ازاي تعرفي انك فعلا انتصرتي ع النرجسي مش هو اللي انتصر حتى لو هو اظهر انه انتصر؟
Вставка
- Опубліковано 23 лис 2022
- رقم حجز الاستشارات والكورسات : ٠٠٢٠١١٥٠٥٨٦٠٥٢
هو انا كدة انتصرت ع النرجسي؟ ازاي تعرفي انك انتصرتي ع النرجسي؟
حالات كتير بتكون غالبا محققة انتصار كبير ع النرجسي واتفاجيء بيها بتسألني هو انا كدة انتصرت عليه واخدت حقي ولا هو اللي انتصر انا مش حاسة اني اخدت حقي انا حاسة ان هو اللي انتصر
عارفة ايه اللي بيخليكي تحسي ان هو اللي انتصر؟ رد فعله البارد في الأول ، يعني ازاي ،يعني عادة لما النرجسي بيتهزم هزيمة منكرة وشديدة بتلاقيه رد فعله الأول ذهول مش مصدق انك عملتي فيه كدة وبعدين لما يفوق من الصدمة يبين لك انه ولا كأن حصل أي حاجة والعجيب كمان انه ممكن يكلمك عادي جدا ولا كأنك عملتي أي حاجة وكل دة عشان يوهمك انه مش متأثر وانك ماانتصرتيش عليه لكن حقول لك حاجات تبين لك انه مهزوم فعلا
١- اول حاجة تعرفي بيها انك انتصرتي عليه لما ياخد دور الضحية ،تلاقيه قعد على جنب وسكت ولما يكلم حد تلاقيه صوته حزين ويحب يسمع الناس بتقول له مالك وهو يقول مفيش وتحسي كدة انه فعلا واحد مظلوم وحد كاسر رقبته ،هو في الحالة دي بيكون متغاظ منك ومش عارف ياخد حقه وفي نفس الوقت مش قادر يسيبك ويمشي وعارف انه لو هددك بالطلاق ماحتصدقي وحتجري فمش قادر يهددك ولا قادر يعمل حاجة فبيكون زي اللي متكتف ، او انه ييجي يتكلم معاكي عن طفولته واللي اتعمل فيه وانه مسكين واللي حصل له هو السبب في انه مش طبيعي ،مجرد كلامه دة انتصار لكي.
٢- تاني حاجة لما تلاقي النرجسي بعد مناقشة معاكي انتي انتصرتي فيها يروح يهاجم أي حد سواء أولاده او أي حد من أصحابه او اهله ويعمل له غضب نرجسي ،دة معناه انه مهزوم ومش قادر يتحمل كمية الغضب اللي جواه ومش قادر يطلعه فيكي لانه خايف منك فبيدور على حد يطلعه فيه زي ماكان بيطلع فيكي زمان
٣- ثالث حاجة ودي عجيبة جدا انه لما انتي تنجحي في عملك او تورثي فلوس كتير وهو عارف انك فهمتيه ومش حتديه منها ولا مليم تلاقيه يديكي فلوس ببذخ ويصرف عليكي بشكل اوفر ، اعرفي انه مهزوم وبيحاول ينتصر بالفلوس ،طبعا مهزوم لانك انتصرتي ونجحتي ،لان هو عايش معاكي حرب مفهاش غير منتصر ومهزوم فيوم انتي ماتنتصري فهو مهزوم لا محالة
٤- رابع حاجة لو طلبتي الطلاق واصريتي عليه وحاول يرجعك مرة واتنين وانتي رفضتي واصريتي ع الطلاق ولقيتيه اختفى فترة تأكدي انه حس بانتصارك عليه وانتي كدة رفضتيه يعني نشطتي عنده الشعور القديم بالرفض وبالتالي الشعور بالعار عشان كدة بيختفي وبيكون مش عايز يشوفك ولا تشوفيه من كتر ماهو حاسس بالقهر والانهزام فاختفائه دة دليل على انك انتصرتي عليه وانتي تفكريه مش مهتم ولا فرق معاه وخصوصا لما يجري يخطب بسرعة ويعلن خطوبته ودة اكبر دليل على الهزيمة لانه بيحاول ينتقم واللي بينتقم اللي اتهزم مفيش منتصر بينتقم صح ولا ايه؟
٥- طبعا انا قلت لك قبل كدة ان الغضب النرجسي من اكبر الأدلة على انتصارك على النرجسي لانه بيوصل من الغضب انه مش قادر يتحكم في نفسه دة اذا غضب حقيقي مش تمثيل ،
