#MM
Вставка
- Опубліковано 26 сер 2024
- #MM #旅遊止癮 // 解構駱駝漆工廈不變死場反變旺之謎!全職媽媽$12000租195呎劏舖做頭療及美甲 人肉搜尋器老闆帶食$108酒店級西餐 突發停電!鄰店老闆幫拖展兄弟情 死角位性玩具店夠隱蔽生意不跌反升 28年商場老店遷樓上舖同MM新同事相認!隱藏小朋友路線掃模型零食
駱駝漆大廈為觀塘著名消遣地方,但一般人只當它飲食勝地,忽略大廈內多元的店舖、商戶間人情味及模仿商場的獨特之處,這個專題旨在發掘駱駝漆獨特的生態,及它的前世今生。
這次旅遊止癮帶觀眾走一條集飲食、購物和工作坊活動於一身的路線,過程中透過突入的MM客席主持,展現店主互助及駱駝漆手機應用程式突顯商店間緊密網絡,還有兩個全職媽媽共用劏舖的故事,無厘頭但努力自學成中藥頭療舖店主的阿Yan,與美甲店店主Renee,他們的小朋友如何走出一條大廈內的小朋友遊玩路線,還會借大廈內最老和最死位的店舖分析各類店舖如何各取所需,形成獨特生態,出現了很地舖或舊商場店舖感覺的店。
駱駝漆工廈常被形容為一座商場,開滿各式各樣的商店,有日式精品、健康食品、零食、酒庫、凍肉、護膚品、玩具、婚攝都有,數之不盡,能滿足遊人各樣需要,而且能逛到遊人目的以外的特色小店,除了更有驚喜,對小店來說也是重要的機會,遇上在集聚經濟模式下遇不到的生客,擴闊客源,比單做網店更容易。另外,駱駝漆不少工廈模式大單位變成劏場,分租給小店主,租金是商場的三分之一;加上借助駱駝漆人流帶旺小店,給他們機會做小生意的實驗場地。
駱駝漆巧妙在,它像一座商場,但本質上仍是一幢工廈,使他可孕育出自然的鄰里互助生態圈,與商場各自為政的氣氛不同。工廈裡大多是小本經營的生意,各有一身好本領,在市區被遺落的舊工廈裡闖出一番事業,小店店主都了解大家的努力,互相幫助;而且工廈有一種粗礦的氣質,包括內部的裝修要求、商店類型都更寬容,例如蛋糕廠可放心使用大型機器,更可以前舖後廠,節省運輸時間和成本,給予不同行業的商戶有發揮空間,而人與人之間也更放鬆地交流和合作。
於是,工廈衍生合作活動如Man哥的駱駝漆大廈app;以及更有機的Paul和七哥的互助關係,他們會分享食材,及替對方檢查水電,形成像舊屋邨街坊互助的生態圈。這跟駱駝漆大廈由觀塘在60年代剛遷入填海區的工廈,轉型成類近商廈的歷史相呼應,好像在陳舊、不講究門面,依靠互相幫忙而立的舊區裡,就能孕育出一種超越功利的緊密關係。
工廈多棱角的建築形狀也使不同商戶找到自己需要的生存空間:性玩具商店Sex Fun HK在通往後樓梯走廊的死角中開店,卻讓客人逛得更自在,生意額比其他開揚商廈的分店更好,還在同層開了另一家女性性玩具專門店;32年老字號廣興由商場遷到駱駝漆較靜的十樓,卻發現熟客一直跟來光顧,老闆還會專程送𨋢,因駱駝漆容易迷路,也不是人人懂得搭少人排隊的貨𨋢,老闆和顧客關係更密切;娜菲酒庫的老闆12年前由名店雲集的佐敦道遷到駱駝漆,見證駱駝漆由空蕩蕩到今天成為觀塘地標,自己也從駱駝漆高層搬到低層,發現駱駝漆三座後樓梯開揚和通風等特點比一二座更優勝,也令更多遊人到訪,連帶商戶到此落腳,即使是高層也不少生意。
駱駝漆工廈是由多個特質隨機碰撞一起而成的有機體,它開揚的建築、小商戶、大舖位、平劏舖等特質結合,培養互利而非競爭關係的關係,卻同時是多元又好玩如商場的地方。
