gondola: pulire la carena in umido
Вставка
- Опубліковано 5 жов 2024
- Gondola a un remo, canali, rii, laguna nord, arte della voga, giornata di sole, località storica, barca tradizionale, panoramica di Venezia, palazzi, chiese, quiete, rispetto ambientale, pulizia carena in acqua, gondolieri, ponte di Rialto, one row gondola, northern venetian lagoon, rowing art, sunny day, historical places, traditional venetian boat, Venice panorama, palaces, churches, quiet, environmental respect, keel cleaning in the water, gondoliers, Rialto's bridge
Bel giro ti ga fatto anca se col fondi pieni de tutto ea se governava non tanto bene ...ma go notà che al ritorno tutta l'altra roba .... complimenti gran bel lavoro e col bagno x giunta 😂.... comunque complimenti grande Massy 💪💪
Grazie Emanuele... un'ora e mezza in acqua ga valso proprio la pena; per fortuna no' ghe gera gransi blu
Te capisso!! Semo dea vecia pasta mi da fisso go comincia a girare e cavane e rio de Malamocco co na asta de fiocina per albero e un vecio niziol per vela e un remo come timon in un sandolo sanpierotto fatto da schiavon de portosecco . Quando che me papà me lassava a el sandolo dopo averlo suga dall' acqua alla domenica .Perché durante a settimana veniva utilizzato per la pesca della seragia.
Ahahahah... altro che tablet, smartphone e schermi vari: ti ga dei ricordi belissimi e soratutto ti ga vivesto la tó vita da omo libero nel modo più umile ed educativo. Mi invesse la prima vela la go cuzía a 14 anni col coton grezo e co' le mance de la domenega go comprá 'na piana a man per tirar un moral de albeo per l'albero e e 'na cantinela per le antenele e comunque anca mi so' andá avanti diversi anni col remo in falca come timon sul me' sandoeto de 5 metri: la sanpierota par el Vespucci in confronto. Complimenti Roberto, xemo de la stessa pasta
Come sempre co te vedo andar in gondola...da perder e bave. Cerco de robar co l'ocio...e intanto cico🤣
Grazie per l'appressamento, co' la gondola no' xe ga mai finío de studiar l'arte de la voga: me ga volesto un bon quarto de ora prima de ciapar confidenza col remo che scampava fóra da l'acqua e se provavo a refar el xe impirava subito sòto, però quando ti trovi la posizion giusta e la barca ciapa l'abbrivio ben, deventa un piazer enorme e la fadiga va a farse benedir. Xe giusto ròbar cò l'ocio, ma anca armarse de tanta pazienza, umiltà e spirito de sacrifisio da pope sfidando onde vento e rii angusti ga el sò perché. Gavemo solo una vita per imparar e forse quel Paradiso che 'ne xe sempre stá insegná come un posto divin dove tutto xe beo e xe sta sempre ben, forse lo gavemo già davanti, guadagnandoseo sul remo quando in mezo a la paze de la laguna ti vedi 'sta sfera de oro che xe alza sòra de la Basilica de San Marco, mentre l'acqua sbatocia sòto el cavalin del fondi e i ragi del sol néta via l'aguasso da le coverte de prova e de pope co' el so' calor che suga i ossi dopo 'na nóte a paiol
Però: carteggiata e asciutta un paio di giorni sotto sora 2 mani de pattume de queo bon. Bravo comunque. E robe più spicce , come Tirar via el baro verde con el rusco.
@@robertovianello8641 un'ora e mezza in ammollo robe spicce?... E "el baro" non era di alghe, bensì denti de can, ostreghe e anemoni: il primo piano su avambraccio destro e mano sinistra sono eloquenti. Purtroppo il proprietario non è stato zelante con il mezzo, ma è già un miracolo che me l'abbia prestato: mi auguro per lui che faccia applicare l'antivegetativa al più presto, perché l'acqua comincia a scaldarsi e in una settimana le concrezioni ricominciano a fissarsi sulle tavole del fondo
Complimenti per la tua sanpierota,ed il timone, basculante. La sanpierota pare una Schiavon costruita a Portosecco San Pietro in volta.Bellissimi i video in giro per la nostra laguna dove er remo ze signor, però ghe ze gente che va via con i motori alla domenica, i molla l'auto ,per ritrovarse a guidare barche veloci come fossero in autostrada. E questo per Venezia ze a so rovina.
@@robertovianello8641 grazie Roberto, "la putea" 'sto anno che vien ghe ne compie 50 (ti ga ocio: o xe una de le ultime de Schiavon, come me ga dito el primo paron, o forse addirittura fatta da Menetto quando el gera ancora "fiosso" da Schiavon)... comunque 50 mai ricoverada in cantier e impossibile calcolar i chilometri che la ga mastegá in ogni condizion e stagion...forse un giorno trovaró el tempo de dedicarghe 'na poesia e se so' qua a contarla xe perché no' ghe gera niancora el giron pronto e perché la so' cantieristica magistral me ga riportá a casa anca quando che le speranze gera andae: chi plana sòra i 50 km/h no' pidará mai capir...e nò podará mai gustar el profumo del legno e de la cera carnauba mentre le manovre zigola col vento sotto el sol de agosto. Ti vedi Roberto, no' me ricordo cossa go fatto ieri, ma no' podaró mai desmentegar i gransi che vien tirai su e fatti piroetar come balerini de danza classica nei delicati bovoi generai da la bascula completamente tirada su, mentre el fondi sbrissa su vinti zentometri de acqua ne le velme fra Sant'Erasmo e San Francesco del Deserto co' l'ultimo alito del siroco prima de la "stanca" crepuscolar... ma anca a spiegarle 'ste robe no' rende l'idea come viverle