إزاى سافرت أمريكا وأخدت الجنسية؟ - هقولك الإجابة ✔️
Вставка
- Опубліковано 25 гру 2023
- ناس كتير نفسها تهاجر أمريكا وتكمل بقيت حياتها هناك. ونفسها تعرف ممكن أعمل إيه علشان أسافر. وهل الموضوع ده ممكن يحصل بأقل التكاليف ولا لأ. وإزاى برضه ممكن ناخد الجنسية الأمريكية وأطلع جواز سفر أمريكى؟ وكام سنه الإقامة بتفضل سارية معاك وانت فى أمريكا.
كلام كتير وأسئلة أكتر بتجى على بال كل واحد نفسه يسافر.
وانهارده هحكلكم ايه اللى حصلى وتجربة سفرى فى أمريكا
#امريكا
#الهجرة_الي_امريكا
#الهجرة_العشوائية
#السفر
إزاى سافرت أمريكا وأخدت الجنسية؟ - هقولك الإجابة ✔️
عالم ديزنى (أحلى فسحة) فى ولاية فلوريدا بأمريكا 🏰✨
ua-cam.com/video/dp1_Y42sStk/v-deo.html
اسأل اللّه العظيم رب العرش العظيم ان يكتبها لى ولكل من قال امين
امين ونخلص من العراق المعفن ومن شكله الوصخ
امين يارب العالمين
امين يارب
خير ان شاء الله
امين يارب انا بردو مقدم لوترى السنة دى يارب اكسب ادعولى
انا قدمت السنه دي على لوتري امريكا وانشاء الله اكون من الناجحين و يارب كل شخص نفسه يسافر ربنا يوفقك
يارب ان شاء الله
@@fadyyoussef_englishbelmasryبإذن الله
يا رب نتقبل هذه السنة وكل المحبين قولوا آمين .. مشكور يا باشا
يارب خير ان شاء الله
جميل جدا جدا الفيديو اتمني نشوف شوارع اكتر في امريكا .انت مبدع
حبيبى ربنا يخليك ده من ذوقك 👍
ادعولي اسافر امريكا غرين كارد ولكم بالمثل ان شاء الله
ربنا يجعلها من نصيبك ومن نصيبي ومن كل واحد من الناس الطيبة اللي دعت لينا وانا بدعي ربنا ليهم ولينا وليك..
آمين.🤲🤲
لو مسافر وعايز تاخد كورس محادثة انجليزى للمبتدئين، انا عملت كورس على موقع Udemy ب ٦٠ % خصم لغاية نهاية شهر ديسمبر . لينك الكورس www.udemy.com/course/tnhxwgzs/?couponCode=ENGFADY02023
Very informative and interesting video 😍😍 loved it and cant wait for the 2nd part ❤
Thank you so much!! The 2nd part has been posted already. You can check it from here : ua-cam.com/video/2Zhs9yP1Lt8/v-deo.htmlsi=_W-LOHtnV18xT_2b
فيديو جميل انا اشتركت فى القناة و منتظر الجزء التاني ❤
ده شرف ليا. شكرا جزيلا.. انا شغال عليه وان شاء الله يبقى جاهز يوم الاحد 🥰
في انتظار الجزء الثاني ❤
ان شاء الله يبقى جاهز يوم الجمعه اللى جايه
بالتوفيق ياصديقى و ربنا يحفظك
الله يخليك شكرا جدا
كان نفس الاحساس لما تحصلت على اللوتري في 2020 لكن كورونا منعتنا من تحقيق الحلم وكانت الصدمة قوية جدا لذا فأنا احاول بأي طريقة تمكنني من السفر إلى امريكا لأعوض ذلك والاستقرار هناك
انا أسف جدا ان ده حصل معاكى ، هل ده بسبب اغلاق السفارات فى هذا الوقت؟
نعم وتم حفظ 9095فيزا لى 2020 لكن لا يوجد شيئ فاتمنى ان اجد حل للسفر
عسي ان تكرهوا شيئا ويجعل الله فيه خيرا كثيرا
ربنا يعوضك يارب
حضرتك لو عيلة جاية امريكا ومتعرفش حد هناك ترشحلهم ولاية اية يكون الايجار رخيص والمدارس والجامعات تكون كويسة
ربنا يكرمك ويوفقك
اشكرك جدا جدا، يوفقنا جميعا 🙏🏼
اسأل الله العظيم بأسمك الاعظم ان يكتبها لي ولكل من قال امين
لو فيها خير ان شاء الله تيجى وتنور الدنيا هنا 👍
امين يارب العالمين انا كمان مقدم لوترى السنة دى
طيب عايزين جزء تاني تفصل فكرة السكن كوني شخص واحد كيف حتكون بدايتي هوتيل ولا سكن مع غرباء او مع عوائل والاسعار الاقل للاغلى والمناطق الافضل للمهاجرين الجدد
بالنسبه للسكن الفرد الواحد او لكل الاسره، ده هتكلم عنه فى فيديو منفصل وكمان افضل الولايات بالنسبه للعرب. الفيديو اللى جاى هتكلم عن مقابله السفاره والاوراق ومكتب الهجره فى مطار أمريكا وشويه نصايح مهمه للمهاجرين.. كله جاى ان شاء الله.. واتمنى تبقى معلومات مفيده تسهل عليكم خطوه الهجره ديه. تحياتى
١٢ سنه بقدم على اللوترى ومفيش فايدة ادعولى يا جدعان اكسبها السنه دى . يارب 🤲
بالتوفيق السنة ديه ان شاءالله 👍
صلوا علي النبي❤❤❤
عليه أفضل الصلاة والسلام❤❤❤
صلى الله عليه وسلم
امين يارب العالمين ربنا يتوب علينا من هنا
اول مرة اقدم وربنا يتمم على خير ان شاءالله
ربنا يوفقك ان شاءالله 👍
ربنا يكتبهالي يا رب المره دي
ان شاء الله تجيلك لو فيها خير ليك
كفو عليك والله
أشكرك جدا
ربنا يوفقك
الف شكر 🙏🏼
قدر الله وماشاء فعل انا قدمت في لوتري 23 وكسبت وعملت المقابله وبعد كده دخلت اداري والفيز خلصت قبل مطلع من الاداري
كله خير الحمد لله
ممكن توضح يعنى ايه دخلت ادارى علشان انا مسمعتش عن الاجراء ده قبل كده علشان الكل يفهم ويستفاد.. وطبعا الحمد لله على كل حال🙏
اللهم امين يارب العالمين 🤲🙏❤️💥
امين يارب انا وصديقي نروح