حالات كتير بعد ماتسيب النرجسي وتمشي وهي اللي سايباه تيجي تقول لي مش حاسة اني انتصرت مش حاسة اني اخدت حقي عايزة أقول لها اكبر انتصار لكي ع النرجسي يوم ماتسيبيه انتي وبعد ماتسيبيه تنجحي وتكوني سعيدة هي دي الهزيمة المنكرة للنرجسي والنصر لكي
كمان لو اشتغلتي على نفسك وتعافيتي من ادمانه ويقول لك انتي بقيتي باردة او انتي اتغيرتي او انتي مابقتيش مهتمة بيا او انا مبقتش اشغلك او انتي ازاي بقيتي باردة كدة ، او انتي مبقيتيش بتحبيني ، انتي كدة انتصرتي عليه نصر مبين ،بس خدي بالك لو ناوية تكملي اعرفي انك لازم تخفي التجاهل شوية ولازم تدي فتات الخبز - Фільми й анімація
الحاجه الحلوه في العلاقه القذره دي انها قربتنا من ربنا وعرفنا حضرتك والله
والله صح
و عرفتنا اهلنا و أصحابنا و عيالنا عاملين ازاي
😂😂😂😂
@@reemmokhtar2753 سبحان الله هده علامة حب الله لانه تقريبا كل الضحايا رجعو لطريق الله
وهدا فضل ربنا علينا الحمد لله والشكر لله
@@read55 😂😂😂😂😂
يارب القوي الجبار ياخد لنا حقنا عاجلا ليس اجلا..يارب..القهار وحسبي الله ونعم الوكيل
الله ينتقم منه ومن كل ظالم
ياارب
ي ريت لو في الإمكان احدفه من الدور الخمسين كان يكون احلى يوم في حياتي كلها 😂
ايواا والله تجيله من عند ربنا
بعد الشر عنك حبيبتى
مش هيموت هيصحا تاني دول مبيتهدوش😂😂
لولا القتل حرام كنت قتلته حتي لو اخدت ١٠٠ سنة سجن
😅😂🤣
حاولنا نتعايش بكل الاشكال يا دكتوره وبردو فى الاخر طفشنى انا و العيال من الشقه وخد كل حاجه وطبعا كان مجهز البديل حسبي الله ونعم الوكيل
ربنا هينتقم منه حبيبتي ان شاء الله متزعليش المهم انك خلصتي منه
المهم انك خلصتي منه هذا اكبر مكسب احمدي الله عليه
وبنت الحرام كانت قابلة بهاذ الشيء لي سواه فيكي وفي الاولاد و رضات انها تاخذ مكانك.؟؟الله ياخذ فيهم الحق ما تخافيش حبيبتي.
مش معقول اد ايه بتتكلمى صح وبتحكى عننا بطريقه ذكيه جدا ......حضرتك بتتكلمى عن اللى جوانا احسن مننا ...هل حضرتك مريتى بتجربة التعامل مع نرجسي ولا الحالات اللى اتعاملتى معاها بس......كل التوفيق
اعتقد اهم سبب هو الدراسة العميقة
نفسي اعرف ازااااي بسأل السؤال في مخي الاقيكي يا حبيبيتي رده عليا في نفس اليوم.... ده مش انا بس .... ناس كتير اوي بتكتب كده .. ربنا يسخرلك جنوده زي ما سخرك لينا نجدة والله... صلاة النبي ربنا يحميكي يا حبيبتي... بحبك و انقذتي حياتي 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
يارب يا جبار تنصرنا نصرا مبينا على النرجسي
أرجوك يا دكتورة اعملي لنا حلقات كثيرة عن المنفصلة عن النرجسي. متابعتك من المغرب
و الله العظيم كلامك صح و الحمد لله تابعت كل نصائحك و لحد الساعة أعيش براحة و سكينة
احسن حاجه بعد التعافى وتعرفى تتعاملى معاه انك تكونى مرايه ليه يعنى كان كويس عامليه كويس كان وحش تجاهليه هاتوصلى لمرحله انه هايبطل يعاملك وحش . وتاخدى كل حقوقك وكل فتره حسيسه انك عايزه وبرضو لما يضايق حسيسه انه مش فارق وجوده وانه مش اول اولويتك . هاترتاحى
