Med lXamis a ida usmlal - lahcen bumarg 🌹👌🌺

Lahcen Boumarg a wintsray ida usmlal 1971
ⴰⴽⴽⵉⴷ ⵏⵣⵣⵡⵓⵔ ⵕⴱⴱⵉ ⴷ ⵔⵔⵙⵓⵍ ⴰⵔ ⵏⵙⴰⵡⴰⵍ
ⴰⴽⴽⵉⴷ ⵏⵣⵣⵡⵓⵔ ⵕⴱⴱⵉ ⴷ ⵍⴰⵡⵍⵉⵢⴰ ⴰⵔ ⵏⵙⴰⵡⴰⵍ
ⵡⴰ ⴱⵉⵙⵎⵉ ⴰⴷ ⴰⴽ ⵏⴳ ⵉⵅⴼ ⵓⴽⴰⵏ ⴰⵢⴰⵡⴰⵍ
ⵎⴽⵍⵍⵉ ⵜⵏ ⵉⴳⴰ ⵏⵏⴰⴱⵉ ⵔⵔⵙⵓⵍ ⵉ ⵜⴰⵣⴰⵍⵍⵉⵜ
ⵉⵡⴰ ⴱⵉⵙⵎⵉ ⵏⴽⵛⵎⴷ ⴷ ⵓⴳⴷⴰⵍ ⵏ ⵚⵚⴰⵍⵉⵃⵉⵏ
ⴰⵏⵥⵓⵔ ⵏⴰⵡⵉ ⵏⵏ ⵍⴱⵔⴽⵜ ⵉ ⵎⴰⵏⵏ ⵉⵇⵇⴰⵎⴰⵏ
ⴰ ⵔⵉⴹⴰⵢⵜ ⵍⵡⴰⵍⵉⴷⵉⵏ ⵢⴰ ⵕⴱⴱⵉ ⵖⵉⵜ ⴰⵖ
ⵎⴽⵍⵍⵉ ⴷ ⵉⵜⵜⵖⵉⵜ ⵉⴳⴳⵉⴳ ⵉⴽⴰⵍⵍⵏ ⵔⵓⴼⴰⵏⵉⵏ
ⵙⵉⴷⵉ ⵎⵓⵍⴰⵢ ⵍⵀⴰⵊⵊ ⴷ ⴰⵢⵜ ⵓⵄⵎⵎⴰⵔ ⵏⵏⵓⵏ
ⴰⴷ ⴷⴰⵅ ⵏⵖⵔ ⵉ ⵍⵊⴷⵓⴷ ⵏⴽ ⵢⴰⵏ ⵟⵕⴼ ⵢⴰⵏ
ⵍⵄⵓⵎⵎⴰⵔⵜ ⵏ ⴱⵖⴷⴰⴷ ⴰ ⵍⵡⴰⵍⵉ ⴰ ⵙⵙⵍⵟⴰⵏ
ⴰ ⵎⵓⵍⴰⵢ ⵄⴰⴱⴷ ⵍⵇⴰⴷⵉⵔ ⵜⵉⵍⵉⵍⴰ ⵜⵉⵏⵏⵓⵏ
ⵔⵉⵃ ⴰⵢⵢⵉ ⵜⵖⵯⵉⵜ ⵉⵅ ⵉⴷⴷⴰ ⴰⵏⵏ ⵏⴰⵇⵯⵉ ⵙ ⴰⵏⵓⴹ
ⴰⴷⴷⴰⵅ ⵏⴱⴷⵓ ⵙⵙⵉⴷ ⵏⵅ ⵢⴰⵏ ⵟⵔⴼ ⵏ ⵢⴰⵏ
ⴰⴷⴷⴰⵅ ⵏⴱⴷⵓ ⵍⵃⵙⴰⴱ ⵉⵙⴽⵔ ⵕⴱⴱⵉ ⵡⴰⵢⵢⴰⴹ
ⴰ ⵙⵎⵄⴰⵜ ⴽⵓⵍⵍⵓ ⴰ ⵎⵉⴷⴷⵏ ⵙⵙⴼⵍⴷ ⴰⵜ ⵉⵢ ⵡⴰⵡⴰⵍ
ⵍⵄⵔⴱⴰ ⵏ ⵡⴰⵎⵎⵍⵏ ⴰⴷ ⴰⴽ ⴼⵍⵍⴰⵙⵏ ⵙⴰⵡⵍⵖ
ⵖⴰⵙⵙ ⵍⵍⵉ ⵖ ⴳⵉⵙ ⵉⵍⵍⴰ ⴷⴰⵖ ⵎⵓⵍⴰⵢ ⵍⵅⴰⵎⵉⵙ
ⵢⴰⵏ ⵓⵔ ⵉⵥⵔⵉⵏ ⴰ ⵟⵍⴱⴰ ⵖⴰⵙⵙ ⵍⵍⵉ ⵍⵅⵎⵉⵙ
ⵍⵄⵔⴱⴰ ⵏ ⵡⴰⵎⵎⵍⵏ ⵣⵓⵏ ⵜⴰ ⴷ ⴰⴽⴽ ⵓⵔ ⵉⵍⵓⵍ
ⵓⵜⵏ ⵍⴰⵏⵡⴰ ⵖⴽⴰⴷ ⵓⵍⴰ ⵖⵉⴽⴽ ⵓⵍⴰ ⵖⵉⴽⴽ
ⵉⴽⴽⴰⴷ ⵍⴼⵔⵃ ⴰ ⵟⵍⴱⴰ ⵉⴳⵏⵡⴰⵏ ⵓⵍⴰ ⵉⴽⴰⵍⵍⵏ
ⵍⴱⴰⵔⴰⴽⴰ ⵏ ⵕⴱⴱⵉ ⴷ ⵜⵉⵢ ⵎⵓⵍⴰⵢ ⵍⵅⴰⵎⵉⵙ
ⵀⴰⵏⵏ ⵉⴳⴳⵓⵍⵍ ⵉⵎⵎⵍⵏ ⵜⴰⴳⴰⵍⵍⵉⵜ ⵏⵙ ⵓⵔ ⵉⵃⵏⵏⵜ
ⵀⴰⵏⵏ ⵉⴳⴳⵓⵍ ⴼ ⵓⴳⵍⵍⵉⴷ ⵉⵏⵓ ⴰⵔ ⵜⵜⵉⵏⵏ ⴰⵡⵉⵏ
ⴰⴷⴷ ⵉⵥⵓⵔ ⵖ ⵍⴱⴰⵍⴰⴱ ⵉⴼⵍ ⵙⵙⵉⵔⵔ ⵉⵢ ⴽⵓⵢⴰⵏ
ⴰ ⵉⵚⵃⴰⵏ ⴷ ⵍⵎⵓⴼⵉⴷ ⵉⵙⵙⵓⴼⴰ ⵡⴰⵡⴰⵍ ⵏⵙ
ⵖⵉⴽⴰⵏⵏ ⴰ ⵉⴳⴰⵏ ⵉⵖ ⵉⴱⵉⴷⴷ ⵢⴰⵏ ⵉⵢ ⵙⵙⵍⵟⴰⵏ ⵏⵙ
ⵜⴰⴼⵔⴰⵡⵜ ⵔⴰⴷ ⴰⴽ ⴼⵍⵍⴰⵙⵏ ⵙⴰⵡⵍⵖ
