H R Jothipala classic Volume#08

සිනමාවේ ස්වර්ණමය යුගය ලෙස සැලකෙන 70-80 දශකයන් ගැන කතා කරන විට ඔහුගේ ජනකාන්ත හඬ පෞරුෂය නොතකා සිනමාව ගැන කතා කළ නොහැකි තරම් ය. ගසට පොත්ත මෙන් එය එතරම් ම අවියෝජනීය සම්බන්ධයකි. රංගන ශිල්පීන්ගේ රංගන පෞරුෂය ඔසවා තැබීමට ඔහු තරම් බලපෑම් කළ වෙනත් හඬ මාධුර්යක් නො වූ තරම් ය. එඩි ජයමාන්න, ජෝ අබේවික්‍රම, ගාමිණි ෆොන්සේකා, විජය කුමාරතුංග, රවීන්ද්‍ර රන්දෙනිය, ටෝනි රණසිංහ පමණක් නොව සෂී විජේන්ද්‍ර, දමිත් ෆොන්සේකා, ලාල් වීරසිංහ වැනි 90 දශකය නියෝජනය කළ රංගන ශීල්පීන්ගේ ද හඬ පෞරුෂය ඔහු ම විය. සිනමාව ජනකාන්ත කරවීමට හේ පසුබිම් ගායනයෙන් දැක් වූ සමත්කම පරයා යෑම කෙසේවුව ද ඊට අලගු තබන්නටවත් ගායකයකු බිහි නොවීම ඔහුගේ කට හඬෙහි අපූර්වත්වය මොනවට කියාපාන්නකි. හේ නමින් හෙට්ටිආරච්චිගේ රෙජිනොල්ඩ් ජෝතිපාල ය.
1936 පෙබරවාරි 12 වැනි දා කොළඹ කැටවලමුල්ලේදී මෙලොව එළිය දුටු හෙතෙම දුක්කම්කටොලුවලින් ගහන ජීවිතයකට උරුමකම් කිවේය. සිය ගමන් මඟ ඇරඹි මොහොතේ පටන් ඔහු මෙරට කලා ක්ෂේත්‍රයේ සමහරකගේ ගැරහුම් හා නොපනත්කම්වලින් බොහෝ සෙයින් පීඩා වින්දේය. එහෙත් ඒ කිසිවක් ගණනකට නොගෙන සිනාසී අධෛර්යවත් නොවී සිටියේ පණ හා සමාන මිතුරු කැලත් නොපසුබට උත්සාහයත් නිසා ය. ඔහුට එසේ ගැරහූ ඇතැමුන් අද කොතෙක් සිනමා නිර්මාණ කළ ද ඒවා ජනකාන්ත (ජනප්‍රිය) කරවීමට හැකි සිනමා හඬ පෞරුෂයක් ගොඩනඟා ගැනීමට ඔවුන්ට නොහැකි වීම දෛවයේ සරදමක් වැන්න