انواع فلاتر أسماك الزينة بشكل بسيط
Вставка
- Опубліковано 13 жов 2024
- انواع فلاتر اسماك الزينة
مفيش حوض سمك ينفع يتعمل بدون فلتره لو الفلتره عندك مش مظبوطة دا هيئدي لأن الاسماك عندك هتعيا و تموت و دا غير ان شكل الميه هيبقي سيئ جدا
علشان كده بنستعمل فلاتر بأشكال مختلفة و ممكن يبقي في كذا نوع فلترة في الحوض
النهرده هنشرح بالتفصيل كل انواع الفلاتر الي ممكن تستعملها و نعمل بينهم كمان مقارنة
أنا أسامة و دا سمك في ميه
انواع الفلاتر
بيتم تحديد نوع الفلتر المناسب للحوض عندك علي حسب حجم الحوض و نوع السمك الي بتربيه و كميه الاكل الي بتأكلها للسمك
و في 3 انواع للفلترة
1- الفلترة الميكانيكية و دي الي بتعتمد علي سحب فضالات الاسماك .
2- الفلترة البولوجيه : و دي بتعتمد علي البكتريا النافعة و عمل مستعمرات كبيره ليها علشان تخلي الدورة البيولوجيه في الحوض سليمة و عليه تحول الامونيا و النيتريت لنترات او بمعني ابسط تحول المواض الضارة في الميه لمواد نافعة
3- الفلترة الكيميائية : و دي بتعتمد علي مواد وضع عناصر ميديا كميائية لسحب الروائح و بعض العناصر زي الفحم
و في كل الحالات الفلترة طريقتها واحده سحب المية و مروها علي الفلترة و بعد كده ترجع تاني للحوض نضيفة
اما بالنسبة للأنواع فهما كالتالي
اول حاجة و افضل حاجة هو الفلتر الخارجي او الكانستر فلتر :
عيوبه ارتفاع السعر - كبر الحجم بالمقارنة بالفلاتر الاخري
مميزاته : بيجمع بين كل اشكال الفلترة - ملوش صوت خالص - درجة الفلترة بتاعته عاليه جدا - الفضلات بتكون خارج الحوض فدا بيدي وقت اكبر لتنضيفة - وبيوضع خارج الحوض و دا بيدي شكل جمالي اكبر
لو عايز تعرف الفلتر المناسب للحوض بتاعك بتحسب عدد اللترات و تضربه في 3 و دا اقل عدد مرات فلترة للحوض عرفت تجيب اعلي يبقي ممتاز
ثاني حاجة معانا هو الفلتر الاسفنجي او السفنجة
عيوبه - هو فلترة بيولوجيه فقط مبيقدرش يسحب الفضالات الثقيله و مناسب اكتر لأحواض التفريخ او الفايتر- بيوضع بالكامل داخل الحوض - بيحتاج ماتور هواء علشان يشتغل و دا طبعا معناه ان هيبقي في صوت عالي- بيحتاج تنضيف بأستمرار علشان بيجمع الفضلات حوليه
مميزاته : رخيص جدا - بيستعمل في كل احواض التفريخ - فلتر بيولوجي من الدرجة الاولي - في منه اشكال و احجام تناسب كل الاحواض
ثالث نوع معانا و هو الفلتر البور هيد او الفلتر الداخلي:
عيوبه: بيحتاج لتنضيف أسبوعي مع تغيير المياه للحوض - الفضالات بتكون جوا الحوض - بيغمل بالكامل داخل الحوض و دا بيئثر علي الشكل الجمالي للحوض و لو الميه قلت ممكن دا يعرض الماتور الخاص بيه لانه يتحرق و يبوظ.
مميزاته: من اكتر الفلاتر المنتشره في المحلات مش هتلاقي محل مبيبعوش - الفئة السعريه متوسطه - بيشتغل فلتر بويولوجي و ميكانيكال و بعضها بينفع كمان يكون كميائي - صوته متوسط -او معدوم الصوت لو موصلتش خرطوم الهواء الي بيجي معاه - في منه احجام مختلفة- بيعمل تقليب مستمر لمياه الحوض
لمعرفة الفلتر المناسب لحجم الحوض بتضرب عدد اللترات في 10
رابعا الفلتر المعلق او الهانج :
عيوبه : ضعيف الفلترة بالنسبة للاحواض الكبيره - بعض الانواع بتحتاج تحضير و دا بيعمل مشكله لو الكهرباء قطعت عنه -
مميزاته : فلتر بيشمل الثلاث انواع للفلتره - بيتعلق في ظهر الحوض فدا بيدي شكل جمالي للحوض و بيعمل شلال جميل علي سطح الميه - ملوش صوت غالبا- في منه احجام مختلفه و مناسب جدا للاحوض الصغيره و المتوسطه المزروعه.
