10 أسماك خدمية لا غنا عنها في احواض الاسماك
Вставка
- Опубліковано 2 жов 2024
- 10 أسماك خدمية مهم ان تكون عندك في الحوض
كنا بنربي اسماك كتير لكن الاسماك الي هنتكلم عنها النهرده هيا الاسماك المظلومة شوية في احواضنا و قلنا نديها حقها
النهرده هنتكلم عن الاسماك الي ممكن متكونش جميله في الشكل ولكنها مهمة جدا في اي حوض سمك
الاسماك الخدمية هيا اسماك بتربيها في الحوض عندك علشان تساعدك في عمله تنضيف الحوض و الفضاء علي بعض انواع الطحالب و التخلص كمان من بواقي الاكل الي بينزل في القاع و دا بيخلي الحوض نظيف و بيقلل فرصة تعفن الاكل دا و بالتالي ارتفاع نسبة الامونيا المميته للأسماك تعالو نتعرف عليهم و نرتبهم سوا
خلينا كده في الاول نقسم الاسماك الخدمة لاسماك تتربي في الاحواض الشرسة و الاحواض المزروعة و الاحواض المسالم
بالنسبة لأحواض الشرس
سمكة الأيرث ايتر بكل انواعها و اشكالها
الارث ايتر من عائلة السيكليد الامريكي و هيا أسم علي مسمي فعلا هي طول اليوم مبتعملش اي حاجة غير نها بتقلب في الجرش و بتدور علي بواقي الاكل الي واقع فيه و دي حاجة كويسة جدا علشان تحافظ دايما علي ان الجرش مفيهوش اي بواقي اكل و بالتالي متعفنش و تعلي المونيا
الكلاون لوتش
الكلاون لوتش بس الاحجام الكبيره منها بتتغدي برضوا علي بواقي الكل الموجود في الحوض و الديدان الي ممكن تظهر عندك في الحوض زي البلناريا و خلافه و كمان القواقع ان وجدت في احواض الشرس مع اني مشفتش حد بربي شرس قبل كده و اشتكي من القواقع
الفاير ايل و عائلة الايل عموما
سمكة خجوله جدا علطول دافنه نفسها في الجرش و بين الاخشاب و الصخور و بتتغدي علي بواقي الاكل و الديدان الموجوده في الحوض
الريد تيل كات فيش
مع تحفظي علي تربيه الريد تيل كات فيش في الاحواض لأنها تعتبر سمكة بلاعة بتاكل اي حاجة تيجي علي مقاس بقها او اكبر كمان لكنها تعتبر من الاسماك الخدمية الي بتتغدي من بس علي بواقي الاكل الغاطس لا كمان بتتغذي علي الاسماك الميته في الحوض
و اخيرا الجميله البليكوستوماس
البليكو ستوماس هيا السمكة الي فعلا بيكون علي عاتقها شغل كتير في الحوض لأنها هيا الي بتنضف الحوض دايما من الطحالب الي علي الازاز لبواقي الاكل للسمك الميت و دايما هتلاقيها شغاله تنضيف و في منها اشكال و الوان كتير زي الالبينو و السود و المنقط بس طبعا بنراعي الحجم الاحواض الشرسة بنختار الحجم الكبير و الي بيكبر بستمرار
لأن في بعض الانواع مبتكبرش عن ال 7-10 سم و دي اكيد مش مناسبة للأحواض الشرس
دا بالنسبة لاحواض الشرس
بالنسبة للأحواض المسالم و المزروعة تحديدا و دي اكتر احواض بتحتاج لأسماك خدميه علشان تنضف الحوض مش بس من بواقي الاكل و الديدان لا علشان كمان الطحالب عدو الاحواض المزروعة الاول
و نيجي هنا لمجموعة الاسماك دي
اولا الكولي لوتش و عائلة اللوتش عموما
أسماك حجمها صغير و بتختلف في الشكل ولكنها اكلات قواقع و ديدان من الدرجة الاولي و انا بحب الكولي لوتش لأنها فعلا بتقلب كمان التربه و حجمها صغير و رفيع فتقدر تدخل للأماكن الديقة بين الصخور و الاخشاب علشان تنضفها كويس
الكوريدوراس كات فيش
الكات فيش الصغيره بأنواعها كمان اسماك مسالمة و بتتغدي علي بواقي الاكل في القاع و كمان بتتغدي علي اي سمكة ممكن تموت في الحوض بدل ما تتحلل و تعفن في الحوض و دا بيعلي نسبة الامونيا و السموم عموما في المياه
القواقع
القواقع اكلات طحالب من الدرجة الأولي و امنه تماما علي الزرع و الجمبري و الاسماك
-عندك حوض مزروع املي الحوض قواقع و مش هتشتكي من الطحالب حرفيا مشكلتها انها بطيئة لحد ما بس هيا فعلا بتنضف الطحالب من علي الاوراق و الازاز بشكل كويس جدا
بس خد بالك بقي و انت بتربي القواقع من اللوتشز علشان متاكلهاش
البرستيل نوز
البريتيل نوز مميزه جدا و جميله في ان حجمها مش بيكبر للاحجام الكبيره بتاعة البليكو و بتاكل الطحالب و بواقي الاكل و النباتات الميته و السمك الميت و بتنضف كمان الازاز من الطحالب بشك كويس
الاوتو
من اكلات الطحالب العظيمة جدا طبعا و مبتاكلش الاوراق او اي طبقة منها
السياميز اليجا ايتر
من اسمها فهي اكله طحالب ممتازة و انا مربيها عندي في الحوض و قايمة بدورها كويس جدا
و ناخد بالنا لأن بيحصل خلط بين السياميز اليجا ايتر و الشاينيز اليجا ايتر الاتنين متشابهين لكن الشاينيز بتكبر و بتاكل النباتات نفسها لكان و هيا صغيره بتكون مناسبه للنباتات فخدوا بالكم
و اخيرا عملاق الطحالب
الامانو شريمب
الامانو شريمب شكله مش حلو لانه شفاف و حجمة كبير و بينط من الحوض بس هو عظيم في اكل الطحالب بكل انواعها الطحالب البني و الشعر و كل الانواع الي مبيقدرش عليه اي نوع من الانواع الي فاتت دي الامانو شريمب بيقدر عليه
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع
هل الأسماك دي تهاجم الجمبري او الجمبري يهاجم السمك اللي بينظف الحوض عشان عايز اعمل مشروع في المنزل تربية الجمبري والبيع في السوق
بارك الله فيك موضوع جميل وفيه فائدة كبيرة تحياتي لحضرتك من العراق
فديو جميل ومفيد وفيه معلومات اول مره اسمعها
فيديو رائع وجميل .. تسلم الايادى ....
