【

香港劍擊隊近年人才輩出，喺國際比賽屢獲殊榮✨身為花劍隊教練兼奪牌功臣嘅Gregory Koenig絕對功不可沒！曾經係法國花劍代表🤺嘅佢教導劍手即使面對身形同技術比自己優勝嘅對手都唔好輕易放棄，鼓勵佢哋用積極正面嘅態度克服難關。佢仲從技術、體能同運動心理等多方面入手，帶領劍擊隊攀上一個又一個高峰！💪🏻
香港壁球隊教練趙詠賢亦係由運動員轉型成為教練，以自己嘅經驗教授新一代運動員，協助佢哋爭取佳績。趙教練軟硬兼施，除咗傳授技術之外，亦增強球隊嘅凝聚力，無論喺壁球場定人生路上都為佢哋帶嚟啟發🌟兩位教練同樣帶住一份熱誠，培育下一代運動員，將體壇嘅輝煌成就傳承落去。一齊睇吓兩位教練嘅分享，了解佢哋嘅教練哲學啦！📽️
#運動員背後的英雄 #全年最佳教練獎 #GregoryKoenig #趙詠賢 #香港教練培訓委員會 #港協暨奧委會 #香港賽馬會慈善信託基金 #香港體育學院 #體院 #HKSI