觀塘開源道駱駝漆大廈第三座
2/F
📍按摩店桐山(L10-L11 室)
📍美甲店Baby:Nail(L10室)
9/F
📍Tasty Fabio(T室)
📍Hunger Point(G室)
10/F
📍日式精品店八月尚(F室)
📍Sex Fun HK(R室)
📍廣興冬蟲草花膠專店(S室)
策劃:許芷悅 Tiffany 王秋婷 Phoebe
攝影:許先煜 潘志恆 蘇栩楹
剪接:蘇栩楹
監製:王秋婷 Phoebe
#觀塘 #觀塘工廈 #觀塘美食 #駱駝漆大廈 #駱駝漆美食 #劏舖
#工廈 #頭療 #美甲 #許芷悅 #王秋婷 #MM_Tiffany #MM_Phoebe #MillMILK
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
作為其中一間受訪商戶的員工, 有幸親眼目睹兩位主持和三位攝影師在訪問及拍攝期間的出色表現, 所以除了讚許Tiffany的好開始和Phoebe對後輩的悉心指導,
三位幕後精英 許先煜 潘志恆 蘇栩楹 的功勞都值得鼓掌. 👏 而當日如有任何招待不周, 請多多包涵. 🙏
而有一點想補充一下, 客lift是可以上到12樓, 貨lift就全部都只能去到11樓.
Tiffany 有自信有表演慾,第一個主題亦捉到人情味,係揸機就真係有待改善。MM 請人請得好呀!
多謝支持💪🏻
以為浄係小店推介,竟然有感動位⋯⋯停電一刻,有位另一小店店主趕到幫手,看得守望相助嘅力量👏👏👏好感動!多謝你地採訪❤️
睇完留言覺得有啲 warm 又有啲感概
一方面多謝前果籽團體將節目做得好好、好專業,俾到香港人以 “本土身份認同” 既空間走下去,由追求 “理念” 轉移到追求港人既人情味甚至港人既 “職人精神”
另方面感概既就係我同大家其實仍然 “依戀” 過往一直追求既價值
Anyway 多謝 mill milk
我食過好多本地嘢,唔得!
終於現實生活唔可能離地。
我祇是偶然進入這個channel, 很高興的見到香港經濟仍有着充沛的活力!在這段影片中,讓我感受到香港人的人際關係不如外人所說的「人情薄過紙」,感受到香港人彼此的相互扶持,香港人的民間經濟自救⋯⋯叫我相信,香港仍然有希望,有足夠的條件,振興我們自己的經濟! 香港人!加油!
如果鍾意記住subscribe!
歡迎Tiffany!把聲好入咪、咬字又清晰,令人好舒服,有前途,加油💪🏼
請多多支持!
完全同意!冇懶音真係好難得😅!
21:52 多謝MM 以前屋企人成日喺麗港城舊鋪幫襯佢成十幾年,我都成日陪屋企人去。
嗰陣搬鋪之後搵唔返真係好唔知點算,而家揾翻真係超開心! 多謝MM!
@@tiffanystopbleeding 畀咗我老豆睇 佢即刻認得出 多謝mm! 多謝Tiffany!
好彩搵得返!
個老細成日都同我講佢怕麗港城D人搵唔返佢間鋪
新同事第一次採訪就有那麽多驚喜,有小朋友跟店舖老闆做導遊,還遇上餐廳停工找鄰店幫手,證明人緣磁力好又會即場找住發揮機會,令報道既有情節又有人情味。
好正呀呢期故仔!! 完全感受到一個個創業者嘅熱情同心思,搵到果種「呀 呢個就係我鍾意嘅香港」果種感覺!多謝Tiffany and Phoebe, Man哥, MM
🤍🤍🤍
鍾意新同事Tiffany人靚聲甜❤
同意!