ان شاء الله تجيلك لو ربنا رايد خير ليك عن طريقها
بالتوفيق
اشكرك ❤️
اللهم صلي وسلم وزد وبارك على سيدنا محمد
مستنيك وياريت تفاصيل اكتر عن الذبذبه بتاعه اسافر ولا لا
والشعور السلبي احيانا والشعور الايجابي احيانا
ان شاء الله الجزء الثانى يبقى جاهز بكره. وبالنسبه للتردد فى السفر ديه بتبقى على حسب ظروف كل شخص، فى ناس عندها ظروف متقدرش تسيب اهلها مثلا وفى ناس تانيه معندهاش مشكله فى السفر لكن خايفين من انهم ياخدوا خطوه. الناس اللى خايفه ديه لازم تحسبها صح وتغير من تفكيرها علشان مفيش اى حاجه حلوه او مفيده مفيهاش تعب او خطوره بنسبه معينه. لازم تاخد ريسك علشان توصل للى بتتمناه
No risk no return
سلام عليكم فى حاله القبول هل سيتم إرسال خطاب للشخص وما هى الخطوات بعد استلام الخطاب ولك جزيل الشكر
وعليكم السلام ، فى حاله القبول بتعرف من الويب سايت بتاعهم.فقط لما بتدخل ببياناتك الاسم، سنه الميلاد، والرقم التأكيدى . انا مجاليش اى جوابات بالبريد وانا فى مصر ولا حتى بريد إلكتروني ، كله عن طريق الويب سايت. وبعد كله بيطلب منك تملى استماره وتبعتها وبعديها بتعمل كشف طبى وبتاخد لقاحات معينه مطلوبه وتحضر اوراقك وتترجمها. وبعد كده بتدخل على نفس الويب سايت علشان تشوف معاد المقابله اتحدد ولا لسه ولما يتحدد، بتاخد كل الورق ده معاك وتقدمه فى يوم المقابله. كل الاوراق المطلوبه هما بيقولولك عليه بوقت كافى قبل المقابله
متنظرين الجزء التاني، وبرضو قولنا عن ليه فلوريدا بالتحديد ؟ وايه رائيك بتكساس مثلا ؟
هو الجزء الثانى اتصور وهتكلم فيه عن باقى القصه وشويه نصايح مهمه للمهاجرين الجدد. الفيديو اللى بعده ان شاء الله هتكلم عن افضل الولايات ومن ضمنها فلوريدا وتكساس وهقولكم الاسباب من وجهه نظرى
@@fadyyoussef_englishbelmasry منتظرين ❤️
اللهم امريكا حلم عمري❤🥺
لو خير ليك ان شاء الله تجيلك وتحقق حلمك
@@fadyyoussef_englishbelmasry خير بأذن الله🤍✨️
يا رب تيجى ...بتمنى اليوم ده بقالى عشرين سنه بقدم😂😂😂
هتيجى ان شاء الله لو فيها خير.. بس ٢٠ سنه ديه كتير قوى 😀
المنظر والفيو اللي بتصور فيه تحفه … اسمها ايه الولايه ديه والمدينه ؟؟؟
ولايه فلوريدا مكان اسمه Uptown
ربنا يوفقك ويصلح حالك ممكن الرد على السؤال ده ضروري بنسمع كتير إن الواحد ما يقدرش يحافظ على ولاده هناك لان الدنيا في امريكا حرية مطلقة الولد ولا البنت يعمل اللي هو عايزه والاب والام مالهمش يحاسبه مدى صحة الكلام ده ايه.
اشكرك جدا ربنا يخليك. ده كلام مظبوط.. فيه طبعا حريه زياده تستلزم الحرص فى متابعه الاولاد ومعرفه اصدقائهم والناس اللى بيختلطوا بيهم فى المدرسه والمنطقه السكنيه والمواقع اللى بيدخلوا عليها. هى هى نفس المتابعه والاهتمام اللى بنعمله لاولادنا فى مصر علشان لكن ممكن تبقى زياده شويه. لكن الخطر على الاولاد بيكون كبير لو أهملناهم وانشغلنا بس بالشغل والفلوس. صدقنى كله حسب التربيه بغض النظر انت عايش فين. انت ممكن تبقى عايش فى مصر وفاكر انك بكده هتبعدهم عن الخطر، لكن الناس والافكار المؤذيه بقت فى كل مكان. ربنا يحافظ على اولادنا جميعا
مرحبا ..نصيحة اخوية جييب مايكروفون متنقل بيتعلق
معاك حق.. انا ناوى اجيب ان شاء الله.. استحملونى بس فيديو كمان واللى بعده ان شاء الله هيبقى الصوت والتصوير أفضل.. الف شكر على النصيحه اللى فى محلها 👍
حقك عليا.. ادينا بنتعلم 😀
ممكن تتكلم عن فيزا السياحة وازاي نقدم اللجؤء واي الاوراق المطلوبة❤
موضوع اللجوء ده قصه كبيرة انا ممرتش بيها. بس هحاول اجيب معلومات من الناس اللى عاشت التجربه ديه واعمل عليها فيديو 👍
@@fadyyoussef_englishbelmasry ايوة الله يخليك فيديوهاتك جميلة وقصير ومفيدة جدا ♥هستني الفيديو😉😅😅
يا استاذ فادي انا طالب طب و الجيش ممكن يجيلي ٣ سنين و انا عايز اسافر امريكا مش تعرف طريقه ممكن اخلص منها من الجيش ؟
تعالى أمريكا وانت دكتور احسن.. هتعمل معادله والحياة هتبقى احسن مليون مره.. عايز تيجى أمريكا فى الصيف تشتغل شويه وترجع وتستكشف البلد ، قدم على فيزا سياحه وان شاء الله تجيلك. لكن انك تضيع كل مجهودك اللى عملته فى الدراسه والمصاريف اللى صرفتها وفى الاخر مطلعتش بحاجه لا شهاده ولا هتعرف ترجع مصر لسنين طويله لغايه ما تعمل ورق فى حاله انك كسرت الفيزا، ده غلط كبير فى رأيى لمجرد انك مش عايز تخش الجيش. لما تبقى دكتور ديه حاجه هتنفعك جدا جدا سواء فى مصر أو الخليج أو أمريكا أو كندا.. متضيعش مجهودك اللى فات. ده رأيى وبالتوفيق 👍
🤍🌹
شو رأيك بولاية نيوجرسي ؟
مليانه عرب ممكن تشتغل معاهم لو معندكش اقامه او الانجليزى بتاعك ضعيف، غير كده انا مش شايف فيها مزايا، وده رأى شخصى