خامسا الفلتر الارضي :
هو اقل انواع الفلاتر قوه و بيوضع تحت الجرش علشان يقوم بسحب الفضالات تحت و بعد كده بتقوم اسماك القاع بأكل بواقي الاكل و لكن المشكله بتكون في الفضالات الي بتفضل موجوده في القاع و بتحتاج انك تشيلها بمكنسة الجرش مع تغيير المياه و بيحتاج لماترو هواء علشان يشتغل يعني دوشة
بس سعره رخيص و مفيد جدا للاحواض المزروعه علشان بيوفر تهويه جيده للتربه
سادسا و اخيرا الفلتر السامب:
السامب هو يعتبر افضل انواع الفلاتر و خصوصا للاحواض الكبيرة و العملاقة نظرا لان الفلتر دا هو عباره عن حوض تاني لكن مقسم لغرف بيتحط فيها المديا و الاسفنج و ليه اشكال مختفه ممكن يكون جزء من الحوض او مستقل و بيشاغل بنفس فكرة الغرف و بيحتاج مضخة لسحب المياه و اعادتها مره تاني للحوض ميزته انه ارخص بكتير من الفلتر الخارجي و تقدر تعمله بالمساحة الي تناسب حوضك
و بكده نكون خلصنا كل انواع الفلاتر
طيب انهي واحد فيهم الاحسن
دا سؤال مهم بس زي م اقلنا علي حسب نوع السمك يعني لو الاسماك كبيره و فضلاتها صلبه زي الاسماك الشرسة فدا محتاج فلتر قوي زي الخارجي و السامب و البور هيد علشان يقدر يشفط الفضالات دي
لكن لو حوض تفريخ هيكون الفلتر السفنج كافي علشان مبيعملش تيار في المياه و دا مش بيرهق السمك في السباحة
ولو بتربي زرع فالفلتر المعلق هو الافضل مع الفلتر الارضي او البور هيد و نراعي طباعا زي ما قلنا عدد مرات الفلترة
لو عندكم اي اسئلة يا ريت تسبيوهالي في التعليقات او تبعتوها علي صفحة الفيس بوك بشكركم جدا انتكم تابعتو الفيديو لحد الاخر
و متنساش الدعم باللايك و الشير و السب سكرايب
و انا اسامة و دا سمك في ميه سلاااااااااااام
متنسوش تتابعوانا علي صفحة الفيس بوك
/ samakxmaya
و شير لكل أصدقائكم لتصل المعلومة للجميع
احسن شرح للفلاتر ⚘️⚘️⚘️👍
شكرا شرح وافي وممتع الله يباركلك🤍
أحسن مراجعة شوفتها علي اليوتيوب ..🥰
فيديو ممتاز جدا عايزين فيديو عن تنظيف الحوض ال معايا لايك؟
عنيا حاضر هعمل فيديو عن تنظيف الاحواض
انت شخص محترم جدا❤
شرح في قمة الرووووعة ومشيق جداً ❤️
اشكرك ❤
عندي. حوض ٨٠ ×٤٠ ولعمق ٣٠
خليت فلتر rs702 واصبح الدفع بتاع الفلتر قوي هل يضر السمك ام لا
ربنا يوفقك ياباشمهندس بارك الله فيك دايمابنستمتع بالحلقة
لو سمحت عندي فلتر باور هيد ومعاه جزء بلاستيك صغير من الجنب زي الغطا دا بغطي بيه واقفل الفاتحه ولا لا ارجو الرد
لو في فتحتي في الفلتر بتقفل وآحده و تسيب الثانيه
الله يبارك في عملك
شكران الك على هاي لمعلومات
شكرا أخي الفاضل متابعك مغربي مقيم في بلجيكا تحياتي
ا اسامة انا عندى حوض افريقى 120 لتر تقريبا حاطط فى فلتر اسفنجى وسكرية بطول الحوض وعدد 2 فلتر باورهيد 2500لتر ساعة لكل واحد وحاطط فية فايبر وسفنج وفلتر مينى كانستر دوفين 410 لتر ساعة كدة تمام ولا اية
الله يسعدك ماقصرت. 🌹
ايش أفضل سمك زينه مسالم لا يأكل العشب النباتات
عائلة التيترا بأنواعها الصغيرة