感覺在駱駝漆食東西,各老闆租金壓力無咁大,真正享受烹煮的感覺,價格又相宜對客人服務又好
租平?越尼越貴,移民了
笑左 邊度平租 野食又邊度平呀 無玩喇 工廈都係收緊呢D數
好多好撚難食喎😂,你有冇食過架
收費平?? SO FUNNY
我間中都伯由大西北去駱駝漆工廈行,
但係行咗咁多次都唔識行又唔知仲有咩睇~
今次有人介紹實在太好了。
記住CLS
店主們都很nice又用心,會吸引到人流是必然的💓希望業主吾好旺場後就開始加租,留返些空間比香港小市民去繼續經營出這種可愛的小社群💓
我都成日去三期🎉 有次,無意行到10樓發現一間日本精品店,感覺好似尋寶咁得意。啲日本製餐具真係好吸睛,店員又好友善地介紹,最後好開心買咗套小碟送給朋友為結婚禮物,朋友超鍾意❤️ 行街買野又開心,朋友收禮物又開心,依家MM又有介紹三期及這間店,感覺好温暖,多謝MM❤
tiffany 講嘢嘅咬字同語速好好👍🏻 條片一開聲已經令我wow咗... 鏡頭前又好自然, 希望繼續睇到你嘅好表現!
新同事 Tiffany把聲嘅中音厚,咬字清,有力,加油
新同事 Tiffany 搭埋對同事充滿愛嘅 Phoebe,期待火花 💥💥!
William收唔收貨
@@mm.millmilk 首播超過4000人(唔知係唔係紀錄)已經說明一切 👏👏👏
以首播人數計Tiffany絕對係怪物級新人
好熱情既工商大廈,
老闆們明白到自己及他人的生意是唇齒相依,
我回港一定去此地遊覽。
今日條片好好睇好豐富🫶🏻
睇得出好用心做資料搜集 同埋兩位訪問得好好 先會發掘到咁多有趣嘅故仔><
平時偶爾會去駱駝漆食飯都完全唔知呢度咁有人情味又有咁多神奇嘅鋪頭 多謝Tiffany同MM帶呢條片俾我哋🥹
因為你哋認識多咗好多香港嘅故事 原來呢個彈丸之地每日都有咁多人用唔同嘅方式生活緊(living)
另外表白一下剪輯!! 條片好有趣完全唔悶 唔經唔覺就睇完半個鐘
phoebe做頭療聽唔到Tiffany講嘢嗰段剪得好好笑xd
行駱駝漆已經超過十年, 起初只有二、三樓有鋪, 後尾越閞越高。呢條片都介紹咗好多我唔知既好嘢🥰
做足功課嘅一條片 亦都好難得見到一個地方樓上樓下咁Friend
我同Tiffany一樣住喺官塘廿幾年, 一直都知道駱駝漆呢楝大廈嘅存在但無去行過, 因為呢條片令我下星期去行;做完頭療嘅Phoebe好靚, Tiffany加油, MM加油!
大家一齊加油💪🏻
幾鍾意新同事,表現自然講得幾有文有路,加油
💪🏻
好好睇! Tiffany 做得好好, 好有人情味, 好特別既 view, 而且做足準備先拍, 真係好高質! Phoebe 帶新人有一手!!!!!!
