أخبث انواع النرجسي واكثرهم خطورة .. ٩ علامات لثالوث الظلام .... كوثر سند

علامات ثالوث الظلام
اللي هو عنده ثلاث اضطرابات شخصية في وقت واحد ،ودة اخبث من الخبيث ، دكتور تود جريند
١- رد فعله على اي خبر جيد حصل لاي حد سواء قريب او بعيد بيكون تقليل للنجاح دة ، يعني مثلا اي حد حقق نجاح او اترقى او اخد منصب كبير مثلا ، يقلل من قيمة المنصب ويقول انه مكنش يحب ياخد المنصب ، اصله اي كلام اواي حاجة تقلل من قيمة الانجاز ، او انه يقول ان فلان اللي اترقي دة مش اد المنصب وانه مش حينجح فيه او انه يقول ان فلان دة نطاط وقدر يوصل بالنفاق ، او يبدأ يفكر حيستفيد ازاي من فلان دة بعد ما مسك المنصب (ميكافيلي)
٢- رد فعله علي اي خبر سيء حصل لاي حد يعني مثلا عرف ان جاره او قريبه حصل له زنقة في الفلوس وقرر يبيع بيته ويسكن في بيت اصغر فبيكون رد فعله ايه ؟ مش حيفرق معاه خالص ولا يبقى له اي رد فعل ولا يزعل عليه ، او يقول انا كنت عارف ياما حذرته من كتر الصرف والاسراف ، او يتكلم عن الموضوع كما لو كان فرصة للاستثمار ويقول الحق اشتريه منه او ابيع له بيت صغير (ميكافيلي)
٣- مش بيستمع معندوش مهارة الاستماع او مش مهتم يسمع اصلا ويسمع بس للي اعلى منه ، غير كدة يعمل نفسه سامع وممكن يبتسم ويهز راسه وهو في عالم تاني ، وغالبا مش بيدي اهتمام ولا يرد او يرد بكلام عن نفسه في نفس الموضوع او يتكلم في موضوع مختلف تماما عن اللي انتي بتتكلمي فيه
٤- تضخم القدرة الشخصية ، احساسه انه عنده القدرة على اي حاجة ودة مش حقيقي ابدا ، هو اصلا ميقدرش يعرف ان فيه حد بيكدب عليه لانه مش بينتبه له ولا بيديه اهمية وبيوفر طاقته كمان
٤- بيجيدوا التخطيط بشكل مبالغ فيه ، سواء في العمل ، او في الحياة الخاصة او في ان الخطير منهم بيخرج جريمة متكاملة الاركان ومش بيتكشف بسهولة ، كمان بيعمل شبكات علاقات هائلة ، وعلاقاته النسائية غالبا متعددة ، وعنده احلام يقظة بيعيش فيها لدرجة انه يتعامل على انها حصلت ويتكلم عنها على انها حقيقة واقعة .
، بيحب الشهرة واذا مقدرش يحققها بيتعامل كأنه احد المشاهير
٥- يحب يجيب الاخبار من مصادرها ويطقس ع الاسرار عشان ينشرها ويفضح او يبتز
٦- لو كان عنده هدف ومقدرش يحققه لو شاف حد حققها يقول ايه يعني اي حد يقدر يعمل دة
٧- لو اترفض عاطفيا بيعمل تشويه سمعة
٨- بيرمي فشله على اي حد واي شيء وطبعا العالم كله متآمر ضده ، او انه كان قاصد يفشل نفسه ، او ان الموضوع معقد جدا بحيث انه يخلي اللي ادامه مش فاهم يعني ايه معقد ، ولا الموضوع كبير اللي هو غموض بقى وقوي خارقة ،
٩- بيستخدم اللغة بشكل تعجيزي او يتلاعب بالكلمات عشان يخدع اللي ادامه ويستخدم جمل وكلمات تحمل اكتر من معنى عشان يعرف يهرب من المسئولية ساعة الحساب خصوصا في الصفقات او مع زوجته
اكونت الفيس بوك
www.facebook.c...
جروب ادرس عدوك النرجسي
/ kawthersanad11