【街坊嘢】元朗40年牛丸老字號 父子檔凌晨5點開工 每日鮮製100%純牛肉丸
Вставка
- Опубліковано 21 лис 2022
- 元朗老字號勝利牛丸粉麵店，創立於1982年，一直以家庭式經營，40年來主打三款食品，就是牛丸、五香牛腩與牛筋；招牌牛丸只做幼丸，粗筋丸只是偶爾做來請熟客品嘗，晨早一開門就有街坊慣常地來吃早餐，不少區外客人亦長途跋涉到元朗，為的就是吃一碗勝利牛丸。
創辦人胡順清（清哥）堅持每天早上5時到元朗街市挑選牛肉，連牛肉檔主都說，全行最早到的就是他，這麼多年來風雨不改。他說元朗有五檔牛肉檔，分別位於同益與大橋街市，由於需求的貨量多，每次要取150至200斤的數量，每日幾乎走勻五檔才買到心水靚貨。
每塊肉都經清哥親自挑選，牛丸用的是新鮮未閹生牯牛，脂肪較少，只選肉眼、爬底和胸板等位置，皆因膠質好，肉味香，反而脂肪多的肥牛做出來的牛丸不夠爽與香，還帶一陣牛騷味。看他手勢熟練，確保牛肉細胞未死，夠軟熟。
清哥：「始終做咗幾十年，有時遠遠望過去都知牛肉軟唔軟熟，有時成隻牛都攞唔到，可能牛隻在屠宰場打架，全身發滾，牛肉就變得死實實，有機會一半貨都唔夠，唔靚寧願唔攞，好食的牛丸就是要夠爽彈帶肉香，不可能是實且硬。」若當日買不到質素好的牛肉就早點收工休息，皆因清哥堅信今日的生意是影響明日的，絕不妥協，馬虎湊合。
牛肉買回去，更要切走不合適的部位，挑走牛肉上多餘脂肪、筋、膜，手起刀落經驗十足。接着可以打牛肉漿，用近十部舊式捶打機，捶打牛肉最少1.5小時，牛丸漿加入調味料跟冬菜攪拌，幫助牛肉起膠。然後用機器唧成肉丸球，於溫水成形，再放入80℃熱水中慢火煮熟。新鮮製成的牛丸放涼後，沒放雪櫃冷藏就直接送到店鋪。剛才煮牛丸的水，便是招牌清湯，湯頭沒加其他調味，全是牛肉的鮮味。
多年來以100%純牛肉製作牛丸，清哥說儘管06年牛肉大幅加價60%，也思毫沒有動搖，或滲入其他肉類代替新鮮牛肉，堅持做精品牛丸。
兒子胡卓龍（Ian）三年前正式回店幫手，為方便區外客，今年在荃灣開設外賣店，更把不賣的私房牛筋丸帶到荃灣店賣；牛筋丸特別選用肉眼邊的筋位打成，鮮味爽彈，並增添一份口感。除此，外賣店新增不少限定菜式。
首次推出秘製新鮮清湯腩，只用牛肉清湯燜煮，牛腩大件，軟腍可口，配冬菜和香葱享用，相當美味。Ian：「新鮮牛腩貨源極罕有很難買，清湯腩只是以前媽媽在家中秘製的美食。早前大埔老店榮休，才有少量高質牛腩供應，所以決定在荃灣店限量推出。」
有些客人特別愛吃碎牛腩，便嘗試製成牛肉燥，類似台式滷肉做法，牛肉燥燉煮多個小時，十分入味，醬汁撈飯一流。
看着Ian做起來有板有眼，絕對不像待在鋪頭兩三年的模樣，多得讀書時期到工場學打牛丸，閒時為爸爸頂更作後備。
直至數年前，清哥被煮牛丸的滾水把腳嚴重燒傷，留醫近九個月，Ian硬着頭皮頂替爸爸上場，就是這段時間練成打牛丸功夫。
閒聊談及曾在英美學廚，本身又是品酒師的Ian，為何最終選擇正式接手？他一臉認真說：「我有兩個妹，她們都唔係做呢行，作為哥哥，由細到大的諗法，就係覺得總有一日可能會返屋企幫手，勝利牛丸有份養大我，我無理由唔識打牛丸，只是不甘心一畢業就落鋪，說到底始終是家業，不敢講發大做，只是想繼續經營下去。」
淨牛丸 $42
牛丸油麵 $42
淨牛腩併牛筋$48
淨牛筋丸 $60 （荃灣店限定）
清湯牛腩米 $120（荃灣店限定）
滷牛肉燥飯 $30 （荃灣店限定）
勝利牛丸(總店)
地址：元朗裕景坊20號祥發大廈地下
電話：24759969
營業時間：星期一至日7:30AM-8:30PM
勝利牛丸(分店)
地址：元朗谷亭街傑文樓地下
電話：24788409
營業時間：星期一至日8:30AM-7:30PM
勝利牛丸(外賣點)
地址：荃灣馬角街8號新豐工業大廈1樓 (只提供外賣，不設堂食)
