ХҮҮХДИЙН ХҮЧИРХИЙЛЭЛ PART 1 | Сэтгэл зүйн хүчирхийлэл | Хэрхэн урьдчилан сэргийлэх вэ?

Хэрхэн урьдчилан сэргийлэх вэ?
• Нярай, хэлд ороогүй хүүхэд рүүгээ орилохгүй байх, хайрлаж энхрийлж харьцах, хэт уур, сэтгэл хөдлөлөө барьж дийлэхгүй бол хүүхдээ аюулгүй газар тавиад өөр өрөөнд ороод 1 минут гүнзгий амьсгалах
• 5 доош насны хүүхэдтэй үед гэрээ аюулгүй болгох, гарт нь хүрэх газар чухал эд зүйлсээ тавихгүй байх
• Хүүхэд орилж уйлах үед нүдний түвшинд очиж өвдөглөж суугаад тэвэрч болох эсэхийг асуух, зөвшөөрөл аваад тэвэрч, үнсэж тайтгаруулах
• Өөрийн сэтгэл зүйн болон бие махбодийн эрүүл мэнддээ анхаарах
• Хүүхдийн зүрх шархлахаар муухай үг хэлж загнахгүй байх
• Дууны өнгөө өндөрсгөхгүй харьцах
• Өөрийн уур бухимдлыг гадагшлуулах аргууд хэрэглэх
• Хэрвээ хүүхдийн багш, сурган хүмүүжүүлэгч сэтгэл зүйн хүчирхийлэл үйлдэж болзошгүй бол сургуулийн нийгмийн ажилтан, захирал зэрэг холбогдох хүмүүстэй уулзах, хүүхдээ хамгаалах үүрэгтэй
• Өөр айлын хүүхэд сэтгэл зүйн хүчирхийлэлд өртөж байгаа шинж тэмдэг илэрвэл хүүхэд хамгааллын төвд хандах, мэдэгдэх нь зүйтэй
• Хэрэв та өөрөө хүүхдээ сэтгэл зүйн хүчирхийлэлд оруулж байвал сэтгэл зүйчид хандаж тусламж авах нь зүйтэй
• Хүүхдийнхээ хажууд хэрэлдэж зодолдохгүй байх, гэр бүлийн хүчирхийлэлгүй орчинд өсгөх
Эцэг эхийн чинь хэлж байсан хамгийн гомдмоор үг юу вэ?