Barrios de Carballo: A Goubea

A fábrica de madeira de Díaz, hoxe desaparecida, marcaba décadas atrás a división entre Bértoa e Carballo, ou entre o antigo barrio de San Xosé e A Goubea. Cada vez son menos os carballeses e carballesas que aluden "á ghoubea" en referencia ao treito da actual rúa Vázquez de Parga comprendido, aproximadamente, entre a praza de Vigo o cruce coa rúa Doutor Fleming nas Catro Portas. Para evitar que microtopónimos coma este desaparece iniciamos unha serie documental que nos levará polos distintos barrios para poder trazar o mapa dos nosos nomes de lugar.