يا استاذنا الحبيب انا عندي اسماك اللول تشيز بس تحط ثاني وان شاء الله عوديها الحوض الرئيسي وانا مربى قوقع معها اول مره اعرف المعلومه دي على النوت سيز اللي هي القبل سنين القواقع😊
معلومات رائعه ،، ربنا ينور طريقك
الله ينور معلومات مفيده جزاك الله خير
شكراً لمعلوماتك القيمة
مابتاكلش بيض السمك
سمك الكولي لوتش هل تأكل الطحالب؟
لا بتتغذي على بواقي الاكل
@@samakxmaya طيب فيني اخذ له اكل خاص وايش نوعه
أي أكل غاطس يكون بينزل في قاع الحوض
تسلم ايدك بس سمكه البلاك استومس بتتغذاء ع اي
خضروات زي الكوسة و الخيار أو بواقي الاكل الي بتبقي من الاسماك
الكولي لوتش تنفع مع الاوسكار؟؟
اخوي حابب اسألك سمك الجوبي يعيش مع باقي الأسماك المسالمة أو لا
يا اخي حسن الصوت
استاذ اسامه عندى حوض اوسكار بس مقاسهم عقله وعقلتين عاوزه سمكه خدمى للارضيه مع البليكو حطيت كوردورس مضرع لقيتهم بيجرو وراهم خفت شلتهم فى حاجه تنفع بس متكونش غاليه
الاستوماس هي أحسن حاجة مع الاوسكار ممكن تجيبي ٢ مثلا بس متزوديش علشان لو الاستوماس جاعت هتجري ورا الاوسكار و تمص جسمهم
@@samakxmaya انا حطه وحده يجى ١٥سم هى مش اذياهم بس اكتر الوقت مستخبيه فقولت اشوف حاجه تساعد ان ميبقاش فى بواقى
انا عندي سمكة فايتر ايش تنصحني بسمكة تنضيف معه
بليكوستوماس
سمكه اللوتش دي ما بتكلش بيض السمك
على حسب نوع السمك
الصوت منخفض جدا
هغير المايك إن شاء الله الفيديو الجاي
معقول الفيديو من يومين ولسه شايفه دلوقتي... وحشتنا يا متميز
طب كنت فرجتنا ع الحوض طب 😂😂💔
الحلقة الجاية هعمل جولة على الاحواض عندي 😉
الجمبرى ينفع مع الجولد والجوبى
وبردو مع عائلة البارب وعائلة السيكليد ولا لا ؟؟؟
ينفع لكن زريعة الجمبري هتتاكل
@@samakxmaya لكن هو ميكلش او يعض الجوبى ؟؟
كنت لسا بعمل سيرش علي اكلات للطحالب❤❤ تسلم يا استاذ اسامة❤
حلو اوي يا استاذ عايزين حلقه مع. استاذ
احمد عن تفريخ الفايتر😍😍
والله لازم فعلا أتصرف واعملها بأي شكل لأن الحظر مخلينا مش عارفين نتقابل
أنا بحب حضرتك وياريت لو تدعمونى فى القناة بعد ازن حضرتك
لو سمحت ممكن السمك يأكل ايه من اكل البيت ... جولد وكوي .. شكرا
عندى باندا و كورى و شريمب والجى ايتر
بس المشكله فى الكورى والبندا بيحفروا فى الارضيه لحد مايطلعوا الزرع من مكانه
يبقي اكيد سمك التربة عندك قليل حاول تزود سمك التربه او تستغني عن الكات فيش او انك تغرس النباتات بشكل اعمق
❤️❤️❤️❤️
فيديو جميل ❤️❤️❤️❤️❤️
السلام عليكم
عندي سمك تايكر بارب منو من الاسماك اليتوافق معاه في الحوض
كل عائلة البارب الشيري و الجولد و الريد و الجرين عائلة البارب كبيرة و ممكن تشكل منها براحتك
👍 جميل
تسلم ايدك معلومات مفيده
بس انت محتاج ميكروفون كويس
هغيره إن شاء الله المرة الجاية
@@samakxmaya
ربنا يوفقك إن شاء الله
ايرث ايتر مع اوسكار ١٧ سم ؟
اها ينفع
بالنسبه للرويال فيرويلا
الريال فرويلا أكله طحالب برضوا و كويسة بس زي البريستل نوز كده كسولة شوية
@@samakxmaya امنه علي الجمبري
مجربتش اربيها مع الجمبري بس اعتقد حتى لو أمنه على الجمبري مش هتكون امنة على الزريعة بتاعة الجمبري
البليكو من اكتر السمك ليها مخلفات كتير جداجدا
بالظبط فعلا هي مخلفاتها كتير ثاني آكتر سمكة بعد الجولد الفيش 😅