رياض احمد يقرأ شعر مظفر النواب ويغني
Вставка
- Опубліковано 8 вер 2024
- غناء رياض احمد
كلمات مظفر النواب
أشكد نده ...
نكط على الضلع
ونسيت أكلك .. يمته
أشكد رازقي ونيمته
وأشكثر هجرك عاشر
ليالي الهوى وما لمته
غنت سحنت الليل
بكليبي
وكلش موش أنت
**********
يامه التراجي مرجحن
حسك الصافي وغفه
ويامه الدمع ضوه سواد العيون
جانب ترفه
وتدري تنيت الدفو
بلهفه ورده
وما جيت ونيمني الثلج ...
والشته كله أتعده
لا بالمحطة رف ضوه و لاخط جانه من البعد
لا ريل مر على السده
والشته كله تعده كله تعده
وأعلكنه للصيف اليجي
روازينه السمره ...
شمع
من ينزل أول الدفو بنيسان
يهتز نبع
يمكن يخضر دمع ...
يمكن بعد بالروح يا ريحان وصلة تنزرع
والكيظ أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
*********
ولساع من همسه جي من بعيد
يخضر دمع
كل نسمة ترفه من تفك الباب
يخنكني الدمع
لساع .. ولذته أنكضت
أهجس على الكصايب شمع
وردود أكلك .. يمته؟؟
أشكد رازقي
ونيمته
أملني يسمر بيك
كل عمري أنكضه وأملته
حنه خيالك بالحلم
خايف يجي وأمنته
***********كل لحظة من هذا العمر
وعت حسافه بكلبي
يا أول الريحان يلعطيت
نويه بدروبي
ي آخر سوجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفاف المهر
قندون ... ما ضايك شكر
يا حلو يا بوسة سهر ...
يا ترف يا ييزي قهر
شيضرك .. بكل شته الولهان
لو صحوة مطر؟
والشته كله تعده
والكيظ هم أتعده
شجاب العشك؟ وأشوده؟
لا بالحطة رف ضوه ...
لا خط أجانه من البعد
لا ريل مر على السده
**********
ولساع ... مشدوده شبكتك
عل الخصر
والركبه من تلتاف للبوسه
جسر
بس أنت تدري شون رصعة بالنحر
والشته شايل شليله
من يمنه وعبر
واسألته يا شته العشاك
ما عندك خبر
لك يا شته العشاك ما عندك خبر؟
والكي أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
افضل من غنه للنواب هو رياض الله يرحمهم جميعا
نعم صح رياض احمد جسد القصائد مضفر للواب
@@user-jf9wj1gl8x احلى صوت
صوت الاهوار الجنوب يحمله المرحوم رياض احمد
لا تنسى ابو مازن ياس خضر
الله واكبر على الحزن العراقي الف رحمه على روحك رياض احمد
الله يرحمك يا ملك الشجن
الله يرحم شاعرنا الكبير مظفر النواب والفنان رياض احمد
اعظم صوت عربي على الاطلاق في التاريخ
الله يرحمه رياض احمد جسد شعر مضفر للواب
الله يرحمه رياض احمد
الله واكبر
الله يرحمهم
ملوحة الجنوب
شنو يعني اهجس عالكصايب شمع
هاي عندما تنام وانت في حيره او هم يجيك هاجس من هذا اللي سمعته تحياتي
يحس
الشمع الشيب٠٠و الكصاصيب
الزلوف اي احس بين الشيب
في زلفي ❤❤❤❤❤
هلبت
عسى