好喜歡鄰里關係咁好,好有❤️
😍😍兩位主持好有火花👍🏻👍🏻多謝介紹觀塘,我係觀塘工作咗幾年,都越嚟越喜歡這個地方☺️☺️周圍嘅人都好有人情味,好親切❤️😊
新豬肉 ?幕前又唔怯場 幕後把聲清晰 入咪 又冇懶音 犀利呀! 支持新血Tiffany
其實每個區都應該要有自己特色嘅地方先吸引到人嘅流動,而唔係要一啲一式一樣嘅新商場
就好似裕民坊咁,啲人先會跨區去行吓望吓,但重建之後個場即刻靜咗勁多
嚟緊深水埗又有大型重建計劃,真係好自為之qq
無辨法,到維修個陣,一個二個又話無錢!新界好多小商場就係因為咁爛溶溶……最後都係要地產商大業主先攪得掂呢啲嘢。
我都係觀塘街坊,都經常行三期買精品及食野😎最近都download咗MM片中有介紹嘅大廈儲分app,幾好用,除咗行街開心洗錢又有得儲分再換野外,最開心係睇住三期不斷keep住有好嘅商店,不斷進步,而且係人情味超濃嘅大廈❤多謝MM分享。
多謝Mill Milk嘅介紹😊 駱駝漆三座啲確有好多嘢行,又有人情味,週末不妨嚟食嘢逛吓尋吓寶!當然最重要係嚟10樓八月尚店睇吓GN嘅日本製陶瓷及其他國家進口嘅優質家品啦!大家一齊分享吓喜悦😊
多謝上傳.在移居海外的我也能看到最喜愛工厦近年轉變.有机會回港時定必去探訪.
之前係觀塘返工都好鐘意食飯時間或者放工後去駱駝漆行下,我覺得好行過出面d千片一律既大型商場
呢集正,平時自己行走馬看花,發現自己只是發掘咗10% 😆😆🤣🤣🤣🤣
Tiffany 人靚聲靚,有觀眾緣,支持你!
Tiffany第一片做得好好,比起其他intern好似無咁怕羞同緊張 條片既主題都簡得好吸引 👍🏻
一向行開駱駝漆,睇完條片好擔心遲啲會周圍都係拖喼,另外好開心睇到顧客睇唔到商戶之間彼此協助,香港人 加油💪🏻
今集最有趣嘅位係由小朋友同man哥casual咁帶大家行,呢種唔well plan反而真係感受到佢哋係駱駝漆嘅日常,正!
欣賞當中的鄰里關係 好真誠❤
好有舊香港嘅情懷,大家互相幫助
本來見到標題都諗緊好唔好睇下,點知入到黎睇咁正,好彩有睇到👍希望良心業主唔好加租,俾小店有成長空間,可以慢慢做好口碑🙏好鍾意呢期介紹🥰
可以一口氣看到很多有趣,現代化和年代感的店家在一個有人情味互相扶持的地方真的很不錯
那句「開機關槍都無人死架」真是個完美的形容XD
在香港,類似觀塘這種駱駝漆工廈來說,荃灣有南豐大廈,銅鑼灣有希慎廣場,電業城,沙田有第一城,中環有IFC,青衣有青衣城,旺角有朗豪坊,深水埗有西九龍中心等等,期待你們講多些這些大廈的有趣歷史和其最有特色的商舖,加油。
以前銅鑼灣冇希慎廣場,就只有時代廣場
好喜歡呢種同行互相幫忙的感覺啊!
Tiffany好掂👍🏻 好有驚喜,長做長有🫶🏻
🫶🏻
駱駝漆真係好多小店行!
你地介紹嘅2樓 L Zone我之前都行過!頭療呢間一直想試但而家唔知仲book唔book到呢😂佢同場有間文創小店都幾特別,見佢賣嘅文創牌子好多都係台灣同韓國嘅!
工廈真係好多野睇,期待MM繼續介紹更多工廈小店!
今集好精彩呀,多謝mm~我都有行過駱駝漆3期,但睇完今集先知我仲有大把舖頭未發掘到,有時間要再去。如果駱駝漆3期有個專屬網頁介紹番裏面所有嘅舖,咁就正喇!
駱駝漆工廈可以出第二集、仲有好多有意思嘅店舖
支持新同事😍😍 原來駱駝漆仲有咁多得意嘅鋪頭 呢隻故好精彩啊!!
多謝你呀,繼續支持MM!
兩位主持都做得好好,尤其新人Tiffany, 第一次出鏡就這麽自信自然,又presentable, 前途無限,加油加油!