طب انا لسة مخلص كلية السنة الي فاتت عايز اعرف اقدم امتي وكل قد اي وكدا
التقديم بيبقى كل سنه بين شهر أكتوبر ونوفمبر.. والنتيجه بتطلع فى شهر مايو اللى بعده.. ولما تكسب ان شاء الله، مقابلات السفاره بتبتدى فى أكتوبر.. بالتوفيق ان شاء الله
فادي اخبارك إن شاء الله بخير انا أخوك محمود من الاسكندريه وأنا موظف متزوج وعندي ٤ أولاد فهل الهجرة امان بالنسبة لي والأولاد
محمود باشا، كله تمام الحمدالله. لو حد قالك ان فيه أمان مطلق فى اى مكان سواء فى أمريكا او مصر يبقى بيضحك عليك. فى كل مكان هتلاقى الشر موجود لأننا مش فى الجنة احنا لسة على الأرض، أمريكا فيها حرية زيادة حبتين ممكن تهدد أمن ولادك لو انت مش متابعهم لحظة بلحظة وتلاقيهم بيضيعوا منك لا قدر الله، لكن لو قدرت تربيهم تربية سليمة وتكسب صداقتهم، ده هيخليهم يرجعولك فى كل حاجة وهتقدر ترجعهم للطريق السليم تانى، وقصاد كده هيتمتعوا بتعليم جيد جدا وعيشة أفضل من كل الجوانب. فى أمريكا نماذج كتير جدا من مصريين وعرب هاجروا وولادهم اتولدوا وكبروا هنا وكتير منهم ناجح جدا فى الدراسة والعمل. وناس تانية أهلهم أهملوهم وضاعوا لانهم كانوا مشغولين بشغلهم اكتر من عيالهم.ونفس النماذج ديه موجودة فى مصر برضه، فالعبرة بالتربية ومتابعتك لكل تفاصيل حياة اولادك، وربنا هو اللى بيحميهم طبعا. بالتوفيق
You should add english subtitles man
Will do, thanks! 👍
ايه هو الموقع التاني للتقديم وامتى معاد التقديم فيه
التقديم بيكون كل سنه لمده شهر من أكتوبر ل نوفمبر .. dvprogram.state.gov
طب انا لسه لي ٣ شهور واتخرج من هندسه المنصوره وليا جيش هل ممكن تجي ماجستير او اي حاجه تبع الدراسه اضمن ولا صعب ارجوا الرد
انت علشان تبتدى تقدم هيكون فى شهر ١٠ وبعد كده النتيجه بتبان فى شهر ٥ اللى بعده، وبعد كده بتعمل انترفيو (غالبا مش قبل ٥ شهور تانيه بعد الموافقه) ولو اتقبلت فى الانترفيو بيكون عندك ٦ شهور فتره تسافر خلالها امريكا. الموضوع بياخد وقت. لكن هل ديه فتره كافيه تخلص فيها سنه جيش ولا لأ؟ ده على حسب هما هيطلبوك امتى وهتدخل سنه ولا ٣ سنين. وبالنسبه للماجيستر اعتقد مش بيعفيك من الجيش لكن ممكن تسأل فى اداره الجامعه علشان تتأكد. وبالتوفيق
بجد تسلم لذوق حضرتك @@fadyyoussef_englishbelmasry
العفو على ايه، ربنا يوفقك
ممكن يا فندم تقولنا المكتب الا سفرت عن طريقه
انا مسافرتش عن طريق مكتب سفريات، انا كسبت فى الهجرة العشوائية وقدمت لنفسى
@@fadyyoussef_englishbelmasry شكر جزيلا لذوق حضرتك
@@sameryossry6471 العفو تحت امرك
👌👍
شكرا 👍
هل بفيزا سياحة يمكنني الحصول على الإقامة مع الوثائق
فيزا السياحه لمجرد السياحه ودخول البلد لفتره قصيره، ولا يحق لكى العمل بها، لكن بعض الناس يستغلون دخولهم البلد هنا ويقومون برفع قضيه لجوء سياسي او دينى عن طريق محامى لتقنين اقامتهم. وطبعا بتأخد سنوات طويله لكن بعد رفع القضيه بيعطوكى حق العمل والاقامه المؤقته حتى البت فى هذه القضيه واصدار حكم بحقك بالاقامه الدائمه
ليه دائما العرب وخصوصا المصريين يفضلون فلوريدا , هى ولاية جميلة لكن هل هناك مميزات اخرى لهذه الولاية من حيث العمل واسعار السكن
هو العرب موجودين اكتر فى نيويورك ونيوجيرسي.. وبرضه فيه فى فلوريدا لكن مش زى نيويورك. من ضمن مزايا فلوريدا هى الطقس. مفيش ثلج خالص طول السنه وديه حاجه كتير من الناس اللى جايه من الدول العربيه بيفضلها. هتكلم اكتر عن فلوريدا والولايات التانيه واحسنهم من وجهه نظرى فى الفيديوهات اللي جايه ان شاء الله. شكرا لاهتمامك ومتابعتك. تحياتى
@@fadyyoussef_englishbelmasry 👍❤
من ناحية الجمال كثير حلوة
من ناحية العمل هل فيها فرص عمل؟ @@fadyyoussef_englishbelmasry
هل ممكن اسافر عقد عمل بشهادة خبرة من الجيش؟
اعتقد مينفعش. امريكا مش زى دول الخليج فى موضوع عقد العمل. لازم يبقى عندك خبرات كبيره مش موجود منها فى أمريكا علشان يخدوك
ممكن لينك الابليكيشن لتقديم الهجرة
ده اللينك لكنهم بيفتحوا باب التقديم فى شهر ١٠ من كل سنه
dvprogram.state.gov/
حضرتك روحت اي ولاية في امريكا ؟
ولايه فلوريدا
هو نا ممكن مسافرش عشان الجيش لو فزت مع العلم اني طالب فكلية
اعتقد طول ما انت فى الكليه تقدر تطلع حاجه زى تصريح سفر علشان انت مش مطلوب للتجنيد غير بعد التخرج. ف هتقدر تسافر. لكن السؤال هنا هل هتسيب الكليه ومش هتكمل دراستك لو جاتلك وانت فى الكليه؟ وهل لو سافرت ممكن يعملولك مشكله لما ترجع علشان مدخلتش الجيش؟ الاسئله ديه محتاجه اما محامى علشان يقولك القانون بيقول ايه او حد مر بنفس التجربه.. وانا افضل كلام محامى