انا بعمل كدة بس بيديني حقوقي لما يكون عاوز حاجه يعني ممكن يديني مروف حاجه كدة لا تذكر علشان ياهد مني ذهبي وانا فاهمه ومش حديله حاجه ودلوقتي بتنمر عليا عملت انا صمت عقابي بس ذهقت صراحه بيدينا الي احنا محتجينه بالعافيه والله حياة بقت متعبه حسبي الله ونعم الوكيل وحساة بياخد قرارات هبله ومبقتش بقله ايه الصح الي المفروض يعمله كفايه عليه كدة انا بفكر في شغله ذيه بالظبط وفي الأخر انا مبفهمش فابقيت بقله اعمل الي انتا شيفه
@@besan9170 بالعكس اكلمى معه فى القرارت وقوليله القرار الصح وسط الكلام . اعملى زى ماعمل معاكى خليه ميستغناش عنك . لما يتنمر عليكى متعمليش صمت عقابى علشان هو عايز كده علشان ترجعى تفكيه انتى ومتخديش حقوقك لما يتنمر قوليله بمنتهى الهدوء انت مش بتعيب فيا انت بتعيب فى المخلق ولا الخالق وكل ما كنتى هاديه هايبطل . ولا زم يفهم حقوقك وحقوق ولادك خط احمر
الله ينصرنا عليهم واحد الضربات الشفاء هو خفض كتاب الله اقوى شفاء الصحي الضحايا بحفظ كتاب الله الي مش قادرة على الطلاق عليكي بالقرآن أقوى شفاء ونصر
ربي يحفظك وينصرك يادكتوره كوثر ياسند المظلومات والضائعات وانتي الدليل والنور الي ضوء حياتهن ربي ينور حياتك ياربي
ربنا يكرمك دكتورة كوثر و ينتقم من زوجي النرجسي و أهله الظالمين حسبي الله و نعم الوكيل ممكن تتابعوني انا عملت قناة
ربنا ينصرك في الدنيا والآخرة ويسعد قلبك ويريح بالك زى ما بتعملي معانا❤
ربنا يوفقك دكتورة لكل خير و يزود علمك و ينفعك بيه و تنفعينا بيه جزاك الله خيرا
الله يبارك لك في صحتك وعافيتك يارب استاذه كوثر حلقه مفيده جدا.
منورة يا احلى استاذة ربنا يسعد قلبك 🌷🌷🌷جزاك الله خير الجزاء تعلمنا منك الكثير..شكرا لحضرتك 🌺
جزاك الله كل خير انت الانسانة المثالية الطيوبة
كلامك يدخل لصميم القلب # شكرااااااااااا #
الله يبارك فيك ويجعل هذا قي ميزان حسناتك يارب لا اعركيف ازد لك هذا الجميل
صح كلامك..
انا لاحظت الغضب النرجسي ع غيرك....
وتمثيل الضحية بدموع مع تشويه سمعتك
و احيانا يمثل انو مش مؤثر فيه.. مع غضب أو دموع أمام الناس
ربي يخليك لينا يا سيدتي ربي يقوينا وياجرنا على ما نفعله مع شخص هذا المؤذي شكرا ليك جدا
حقنا عند الله ربنا مايضيع حسبنا الله ونعم الوكيل //// الله يجزاك خير استاذه كوثر انت جند من جنود الله في الارض
شكرا شكرا ع عطائك المستمر❤ انت لي من المراسي للنجاة من النرجسيين
أنا اكتشفت قناتك مؤخرا، و لاحظت ان فيها من الفوائد الكثير و خاصة انها قناة متخصصة، بارك جهدك سيدتي الكريمة و جعلها في ميزان حسناتك و زادك الله نورا على نور 🤩
شكرا حبيبتي ويارب يرزقك كل خير ويجعله علم ينتفع به عارفه حضرتك مرة .عاملي غضب نرجسي من لاشي وانا
رديت عليه يارب تشرب ذي منتا مشربنا
زعل اوي وقالي انتي بتدعي عليا ارجو الرد من حضرتك
المشكله أنه خاين وغدار لآزم الحذر والحيطه منه لأنه يكون إعصار 🌪 في داخله
جزاكي الله عنا كل خير
شكرا أ. كوثر 💐💐
شكرا دكتورة … ريحتي بالي ربنا يريح بالك
ربي يحفظك وخليك لنا بلفديوات هذو نشوفك 😊😊❤ أم وجدة واخت ربي يخليك ❤
طبعا حبيبتى نكمل بادن الله وعلى بركه الله توكلى ونحن معكى نتعلم منك الكثير والكثير يارب يسعدك يارب العالمين ويبارك فيك وفى عمرك ويجعلك من اهل الجنه أنا بحبك جدا وانقذتى حياتى بفضل الله أنا احسن حال من ذى قبل