ⵎⵏ ⴰⴳⵔⴹ ⵙ ⵉⵎⵉ ⵡⴰⴷⴰⵢ ⴽⵓⵍⵍⵓ ⵢⴰⵏ ⴰ ⵢⴰⵏⵏ
ⵎⵏ ⴰⴳⵔⴹ ⵏ ⵓⴹⴰⴹ ⴰⴷ ⴰⴽ ⴼⵍⵍⴰⵙⵏ ⵙⴰⵡⵍⵖ
ⵎⵏ ⴰⴳⵔⴹ ⵙ ⵉⵎⵉ ⵡⴰⴷⴰⵢ ⴽⵓⵍⵍⵓ ⵢⴰⵏ ⴰ ⵢⴰⵏⵏ
ⵖⵉⵏⵏ ⴰⵖ ⵏⵥⵔⴰ ⵢⴰ ⵟⵍⴱⴰ ⵍⵇⴰⵙⴰⵔⵉⵢⴰⵜ
ⵏ ⴷⴷⴰⵀⴰⴱ ⴷ ⵍⴼⴹⴰ ⴷ ⵍⵃⵔⵉⵔ ⵓⵍⴰ ⵖ ⵍⵎⵍⴼ
ⵏⴽⵔⵏⴷ ⴰⵢⵜ ⵓⵎⴰⵏⵓⵣ ⵓⵔ ⴳⵉⵙ ⵉⵇⵇⴰⵎⴰ ⵢⴰⵏ
ⵉⴳ ⵉⵢⵜ ⴰⵎⵖⴰⵔ ⵏⵖ ⵉⴳⴰ ⵖ ⵡⵉⵍⵍⵉⵜ ⵉⵡⴰⵍⴰⵏ
ⵓⵍⴰ ⵜⴰⵙⵔⵉⵔⵜ ⵖ ⵎⵣⵣⵉ ⵓⵍⴰ ⵙⵓⵍ ⵎⵇⵇⵓⵔ
ⵓⵍⴰ ⴳⴳⵯ ⵉⴳⵯⵏⴰⵏ ⵓⵍⴰ ⴷⴰⵅ ⴽⵓⵍⵍⵓ ⵢⴰⵙ ⵉⵙⵙⵓⵜⵍⵏ
ⴽⵓⵍⵍ ⵎⵎⴰ ⵥⵔⵉⵖ ⵖ ⵙⵙⵔⴱⵉⵙ ⵓⵔ ⵔⵉⵖ ⴰⵜⵜⵏ ⵜⵜⵓⵖ
ⵓⵔ ⴼⵍⵅ ⵓⵜⵀⴰⵍⴰ ⵔⴰⴷ ⴰⴽ ⴼⵍⵍⴰⵙⵏ ⵙⴰⵡⵍⵅ
ⴰ ⵀⴰⵏⵏ ⵓⵜⵀⴰⵍⴰ ⵔⵣⵉⵏ ⴽⵓⵍⵍⵓ ⴰⵖⴰⵔⴰⵙ
ⵅⵎⵙⵉⵏ ⵏ ⵍⴱⴰⴱ ⵏⴽⴽⵉ ⴰⴷⴷⴰⵖ ⵏⴰⵏⵏⵉ ⵖ ⵓⵖⴰⵔⴰⵙ
ⵓⵍⴰ ⵜⴰⵢⵖⵛⵛⴰⵏ ⴰⴷ ⵓⵔ ⵜⵏⵏⴰⵎ ⵏⵜⵜⵓⵜⵜⵉⵏⵏ
ⵓⵍⴰ ⵜⴰⴳⴳⵯⴰⵜ ⵇⵇⴰⴱⵍⵃ ⴽ ⴰ ⵉⵎⵉ ⵏ ⵓⴳⵔⵔⴰⵏ
ⵙⵉⴷⵉ ⵄⴱⵍⵍⴰ ⵓⵙⵄⵉⴷ ⵃⵓⵔⵎⵉⵖ ⴰⵔⵔⴰⵡ ⵏⵏⵓⵏ
ⴰ ⴽⴽⵓⵍⵍⵓ ⵔⵣⵎⵏ ⵍⴱⴰⴱ ⴰⵔ ⵃⵎⵎⴰⵍⴰⵜ ⵍⵄⵔⵛ
ⴰⵙⵎⵍⴰⵍ ⴷ ⵓⵎⵊⵊⵓⴹ ⴷ ⵉⴼⵔⴰⵏ ⵙ ⵜⵉⵎⵓⵍⴰⵢ
ⵎⵏ ⵉⵖⵔ ⵏⵉⵔ ⴰⴷ ⴰⴽ ⴼⵍⵍⴰⵙⵏ ⵙⴰⵡⵍⵖ
ⵖⵉⵏⵏ ⴰⵖ ⵏⵥⵔⴰ ⴽ ⴰ ⵏⵏⵉⴹⴰⵎ ⵜⵉⵍⵉⵜ ⴰ ⵍⵉⵎⴰⵏ
ⵏⴽⴽⴰⴷ ⵉⴼⵔⴰⵏ ⵕⴱⴱⵉ ⴷ ⵔⵔⵙⵓⵍ ⴰⵜⵜ ⵉⵄⵎⵎⵔⵏ
ⵉⵍⵍⴰ ⴳⵉⵙ ⵍⵄⵉⵍⵎ ⵉⴳⴳⵓⵜⵏ ⵓⵍⴰ ⵜⴰⵣⴰⵍⵍⵉⵜ
ⵍⵍⴰⵏ ⴰⵢⵜ ⵕⴱⴱⵉ ⴳⴰⴱⵍⵏ ⴽⵓⵍⵍⵓ ⵍⵉⵎⵓⵔⴰⵜ
ⵍⴽⵎⵖ ⴱⵉⵢⵣⴰⴽⴰⵔⵏ ⴰⴷ ⴰⴽ ⴼⵍⵍⴰⵙⵏ ⵙⴰⵡⵍⵖ
ⵖⴰⵙⵙ ⵍⵍⵉ ⵖ ⴳⵉⵙ ⵉⵍⵍⴰ ⴷⴰⵅ ⵎⵓⵍⴰⵢ ⵍⵅⴰⵎⵉⵙ
ⵎⵏ ⴰⴳⵯⵏⵉ ⵉⵢⵎⵖⴰⵔⵏ ⴷ ⵜⴰⴳⴰⵏⵜ ⵏⵏⵓⵏ ⴰ ⵜⵓⵜⴰⵔ
ⵉⴳⴰ ⴽⵓⵍⵍⵓ ⵜⴰⵡⵏⵣⴰ ⵏⴽ ⴰⵢⴰⵢⵢⵉⵙ ⵍⵃⵓⵔⵔ
ⵡⴰⵍⴰⵢⵏⵏⵉ ⵖⵉⵍⴰⴷ ⴰⵢⴽ ⵏⵜⵜⵉⵏⵉ ⴽⴰ ⵎⵉⵜ
الاغنية على الرابط التالي :
fb.watch/xc-Vp...
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ : Mohamed Ouadi
