Mem ARARAT - Rêwî

RÊWÎ
Li xwe digere rêwiyekî ne ji vir
Mîna teyran li ba dibe li dora xwe
Got ne ji vir im ,ne jî ji tu wara me
Lê dîsa jî digerim li xewna xwe
Li deşt û çiyan, li zozanan,li gund û li bajaran lê lê
Li jêr stêrkan gerîn ne hêsane lê
Stêrkên dibişirin dişibe çavên wê
Rêwî got 'Stêrkê tu çavê kê yî?'
Stêrk tenê lerizî û geriya li şeva xwe
Li deşt û çiyan, li zozanan,li gund û li bajaran lê lê
Gotin û Muzîk : Mem Ararat
Keman : Bilind Şakir
Tembûr : Mem Ararat
Bass,perkusyon,edît : Mesût Yucel
Mix and Mastering : Nîhad Jemsher
Aranje : Mem Ararat, Mesût Yucel
Dostên delal, em vê hefteyê bi strana 'Rêwî' li pêşberî we ne.
Ez bawerim gelek dostên me ev stran ji performansên me yên zindî guhdar kirine. Min ev stran si sala 2007 an de nivîsand. Ev stran bû şahidê wextên dijwar yê çîroka min a takekesî. Ji xwe ji xewên herimî û ji şikestinekê derket holê.
Ji şevên dirêj gazî mirov dikin nerehetiyên wî/wê û kesên xew lê herimî be bêgûman bûye xwedî derfetek fêrbûnê li zimanê bêdengiyê dostên delal. Weke rahmetiyê Nietzsche jî gotî: Mirov salekê hiş bibe dibe kû fêri axaftinê bibe. Rêwî ceribandina axaftinekê ye dostên delal û hewl dide bi şevekê re biaxive. Nizanim çiqas peyvên hêjayî gotinê li xwe zêde kiriye, lê bi hêvî me serê dost û guhdaran neêşandibe. Silav û rêz bo hemû dost û guhdaran.
Mem
itunes.apple.c...
open.spotify.c...
www.memararat.org
/ araratmemm
/ araratmemm
/ memararat__official
/ memararat