@@fadyyoussef_englishbelmasry لو جتلي هدخل كلية تانية ف امريكا عادي
وبالنسبة للمشاكل الي هيعملوهالي انا اصلا مش ناوي ارجع
@@abdallahsaadel3grami687ليه ملها مصر ؟
@@user-ld8jw1wx5h لاملهاش زي الفل
انت كلامك حضرتك صح بس انا عمري ما اسيب الطب بس انا مش اقصد كده اقصد هل ممكن بعد ما اخلص طب ٱخد اعفاء مؤقت و بعدين اسافر و بعد ما اعدي ٣٠ سنه انزل ادفع الغرامه بسيطه ... ده اللي انا أقصده + شكرا لرد حضرتك و اهتمامك بينا ❤❤
اعتقد ينفع تعمل كده بس برضه فيها مخاطره، لان ممكن اى ظروف تحصل فى العيله تخليك عايز تنزل قبل ال ٣٠. لكن سيبها على الله، خلص الدراسه وشوف هناخد إعفاء ولا ايه وبعدين شوف لو لسه عايز تسافر أمريكا ولا بلد ثانيه تكون احسنلك. ساعتها اختياراتك هتكون اكتر ان شاء الله
ممين قالك هتعرف تاخد الشهاده وتسافر ؟ انا كنت زيك بالظبط وفكرت اسافر لكن دخلت السنه وخلصتها واحسن ايام واحسن اصحاب و عندي حاجه احكيها وذكريات ولو رجع الزمن هدخل تانى
دى مدينة اى فلوريدا ؟
Longwood
هل يمكنني السفر بعقد عمل وكيف يمكنني الحصول عليه للاستقرار فى امركا
السفر عن طريق عقود العمل صعبه جدا و بتتعمل فى حدود ضيقه، لانك لازم تكون مميز جدا فى عملك وعندك خبره ومهارات نادره مش موجود كتير منها فى أمريكا، علشان كده بتبقى صعبه. افضل حاجه انك تقدم على الهجره العشوائيه او تأخد فيزا سياحه ولما توصل أمريكا تدور على شغل وتحاول تقنن اقامتك.
فهل يمكنني الحصول على عقد عمل بفيزا سياحة وكيف يمكنني تقنينه وهل بهذه الطريقة يمكنني الاستقرار
لا صعب الحصول على عقد بفيزا سياحه.. تقنينه بيتم عن طريق محامى يرفع قضيه ويطالب بإقامه لاسباب مختلفه منها الاضطهاد الدينى او السياسي.. وغيرها
طيب اخي انا من سوريا مسجلة بلمفوضية من ١٠ سنين انا مطلقه وعندي ولاد بس ماحدا حكاني سوائلي هلاء في روابط للهجره على كندا ماذا رئيك هل نقدم ؟
انا قبل ما اقدم على امريكا قدمت على كندا رغم انى ماكنتش أفضلها بسبب الجو الصعب.. لكنى اترفضت على نصف درجه فقط وبعد ٦ شهور جاتلى فيزا الهجره لامريكا. فطبعا ممكن تجربى كل فرصك ولو ربنا ارادها ليكم هتكمل ويمكن تكون احسن من أمريكا بالنسبه ليكم. بالتوفيق
@@fadyyoussef_englishbelmasry
شكرآ على رد طيب في رابط على امريكا انقدم عليه
@@alihavs هو الموقع بيبقى مفتوح من شهر اكتوبر كل سنه لمده شهر.. يعنى لازم تستنى اكتوبر ٢٠٢٤ علشان تقدمى
@@fadyyoussef_englishbelmasry
كلك ذوووق
العفو تحت أمرك
انت قلت انك كشفت علي النتيجه في الموقع ال كلنا بنكشف فيه وبعدين كشفت ع النتيجه في مكان تاني ؟صح؟
لا كان هو هو نفس الموقع . انا علشان متزوج كنت عامل استمارتين واحده بإسمى والتانيه بإسم زوجتى. دخلت اشوف النتيجه على الاستماره الاولى لقيت لم يصبه الدور، وبعد كده شوفت الاستماره الثانيه لقيت نفسى فزت. بعد شهرين دخلت على نفس الموقع بنفس البيانات، لقيتهم استبدلوا جواب الفوز بجواب المقابله والمعاد بتاعها فى سفاره القاهره كان فى اكتوبر ٢٠١٣
انت اشتغلت نفس شغلك في مصر ولا غيرت الكرير كله؟
اشتغلت فى نفس الكرير وغيرته بعد كده
في معلومه انا مش عارف اوصلها
سائق سياره الإطفاء محتاج مؤهلات اي عندكم في أمريكا؟
كم نسبة نجاحي في امريكة انا معاق في كرسي متحرك عندي تقني اعلام الي ونفسي كون سائق اوبرا
اى حد عنده اعاقه وعايش فى امريكا بيكون له مميزات، ممكن تعلق بادج فى المرايا وبتبقى فى علامه بتتحط على نمره العربيه علشان تبين ده. تقدر تركن فى أماكن مخصصه للمعاقين وده بيسهل الحركه. بالإضافه ان كل الرصفان مصممه لسهوله الحركه بالكرسي المتحرك. شغل أوبر هيبقى مناسب جدا لكن العربيه لازم تكون مجهزه. ولو معاك ورق هيقبلوك فى أوبر بدون مشاكل ان شاء الله. وفيه شركه زى اوبر اسمها Lyft بتعمل نفس الموضوع وشغاله هنا بنفس القوه بتاعت اوبر. بالتوفيق
سيبك من ده كله المكان اللي بتصور منه ده اسمه ايه وفين ؟
Uptown, Altamonte Springs, Florida
@@fadyyoussef_englishbelmasry تحياتي
هو حضرتك في ولاية اية
ولايه فلوريدا
انا بقى خلاص انتهى الحلم انا عمرى ٥١ سنه يالا الحمد لله
الكلام ده مش مظبوط، انا بشوف ناس كتير لسه وصله أمريكا واكبر منك. سن المعاش هنا ٦٥سنه يعنى لو جيت السنه اللى جايه أو اللى بعدها هيبقى عندك اكتر من ١٠ سنين قبل المعاش.. شوف انت بقى ال١٠ سنين دول ممكن تعمل فيهم ايه. لو عندك رغبه وربنا يديلك الصحه دائما وتقدر تشتغل، قدم وسبها على الله. حتى على الأقل تبقى مفيده لأسرتك فى المستقبل. بالتوفيق
@@fadyyoussef_englishbelmasry تحياتى لحضرتك أستاذ فادى واحاول إن شاء الله ....كامل تحياتى ويحيا الأمل.