حبيبتي ربنا يسعدك ويراضيك ي
ربنا يبارك فى عمر حضرتك
أنت ربنا يخليكي لينا بعد الله عز وجل إحنا بنستنا حلقاتك علشان أنت الدعم
جزاكم الله خيرا وبارك الله فيكم
انت و صوتك كالبلسم على قلوبنا 💗💗💗
فضيعه انتي يادكتوره كوثر كلامك كله حقيقي وكل حلقاتك قويه ربنا يبارك فيك ويحفظك ويعطيك القوه فعلا اني حبيتك مااقدر يوم ماشوفك لازم اشوفك احس بالراحه كانك ام ومطبطبه علينا ربنا يبارك فيك يااعظم دكتوره في العالم كله
أكتر شي يمثل دور الضحية وبيحكي عني لأولادي إني سيئة كتير معه
في انتظار حضرتك وكل فيديوهاتك
ربنا يبارك فيكي يارب لو في فيديو عن زياده الثقه بالنفس لانو للاسف دمر ثقتي بنفسي ومبقتش عارفه انا عاوزا استمر ولا لا من خوفي من الوضعين
وربنا انتي باشا ربنا يخليكي لينا...
كلام وصحيح ووصف دقيق للنرجسي المهزوم احسنتي غاليتي
بارك الله فيكي يادكتوره
جزاك الله خيرا
طب لو مسافر يادكتورة في صامت عقابي لمده 5شهور واخر مره ماقبل مايسافر عمل مشاكل جامده وكان في ضرب وعمل تشوه سمعه كل مايروح في مكان يحكي كلام عني بسوء هو نرجسي مرح صعب حد يكتشف وكل الناس بتصدق كلامه بيتعامل مع الناس بأسلوب كويس التعامل معايا يتعبر معظم السنين صامت عقابي بس الاول مكنتيش فاهمه مينفعيش انفصل عنه علشان أولادي هم عاوزين دعم مالي 11سنه عذب كل اجازه مشاكل واهانه مش عارفه افرح مره كده بحاجه هو أول مايجي يومين حلوين وبعد كده اهانه على اي حاجة الرجاء الرد وشكرا لحضرتك
مستنياكى😍😍
يادكتوره من فضلك اعمل ايه انه دايما يكسر ويبوظ اى حاجه فى البيت فى الخباثه وده شىء بيغضبنى جدا لان يعتبر انا الى شريها
انت حبة سكرا يادكتر ❤️
الله يحفضك استاذه اجلس منتضره لك كل يوم عشان اسمعيك
Thank you amazing video
انتي أمنا الحنون❤️
شكرًا يا دكتور
يارب فرج عننا ما نحن فيه يارب
تبارك الله عليك
استاذه كوثر ممكن تعملي لنا حلقه عن النرجسي اذا كان بعيد ومنفصل وحاول الرجوع عن طريق الرسايل مع استمرار العلاقه الزوجه وليس طلاق كيف نتعامل مع فتات الخبز الذي يرميه بغرض السؤال فقط عن الحال مع العلم اننا كشفنا جميع خططه
ربنا يحميكي
حببتى حببتى حببتى خمسه موااااااه
اتمنى من قلبي الاقي احد يتكلم باستفاضة عن الوالدين النرجسيين وعائلة القرود الطائرة بتفس وعي وهدوء وحياد مدام كوثر ،، اما القى ناس تسبهم وخلاص او ناس تلزمك بالصبر بدون شرح .. فعلا اتمنى القى احد لاني لوحدي في مواجهة صعبة مع هذه العائلة
وكلي أمرك لله سبحانه وتعالى ..استعيني بسورة البقرة بأذن الواحد الاحد اتشوفي عجب العجاب ..بالنسبه للنرجسي وأهله يكفي عقابهم عند الله نار جنهم وبئس المصير
إستغاثه يا أمة محمد أنا بنت يتيمه بحاول أقدم محتوي مفيد وزوجي ضربني وبهدلني وطردتني أنا وولادي والله العظيم ما عارفين نعمل ايه أو نروح فين 😭😭😭😭 وفاتحة القناه بسترزق منها ربنا يجبر بخاطر الي يجبر بخاطرنا الراحمون يرحمهم الرحمن
تم
في كل القنوات تتسولو مافي قناه ماتسولو فيها
اوفر اوي
اللله اجازيكي بالخير انا تايهة اريد منك استشارة على الخاص من فضلك ضرووووري
فرقت معايا كتير والله
