《月傾會》EP06 《IT狗》發威 點評《膠戰》拍檔 岑珈其自揭被鬧又矮又樣衰

​‪@boxchannel7957‬《月傾會》農曆年之後第一個見面禮，林柏希請來《IT狗》嘅岑珈其做最新一集嘉賓。上星期播畢嘅《IT狗》大收旺場勁受歡迎，憑《IT狗》同《膠戰》成功入屋嘅岑珈其終於捱出頭！岑珈其話：「當初都有啲擔心，因為話晒係喜劇為主，so far觀眾都鍾意嘅！」
08年由《烈日當空》入行嘅岑珈其，演慣學生，現實已經係人夫兼爸爸嘅佢話，「我30歲（兩年前）嘅時候就想定一個目標，希望之後都唔再演學生！」終憑《IT狗》如願轉型成功！如果可以，岑珈其話想演戲演一世，「其實我已經將演員定咗為自己一個夢想，一個終身職業，如果條件容許，我想演戲演到老！我一定又唔係高大靚仔，我憑咩呢，所以細個好冇自信，亦都唔相信自己會成功，但係呢一個係我最鍾意嘅夢想，我唔想錯過俾自己後悔！」
曾經做過跟車、司機、地盤、sales、水吧、磨雲石、地產仔、保險、做過燒烤場、做過冷氣師，慶幸身為屋企孻仔嘅佢，唔使為家擔煩惱，更要多得老婆從來冇俾壓力，「我要好多謝太太，佢真係冇俾過任何壓力我！其實我識佢嘅時候，佢唔知我係演員，嗰時真係一啲都唔出名啦，其實依家都唔係話好出名！」
最想演嘅角色係挑戰《西遊記》孫悟空同埋《鹿鼎記》韋小寶，岑珈其仲即場揀圈中女星做韋小寶老婆人選！去到《大膽答 冇膽食》環節，有特別嘉賓亂入，就係同岑珈其喺《IT狗》同場嘅Johnny仔！其實Johnny仔叫阿超，屋企人喺灣仔開餐廳，日日喺餐廳坐鎮嘅佢，今次特別預備咗勁辣口水雞同埋麻辣雞翼做挑戰食物！Johnny仔仲客串問咗一題，佢問岑珈其同咁多女星合作過，有邊個真係曾經動心，岑珈其話其實每次都會抽離到，「如果要計呀，我諗係Jennifer（余香凝）囉！佢係一個好善良，好動又大癲大肺，點解我咁講呢，因為我老婆都係呢啲性格！」
跟住林柏希就叫佢逐個點評一下《膠戰》拍檔，岑珈其話：「Jeffrey缺點就係太靚仔，太令人羨慕！Edan缺點就係玩遊戲太奸呀，因為我睇過佢點樣出賣阿正，哈哈哈！阿正缺點就係佢太過mean，成日笑我矮笑我樣衰！Hillary缺點又係太靚囉，你知唔知佢玩遊戲好叻㗎！肥腸太過認真呀，太過誠實呀！」之後岑珈其仲公開講，曾經喺片場聽過最刻薄嘅說話！
除咗Johnny仔亂入，其實仲有Jeffrey亂入問問題㗎！想知Jeffrey BB問咗啲咩，令到岑珈其諗都唔使諗，即刻食勁辣口水雞做懲罰？即刻去片睇啦！
訂閱盒子YT頻道同步睇片：bit.ly/3JenxHu
#盒子 #boxchannel #月傾會 #林柏希 #岑珈其 #IT狗 #爆紅 #神秘嘉賓 #女星 #膠戰
-----------------------
記得follow晒呀
FB：bit.ly/2WlzyYF
YT：bit.ly/3guXGz0
IG：bit.ly/3n0YIHg

[@boxchannel7957]

睇完片，記得comment，like & share！仲有快啲follow晒《盒子BOX channel》呀！
盒子FB：bit.ly/2WlzyYF
盒子IG：bit.ly/3n0YIHg
盒子YT：bit.ly/3BSWCx6

[@yuwadeewong6798]

少女時代07年出道之前都可以大學畢業完成學業，過程在練習生中等同運動員訓練一樣，每日抽時間練習，就好似讀書時代課外活動一樣。所以有今時今日成就。請問香港娛樂圈俾左咩投資嚮年輕人身上，又有冇人訓練過童星！答案係隨便嚮香港運動員身上就搵黎做演員。呢個就係圍爐取暖嘅香港娛樂圈。然後阿貓阿豹都當自己明星。浪費觀眾時間。最反感呢個叫嘉其嘅人。無料扮多料。30歲扮學生係合理嘅，仲話唔想演學生。一睇根本無長大過，唔演學生可以演咩？睇返佢人生經歷就係學徒模式，唔通俾你演師傅？講得呢d說話，我入片場果陣你都未出世。比你好戲嘅人多，比你更低學歷嘅更多。但就唔會做咩都張自己放大，然後睇完資料發現水份咁高。同呢個人相同性格嘅人，我遇過幾個，只會嚮自己有興趣嘅人和事上無限放大，對身邊人專長扮到無動於衷。最終呢種性格，一世都發唔到圍！嚮呢個唔會俾機會普通人嘅年代，唔洗再諗好似50 60後咁遇到賞識可以變成千萬身家消費者。拋窒人都要自己有料先，下下show人hand.嘅行為代表入世未深。靠拋窒人得到眼前勝利。唔代表人生靠拋！敢講呢條友，係因為數據証明一切。有關佢嘅片，根本閪多個like.閪就閪在原來冇咩人like.但就嚮試當真扮到好有公信力。反醒下啦30歲，過往好多30歲都當自己真係成左人。嚮社會黎講後面仲有40 50 60嘅大哥仲嚮度搵食！而且人地係師傅級。虛心d學好英文睇下英文新聞。接觸下韓國娛樂圈點解會咁成功。香港點解又唔會可能成功！用錢砌出黎嘅娛樂圈先係娛樂圈，冇錢砌點砌到個完美人生？

[@wingyi6611]

😂😂👍🏻

[@billymanwailei6167]

個bgm 太嘈
個flow okay. 👍 好pro

[@DodoManager]

Johnny 仔和咖琪有更多互動就更好