مين قالك كده ي عمو امريكا بلد الفرص والعمر فيها مجرد رقم تقدر تعمل كل حاجه باذن الله تتقبل وتروح وتحقق النجاح اللي نفسك تحققه وربنا يديك طولة العمر والصحه والسعاده وراحة البال❤
كلامك مظبوط 👏👏❤️
السلام عليكم انا ١٨ سنه من مصر
مقدم علي لوتاري ٢٥ ب أسمي مره وبأسم والدي مره وبأسم والدتي مره كمرافق المشكله ان كل م اكلم حد يقولي انت لسه صغير علي البهدله زائد ان انا لسه اولي صيدله وبيقولولي اكمل في مصر واعادل الشهاده بدل ما اكملها من امريكا لان البكالوريوس غالي ومش هعرف اسدد قرد الطلاب ،انا معنديش مشكله ف الانجليزي الحمدلله زائد ان انا منغمس ف الثقافة بتاعتهم وفاهمهم وفاهم طريقه تفكيرهم من المسلسلات والافلام في الغالب ممكن تعمل فيديو ل ازاي اعرف اوازن بين تعليمي و المعيشه هناك ورأيك علي كلامي ،حاجه كمان علي الولايات الكبيره زي نيويورك ومشكله الركنه للعربيات فيها لو ليك خبره ف الولايه دي بما اني لو نزلت هنزل هناك علشان عارف ناس فيها ،انا مش مستني منهم حاجه بس التعرفه احسن من المتعرفوش وبعدها ممكن انقل علي ما الدنيا تستقر ل كاليفورنيا مثلا او واشنطن الولاية او فلوردا مبفكرش ف الولايات المش مشهوره علشان فرص العمل مستوى المعيشة آسف لو طولت عليك ولو في اي طريقه التواصل مع حضرتك فيها inbox يكون احسن ده لو ميدايقش حضرتك طبعا
اسئلتك مهمه جدا ومحتاجه كذا فيديو لشرح كل حاجه بتفاصيلها.. لكن لو جاتلك اللوتارى عن طريق اى حد من اسرتك طبعا الافضل ان انت تيجى.. قروض الطلبه بتكون بفايده اقل من باقى القروض ومعظم الناس بتعتمد عليها فى الدراسه الجامعيه. والصيدلى بيكسب كويس فمش هيبقى صعب عليك تسديدها. وبالنسبه لسنك، انا شايف ان السن الصغير أفضل علشان هتقدر تستحمل تعب الدراسه والشغل طالما عندك شغف وطموح انك توصل لحياه أفضل. بالعكس الناس بتخاف انها تهاجر وهى فى سن الثلاثين والاربعين وبيحسوا انهم اتأخروا وفرصهم اقل من الاصغر سننا وده برضه تفكير غلط. وبالنسبه لنيويورك طبعا ركنه العربيه شئ صعب لكن الموصلات متوفره فى كل مكان وممكن تستغنى عن العربيه فى الاول.. لكن انا بالنسبالى مبحبش نيويورك علشان زحمه وغاليه لكن ممكن يكون اختيار أولى ليك فى البدايه وبعد كده تشوف انسب ولايه ليك بعد ما تخلص دراسه. شوف الاول نتيجه الهجره ايه الاول وبعد كده فكر كويس ايه الاحسن ليك . وبالتوفيق. ممكن تبعتلى رساله على الماسنجر صفحه الفيسبوك بنفس اسم القناه هتلاقى اللينك بتاعها على القناه هنا
@@fadyyoussef_englishbelmasry
شكرا لوقت حضرتك+مستني الفيديوهات الجديدة إن شاء الله هتكسر الدنيا
ان شاء الله تكون مفيده لكل الناس ديه اهم حاجه. بالتوفيق
معلش عندي سؤال هو مش المفروض لما توصل لعمر ال18 بتقدم لنفسك فقط ما ينفعش حد يقدم لك ؟ ازاي انت مرافق ل والدك و والدتك ؟ وقدمت لنفسك في نفس الوقت
@@4hhne ٢١ سنه
انا في السعوديه هل افضل اقدم سياحه من هنا ولا اقدم وانا في مصر؟؟؟
بصراحة مش عارف لو قدمت من السعودية هل ممكن فرصتك تكون احسن ولا لأ. انا أفضل انك تسأل حد خاض نفس التجربة من معارفك او زمايلك فى السعودية. لكن لو مفيش فرق انا احسن لى انى اقدم من السعودية علشان هتكون اسهل وأوفر ليك بدل ما تسافر لمصر مخصوص علشان تعمل المقابلة
@@fadyyoussef_englishbelmasry شكرا
@@user-ub1ts2kl9p العفو، بالتوفيق 👍
عندي سؤال مهم هو لو انا عمري 18 ينفع والدتي تقدم لي ك مرافق معاها ؟ + عايز اعرف اي السن الي لما اوصله ما ينفعش حد يقدم لي يعني بقيت شخص ناضج بالنسبه لأمريكا ؟ + هو في حاله الفوز باللوتري ينفع اسافر لوحدي وامي لا حتى لو هيا الي كسبانه وانا مجرد مرافق ولا اي ؟ اتمنى الرد وشكرا مقدما ❤
ايوه ينفع والدتك تقدملك طالما انت اقل من ال٢١ سنه . فوق ال ٢١ مينفعش تبقى معاها فى نفس الاستماره. وينفع تقدم لوحدك برضه طالما انت عديت ال ١٨ لو معاك شهاده ثانويه . لو انتم فزتم لازم انتم الاثنين تروحوا السفاره علشان تأخذوا الفيزا . لكن مش متأكد لو لازم تسافر معاك أو لا.. اعتقد ماتفرقش ممكن تسأل السفاره لما تأخذ الفيزا لكن هى أفضلها تسافر معاك علشان تستلم الجرين كارد وترجع لو هى مش عايزه تقعد هناك علطول .. لكن لازم تروح أمريكا تانى كل ٦ أشهر علشان ماتروحش عليها الجرين كارد.. لكن بالنسبه ليك انت خلاص هيبقى معاك الجرين كارد ومعندكش مشاكل. مبروك مقدما 👍
@@fadyyoussef_englishbelmasry شكرا جدا
@@fadyyoussef_englishbelmasry افهم من كلام حضرتك أنه اقدر اقدم لوحدي في استماره خاصه بيا و اقدر اقدم عن طريق والدتي واكون مرافق وبكده يبقى عندي فرصتين صح ؟ ملحوظه صغيره اني معايا دبلومه مش ثانوي عام عادي صح وشكرا جدا لحضرتك