الزيبرا دنيو
الرامريزي
الجابي
كان نفسي تتكلم علي الفلتر التوب
معلومات رووووعة بارك الله فيك
ما طريقة حساب عدد اللترات للفلتره بالنسبة لفلتر الشلال
عدد اللترات x ١٠
السلام عليكم شكرا على الشرح الجميل
اني عندي سامب وفلتر اسفنجي وميكانيكي ومستعمل رمل ابيض ولكن مشكله بقاء الفضلات في اسفل الحوض واني استعمل سمك اوسكار ما الحل وشكرا
الفلتر السامب ممتاز جدا بالنسبة للفضالات الي في القلع بتستعمل مكنسة الجرش أو الخرطوم في سحب المخلفات الي في قاع الحوض
شكرا على هذه المعلومات
تحية لك من وادي الرافدين
سؤالي هو هل ينفع استخدام فلتر إنتاج ماء ( أرو ) الثلاثي بشكل مضاعف ( ستة قطع بدل الثلاثة ) ؟
ممكن طبعا المياه الفلترة بتكون جيده جدا للاسماك
مساء الخير .. ناوي اشتري حوض سمك مصري معمول ع الايد ٥٠ سم و تنصحني اجيب سمك ايه للزينه فقط، ف تنصحني ب انهي فلتر فيهم؟
علي حسب نوع الاسماك الي هتربيها بس الافضل الفلتر البور هيد
استاذ ماشاء الله ❤️
رجاءا أستاذ أسامة ترد على سؤالي
تحية طيبة لك اخي لدي دورق حجم ٢٠ لتر اي فلتر تنصحني استخدمة وللعلم الدورق فية فايتر ونبات طبيعي
فلتر أسفنجي او معلق
لو سمحت لو حوض سمك مقاس ٥٠ في ٢٥ اكتفي بفلتر باور هيد كوبايه واحده ولا ازود معاه فلتر سفنجي صغير بحيث يحافظ عالبكتيريا ؟
لا زود عليه فلتر سفنج
لو سمحت اخوي اسامة: عندي فلتر باور هيد فيه اسفنجتين و مكان خاص للسراميك بقوة18w ممتاز؟ انواع السمك الي بالحوض قولدن فيش و كوي فيش و سمكة الزبال
كام مساحة الحوض؟
@@samakxmaya ٧٥ لتر و العرض ٥٨سم.
@@samakxmaya و درجة حراره الماء ٢٤
الفلتر مناسب جدا لحجم الحوض لا تقلق
لو ممكن احسن اختيار لماركات شركات الفلاتر؟
اي ماركة ماعدا ال RS
سلام هل أستطيع فلترة حوض سمك أوسكار...بي فلتر الشلال. هل يكفي
لا للأسف محتاج فلترة قوية ٢ بور هيد أو بور هيد مع الشلال أو فلتر خارجي
ما هو رأيك .. بالفلتر الكانستر عمل يدوي من المواصيل او المزراب وضع فيه السيراميك والميديا والسفنج والديباج .. مع العلم طوله ٢٥ سم ومضخت ماء المكيف الصحراوي
في طرق كتير لعمل فلتر كانستر موجوده على اليوتيوب و طالما بيأدي الفترة بشكل سليم يبقى ممتاز جدا تسلم أيدك
من فضلك هل ممكن الاستغناء عن الموتورفي وجود فلتر الباورهيد مع نزع الخرطوم البلاستيك وأبعاد الحوض 25/35/37وبالحوض اربع سمكات فانتيل مع الشكر
ممكن لكن لازم خرطوم الهواء بتاع البور هيد علشان الفقاعات تعمل تخلخل لسطح الماء
مش فاهمة كيف يعني السفنجة التي في الفلتر الميكانيكي الباور هيد تنغسل في الحوض قصده في حوض السمك نفسه ؟؟مش فاهمة طب أنا اليوم غسلت السفنجة بماء بارد من الحنفية هل كده خطأ؟؟
الفكرة في الغسيل من المياه الموجود في الحوض إنها بتكون مياه منزوعة الكلور و فيها بكتريا كمان لكن ميه الحنفيه فيها كلور و الكلور هيموت البكتريا النافع الموجوده في الاسفنجة
@@samakxmaya كل الإحترام لحضرتك أستاذ أسامة كم أنت متواضع ومحترم
