السفر والهجرة لأمريكا أكيد حاجة مش سهلة، لكن مش مستحيلة. بدليل ملايين المصريين والعرب اللى هاجروا الى أمريكا سواء عن طريق الهجرة العشوائية (اللوترى) أو غيرها.
انا شايف فيديوهات تانيه بتتكلم عن نفس الاستمارة وشرحها كويس سواء عرب او قنوات اجنبية. ف انا مش عايز اكرر نفس المعلومات تانى لو مفيهاش جديد هضيفه لك. بالتوفيق ان شاء الله
📌سؤال مهم وضروري لو كسبت الهجره وانا طالب اولي كليه ولسه عندي جيش هل هينفع اني استخرج اذن سفر لاني لسه طالب وهقدر اسافر بيه ولا مش بينفع للهجره وشكراً❤
بالنسبة للهجره الشرط انك تكون ١٨ سنة او اكثر علشان يقبلوك لو كسبت الهجرة العشوائية. وطالما انت مقيد فى كلية هتقدر تأخد تصريح سفر. لكن لو سافرت ورجعت من غير ما تاخد الجنسية ممكن يبقى عندك مشكله على حد علمى لان موقفك من التجنيد اتغير. نصيحتى ماترجعش غير لما تاخد الجنسية ده لو انت قررت انك تكمل حياتك فى امريكا علشان ده هيعفيك من الجيش
@@user-vo8zs8jr4e الحقيقة مش متأكد هما بيعرفوا منين انها هجرة او سياحة؟ اعتقد البيانات ديه بتبقى موجوده فى السفارة مش على الفيزا اللى على الباسبور. ممكن تسأل فى الجزئية ديه علشان تتأكد وتتطمن قبل ماتقدم على حاجة
كنت محتاج نصيحتك يا استاذ فادي انا 17سنه تانيه ثانوي وعاوز اجي امريكا يعني انا خلاص ليا قريب بيقدملي في مدرسه ثانوي هناك هو في امريكاخلاص ف الموضوع هيبقي صعب عليا ولا اي وانا يعني الحمدلله في فلوس يعني ف انا هل هلاقي شغل واقدر اشتغل مع الدراسه ولا الموضوع هيبقي صعب❤❤
هو الموضوع مش صعب لكنه هيبقى مرهق عليك شويه انك تقضى يومك كله فى الشارع مابين المدرسة والشغل بعده، لكن احب اقولك ان معظم الشباب اللى فى سنك فى امريكا بيعملوا نفس الموضوع. من سن ١٥ و ١٦ بينزلوا شغل بعد المدرسه او فى الويك إند وبيصرفوا على نفسهم. ان شاء الله ربنا يوفقك فى حياتك الجديدة وتحقق كل اللى نفسك فيه 👍
ايه رايك في ولاية تيكساس وتحديدا هيوستن عيله مكونه من فردين زوج وزوجه وايه ادني مبلغ ممكن اخده معايا من مصر يعيشني شهر او شهرين لحد ما الاقي شغل يا ريت تنقلنا خبرتك