مضبوط، ممكن تقدم لنفسك مره ومع والدتك مره لغايه ما توصل سن ٢١ طالما انت فوق ١٨. وبالنسبه للثانوى هما عايزين على الاقل شهاده ثانويه أو ما يعادلها، فالمفروض مايبقاش عندك مشكله فى الجزئيه ديه. بالتوفيق
نعم انا أكملت كل الوثائق اللازمة كنا فى انتظار الاستدعاء فقط للمقابلة ،فما هو تأهلي في السفارة لكي يمنحوني فيزا هجرة والاستقرار كما ذكرت لي،وانا اتابع قناتك وكل فيديوهاتك من كل قلبي لأني أحس حقا بما تقوله، لكن لم افهم كيف اتابعك على السفارة الأمريكية لمساعدتي في الحصول على فيزا هجرة ارجوا التوضيح، وأشكرك على تفهم وضعي وحماسي لي هجرتي الى امريكا
طبعا انا متفهم حماسك ورغبتك فى السفر خصوصا انك فزتى فى ٢٠٢٠ ولم تتمكنى من مقابله السفاره. حاولى تتواصلى مع السفاره الامريكيه فى بلدك وتطلبى تفسير عن امكانيه عمل مقابله بخصوص فوزك السابق. لو رفضوا وقالوا ان فوزك فى ٢٠٢٠ تم إلغاؤه، اذا الطريق الوحيد هو محاوله الحصول على تأشيره سياحه وبعد ذلك التواصل مع محامى داخل امريكا لرفع قضيه لجوء لصالحك لتقنيين اقامتك داخل امريكا. او الحل الاخير هو استمرارك فى التقدم للهجره العشوائيه كل سنه حتى تفوزين بها مره اخرى.
انا جزائرية هل يحق لي اللجوء وماهو نوع اللجوء الذي يمكنني التقديم عليه
ممكن اتواصل معاك؟
ممكن طبعا على الماسنجر بتاع صفحتنا على الفيسبوك
facebook.com/profile.php?id=100088286440634&mibextid=dGKdO6
ايمكنكا نصيحتي بأي طريقة تساعدني على السفر والاستقرار في امريكا وهل هناك أمزال هناك أمل لأصحاب اللوتري 2020 فهل إذا سافرت بفيزا سياحة وبررت استمرارية وجودي هو فوزي باللوتري. وغلق السفارات هي السبب لعدم السفر على أنهم تم حفظ 9095فيزا ولكن لم نرى شيئ لحد الان فهل هذا يساعدني للحصول على الوثائق ام ترى أن هناك طريقة أخرى أفضل
الحقيقه ان فوزك باللوترى ٢٠٢٠ لا يعنى حقك الى دخول البلد ولا يبرر استمرار وجودك هناك فى حاله حصلتى على فيزا سياحه. فوزك فى اللوترى يؤهلك فقط لمقابله فى السفاره والحصول على فيزا هجره بعد اكتمال اوراقك وموافقتهم على سفرك للإقامه. حاولى تتابعى مع السفاره الامريكيه فى بلدك بالتليفون او البريد الاليكترونى لمعرفه مدى امكانيه عمل مقابله او لا. وممكن طبعا تقدمى على فيزا سياحه وتسافرى لكن هذا لايضمن بقائك هناك الا عن طريق محامى ممكن يعرض عليكى بعض الحلول لتقنين وضعك القانوني
ممكن ان تشرحلي أكثر كيف لي ذلك
@@BahyaBouchakour-qx3dd انا افضل انك تتواصلى مع محامى هجرة فى بلدك لانها امور قانونية ومحتاجة متخصص لإرشادك لافضل إجراء يناسب موقفك
يا غالي انا مكمل 18 سنه وليا اخت 22 سنه وابويا 58 سنه وامي متوفيه 😢 هل ينفع نقدم كلنا كا عيله مع بعض ولا اي ولو هنقدم كل واحد هيعمل ابيلكشن لوحده ولا كلنا في ابليكشن فهمني اكترر ياريت تساعدني انا محتاج السفر اووي ياريت ترد؟؟
ربنا يرحمها ويصبركم. على حسب معلوماتى الابناء لازم يكونوا اقل من ٢١ سنه علشان يقدموا مع اهلهم فى نفس الاستماره. معنى كده ان انت ووالدك ممكن تقدموا مع بعض لكن اختك عندها ٢٢ سنه لازم تقدم لوحدها. ديه معلوماتى.. اسأل برضه حد متخصص فى الهجره يمكن يكون عنده معلومه مختلفه. وبالتوفيق
@@fadyyoussef_englishbelmasry ❤❤
لو نجحت فى اللوترى ومش معاك فلوس تعمل أيه
الموضوع محتاج فلوس.. اولا هتدفع حوالى ٣٣٠ دولار على ما اتذكر فى السفاره ثمن الفيزا بعد المقابله.. ثانيا الأوراق اللى ترجمتها برضه هتتكلف شويه فلوس.. ثالثا تذاكر الطيران والفلوس اللى هتجيبها معاك علشان تعيش بيهم لغايه ماتلاقى شغل.. كل ده فلوس مطالب انك توفرها علشان الموضوع يمشى.. لو مش معاك اليومين دول فلوس مش هتعرف تكمل.. لازم تشوف شغل احسن علشان تعرف تحوش منه الهجره وبعد كده قدم علشان لو جاتلك وانت معكاش هتتقهر
@@fadyyoussef_englishbelmasry شكرا جزيلا لحضرتك
العفو، بالتوفيق 👍
والله يا ابن الحلال اللوتري بالحظ والي ماعندة حظ شو يعمل
يحاول تانى ولا يفقد الامل لان ممكن فى مره من المرات يفوز لو ربنا كتبهاله. التقديم ببلاش يعنى مفيش اى ضرر او تكلفه للتقديم. وبالتوفيق ان شاء الله لكل واحد نفسه يسافر ويجرب حظه فى مكان تانى 🙏🏼
@@fadyyoussef_englishbelmasry ولكن بالطريقة ديه هيضيع عمره علي الفاضي اللوتري مش الطريقة الوحيدة للسفر لامريكا ولا امريكا الدولة الوحيدة للمهاجرين
@@AmrMohamed-eu9kw مظبوط طبعا. فيه كندا واستراليا وبلاد اوروبية تانيه ممكن الناس تسافر وتستقر فيها مش شرط أمريكا. لكن انا بتكلم من حيث تجربتى وتجربه ناس تانيه كتير ان لو قدمت على اللوترى وجاتلك اكيد هتكون افضل وسيله شرعيه وسريعه للهجره لامريكا. وفى ناس تانيه بتعمل قضية لجوء سياسي او دينى لكن مشكلتها المصاريف والوقت اللى بتستهلكه لغايه ما تاخد الجرين كارد