❤احبك
بليز دكتوره كوثر وضحي لنا مين المضطره والغير مضطره ؟؟؟؟ انا شايفه نفسي مو مضطره بس مكمله معاه ليخفف اعباء اطفاله عني معي ولدين
يعنى مش مضطره تكملى عندك مصدردخل واهلك واقفين فى ضهرك هيجيبولك حقك وهكذا لو معندكيش مضطره تكملى
تتحدثون عن الشخصية النرجسية في العلاقة الزوجية فقط ، بينما الشخصيات السامة موجودة في جميع العلاقات الاجتماعية
بنت اختي نرجسية ظلامية سرقة خطيبها مبالغ رهيبة ادخلت أخوها المستشفى من كثرة الخساير المادية والنفسية تضرب امها اما ابوها شغال عندها خدامة تحس وكانها الثقب المظلم وقحة متطلبة هستيرية تكسر البيت عادي
النهاية كانت الانفصال الجغرافي النهاءي
لما التقت امها بالصدفة برا امها حصلها انهيار عصبي
2:25
😮
دا سااااافل 😊
العيشة مع النرجسي متعبة جدا
انا قطعت كل حاجه فجأه ولازق فى برده علشان هو عارف ان ليس له قيمه من دونى
شكرا
سبحان الله أنا عملت كل دا بالفطرة كدا 😂😂
الله يخلصني منه عاجلا غير اجل ياااااارب جزعت منه ومن المماطله مالته والتلاعب والتهرب من القضايا والطلاق هو واهله عائلة نرجسية بامتياز الله يخلصني ويريحني منهم ويطبل كيدهم ومكرهم الله ينتقم منهم واخلص من شدتي يارب
الله ينور عليك كل كلمه بتقوليها صحيحه وانا عايشه القصه الاليمه ونفسي اخلص منه دمر حياتي 20 سنه
27 sana
@@hafi138 15 سنة
26 سنة
يادكتوره الانسان يقطع الوقود نتجه الضغط اللي عمله والاسغناء المستفز الابتعاد افضل من ناس بهذا الشكل
فعلا والله يسلم كلامك ولسانك يا د كتوره انا يوميا الكلمه دي بسمعها انتي بارده اوي وبقيتي بارده ويقول للولاد كله مامتك بقت بارده جدا
انا استقويت بربنا ثم بيكي يا د كوثر ربنا يجعلك سند ليا يارب
هههههههههههه قوليله دخلة الشتا بقى
ربنا يديمك نعمة في حياتي ويوفقك ويسدد خطاك
كفيتى و فيتى 👍😁أصبح مختفى أيام وأصبح يبعثلى المال هههههه والله زي ماقلت تمام جزاك الله كل خير🇩🇿❤️
كل يوم يعدي عليا بعد الانفصال عنه احمد الله انه مش في حياتي ...واندم علي كل يوم عشته مع انسان بلغباء والشر ده ...وازاي اتضحك عليا كده كل السنيين الي فاتت
انا انفصلت عنه الحمدلله بس للحين افكر كيف انساه
@@amania3815 انشغلي بلقران ..قراءه وتفسير ..ستجدي السعاده
نا اكتشفت انه نرجسي قريب بعد 30سنه بسبب مشكله جرحتني وعملت له صمت عقابي شهرين في كل شئ وعايشه معاه بس مش قادره اتخطى الالم ياريت تردي علي
النرجسي مختفي نفسيا ولو ظهر بيعمل غضب معايا وبسكت فبيعمل غضب مع الاولاد
يارب ينتقم منهم يارب
عندي سؤال ..هو مين علمه يبفي نرجسي كده ..مين علمه الشر ده كله ..او قله الادب دي ..يعني عرف الحاجات دي منيين ...والله سؤال محيرني ...بس فعلا الي كسبته منه اني قربت لربنا وعرفت ربنا اكتر ..والحمد الله نصرني عليه
@@nehadamber8932 شيطان كبير ..قررانه يتحول لندل وشيطان ..سبحان الله ..والحمد الله الذي عافانا
انه اطلقت مقابل التنازل عن كل حاجه لكنه امام القاضي قال بانه سوف يرجعني بعد سنتين
هل ينتقم النرجسي من الضحية بعد رفضها التنازل على محضر الضرب وكيف ذلك
يتاسف ويرجع حمل وديع
الي ان يرجعها له ويضحك عليها..