رايس الحسن بوماركً -زيارت ن مولاي الخامس ئي لعربا ن وامّلن
اكًّيد نزوور ربّي د رّسول ار نساوال
اكّيد نزّور ربّي د لاوليا ار نساوال
وابيسم اد اك نكً ئخف ؤكان اياوال
مكلّيتن ئكًا نّابي رّسول ئي تازالّيت
ئوابيسم نكشمد د ؤكًدال ن صّاليحين
انّزور ناوينّ لبركت ئي مانّ ئقّامان
اريضايت لواليدين يا ربّي غيت اغ
مكاد ئتّغيت ئكًّيكً ئكالّن روفانين
سيدي مولاي لحاج د ايت ؤعمّار نّون
ادّاخ نغر ئي لجدود نك يان طّرف يّان
لعُمّارت ن بغداد الوالي اسلطان
امولاي عابد لقادير تيليلا تينّون
ريح ايّي تغُيت ئخ ندّا ن اناكي س انوض
ادّاخ نبدو سّيد نخ يان طّرف ن يان
ادّاخ نبدو لحساب ئسكر ربّي وايّاض
اسمعات كولّو اميدّن سّفلدات ئي واوال
لعربا ن وامّلن اد اك فلاّسن ساولغ
غاسّ لّي غ كًيس ئلاّ داخ مولاي لخاميس
يان ؤر ئزرين اطّلبا غاسّ لّي لخميس
لعربا ن وامّلن زون تاد اكّ ؤر ئلول
ؤتن لانوار غكاد ؤلا غيك ؤلا غيك
ئكّاد لفرح اطّلبا ئكًنوان ؤلا ئكالّن
لباراكا ن ربّي د تي مولاي لخاميس
هانّ ئكًّولّ ئمّلن تاكًالّيت نس ؤر ئحنّت
هانّ ئكًّول ف ؤكًلّيد ئنو ارتّينّ اوين
ادّ ئزور غ لبالاد ئفل سّيرّ ئي كويان
ايصحان د لموفيد ئسّوفا واوال نس
غيكانّ ايكًان ئغ ئبيدّ يان ئي سّلطان نس
تافراوت راد اك فلاّسن ساولغ
من اكًرض س ئمي واداي كولّو يان ايانّ
من اكًرض ن ؤضاض اد اك فلاّسن ساولغ
من اكًرض س ئمي واداي كولّو يان ايانّ
غينّ اغ نزرا ياطّلبا لقاساريّات
ن دّاهاب د لفضّا د لحرير ؤلا غ لملف
نكرند ايت ؤمانوز ؤر كًيس ئقّاما يان
ئكًيت امغار نغ ئكًا غ ويلّيت ئوالان
ؤلا تاسريرت غ مزّي ؤلا سول مقّور
ؤلا كًُ ئكًُنان ؤلا داخ كولّو ماس ئسوتلن
كولّ مّا زريغ غ سّربيس ؤر ريغ اتّن تّوغ
ؤر فلخ ؤتهالا راد اك فلاّسن ساولخ
اهانّ ؤتهالا رزين كولّو اغاراس
خمسين ن لباب نكّي ادّاغ نانّي غ ؤغاراس
ؤلا تايغشّان اد ؤر تنّام نتّوتينّ
ؤلا تاكًُات قابلح ك ائمي ن ؤكًرّام
سيدي عبلاّ ؤسعيد حورميغ ارّاو نّون
اكّولّو رزمن لباب ار حمّالات لعرش
اسملال د ؤمجّوض د ئفران س تيمولاي
من ئغير نير اداك فلاّسن ساولغ
غينّ اغ نزراك انّيضام تيليت اليمان
نكّاد ئفران ربّي د رّسول اتّ ئعمّرن
ئلاّ كًيس لعيلم ئكًّوتن ؤلا تازالّيت
لاّن ايت ربّي كًابلن كولّو ليمورات
لكمغ بيزاكارن اد اك فلاّسن ساولغ
غاسّ لّي غ كًيس ئلاّ داخ مولاي لخاميس
من اكًُني ئيمغارن د تاكًانت نّون اتوتار
ئكًا كولّو تاونزانك ايايّيس لحورّ
والاينّي غيلاد ايك نتّيني كا ميت
مّاقّارن لقّيّود ن ئفران ؤلا لخصاص
ؤلا يايت رخا غ مزّي ؤلا سول مقّور
ئبيدّ ؤيّيس دادّين غيكلّي ؤواسيف
س لباراكا ن ربّي د رّسول د تازالّيت