ولاية كويسة جدا وفيها جالية عربية كبيرة. لو انتم فردين فقط فى هيوستن ممكن تأجر شقة غرفه واحده فى المتوسط ٨٠٠ دولار فى الشهر، طبعا كل ما المنطقة تبقى راقية الاسعار هتزيد، وهتدفع شهر مقدم ومبلغ تأمين ( فى حدود ٣٠٠ دولار) لصاحب البيت، يعنى هتحتاج لايجار البيت فقط فى المتوسط حوالى ٢٠٠٠ دولار. زائد فاتوره الكهرباء فى حدود ٨٠ دولار مثلا، وتأمين الشقة ١٠ دولار فى الشهر، والنت قول حوالى ٤٥ دولار . قول كل مصاريف البيت والايجار ٢١٥٠ دولار اول شهر فقط وبعد كده هيبقى ٩٥٠ دولار. لو هتجيب عربية هتحتاج حوالى ٥٠٠٠ دولار . اكل وشرب ومستلزمات البيت لفردين من ٣٠٠ ل ٤٠٠ حسب كل واحد وصرفه. ولو هتشترى خطين تليفون هتدفع اشتراك شهرى فى حدود ١٠٠ على حسب الباقات. واى مبلغ اضافى للطوارئ. من الاخر علشان تعيش شهرين من غير شغل لازم يبقى معاك على الاقل ٩٠٠٠ دولار لو هتشترى عربية او ٤٠٠٠ دولار من غير العربية. وطبعا كل حاجة قابلة للزيادة، وكمان انت مش ضامن انك هتلاقى شغل بعد شهرين، فحاول تجيب على قد ماتقدر علشان تبقى فى الامان ومتتبهدلش، والفلوس الزياده مش هتخسر بس تبقى مطمن. ده رأيي وبالتوفيق ليكم ان شاء الله
@@fadyyoussef_englishbelmasry طيب ال 800 دي شامله فواتير الغاز والكهربا والانترنت ولا لا وحاجه تاني ممكن اعرف متوسط الاسعار هناك يعني يكفينا كام دولار هناك اكل وشرب تقريبا كدا عارف انها بتختلف علي حسب احتياجات الاشخاص لكن اديني رقم تقريبي اسره فردين بدن اطفال
@@Eslam-fm9ek الايجار بيبقى شامل فاتورة المياه لو انت بتأجر شقة فى مجمع سكنى وبتم ادارته من خلال شركة. وفى بعض الاماكن بيوفروا الانترنت مجانا. المجمع السكنى ده لو كويس بتلاقى فيه جيم وملاعب ببلاش، وكمان اى صيانه مطلوبة داخل الشقة بتبقى مجانا وعن طريق الشركة ديه. حتى لو عايز تغير لمبة هما بيغيروهالك مجانا. ديه ميزة كبيره بتوفر عليك فلوس خلال فترة الايجار. بالنسبة للمصاريف انا شرحتهالك فى التعليق اللى فات، مصاريف الاكل والشرب ممكن تكون فى حدود ال ١٠٠ دولار فى الاسبوع او اقل حسب استهلاكك. انا عامل فيديو عن مصاريف الاكل والشرب متصور من Walmart شوفوه علشان يديلك فكره عن سعر كل حاجة. لكن فى المتوسط انت محتاج دخل لا يقل عن ٢٠٠٠ دولار فى هيوستن لو فردين. يعنى محتاج تلاقى شغل مش اقل من ١٣ دولار فى الساعة ويشغلك ٤٠ ساعة فى الاسبوع
السفر والهجرة لأمريكا أكيد حاجة مش سهلة، لكن مش مستحيلة. بدليل ملايين المصريين والعرب اللى هاجروا الى أمريكا سواء عن طريق الهجرة العشوائية (اللوترى) أو غيرها.