ازاي سافرت وأخذت الجنسية
بالهجره العشوائيه زى ما شرحت فى الفيديو وكمان فيديو النهارده هيبقى فيه تفاصيل اكتر
اي هو اسم الابلكيشن
الابليكشن اللى هو استماره التقديم، ممكن تقدم من الموقع ده فى شهر أكتوبر من كل سنه
dvprogram.state.gov
@@fadyyoussef_englishbelmasry تمام اشكر حضرتك جدا علي الاداء المميز اللي حضرتك بتقدمه وعلي الرد♥
@@fadyyoussef_englishbelmasry هل موجود اي دوله تانيه زي ايطاليا او اسبانيا او دوله تانيه
@@MohamedReda-ww3lz لا الموقع اللى بعتهولك خاص بالخارجيه الامريكيه، يعنى ده للتقديم على أمريكا فقط
انت ف ولاية اي
فلوريدا
@@fadyyoussef_englishbelmasry تنصحني لم اكسب انشالله آجي انهي ولاية
@@EGYPT-Gaza ده هيبقى موضوع الفيديو اللى جاى.. محتاج شرح علشان له تفاصيل لازم تعرفها قبل ما تقرر الولايه المناسبه ليك. ان شاء الله الفيديو يبقى جاهز يوم الاحد
@@fadyyoussef_englishbelmasry تمام ربنا يوفقك
ممكن تتواصل معايا ارجوك
ابعتلى على الماسنجر على فيسبوك صفحه English بالمصرى
استاذ فادي حضرتك عامل ايه يارب تكون بخير معلش عندي سؤال محيرني سالت حد قالي ان أمريكا خربت وباظت وفي حرب و مجاعه والدنيا بايظه هناك في كل انحاء امريكا هل ده حقيقي يافندم ومحدش هيرد عليا رد مفيد وصادق غير حضرتك انا بثق في كلام حضرتك اتمنى حضرتك ترد عليا وبشكر حضرتك مقدماً 🥰
محمد باشا انا بخير الحمدلله وبشكرك على سؤالك. بص لو أمريكا خربت والدنيا باظت كنت اكيد هتشوف كل القنوات بتتكلم عن كده، لكن الحقيقه الكلام ده ملوش اى اساس من الصحه. انت بتشوفنى بمشى فى الشارع والناس كلها حوالينا وحاطين زينه فى الشوارع علشان الكريسماس وعايشين حياتهم ومفيش حاجه حاصله حتى وقتنا هذا. أكيد الدنيا غليت عن قبل الكورونا شويه. اللى انا كنت بجيبه من السوبرماركت بعشرة دلوقتى بجيبه ب ١٢ و ١٣ دولار. لكن الناس معاها تدفع. والحكومه بتدفع معونات للى معهوش. مش كل حاجه ايجابيه اكيد لكن الوضع الاقتصادى مستقر وبتعافى بسرعه من اى مشاكل. فى ناس كتير عايزه تشوف أمريكا خربانه لاسباب سياسيه ودينيه، علشان كده هيقولولك الكلام ده، لكن لو الدنيا خربانه بجد، كان كل المهاجرين رجعوا بلادهم تانى، وده مبيحصلش. تحياتى ليك 👍
@@fadyyoussef_englishbelmasry استاذ فادي بجد بشكر حضرتك لي المرأة المليون ربنا يبشر حضرتك بشرت خير اني اسال علي حضرتك دي اقل حاجه طبعا الحمدلله أن أمريكا بخير عشان خاطر أن في ناس كتير مصريين وعرب فيها بيشتغلو فيها ومصدر رزقهم هناك وربنا كريم وربنا ميجيب خراب أن شاء الله انا بس حبيت اتاكد من حضرتك مش اكتر انا فاهم أن كل حاجه غليت طبعا وده شئ وارد وطبيعي مصر كل حاجه فيها بتغلي كل يوم حرفيا عموما ربنا يبارك في حضرتك بجد كل اما أتكلم مع حد عن موضوع الهجرة يحبطني احباط ملوش حدود ومش ناس معينة ده كذا فئه من الناس واقرب الناس ليا بيقولو عني موهوم بيضيع وقت بس انا ثقتي في ربنا كبيرة بصراحه حضرتك بتديني امل كبير بجد انا تاني مره أتكلم مع حضرتك وحبيت حضرتك مجرد اني شوفت حضرتك علي اليوتيوب بجد مش كلام قالت لي حضرتك قبل كدا عند حضرتك قبول مش طبيعي قبول رهيب بسم الله ماشاء الله مفيش حد أو شخص مصري بيقدم محتوي لي امريكا عن الهجرة وكدا انا مش متابعة بجد كل متكلم مع حد مش بيرد عليا مفيش غير حضرتك كلمتني في منتهي الادب والاحترام بجد معلش طولت علي حضرتك بس انا اتكلمت مع حضرتك بكل صدق وحبيت اقول لي حضرتك الكلام ده في كلام كتير بس مش حابب اطول علي حضرتك اكتر من كدا وكمل حضرتك ربنا معاك ثم احنا داعمين لي حضرتك عشان انت مميز يا استاذ فادي أتمني حضرتك متكونش اتخنقت مني عشان طولت علي حضرتك تحياتي ليك ♥️
@@MohamedAli-dr2gc متقولش كده يا محمد احنا اخوات، وحقك عليا كمتابع محترم للقناه هنا انى ارد عليك واجاوبك لو عندى الاجابه لسؤالك. أنا طبعا بعذر اى حد ممكن ميكونش عاش او شاف طبيعه الحياه هنا لانها مختلفه تماما عن الحياه فى مصر، بحلوها ومرها مختلفه ، هى شئ مجهول بالنسبه لناس كتير ومن اهدافى فى القناه هنا انى اوضح تفاصلها زى ما انا شايفها لاى حد مهتم انه يعيش نفس التجربه. اكيد اللى حواليك خايفين عليك برضه من المجهول، لان زى ما فى ناس نجحت كتير فى الغربه هتلاقى ناس برضه فشلت هنا، سواء لضعف امكانياتهم او عدم صبرهم او لاسباب تانيه. اللى عارف نفسه كويس وعارف قدراته وعنده هدف قدام عنيه دايما، لازم وأكيد ربنا هيقف معاه وهينجحه مهما طالت أيام التعب، لان ربنا عادل جدا.
