها هي واطفالها الله يصبرها ويصبر اطفالها كلمه ام حرام فيها هذي شيطانه بكل ماتعنيه الكلمه 😢😢😢
الله على كلامك الجميل.. ويطمن القلب
النرجسي يخاف ما يختشي، دام ما فيه رادع ياخذ راحته في التعدي و التجبر
حسبنا الله في الأم النرجسية الظالمة !!!!!!!
ياربي احلى كلام اسمعه وكأنما تحجين على حالتي وعلى امي ومن حضرتك افهمت شخصية امي وابتعدت عنها عذبتني 45 سنة وبدأت تستلم اولادي بس من شفت الفديو لحضرتك تداركت الموقف وسحبت اولادي وقاطعتها نهائيا لان اجرمت بحياتي
انا ايظا بعد الاربعين اكتشفت الموضوع وقررت الا اسرد حياتي الشخصية وان اضع الحدود كفى...قبل ان انتهي.لاني مرضت.
بارك الله فيك الله يجعله في ميزان حسناتك كأنك تتكلمي عني فيديو أكثر من رائع
روحى ياشيخى ده انتى رسول من ربنا ليا لما باكون بافكر ف حاجه تيجى بيها ع طول تريحينى ربنا يريح بالك زى مابتريحى بالى
أعوذ بالله من هذا التشبيه كيف تقول عليها رسول من الله جننت؟
@@jawharajawahir4492 الرسول من المرسال
دكتورة انتي مركزة مع الزوج النرجسي وسايبه الام النرجسيه مع انها اكثر الما ياريت تكتري فيديوهات عن الام النرجسيه وخصوصا النرجسيه الخفية ياريت تعملي فيديو عند التعامل مع الام النرجسية الخفية
دمرت حياتنه
ام شيطانه اذتنا ضيعت العمر علينا احرمتنا كل فرحه ضاع مستقبلنا بسبب انانيتها وبغضها وحقدها وحسدها ام شيطانه
امي يلي بيقعد عندها بالبيت بتستغله حتى لو مطلقة واللي ليهرب من البيت ماتحمله ولا مسؤلية ولا بتشغله حاجة طالما بيطلع من البيت ويرجع العصر حتى لو بنت
ربنا يريح قلبك ويسعدك ويخلكي سبب لراحه القلب والضميره
انتي وشيخنا الكريم مصطفي حسني ❤❤❤
جميله جدا الحلقه
يا أستاذة كوثر الشيوخ مش بيقدرو يفتو بترك الام او الاب النرجسيين و مش كدة و بس أصلا بيفتو أن الأبناء لازم يطيعوهم في كل شئ و أي مخالفة هيا عقوق. و للأسف الفتاوى دي هيا اللي ضيعت المجتمع. حسبي الله ونعم الوكيل
الف شكر للغالية كوثر سند ارجو توضيح فديو تفصيلي مثل هذا للفديو عن الابنة النرجسية رجاءا 💐💐💐
شكرا ❤️ الحلقة جات فوقتها بارك الله فيكي انا كنت تيهة و رجعتيني لاني تعبت
بارك الله في حضرتك...استمرى ولك جزيل الشكر
لا ،، حلقة مش بايخة
حلقة رائعة جدا ،، وجاءت في وقتها تماما ،، سبحان الله ،، اليوم فقط هربت انا وأولادي من زوجتي النرجسية واستقرينا في بيت بعيد عنها ،، فقد عانيت انا واولادي منها معاناة مريرة لسنوات طويلة ،، الحمد لله على كل حال ،، بعض اولادي كان يبكي تأثرا من الوضع الجديد وما عرفت كيف أرد عليهم وماذا أقول لهم إلى أن شاهدت هذه الحلقة الغنية والتي والله اعتبرتها كنز من الكنوز حين وجدتها ،، شكرا لك اختنا الفاضلة وجزاك الله خير الجزاء ،،
أرجو من كل من يقرأ كلامي ان يدعو لنا بالتوفيق والسداد وأن يعيذنا من تلك الأم النرجسية وأن يعيذنا ويعيذكم من شياطين الإنس والجن ،،ودمتم
اصلح الله بالكم
@@nidazawaneh479
نحن وإياكم ،، آمين
الله ييسر امورك
@@shaimas4454
نحن وإياكم ،، آمين
احسننى ارتاحى منها ومن شرها
الى قيام الساعة
ا
كلامك واقعي فعلا
شكرا جزيلا على الحلقة فدتني كثير
جزاك الله خيرا ربنا جعلك نور فى طريقنا ربنا ينور طريقك