最尾果間人老細好有人情味
今集拍攝駱駝漆工業大廈的商鋪,好🈶️創意的店主在𥚃面,看到他們互相幫助的精神,都是香港人的精神,每間店舖都係設計時尚潮流,吸引更多外來顧客和本地客人,帶動消費者購物的樂趣,Tiffany 都🈶️韓國🇰🇷look,謝謝兩位主持的分享👍👍
小朋友帶行果part 好有趣
希望呢個地方可以keep住呢個人情味!! It’s a lovely hidden gem 💎 (呢啲就係好正好香港既旅遊景點!)
原來鰹烏冬都係駱駝漆發跡!好好食!仲要60蚊左右勁抵!推介有骨雞!建議可以去牛頭角食分店,少人去好易有位(當然位置好僻)
多謝推介
未睇已經like,觀塘友係離唔開駱駝漆,見證呢度嘅變遷
第一條片首播已經有4千幾人睇,Tiffany加油!
繼續支持佢呀
哇,大西北人真係唔知駱駝漆大廈咁多唔同種類既小店。次次去一係直衝去開倉,一係就直接去餐廳。睇完你地既片好想試下個間蘑菇湯餐廳
好幾年前去過駱駝漆,只見要等升降機的人龍已經令我卻步,跟住上到去像迷宮般的商場,不知從何行起,只是隨意行,行到心儀的店鋪逛逛、買買東西和吃吃喝喝都感到當中的人情味!可是我出發前沒有做好功課,不像NM的兩位有heart 的主持有行程的地圖去尋訪有特色的店鋪,謝謝你們用心的拍攝和訪問,令我可在間空舊地從遊,猶如身歷其境,置身駱駝漆工廈,令我目不暇給!如果我再去遊訪,我會仿傚你們的路線去逛逛!
更正:MM
今集最好睇嘅係商戶間嘅人情味💛🧡💛🧡
我係觀塘區工作14年,駱駝漆三期基本上一星期去幾次食午餐,但作為酒鬼嘅我,想飲靚酒一定會搵娜菲酒庫嘅老闆Philippe同老闆娘Ella。
好正❤可以聽到好多小店背後嘅故事,好多都有感動位🎉 Tiffany 呢條稿高質呀 🎉
當日聽咗你哋講 食完嘢就即刻去咗二樓行 真係好多嘢睇 有唔同形形式式嘅鋪頭 好得意 值得再去😆
層層都有驚喜
咁複雜嘅故事拍得咁有條理,好厲害~mm 邊度搵啲偶像實力派嘅人返黎🥲
要靠你哋支裝💪🏻
喺呢度都想credits返我哋剪接小蘇,幫手梳理咗好多複雜位❤仲一齊通咗幾晚頂搞🤜🏻🤛🏾
Tiffany打響頭炮,有個好開始,祝你好片陸續有來,為觀眾發掘更多好題材!
不時經過駱駝漆大廈,都係直行直過,只知裡面有餐廳。睇完片先知道原來別有洞天,可說係一個充滿人情味的垂直小社區,好想約埋朋友,前往探索一番。
睇黎Tiffany 係麗港城街坊,一定要支持吓,期待你更多精彩嘅片❤
其實睇到好多清一式既大型商店,租金貴都係轉嫁落消費者度,變左好多人都寧願網購。我自己係鍾意睇實物,同埋同熟識店主可以聊天溝通。睇到工厦既人情味,真係會諗起細個住公屋隔離鄰舍個份互助互愛既人情味。搵日都去行下呢個迷宮食下野。感謝你地既介紹。
見到他們守望相助就覺得
有啲野仍然有希望
MM 終於有驚喜主持!