電話：53098006
營業時間：星期一至日11:00am-9:00pm
撰文：Eunice Ng
攝影：Peter Li , Fong Ka Him
剪接：Peter Li
美術：Anita Lam
TalkFood 先填飽肚子再前進
UA-cam : / talkfood
Facebook : / talkfood
Instagram : / talkfood
#元朗 #牛丸 #牛腩 #老字號 #勝利牛丸 #勝利#老店#100%純牛肉#荃灣 #早餐 #食晏 #外賣 #晚餐 #打邊爐 #火鍋 #牛筋 #粗丸 #幼丸 #清湯腩 #肉燥飯 #碎牛腩 #街坊嘢 #老字號 #香港牛雜牛腩牛丸牛肉粥粉麵飯關注組 #香港牛腩粉麵關注組 #香港牛丸關注組 #TalkFood元朗 #TalkFood
延伸閱讀：
【街坊嘢】隱身尖沙咀怪獸天井 吃窩心貓飯燒鰻魚︳天井食堂
• 【街坊嘢】隱身尖沙咀怪獸天井 吃窩心貓飯燒鰻魚
【街坊嘢】柴灣山旮旯無冷氣點心牌檔 懷舊臘味糯米包︳潮發粉麵
• 【街坊嘢】柴灣山旮旯無冷氣點心牌檔 懷舊臘... - Розваги
真心成＄4x一碗牛丸麵,仲要好细碗,每次行過,甚多位冇人坐,我相信冇乜本區人會幫襯,行過少少有間＄2x一碗雲吞麵,性價比完勝
唉！生牛肉越嚟越貴, 真牛肉丸真係冇得平！
@@papaul8566你食蕉啦
全元朗人都知，佢而家啲牛丸唔係自己做呀！儍仔
味精牛丸，成晚瞓唔到！捱夜真係一流！！
Honest, sincere and hard working men, what Hong Kong is all about.
勝利係爽彈，但始終最愛係彪記既沙茶牛丸，肉味勁濃，可惜都摺了成十年。
九拾有二 經營60載，佩服！🙏
又貴又重味精既垃圾都吹奏😂
街坊真係食唔起。又貴又食唔飽
介紹得幾好
我係潮州睇過果度Ｄ粉面店牛丸係咁樣做：用兩把刀不停 啄 爛啲牛肉然後用手猛力 達肉成肉漿 起膠再搓成圓粒落滾水煮成粒粒牛丸。
比較一下勝利牛丸用機器磨爛Ｄ肉成丸同潮州人工製作邊Ｄ丸才好食？
住在元朗8年
只有前男友買回來，食過一次，普通！
食過潮洲的牛丸，才知道什麼是牛丸！
Thanks for sharing!
又貴又細碗
真心貴
以前成日去食，而家好耐無食，好貴仲要好細碗
無食勝利好多年，因為成碗牛丸河都好重味精味反而鐘意食嘉麗園。
嘉麗園咪一樣，儍仔
我第一次食果時係10.5一碗。從來無變過，元朗之寶~~
呢個價錢，果時來元朗轉上水小巴時有時間必食!！
二個月前專登入元朗試,仲差過啲車仔面，又貴又細碗,啲牛丸冇味,牛腩又柴，個湯超咸😢，飲品細杯一杯一定唔夠飲,要加多枝可樂,埋單一碗面加二杯野飲,差唔多成舊水,食完一肚氣,餐牌上都唔多野賣，都唔做好佢，食老本好快玩完
始終都係懷念彪記！
辣椒油
@@Jeff-wk2hu 加埋湯底
彪記真係童年回憶,每次都會叫牛腩河
牛丸彪記天下無敵！
聽講幾兄弟分家唔撈
以前真係超好食！
現在難食
早8年前已經勁難食，又貴，份量太少，牛丸太細粒。
good video!
味精壬牛丸，捱夜必食！
咁都介紹比人！
朋友上星期吃過
47元一細碗牛丸麵
13元一支汽水
朋友評價：冇下次！
元朗味精孖寶..勝利+嘉麗園..叫碟菜叫杯奶茶真係1人1舊落樓
我自己介左牛肉 好幾年 一直都好掛住呢粒牛丸個味道 彈牙重牛肉香 坦白講香港可比較只有 三兩間 近年見人地話佢味精重 唔好食 我都想破一破戒整番粒 係咪真係回曬塘
支持!真係好食。
勝利牛丸 (元朗)
多謝分享
小時候80年代初期，由$3.5至4蚊一碗食起，當時勝利前身位置在的士站公廁前面嘅八角型梯級地方位置，當時未有八角型地方時，勝利係在一個凹陷嘅地方擺檔! 當時要行落去條小斜坡仔落去入面食! 過咗一段時間後，第一間勝利就是現在‘魚米’嘅位置!
