《月傾會》EP13 陳偉琪改名陳思圻 遭《愛回家》前輩爆粗 電影人强吻 讚MIRROR堂大佬Frankie自細靚仔
Вставка
- Опубліковано 7 жов 2024
- 今個月《月傾會》又嚟喇!今次林柏希請來「細龍太」陳偉琪(Vicky),最近改咗新名叫陳思圻!點解冇啦啦走去改名,Vicky話:「我想有個new start囉,我想喺我人生裏面有個新chapter!」
為咗new start,Vicky問朋友借咗6位數字改名,「我諗唔做舊公司大概年半度啦,我個人有啲lost呀⋯⋯我其實係問朋友借錢幫我改,問我啲好friend嘅friend,可唔可以借住少少嚟先!我逐個月逐個月還返比佢哋㗎,我嗰陣時都有返工,做緊一個headhunt嘅executive search firm,我冇公開講!」Vicky仲好大方公開,呢份工月薪只有二萬零蚊!
人生新chapter仲包括最近為有線開電視,主持水著節目《Summer Girls》硬撼港姐,Vicky大讃《Summer Girls》班女仔好高質!離開TVB兩年,但係《愛回家》細龍太一角簡直民間至愛,Vicky話如果可以,佢想一世做細龍太,「一世做細龍太都得,係我演活咗呢個角色,我係proud of呢一個角色,唔係個個都做到細龍太㗎嘛!」
大家都知,MIRROR嘅Frankie(陳瑞輝)係Vicky堂大佬,有冇諗過搵皮皮堂大佬介紹下,一齊喺ViuTV合作?Vicky話:「我唔想影響我堂大佬,我嘅意思係,我唔會話用呢啲卡住囉!」兩堂兄妹由細玩大,Vicky話皮皮細細個已經好靚仔,「細細個佢都係keep住靚仔嘅,冇核突過,哈哈哈!用一個親戚嘅眼光呢,佢係一個靚仔啦,跳舞好型囉,同埋佢係成日笑嘅人,我覺得佢係一個好順得人嘅人,乖仔嘅!」
如果真係有機會合作,堂兄妹演情侶又好怪,「你知我哋平時出嚟,好鬼正經㗎嘛,唔係拜山見就係拜年!好obviously,我恰佢,梗係好玩㗎,(你做佢女上司囉!)都OK喎!」
去到重頭環節《大膽答 冇膽食》,今次唔敢答就要罰飲香檳bottoms up!選美入行嘅Vicky,問佢有冇黑暗內幕分享?當年邊位佳麗特別乞人憎?Vicky話:「我第一次選溫哥華小姐嘅時候,experience係好差,我唔知點解啦,可能因為我真係好鬼妹仔嘅feel啦,佢哋會同一班工作人員,同埋其餘9位佳麗,佢哋會自己出去飲茶啦,淨係冇叫我!真心港姐係正常好多嘅!」
Vicky一向魔鬼身材,問佢覺得邊個artist真係鹹濕?Vicky話artist就冇喇,「我唔開名啦!有一個都幾出名嘅電影製作人,話簽我做artist,佢話上嚟office傾下啦,我心諗office唔使驚啦!佢話我下一套電影就俾你做女主角,跟住佢就俾個contract你,咁你簽10年啦;之後佢就同我講,你收入咁唔穩定,不如咁啦,你跟我出trip做我女朋友,我就每月俾兩萬蚊,something like that!」
開完價仲有行動,「跟住佢已經行緊過嚟,已經想咀我,我就嚇到傻咗,跟住我即刻擸袋跑出去!」Vicky透露呢位電影製作人個名,係三個字、唔係兩個字嘅!
再問Vicky有冇試過俾人開價,佢話經IG有人邀約做活動MC,但有額外要求,「我自己好鍾意食黑毛豬,我又會切俾我啲best friend同family食,有一位人士喺Instagram搵我,話有個job俾我做MC,佢話可唔可以帶隻ham嚟切,我覺得好OK呀!跟住又想你着啲咩衫,又再話有幾多位老細喺度,你都要招呼咁多個老闆㗎喎,我就心諗,咩叫招呼呢?」最後對方誇到開價80至100萬做一個MC,Vicky當然冇理佢!問Vicky如果對方開三千萬一晚,你得唔得呀?Vicky好肯定答:「唔會,因為你個遺憾係一世!」
《愛回家》細龍太一角深入民心,如果TVB搵佢回巢再做細龍太,肯唔肯?原來《愛回家》有位大前輩曾經粗口問候過Vicky,當時情形係點?即刻去片睇佢點講!
訂閱盒子YT頻道同步睇片:bit.ly/3AUWQ8i
#盒子 #boxchannel #月傾會 #陳偉琪 #陳思圻 #改名 #SummerGilrs #愛回家 #選美 #內幕 #性感 #電影 #MIRROR #Frankie #陳瑞輝 #香港 #娛樂 #節目 #TVB
-----------------------
記得follow晒呀
FB:bit.ly/2WlzyYF
YT:bit.ly/3guXGz0
IG:bit.ly/3n0YIHg
睇完片,記得comment,like & share!仲有快啲follow晒《盒子BOX channel》呀!
盒子FB:bit.ly/2WlzyYF
盒子IG:bit.ly/3n0YIHg
盒子YT:bit.ly/3BSWCx6
好鍾意細龍太的性格真實不造作, 希望有一日見到佢同frankie 喺viutv合作
期待堂兄妹合作❤️
細龍太係一個好好嘅角色,亦都演得好有性格!,希望你可以繼續加油,有另一個代表角色
We miss you細龍太..see u in many many more places!
Hope to see Vicky more !!!
希望細龍太快D回愛.回家拍劇,同Luna 爭過,爭回力士
支持細龍太,等她重返教回家。Luna 不及細龍太
細龍太。。。個人好真👍👍👍
好深印象係佢嘅酒凹,好甜嘅笑容,有學識又靚女,就算唔做演藝都有出路❤
love this
好中意細龍太!
真性情,有特色 !
細龍太,個人有料,去邊度做都會有人賞識㗎。
主持人可否再找陳思圻做訪問,問吓佢怎樣治好類風濕關節炎呢個病, 因為呢個都係不治之症, 應該會幫到好多人, 謝謝你
有自主👍
👍🏻👍🏻👍🏻
Support you
越睇越靚女
🤩
請問Vicky搵咗邊位高人改中文名?我個小朋友出世都係搵咗一位著名的黃大仙師傅改名,佢係用紫微斗數去改。希望細龍太的事業能夠更上一層。支持Vicky!💪🏻💪🏻💪🏻
细龙太什么时候回到爱回家
普通到唔普通..
其實就係感覺好似唔識佢嘅人就覺得佢好八婆咁 我諗佢都俾人鬧咗好多 但其實我覺得佢唔係咁😢
香港改名要十萬蚊😲台灣唔駛
好慘 前輩成日搵女仔嚟恰
這條友咸濕變態又亂輪,竟說唐哥做情侶。