ئمربّي اتافراوت ايعمّر سّوقّ نّون
س دّاهاب د لفضّا د لحرير ؤلا س لملف
لفرح نمربّي ادّومن ئركًازنس
هاد اكال وين ربي هايّي كشمغ ئس
اد ئنيغ ضيف الله ئي ايت لموضع
انّيلي غ لامان ن ربّي اركيغ نفّغ
ئمربّي الماكان اد ايّي ك ئعمر
ئدوم لارزاق ئي ئدبابنك ئكوفوتن
ئنوجّوكن ئي لاعداب ؤلا سوال نس
ئوا بيسم ليلاّه نزّور بنّاصر
نزّور ايت حساين اد رخو ئواليون
اد اخ ئسمون ربّي د لخوطور ئنو
لمعلّم موحمّاد نكّي غريخ اون
اخ ؤر ئلكم كًار بدّات اسي يات انغ
ئنّا س انخ ؤكان تمديم نست انّيخ
نشّا غ لبديع نسوا غ لكاس ن طّاوس
ؤلا طّابلا لجديد د لكيسان نس
رضيخ ئرضاخ لقلب ؤلا س ؤل ئو
يورا ئواليون ئسكًيدّيت : محمد وادي
18.01.2025 / 2795
الحي المحمدي ، اكادير
المغرب

[@brahimbiga6022]

لك جزيل الشكر والتقدير والاحترام على مجهودك في كتابة الكلمات ومونطاج وغير ذلك.

[@brahimbiga6022]

تنميرت نك السي محمد وادي ، حفظك الله هذا الشريط يعود بنا الى بداية السبعينيات القرن الماضي عندما ضيف والدي محمد بكجان رحمه الله المرحوم الرايس لحسن بومارك سنة 1971 بدوار ونتسراي باداوسملال عمالة تزنيت رحمهم الله جميعا وغفر لهم

[@MohamedOuadi]

تانميرت اسي براهيم ، اكتاي ن تلاليت نك اياد، ايكً ربي لوايد نك د رايس الحسين بومارك غ تملاّ نس ئسول اك تودرت نك