محتواك رائع وطريقتك في الشرح مثاليه وافضل حاجه فيك انك واقعي في كلامك .. ادعيلي اتقبل انا وكل واحد له حلم وطموح ونفسه يحققه ف امريكا
@@aliradwan7244 حبيبى ربنا يخليك ده من ذوق ❤️.. ربنا يكتبهالك لو فيها خير ليك، وان شاء الله تحقق كل اللى تتمناه فى اقرب وقت 🙏🏼
للاسف انا مكسبتش السنة دي بس فعلا كلامك مشجع جدا ♥️
اشكرك حبيبى، وبالتوفيق ان شاء الله
شكرًا جدا للنصيحه استاذ فادي❤
حبيبى شكرا لاهتمامك ومتابعتك ❤️
محتاجين فيديو عن طريقه ملئ استماره ds260 من فضلك
انا شايف فيديوهات تانيه بتتكلم عن نفس الاستمارة وشرحها كويس سواء عرب او قنوات اجنبية. ف انا مش عايز اكرر نفس المعلومات تانى لو مفيهاش جديد هضيفه لك. بالتوفيق ان شاء الله
حضرتك من سيدي جابر😊
جنب سيدى جابر، احنا جيران ولا ايه؟ 🥰
@fadyyoussef_englishbelmasry ايوه ياغالي انا من سيدي جابر وكليوباترا ومن اقدم الناس فيها انت منين؟؟
@@amrmahmoud6262 من نفس المنطقتين برضه 👍
@@fadyyoussef_englishbelmasry حبيبي اتشرفت بيك
@@amrmahmoud6262 الشرف ليا ❤️
📌سؤال مهم وضروري
لو كسبت الهجره وانا طالب اولي كليه ولسه عندي جيش هل هينفع اني استخرج اذن سفر لاني لسه طالب وهقدر اسافر بيه
ولا مش بينفع للهجره
وشكراً❤
بالنسبة للهجره الشرط انك تكون ١٨ سنة او اكثر علشان يقبلوك لو كسبت الهجرة العشوائية. وطالما انت مقيد فى كلية هتقدر تأخد تصريح سفر. لكن لو سافرت ورجعت من غير ما تاخد الجنسية ممكن يبقى عندك مشكله على حد علمى لان موقفك من التجنيد اتغير. نصيحتى ماترجعش غير لما تاخد الجنسية ده لو انت قررت انك تكمل حياتك فى امريكا علشان ده هيعفيك من الجيش
@@fadyyoussef_englishbelmasry احترم كلامك
بكدا تصريح سفر ينفع للهجره ولا للسياحه والتعليم وبس؟
@@user-vo8zs8jr4e الحقيقة مش متأكد هما بيعرفوا منين انها هجرة او سياحة؟ اعتقد البيانات ديه بتبقى موجوده فى السفارة مش على الفيزا اللى على الباسبور. ممكن تسأل فى الجزئية ديه علشان تتأكد وتتطمن قبل ماتقدم على حاجة
كنت محتاج نصيحتك يا استاذ فادي انا 17سنه تانيه ثانوي وعاوز اجي امريكا يعني انا خلاص ليا قريب بيقدملي في مدرسه ثانوي هناك هو في امريكاخلاص ف الموضوع هيبقي صعب عليا ولا اي وانا يعني الحمدلله في فلوس يعني ف انا هل هلاقي شغل واقدر اشتغل مع الدراسه ولا الموضوع هيبقي صعب❤❤
هو الموضوع مش صعب لكنه هيبقى مرهق عليك شويه انك تقضى يومك كله فى الشارع مابين المدرسة والشغل بعده، لكن احب اقولك ان معظم الشباب اللى فى سنك فى امريكا بيعملوا نفس الموضوع. من سن ١٥ و ١٦ بينزلوا شغل بعد المدرسه او فى الويك إند وبيصرفوا على نفسهم. ان شاء الله ربنا يوفقك فى حياتك الجديدة وتحقق كل اللى نفسك فيه 👍
انت لمن كسبت كان كم عمرك+وهل عشت في ولايه غير فلوريدا ؟
كنت فى الثلاثينات.. سافرت ولايات تانية للشغل او رحلات قصيرة لكن الاقامة الاساسية فى فلوريدا فقط
بجد فيديوهاتك مفيدة جدا أجمل محتوى و بجد ما تتاخرش علينا بالفيديوهات