在大樹旁拉起膠布擺檔
@Bill Chan 不是，是國華大廈門口對開
正儍仔
the best 👍❤
今集好似特別好睇 well done!
呢集真係特別唔錯，但係間野實在麻麻
勝利中丸最初是在元朗 公 廁旁邊空地開檔！當時食品好味 又抵食，現在元朗有 兩間食 舖，味道－般又比較貴。
起好相逢後面鉄皮屋買牛丸,,,
@@chakmanma3654呢間係第二間
第一間，應該係元朗為食街
@@chakmanma3654果間我食，係5毫子一碗
牛丸真係高水準啦，通常都係去食丸腩河，食完實會口乾，多數去隔籬OK定7仔買野飲，佢地啲冷熱飲定價簡直係劏客啦，你話加幾蚊有野飲就差唔多，20蚊杯就離乸譜啦🤑
直情啦，十分認同，做熟客生意點會咁樣，當啲客係水魚。
物有所值，懂得欣賞的人就唔覺得貴，反正現在好多粉麵店都未必是自家制，所以保持水準的店舖不多，會繼續幫襯！
的確保持到得個鹹字又無牛肉味嘅水準
$120食咸牛腩，on9到冇人有😂
真的好嗎？多年前去食都唔覺得好味道
在更貴 吃不起了 唔好味 不幫襯
元朗好多所謂名店區內人完全唔會幫襯...又唔衛生
話你識食都冇人信，呢間我食嘅時候5毫子。
仲有呀，佢以前係平過人哋架。
就係你哋啲懵炳話好，出咗名，就貴過人。
正儍仔
錦田街市有一檔義順發, 我好多年前食過. 好想再食 但冇理由因為碗牛腩粉入錦田.
呢間都唔掂
超級鹹
以前真係好食，幾年前開始冇牛味，食d牛丸好似食緊紙皮，比左好多次機會，但都冇改進。
最好食係紅豆冰😂
由$13/碗食到而家既fans💪💪
我都係
我都係😂
自由行年代慕名去食過一次就再冇下次。價錢同細碗不是問題，但個人口味比較喜歡傳統河粉之類，牛丸配油面真係接受唔到。果次點解冇點河粉，可能想試吓新嘢？真係唔記得，可能叫河粉個感覺會好啲。🤔
我今年71歲 當年谷亭街勝利牛丸新開張當日 我在現場看熱鬧 想不到到今時今日還讫立不到 相當有實力 幾拾年都是一樣味道 但吸引住我搬了出港岛區仍然每月都要專誠入元朗幾次食這味道
你買味精就可以了，不用專誠入黎
x
媒
真的嗎？ 你收幾多$呀
這評論 有沒有違心之言呀？
你老味 好吃都講得出
以前是好吃 但今非昔比呢
真係唔怪得下面嘅留言小你
正儍仔
我由細食到大，不過我發覺而家啲牛丸唔係幾掂囉同埋太細碗啦要食兩碗再加一支汽水差唔多一舊水😳
牛肉來貨價都好貴呢
我替我爸爸打工，很想念他
又咸又貴
小編好用心拍呢 支持！
支持还支持但真係今非昔比。
罕見配油麵！
呢間野 咪玩啦😂😂😂
落左幾多廣告啊🤭
反而我好鍾意佢地嘅五香牛腩（5星）同辣椒油（4星）
咁嘅牛腩都話正？
碎到一個點
佢老豆好似佢阿哥、嘻嘻⋯掉轉果position 都似🤪
希望唔係振興係惠康賣嗰種品質，得個咸字，重要38蚊得9粒
貴過食双拼飯！ 比完錢嗰吓、心諗... 絕無下次 ！
幾十年前一蚊碗時最好食。
幾年前食過呢間---勝利牛丸 , 又貴又唔好食, 發誓以後唔光顧, 唸起都火滾😡😡😡
個爸爸样子比個仔年青好多。
三十年前就真係好好食... 呢十年已經吾再食....
係45年前真係好食
@@chakmanma3654 甘係八十年代係鐘聲徑工場打出嚟果啲仲係好好食既....
「老豆點做野就覺得做野係咁」，所以成唔成功、工作態度呢d真係身教。勤力同要求，細路仔都係耳濡目染學返黎！
以前住天水圍去食過一次，好難食，無下次
仲介紹勝利牛丸？？？
記者都好早起身喎
仲有玻璃樽裝可樂呀
勝利牛丸，近年真係唔得。
早期可以，近十年湯底差像清水🙂🙂葱菜劣質素多沙😇😇😇😇唔值😶
特登係沙田入黎食 難食到無下次 丸無味 牛腩腥既都唔知點做到 無下次！
我覺得好好食 好有牛味 值得一試
講真
佢D丸唔係最大問題, D牛腩先出事, 好鬼咸
我仲要梅菜多色
1:05 邊個係阿爸？"原來" 真係有用牛肉整
個鋪應該係佢，我小學以經見佢係元朗
40年前就可以
求〈荃湾地址〉！🤤🤤
搶錢牛丸 又細粒又貴 吃不过
4拾幾元一細碗河粉，太貴又細碗。少左人吃？
他们用的是 flank steak
彪記好食d
識看一定看留言。多謝各位留言。 令我省吾小。
唔駛睇留言，依個channel 嘅嘢bookmark 定（廣告／唔好食）一定無死
牛腩好伏，牛丸ok ge
呢間野😅算吧啦
Uncle looks very young
貴到
我由細到大係元朗。都成日食勝利牛丸。咁又無你地講得咁難食喎。不過佢牛腩係偏濃同杰，就唔係個個街坊都啱。起碼好過 嘉麗園先，明劏客。
M記食個安格斯牛包或者大家樂食個牛扒鐵板，講緊都係30幾到70蚊，果幾粒懶鬼牛丸都冇用咁多牛肉。加價加到唔合理，咩來貨價貴左都係藉口。叫個老細劏完客，自己元朗劏野牛包新鮮，
以前住元朗，印象食過好難食！味精好重，牛丸好一般
勝利同嘉麗園咁嘅質素仲賣咁貴，如果喺九龍市區，揾鬼去食。
貴到離譜，叫佢留返自己食
老實講住咗元朗10幾年從來冇食過
早排屎窟痕試咗次 難食到仆街
牛腩同牛筋爛以入口 牛丸急凍都好食過佢
主持下次可以訪問元朗好到底雲吞麵
呢間仲衰
好難食 湯底得個咸字冇其他味 牛丸仲衰過凍肉鋪
以前大馬路學記號同大棠道德記好食過佢多多聲啦!如果100%係牛肉就係好食,咁就間間都識做牛丸大王啦!佢嘅黃金年代果D人依家個個都有返咁上下身家,係嚟食情懷,唔好賺咁盡吖! $42蚊?大家覺得真心值咩?咁嘅價錢同水準,執咗都唔可惜,响度呃街坊D情懷😠
超市有冇得賣
勝利牛丸的確100%牛肉，自己search 消委會report就知，唔明點解仲有人話唔係100%。食過的個牛丸ok，牛腩就麻麻地，重味精，唔知係味加冬菜多。
價錢貴平因人而異，嘉麗園都係多味精
嗰d所謂牛腩，真實係牛肉的下欄。
條片講明加左冬菜，點樣100%？自打嘴巴
味精牛丸
勝利緊係食法蘭西多士
元朗有兩間勝利牛丸，邊間先係
吳明點解要加冬菜
細個嗰陣食，味道就冇乜印象
淨係記得好實，冇牙吳啱食😂
老老實實，除了贵咗少少，其實牛丸0K正。
120蚊一碗，你卤味！
話貴嗰啲人，其實知唔知道依加新鮮牛肉幾錢斤？
四十年前初創係好正，以前住元朗經常幫襯，搬了去屯門，間中會去元朗，越賣越貴，越食越差，已無幫襯。👎👎👎
鹹到甩肺，唔識欣賞。
好多老店都有咁嘅情況
@@ms.diamond555 出咗名，質素參差，價錢白痴，越食越貴，越食越差。👎👎👎
依家真係差到你唔信😢
其實10年前質素已經差左好多，一D 都唔好食，又貴。
我第一次食賣三毫子
以前係自己做。
好早已經冇自己做。係同學利攞貨。
係元朗人個個都知。
你記錯了
三毫子係淨米粉，5毫子係牛丸米。
佢哋係落冬菜，冇沖嘅
潮仙牛丸比，香港牛丸真係無得比
其實真係好食同高質
牛丸好食，但湯頭過份重味。香港牛丸來講，算幾好，但落番潮洲食就無得比，果種肉汁係口到爆開，油香既味。
Hi 主播，可否介紹吓Macaroni Dessert Bar (紅磡蕪湖街）佢d 食物酒店級出品，但一d 都唔貴，最好食係雞翼，牛舌，沙律，黑松露帶子意大利飯。定制嘅蛋糕好有特色，又靚又唔太甜又好味，女生至愛❤
廿年前讀書一次會食兩碗
現在送都唔想食