شكرا اسامه 👍👍
شكرا على الحلقة
فيه الفلتر اللي مع الأحواض المستوردة اللي بيسحب المياه ويرميها على حجرة علوية فيها ميديا، مش عارف ده يعتبر سامب برضه ولا ده تصنيف لوحده؟
يعتبر فلتر سقفي وفعلا نسيت أتكلم عنه هو فلتر ممتاز و ممكن تحط فيه ميديا و يبقي سامب
عندي فلتر كبايه تعطل مااساب تعطيل هل عمري إفتراضي
ممكن عمر افتراضي للأسف المنتجات الصينية عمرها الافتراضي قليل
بحط الفتلتر الاسفنجي بيطفو علي الحوض مش بينزل
اعصر السفنج جوا المية علشان تتشرب و تغطس
عندي ستة أحواض زينة في البيت
هل ممكن أنقل الفلتر على الاحواض بشكل دوري اي لكل حوض مثلاً ساعتان في اليوم ..وبقية ساعات اليوم تكون من حصة الحوض الكبير ؟
لا للأسف لازم لكل حوض فلتر مستقر لفلترة المياه دائما ٢٤ ساعة في اليوم
ممكن فيديو عن تفريخ الاستكوزه
هعمل جزء تآني قريب بإذن الله عن الستاكوزا
طيب ايه احسن فلتر لحوض 1000 لتر
سامب فقط هو أحسن و أوفر
ممكن سوال لو سمحت؟ ممكن احط قطن طبي ف الفلتر اللي موجود ف الحوض من فوق لزياده الفتلتره
لا مينفعش لأن مسامه ديقة و بيعفن
حوض ٦٠ فيه فانتيل فلتر توب المعلق ١٠٠٠ لتر ف الساعه مناسب ولا لا
مناسب لو عدد الاسماك مش كتير
بينفع نحط بورهيد ٤٠٠ لبلورة كبيرة فيها جولد فيش
مش هينفع هيعمل دوامة في البلورة و يموت السمك
يعني لو سمحت لو الفلتر بيحرك المياه بقدر استغني عن السكريه؟؟
ممكن طبعا
@@samakxmaya اشكرك
هل يتم تغيير الميديا للفلتر بعد مرور فتره من الزمن؟ وكم هي الفتره؟ وماذا افعل بالميديا القديمه ارميها او اعيد تدويرها؟
المديد اقصي مده ليها سنة بعد كده بتترمي لأن مبيكونش ليها فائدة بالعكس بتكون مضرة
يابرنس ايش احسن فلتر السمك جولدن فيش في حوض 120 لترر
فلتر خارجي بس غالي حوالي ١٧٠٠ جنيه
لو حوض 50 سم فيه السمك الولود ينفع معاه الفلتر الباور هيد بكام اسفينجة ؟
مش بعدد السفنجات بعدد اللترات في الساعة أو الوات من أول ١٥ وات انت تمام لحد ٢٠
سلام سيد اسامه
عندي حوض 50 سم *20 سم و يوجد به مجموعه مختلفه من الاسماك و يوجد به فلتر اسفنج هيد باور
للاسف كل فتره تموت سمكه
سالت البائع قالي من الميه معش تغير الميه و نظف الفلتر كل يوم
و عملت مثل ما قال و للاسف بعد اسبوع مات كل السمك
ما عرفت الخطأ فين
شفت حلقة الفلتر من حضرتكم و حسيت انه جزء كبير من الخطأ كان من الفلتر يمكن
و يمكن من عدم تغيير المياه
مزلت حابب اجيب سمك و زرع بس خايف من التجربه السيئه يلي عشتها
فبعد إذنك لو تفيدني بنصيحه من حضرتكم
هل اي فلتر من الزي زكرته ينفع للسلاحف المائيه ارجو الرد
لا الفلاتر دي لاسماك في فلتر تآني أنا عاملة مراجعة ماركة صن صن مخصص السلاحف هتلاقيه في القناة
@@samakxmaya مش لاقيه
مراجعة فلتر sunsun internal filter hn-011 الخاص بالاسماك و الترس
فلتر التوب ممكن راى حضرتك
هتلاقي في مراجعات لفلاتر توب ممكن تعرف رأيي فيها و كل حاجة عنخا