لكن برضه حاول انك تعيش حياتك دلوقتى وأكن موضوع السفر ده مش موجود، لو فضلت متعشم على حاجه واحده بس فى حياتك وفضلت مستنيها طول الوقت ده هيأثر على نفسيتك ويعملك اكتئاب. هدفك انك تكون ناجح ومميز فى اى مكان، مصر، أمريكا، السعوديه، الإمارات، أوروبا.. اى مكان مش هتفرق، لانك متضمنش ايه اللى هيحصل فى المستقبل. متعلقش أملك على حاجه واحده بس، اشتغل وطور نفسك، هتلاقى نفسك ناجح فى اى مكان زى ما ربنا يريد. ربنا يوفقك وشكرا على متابعتك ودعمك 👍
@@fadyyoussef_englishbelmasry حبيبي يا استاذ فادي ده شرف ليا طبعا فعلا. كلام حضرتك صحيح مليون في المئه وربنا عادل جدا فعلا وانا هعمل بكل كلامه حضرتك قولتها عليها أن شاء الله الواحد يقدر يتعيش في اي دوله طبعا وأن شاء الله الوحد ينجع في اي دوله حتي بلدي مصر بس امريكا هيا الحلم ولاكن خير وشكرا جدا علي دعم حضرتك ليا وقفتك جمبي حتي لو بكلمه حلوه وربنا يحفظ حضرتك 🥰
@@MohamedAli-dr2gc رينا يخليك ويوفقك 🙏🏼
الفيديو لو كان ٣٠د مش هيكون ممل
أشكرك جدا على تشجيعك .. هو كان هيبقى ٣٠ دقيقه 😂 لكنى قولت بلاش ازهق الناس معايا.. خلينا واحده واحده علىشان قصه السفر ديه تفاصيلها كتيييير ومحتاجه كذا فيديو علشان اعرف احكيها عسى انها تكون مفيده ليكم 🙏
@@fadyyoussef_englishbelmasry ربنا يوفقك يارب اتمني طبعاً اشوفك باستمرار ومستي فيديو يكون طويل جداً ومفيد برده في نفس الوقت 🥰
الجزء الثانى هينزل بكره الاحد 👍
هو اى الابلكيشن التانى ده اصلا
اى حد متجوز ممكن يقدم بإسمه مره، وبإسم مراته فى ابليكيشن تانى مره تانيه. علشان يبقى ليهم فرصتين للفوز مش فرصه واحده. الابليكيشن الاولانى انت المتقدم الرئيسى ومعاك الزوجه والاولاد مرافقين، والابليكيشن الثانى زوجتك هى المتقدم الرئيسى والزوج والاولاد هما المرافقين. ديه ميزة لاى حد متزوج علشان بيبقى عنده فرصتين للفوز مش فرصه واحده زى الأعزب. أتمنى تكون النقطة وضحت دلوقتى 👍
@@fadyyoussef_englishbelmasry يعنى اتجوز واعمل 2 ابلكيشن 😂😂
الجواز اصبح مستحيل فى ام الدنيا
شكرا لحضرتك على الاجابه على السؤال
@@fadyyoussef_englishbelmasry انت حد محترم جدا ربنا يبارك فيك
@@alalalaljdgdgdiienjdbvrb4i204 ربنا يخليك كلك ذوق
@@alalalaljdgdgdiienjdbvrb4i204 😂 انا عارف طبعا.. لكن ده بالنسبه للمتجوزين اصلا.. انت لو هتروح تتجوز علشان تعمل ابليكيشن زياده ، انت ممكن بفلوس الفرح والشقه والجهاز لو وفرتهم تعيش ملك فى مصر من غير سفر ولا وجع قلب 😀
نفسي اخروج من مصر 😢
قدم ولو ليك خير فيها هتجيلك
مجرد حظ
لو ربنا كتبهالك وليك خير فيها هتيجى حتى لو من اول مره. بالتوفيق
بئس ما تدل الناس عليه والله سائلك
ليه بئس؟
شايف أن ينفع تدل الناس على بلد تعين على تقتيل الناس@@fadyyoussef_englishbelmasry
وجهه نظرك محترمه مقدرش اقول عليها حاجه، لكن لازم تعرف ان سياسات امريكا الخارجيه حاجه وسياساتها مع مواطنيها والمقيمين عليها حاجه تانيه. وطبعا كل واحد له حريه الاختيار على حسب اولوياته وقناعاته. تحياتى لحضرتك
وقف عليك
هو مين اللى وقف عليا ؟ لاحظ ان كلامك جارح 😂
ممكن لينك الفيسبوك بتاعك
facebook.com/profile.php?id=100088286440634
@@fadyyoussef_englishbelmasry اشكرك جدا انا مقدم لوتري وربنا يكرم انشاء الله دعوتك واللي مشجعني اني اروح هناك اني انا حرفي فني كهربائي سيارات وتكييف وسامع اني شغلي ليا فرص حلوة كتييير هناك
@@user-yr2el1xc1m اه طبعا فرص كتير جدا جدا ان شاء الله فى مجالك. ربنا يكرمك🙏
❤
@@fadyyoussef_englishbelmasry