@@tomasraffat2254 حبيبى ربنا يخليك ده من ذوقك ❤️.. ان شاء الله يبقى فيه فيديوهات اكتر الفتره اللى جايه👍
ايه رايك في ولاية تيكساس وتحديدا هيوستن عيله مكونه من فردين زوج وزوجه وايه ادني مبلغ ممكن اخده معايا من مصر يعيشني شهر او شهرين لحد ما الاقي شغل يا ريت تنقلنا خبرتك
ولاية كويسة جدا وفيها جالية عربية كبيرة. لو انتم فردين فقط فى هيوستن ممكن تأجر شقة غرفه واحده فى المتوسط ٨٠٠ دولار فى الشهر، طبعا كل ما المنطقة تبقى راقية الاسعار هتزيد، وهتدفع شهر مقدم ومبلغ تأمين ( فى حدود ٣٠٠ دولار) لصاحب البيت، يعنى هتحتاج لايجار البيت فقط فى المتوسط حوالى ٢٠٠٠ دولار. زائد فاتوره الكهرباء فى حدود ٨٠ دولار مثلا، وتأمين الشقة ١٠ دولار فى الشهر، والنت قول حوالى ٤٥ دولار . قول كل مصاريف البيت والايجار ٢١٥٠ دولار اول شهر فقط وبعد كده هيبقى ٩٥٠ دولار. لو هتجيب عربية هتحتاج حوالى ٥٠٠٠ دولار . اكل وشرب ومستلزمات البيت لفردين من ٣٠٠ ل ٤٠٠ حسب كل واحد وصرفه. ولو هتشترى خطين تليفون هتدفع اشتراك شهرى فى حدود ١٠٠ على حسب الباقات. واى مبلغ اضافى للطوارئ. من الاخر علشان تعيش شهرين من غير شغل لازم يبقى معاك على الاقل ٩٠٠٠ دولار لو هتشترى عربية او ٤٠٠٠ دولار من غير العربية. وطبعا كل حاجة قابلة للزيادة، وكمان انت مش ضامن انك هتلاقى شغل بعد شهرين، فحاول تجيب على قد ماتقدر علشان تبقى فى الامان ومتتبهدلش، والفلوس الزياده مش هتخسر بس تبقى مطمن. ده رأيي وبالتوفيق ليكم ان شاء الله
@@fadyyoussef_englishbelmasry طيب ال 800 دي شامله فواتير الغاز والكهربا والانترنت ولا لا وحاجه تاني ممكن اعرف متوسط الاسعار هناك يعني يكفينا كام دولار هناك اكل وشرب تقريبا كدا عارف انها بتختلف علي حسب احتياجات الاشخاص لكن اديني رقم تقريبي اسره فردين بدن اطفال
@@fadyyoussef_englishbelmasry وشكرا ليك يا استاذ فادي مقدما
@@Eslam-fm9ek الايجار بيبقى شامل فاتورة المياه لو انت بتأجر شقة فى مجمع سكنى وبتم ادارته من خلال شركة. وفى بعض الاماكن بيوفروا الانترنت مجانا. المجمع السكنى ده لو كويس بتلاقى فيه جيم وملاعب ببلاش، وكمان اى صيانه مطلوبة داخل الشقة بتبقى مجانا وعن طريق الشركة ديه. حتى لو عايز تغير لمبة هما بيغيروهالك مجانا. ديه ميزة كبيره بتوفر عليك فلوس خلال فترة الايجار. بالنسبة للمصاريف انا شرحتهالك فى التعليق اللى فات، مصاريف الاكل والشرب ممكن تكون فى حدود ال ١٠٠ دولار فى الاسبوع او اقل حسب استهلاكك. انا عامل فيديو عن مصاريف الاكل والشرب متصور من Walmart شوفوه علشان يديلك فكره عن سعر كل حاجة. لكن فى المتوسط انت محتاج دخل لا يقل عن ٢٠٠٠ دولار فى هيوستن لو فردين. يعنى محتاج تلاقى شغل مش اقل من ١٣ دولار فى الساعة ويشغلك ٤٠ ساعة فى الاسبوع
@@fadyyoussef_englishbelmasry طب هو بيبقي في عدد ساعات محدده للشغل ولا انا ممكن اشتغل برحتي
ممكن الانستجرام بتاع حضرتك او وسيلة تواصل ضروريه
ممكن تبعتلى على الماسنجر بتاعت صفحتنا على الفيسبوك:
facebook.com/Fady.Youssef.EnglishBelMasry?mibextid=LQQJ4d