好好,MM 將呢個專題發揮得淋漓盡致,拍得好睇!!🤩🤩👍👍👍
姨媽好支持啊妹Tiff❤比心機啊。好鬼鍾意呢個新豬肉老老套套嘅語氣,又帶大家深入了解觀塘,其待你下一集介紹新地方。
P.S. 姨媽遠在法國支持,全家瘋狂播,啊里叫你加油,翻黎你做導遊。
奇怪 咁好的地方 居然沒有好幾個utuber 介紹過, 多謝你們
住附近但極小去駱駝漆,等𨋢都等到燥,又唔係去洗樓shopping只係想食個飯唔通行樓梯上十樓十一樓咩,慢慢就無再去,頂多係樓下小食店買野食
呢條片豐富程度係幾條片嘅料😂😂😂
比多幾個like😝
好似係中層偏下有間皮具店,賣真皮製成品既又唔貴香港剩唔多,好多都係工作坊教人整而唔係賣製成品,所以每次番香港都去睇下買番一兩件,超正。
是Geo Guide對嗎?我哋都有搵果間,老闆係年輕又鍾意旅行嘅人🤍雖然較低調唔願出鏡,但私底下好好傾!賣嘅皮革係世界各地搵返嚟,都好正~~
最後間海味鋪原來黎咗呢到… 細細個嗰陣屋企人成日幫襯,老闆後生好型 好有印象
二位主持很有心
呢題寫得好 新人都好有潛力 掂!
多謝新片介紹 我3月中返香港🇭🇰將會到此一游😊
好少去觀塘 不過睇完好想去行吓食吓 拍得好吸引~
❤弟弟件校服好熟悉⋯我二十幾年前都著過⋯小朋友細個既時光真好⋯
各位店主好有愛,互助👍🏻👍🏻
呢集令我更加認識駱駝漆有幾甘多野睇,謝謝!
呢D就係真正既香港情懷
呢段片好正,搞到我想book頭療😂
觀塘購物中心遺址
歷史紀錄片🎉
有間賣aged 牛扒,勁正。不過費事幫佢宣傳。
今日我同老公都去左駱駝漆3期睇玩具,2樓果間模型店雙子軒幾正,有好多扭蛋、figure揀。抽中頭三獎機會都被信和、現時點大。
話說精品模型玩具店聽日就裝修完畢,可以去睇睇。
好介紹,下次去睇吓先!
依集好睇,有時間過黎行下👍🏻👍🏻
同埋新同事做得幾好,加油💪🏻
多謝你支持
去開觀塘支持下先❤❤
忽然好想去駱駝漆行下
駱駝漆可以畀返代言費MM
成條片好溫暖 好有人情味
多謝介紹新場,可以俾大家多個行街option
21:38 「聽講你媽媽光顧開」後面個易拉架係「110款安全套任你揀」😂
補充返Tiffany媽媽係去廣興揀冬蟲草花膠😝
海味鋪廣興我屋企都幫襯咗幾十年,質素好有保證!老闆好有禮貌!
可以嘅話拍多啲工廈發掘小店題材,好睇。
娘家+成長響觀塘🙋🏻♀️
下月返香港一定要去朝聖下
自己都算半個觀塘人...但都無認真行過果頭...頂多下面行下OUTLET
搵日真係要上去認真走番轉
歡迎新同事TIFFANY~ 好堅喎夠膽照沖入去拍自稱極醜中既PHEOBE , 仲夠膽叫佢行咁多樓梯~ 繼續加油 , 間西餐同最尾既海味店都留左深刻印象 , BTW 招惹王今次係招惹到好事~ 老闆係咁送野佢試~ , 又肯陪新豬肉帶住拍衣條片~ 前輩真係唔話得~ 同埋片頭按摩中我估唔係隔音好聽唔到所以唔應~ 應該係招惹王真係訓著左所以應唔到TIFFANY~
人哋講咗唔願意都要開門入去影,點知人地穿好衫未,成集都好睇,得呢個位睇完個印象好差,好似唔係咁尊重人,又或者我誤會咗,因為我只睇到剪輯後嘅片
多謝MM推介,如果頭療歡迎男賓的話我都想試吓😊
駱駝漆早5-6年已經好出名, 區外的我第一次去已經覺得超多人, 等𨋢排咗勁耐, 所以行咗一陣就走咗, 入面係迷宮feel