وبعدين يقلب وجه شيطاني مخيف مرعب وبينتقم اخس انتقام ويرميها مثل الكلبه
فالذي ناويه تنتقم لاترجع للنرجسي ابدا..
برافو عليك ما تتنازليش
طيب لما يزيد التطاول معايا عشان سبته واجرت شقه تانيه ورفعت قواضي وهوا عنده حالات هيااااج وغضب وتهور وشتايم وقلة ادب
من فضلك عندي ملاحظة، ممكن حضرتك تنصحني بطريقة التعامل مع النرجسي في فضاء العمل . لاني لاحظت فيما رأيت في القناة ان الحلول فقط بين الزوجة و الزوج لكن ما رد فعل و استراتيجيات المرأة مع نرجسي في العمل زميل ...مدير ... بارك الله فيك 🤲🌟
عاجززجسدي ونفسي بخيل كريه الله ياخذه اخذ قادر كريم
السلام عليكم انا عكست شخصيتها ٣ أشهر بضبط اليوم قالت علي نرجسي انا انتصرت هيك اخذت حقي ولا اكمل
من فضلك ردي عليا .... انا عايشه مع النرجسي فالغربه فبلد عربي..... ومش عارفه اوصل لمرحله التعافي الكامله لاني فالغربه وبخاف لسه شويه منه لاني بيخرمني من الفلوس والمصاريف عاوزن حل من فضلك
حضرتك انا تعبت جداا وحسيت بالملل بقاله 25يوم في عقاب صمت رغم أنه غلاطان وانا عند موقفي كأنه مش موجود واه خرتها
اتسلي في أي حاجه عندك ملل ليه
اللهم عليك بكل ظالم
❤️❤️❤️
وكمان عارف انه مايستهلش
والله انا مش عارفه اتعامل معاه ازيى بعد محس انى منتصره بسيط ارجع اجادل انا وهو ويحسسنى انى منتصر عليه بس انا عارفه اني انا السبب مش ععععععععععارفه 😢😢😢😢😢😢😢😢😢😢
ممكن تتكلمى عن الزوج النرجسى مسافر بقالو عشر سنين منزلش ولا مرة مع انه كان بينزل كتير وكانت الحياة جحيم بس بيتصل عادى
لوبيبعث مصروف يغور في مليون داهية
هو كده زوج ؟!!طب والاولاد؟!!
و لي حدفته من الشباك... حيحصل إيه ؟!
حبيبتى ربنا يسعدك ضحكتينى والله
د. كوثر 😢
انا اتابعك وافعل خطوة بخطوة ووصلت للكلام اللي قلتيه .. وتعافيت تماماً..
😢
وجاوبت على تساؤلاتي وفي كل مره اتعجب من فديوهاتك التي تنزل في الوقت المناسب ..
اريد الاستمرار لشيء واحد. فقط ..
تحديت نفسي ان احاول الاستمرار باتباع طرقك د. كوثر
وحتى اساعد غيري على الاستمرار بذات من اصبح لها سنوات ولديها اطفال.. ومضطره تستمر
بلغت ٣٠ سنة مع زوجي النرجسي الخفي .. ولدي ٧بنات وولد واحد ..
اكتشفت ان زوجي ليس نرجسيا اطلاقا اطلاق لم افهمه فقط لانه سوء فهم مني
انا الحمدلله انفصلت عنه خلعته بعد زواج عشر سنوات لكن كل يوم افكر فيه تعبت افكر اقول ليش اختفى بعد الانفصال ماسوا رده فعل انا حزينه ع نفسي وع عيالي وبنفس الوقت احمد ربي افتكيت منه ومن شره وخططه لدرجه انه اتهمني بكل شي سيء ويتهم اطفالي انهم عصابه وللعلم اطفالي اكبرهم ٦ سنوات حسبي الله عليه
اذا طلقك ورماكي يعني انتي انتصرتي عليه
لو سمحتي يا دكتور اراسل حضرتك فين