ཞིང་གཤེགས་དགེ་སློང་དཀོན་མཆོག་བསམ་འཕེལ་དགོངས་རྫོགས་སྐབས་བྱུང་བའི་ཁ་བའི་མེ་ཏོག་ངོ་མཚར་ཆེ།།
Вставка
- Опубліковано 12 вер 2024
- རྫོགས་པའི་སངས་རྒྱས་འཇིག་རྟེན་གསུམ་གྱི་མགོན་པོ་དེ་ཉིད་དགུང་ལོ་ཞེ་གཅིག་པར་གདན་ས་འབྲི་ཐེལ་འོག་མིན་བྱང་ཆུབ་གླིང་དུ་བཞུགས་སྐབས།ལྟར་སྣང་དུ་ཚོགས་པ་མང་བས་བསུན་པའི་ཚུལ་ལ་དོན་དུ་སྒྲུབ་གནས་ཁྱད་པར་ཅན། སྒོ་འབྱེད་པའི་ཕྱིར་གསང་ཐབས་ཀྱིས་ཚ་འུག་ཏུ་ཕེབས། དེར་ཚོགས་ཁང་ཆེ་མོ་ཏིང་འཛིན་ཕུག་ཏུ། སངས་རྒྱས་བསྟན་པའི་རྒྱུན་ལ་དགོངས་སྟེ། ཏིང་ངེ་འཛིན་ལ་ཐུགས་མཉམ་པར་བཞག་པ་ན། ཏི་སེ། ལ་ཕྱི། ཙཱ་རི་སོགས་ཀྱི་གནས་བདག་ཞིང་སྐྱོང༌། གཞི་བདག་ཆར་སྤྲིན་གཏིབས་པ་བཞིན་འདུས་པར།དེ་དག་ལ་ཆོས་བསྟན་ནས་སོ་སོའི་གནས་སུ་རྫུ་འཕྲུལ་གྱིས་ཕེབས་ནས་དམ་ལ་བཞག དེ་དག་གིས་གནས་ཕུལ་ཏེ་བཞུགས་པར་གསོལ་བར་མ་གནང་བར།རི་པ་གཏོང་བར་ཞལ་གྱིས་བཞེས་སོ། དེའི་ཚེ་ཐེལ་གྱི་དགེ་འདུན་པས་ཀུན་ཏུ་བཙལ་བས།ཚ་འུག་གི་རི་ཁྲོད་དུ་བཞུགས་པ་དང་མཇལ་ནས། སླར་གདན་དྲངས་པར། རྗེའི་སྐྱོབ་པའི་ཞལ་སྔ་ནས།བརྒྱུད་པའི་གདུང་འཚོབ་རྒྱལ་བ་རྣམས་ཀྱི་སྲས།།ཐུབ་པའི་བསྟན་ལ་བསླབ་གསུམ་རྒྱན་གྱིས་མཛེས།།མི་ཡི་སེང་གེ་རྣལ་འབྱོར་དབང་ཕྱུག་ཀུན།།ང་ལ་སྤྲོས་པ་ཆོད་ལ་རི་ལ་སོང༌།།གསུངས་པས་འགྲོ་བར་ཞུས་ཏེ།མི་རེས་རྡོ་རེ་བསྐྱལ་ནས་བཞེངས་པའི།ཆོས་ཁྲི་ཆེན་མོ་ད་ལྟ་ཡང་མཇལ་རྒྱུ་ཡོད། སྐབས་དེར་སྐྱོབ་པ་འཇིག་རྟེན་མགོན་པོས།རྡོ་རྗེ་གློ་དཀར་སྒྲུབ་ཕུག་ཏུ་ཉིད་ཀྱིས་སྐུ་རྗེས་དང་ཕྱག་རྗེས།ཞབས་རྗེས།ཕྱག་མཁར་གྱི་རྗེས་སོགས།ངོ་མཚར་མཐའ་ཡས་པ་རྗེས་འཇུག་རྣམས་ཀྱི་ཕྱིར་དུ་བཞག་པས།རྫུ་འཕྲུལ་ཕུག་ཏུ་གྲགས།དེ་རྗེས་གདན་སར་ཕེབས་ཏེ་གནས་གསུམ་དུ་རི་པ་ཐེངས་གསུམ་གཏང་བས།གནས་གསུམ་བདག་པོ་རྒྱལ་བ་འབྲི་གུང་པ་ཞེས་པའི་མཚན་སྙན་ཡོངས་སུ་གྲགས། དེ་ལྟར་འཇིག་རྟེན་མགོན་པོས་བྱིན་གྱིས་བརླབས་པའི་གནས་མཆོག།ཤིན་ཏུ་མང་བ་ནས་ཐུགས་ཀྱི་གནས།འབྲི་གུང་ཚ་འུག་དཔལ་གྱི་རི་ཁྲོད།རྣལ་འབྱོར་འདུ་བའི་གནས་དེར།རྫོགས་པའི་སངས་རྒྱས་འཇིག་རྟེན་མགོན་པོ་ནས།ད་བར་གྲུབ་པའི་དབང་པོ་བྱིན་བརླབས།རྒྱུན་ཆད་མེད་པར་བྱུང་བ་བཞིན།དུས་རབས་ཉེར་གཅིག་པའི་ནང་བྱུང་བའི།གྲུབ་དབང་དགེ་སློང་དམ་པ་ཁོང་ནི།འབྲི་གུང་རྨམ་པ་ཐེལ་བ་གྲོང་ཚོའི་ལྷད་བདེ་ཚང་གི་ཡབ་དཀོན་མཆོག་ནོར་བུ་དང༌།ཡུམ་དཀོན་མཆོག་བཟང་མོ་གཉིས་ལས།སྲས་གསུམ་གྱི་དང་པོར་སྤྱི་ལོ་༡༩༣༧ལོར་མཚན་དཔེ་བཞད།སྤྱི་ལོ་༡༩༤༤གུང་ལོ་བརྒྱད་ལ་སོན་སྐབས་འབྲི་གུང་བཀའ་བརྒྱུད་ཀྱི་གདན་ས་ཆེན་མོ།འོག་མིན་བྱང་ཆུབ་གླིང་གི་རྟེན་གཙོ་༧སྐྱོབ་པ་འཇིག་རྟེན་མགོན་པོའི་དྲུང་དུ་གཙུག་ཕུད་ཕུལ།མཚན་དཀོན་མཆོག་བསམ་འཕེལ་ཞེས་བཏགས། ལྕང་ཆེན་དཀོན་མཆོག་བསྟན་འཛིན་ནམ་མཁའ་རྒྱན་མཚན་གྱི་དགེ་རྒན།ཁོང་གི་ཞང་པོ་བློ་གྲོས་ཀྱི་འཚོ་སྐྱོང་འོག།དགོན་པའི་བཅའ་ཁྲིམས་བཅས་ལ་མིག་འབྲས་ལྟར་མཛད་ཐོག ཆོ་ག་ཁག་དང་ཆོས་སྤྱོད་སོགས་མཐར་ཕྱིན་པར་སྦྱངས།རྒྱ་གླིང་དགེ་རྒན་དང་བསུ་རྣ་བཅས་ལ་བྱང་བྱ་ཆེ།
བར་སྐབས་སུ་འབྲི་ལུགས་གསོ་རིག་སློབ་གྲྭ་ཞུགས་ནས་སྦྱང་པ་མི་དམན་པར་གྱུར། རིག་གསར་སྐབས་སུ་རང་ཁྱིམ་དུ་ཕྱིར་ལོག་ནས།གྲོང་ཚོའི་སློབ་ཆུང་དགེ་རྒན་གནང༌།དམ་པ་དེ་ཉིད་ནི་འཇིག་རྟེན་འཚོ་ཐབས་ཐད་ལ།ཧ་ཅང་གི་འཇོན་ཐང་ཆེ་བས།མིང་ལའང་འབྲོག་པའི་ཚོང་དཔོན་མགོ་ཁྲིགས་ཞེས་ཟེར་སྲོལ་ཆགས།མང་ཚོགས་ཀྱི་སྤྱི་རྫས་ལ་བདག་སྐྱོང་ཆེ་ཞིང༌།དཀའ་ངལ་ལས་སྐྱོབ་པར་མཛད་པ་ནི། བྱང་ཆུབ་སེམས་དཔའི་སྤྱོད་པ་ཤུགས་ལ་མངོན། དེ་རྗེས་ཕ་ཁྱིམ་ལྷད་བདེའི་ནང་ནས།ཁོང་དང་ཚ་བུ་གཉིས་ལོགས་སུ་འཚོ་སྡོད་གནང་ཞིང༌།༡༩༧༨ལོར་སྟེ་ཁོང་གུང་གྲངས་༤༩སྐབས་སྲིད་ཇུས་ལྷུག་འདོན་དང་འབྲེལ།རྗེ་༧སྐྱོབ་པའི་ཐུགས་ཀྱི་དབེན་གནས་ཚ་འུག་སུ།ཚ་བུ་དང་ཁ་གྱེས་ནས་རི་ཁྲོད་ལ་ཞོལ། གདན་སའི་ཁྲིད་དཔོན་ཁྲི་ཐོག་སོ་ལྔ་པ།༧དཔའ་ཆུང་རྡོ་རྗེ་འཆང་འབྲི་གུང་གདན་ས་ཐེལ་ལ་ཞབས་སོར་འཁོད་གྲུབ་པའི་ཕྱི་ལོརཔ།ཐེངས་དང་པོའི་དགེ་སློང་སྒྲུབ་པའི་དབུས་སུ་སྙེན་རྫོགས་སྟབས་གཅིག་ཏུ་བཞེས།མཚན་དཀོན་མཆོག་རྗེས་དྲན་ཞེས་གསོལ།དཔའ་ཆུང་རྡོ་རྗེ་འཆང་དཀོན་མཆོག་འཕྲིན་ལས་རིན་པོ་ཆེའི་གདམས་པར་གསན་བསམ་མཛད།དེ་བཞིན་ཁྲིད་དཔོན་ཁྲི་ཐོག་སོ་དྲུག་པ་གྲུབ་དབང་དཀོན་མཆོག་བསྟན་འཛིན་ཉི་མ།རིག་བདག་ཏུ་བསྟེན་ནས་སྔ་ཕྱི་གཉིས་སུ་ཕ་ཆོས།ཕྱག་ཆེན་ལྔ་ལྡན་ཉམས་ལེན་མཐིལ་ཕྱིན་པར་གནང༌།དེར་སྐུ་མཚམས་བར་མེད་དུ་སྐུ་རྐྱང་བཞུགས་གནང་བ་དང༌།ཕྱིས་སུ་བསམ་གཏན་ནས་ཞབས་ཕྱི་ཞུ་རྒྱུའི་བསོད་ནམས་བྱུང་ཞིང་དགེ་སློང་ཁོང་རྒྱུན་དུ་རིའི་བུ།ན་བུན་གྱི་གོས།གྱོང་ལྟོ་གོས་གཏམ་གསུམ་ལ་བཏང་ནས་སྒྲུབ་ལ་ཞོལ་བར་མཛད་པ་ལས།འཇིག་རྟེན་པའི་ངོ་བསྲུང་གྲོང་ཆོག་ཀྱང་དྭངས་དུ་མི་ལེན།བཀའ་བརྒྱུད་བླ་མའི་རྣམ་ཐར་ལ་བསློབ་པར་མཛད་ཅིང་དམ་པའི་རང་རྟགས་སྟོན་ཡོད།སྤྱི་ལོ་༢༠༡༩ལོའི། བོད་ཟླ་དང་པོ་ཕྱི་མའི་ཟླ་མཇུག་ཏུ།དགེ་སློང་ཁོང་དགུང་ལོ་༨༣ལ་ཕེབས་པ་ཚེ་དང་སྒྲུབ་པ་མཉམ་པ།ཚ་འུག་དཔལ་གྱི་རི་ཁྲོད་དུ་གཟུགས་སྐུ་ཆོས་ཀྱི་དབྱིངས་སུ་བསྡུ་པར་མཛད།སྐབས་དེར་བཀྲ་ཤིས་པའི་རྟགས་སྣ་ཚོགས་བྱུང་ཞིང༌།ལྷག་པར་སྐུ་གདུང་བཞུགས་འབུལ་སྐབས་ནམ་མཁའ་ནས་ཁ་བའི་འདབ་མ།འཁོར་ལོའི་རིས་དང་འདབ་དྲུག་དང༌། འདབ་ལྔ་སོགས་མེ་ཏོག་གི་གངས་བབ་པ་ངོ་མཚར་ཆེ་བ།ང་ཚོའི་མིག་མདུན་དུ་དངོས་སུ་མཇལ་རྒྱུ་བྱུང་བ་ནི།ཅི་འདྲ་བསོད་ནམས་ཞིག་མ་རེད་དམ། དེ་སྔོན་གོ་བ་དང་ཐོས་པ་ལས་དངོས་སུ་མཇལ་རྒྱུ་ནི།ཉིན་མོའི་སྐར་མ་འདྲ་ན་ཡང་ད་ལྟ་དེར་ཡོད་ཀུན་གྱིས་མཇལ་ཡུལ་དུ་གྱུར་པ་ནི།ཅི་འདྲའི་ངོ་མཚར་ཞིག་མ་རེད་དམ། དེ་ལས་ཀྱང་ངོ་མཚར་ཆེ་བ་ནི་འཚོ་བ་ཅི་འདྲའི་འདོད་ཆུང་མཆོག་ཤེས། ཚེ་གཅིག་བཀའ་བརྒྱུད་གོང་མའི་རྗེས་ཤུལ་འཛིན་པའི།རིའི་བུ་མཛད་སྟེ་རྫོགས་པའི་སངས་རྒྱས་འཇིག་རྟེན་མགོན་པོའི་དགོངས་པ་བཞིན།སྐུ་ཚེ་དོན་ལྡན་གྱི་ངང་ནས་བཞུད་པ་ནི་ཅི་འདྲའི་ངོ་མཚར་མི་ཆེ་འམ།
དགེ་སློང་དམ་པ་ཁོང་ལ་བསྟོད་པ།
བཀའ་བརྒྱུད་སྒྲུབ་བསྟན་གྲུབ་མཐའི་བླ་ན་མཐོ།།བཀའ་བརྒྱུད་གྲུབ་ཐོབ་རྒྱ་མཚོ་རི་ཀློང་བརྡོལ།།བཀའ་བརྒྱུད་གྲུབ་རྟགས་མེ་ཏོག་ངོ་མཚར་གཏམས།།བཀའ་བརྒྱུད་བྱིན་རླབས་མཚན་ཁ་ངོམ་འདི་མཚར།།འབྲི་གུང་མཁན་པོ་ངེས་དོན་གྲགས་པས་བསྟོད་པ།།
རྒན་སྤྲོ་ཚེས་བསྟོད་པ།
རིན་ཆེན་དཔལ་གྱི་སྒྲུབ་པའི་བསྟི་གནས་ཆེ།།ཚ་འུག་དཔལ་གྱི་རི་བོར་སྒྲུབ་ལ་གཞོལ།།དམ་པའི་རྗེས་བཞུགས་དམ་པའི་སར་གཤེགས་པའི།།
རཏྣའི་ཐུགས་སྲས་དཀོན་མཆོག་རྗེས་དྲན་རྨད།།མི་ཚེ་གཅིག་ཏུ་ཚ་འུག་རི་བོར་བཞུགས།།ཕ་ཆོས་ཕྱག་ཆེན་དགོངས་པ་མངོན་དུ་གྱུར།།བྱ་བྲལ་སྒྲུབ་པ་མཐར་ཕྱིན་ཕོ་རྒོད་ཆེ།།རཏྣའི་ཐུགས་སྲས་དཀོན་མཆོག་རྗེས་དྲན་རྨད།།
བཞུགས་པའི་སྐབས་སུ་སྙན་གྲགས་རིང་དུ་དོར།།རི་ཡི་བུ་བཞིན་སྒྲུབ་ཚུགས་ལེགས་པར་འཛིན།།ཕེབས་པའི་སྐབས་སུ་འདས་རྟགས་ངོ་མཚར་ཆེ།།རཏྣའི་ཐུགས་སྲས་དཀོན་མཆོག་རྗེས་དྲན་རྨད།།
མཆོག་ཤེས་ཡིད་བཞིན་ནོར་བུའི་མཛོད་ལ་དབང༌།།
གསུང་སྐད་ཧ་ལས་པབི་གསལ་པོ་འདུག་བཀྲིན་ཆེའོ།།།
🙏🙏🙏🙏🙏🙏🙏
🙏🙏🙏
🌹🌹🌹🌹🌹🌹🌹🌹❤❤❤💯🙏🙏🙏
🤭🙏🙏🙏🙏🙏🙏🙏👌👌♥️🌹🌹🌹🌹🌹🌹🌹
👏🙏🙏🙏
Kyabsu chio
🙏🙏🙏🪷🪷🪷
❤❤❤