السلام عليكم.. فيديوهاتك ممتازة. ؛ سؤال.. هل في حد في القاهرة بيصلح مروحة بتاعة فلتر خارجي ١٣٠٠ لتر... لو تعرف حد لو ممكن تليفونه و عنوانه
في حد في المرج بيصلح الفلاتر أستاذ علي بيرم +01000517833
@@samakxmaya الف شكر لرد حضرتك السريع
@@samakxmaya بس بتصل بيقول الرغم غير موجود بالخدمة.. لو فيه رقم تآني أو عنوانه
الرقم غير موجود بالخدمة
ابعتلي على رسائل الصفحة و هبعتلك لينك الصفحة بتاعته
عاش
ممتاز
عندى فيلتر زى اللى فى الصوره بتاعت الفيديو بالظبط ومش. بينظف خالص اعمل اى هو الحوض تقريبا ٨٠لتر ومرابى فيه جولد فيش ٤سمكات بس
محتاج تغير نص الميه بمية مركونه كل اسبوع هيشتغل تمام و تنظفه طبعا و تغسل السفنج كل اسبوع
السلام عليكم أفضل فلتر لحوض الوسكار ماهو
المفروض بعد الحلقة دي تكون عرفت تحدد على حسب حجم حوضك وامكانياتك المادية
استمر شرحك حلو بس ابقى اشرح و الحاجة معاك بجانب الصور
إن شاء الله هاخد بنصيحتك و شكرا على التعليق ❤️
طب انا الفلتر بتاعي هانج 1200 ليتر في الساعة و حوضي 60 ليتر كده هيفلتره 20 مره في الساعة كده كويس ولا ايه
كويس طبعا
هو ممكن الفلتر يغنينا عن مضخة الهواء /لأنه بيمزج الماء النازل للحوض مع الهواء
بالظبط طالما يتم خلخلة سطح الماء يبقي تمام
اسامة الملك🖒🖒
حبيبي ربنا يخليك أنا راجل غلبان 😅 أنا الأسطورة بس 🤣🤣
@@samakxmaya.
نمبر 1😉🖒🖒
هوا الفلتر الميكانيكل ال هوا البور هبد ممكن يشتغل بيولوجى و ميكانيكل
ينفع طبعا حط ميديا في الكبايات
قصدك احط كم لحمه في الحوض في الفلتره الكيمياءيه
لحمة ؟؟ أنا مقلتش لحمة الفلترة الكيميائية دي زي الفحم أو الزللويد
قصدي فحمه
الفحم المخصص لاحواض اسماك الزينة غير الفحم العادي المستخدم في الشوي
انواع الارضيات والاسعار ومكان البيع
موجود عند اغلب المحلات الكبيرة المتخصصة في اسماك الزينة
هل الاضاءه لازم تكون شغاله على طول داخل حوض الاسماك
لا ٦ ساعات ل ٨ ساعات بالكتير في اليوم علشان ميتكونش طحالب ضارة
أستاذي الكريم ينفع أحط فخر محل سراميك رينغ
ممكن تحط الفخار بس أتأكد إنه فخار نقي غير مخلوط
طب ازاي الفلتر السفنج يكفي لحوض فايتر مش المياة هتبقي متعقرة و الفضلات الصلبة ازاي هاتتنضف ولا مع تغير المياة؟
حوض الفايتر غالبا بيكون فضلاته بسيطه و مش صلبه و حتى لو في فضلات صلبه هتتسحب مع التغيير الدوري للمياه
انا عملت حوض 90×38×45 وجبت فلتر هانج اكوا سبيد من اسلام يس بـ 320ج وكنت عايز اربى افريقى وكنت ناوى احط فلترين سفنج فى كل ركن كده هينفع ولا بلح؟ انا كنت عايز اعمل سامب بس بصراحة معرفش هل فى حد بيعمله جاهز بالبامب؟ وهل لو جبت فلتر تانى معلق الصينى ابو 200 وشغلت الاتنين مع بعض ممكن يظبط؟
الفلترة الي انت قلت عليها كويسة مش محتاج تزود عن كده و بالنسبة لل سامب اسلام اعتقد عنده سامب جاهز بس هل إنت الحوض عندك مجهز إن يركب فيه سامب ؟
@@samakxmaya لا بصراحة أنا هجيب الفلتر التانى اللى حضرتك عرضته ابو ٢٠٠ج بتاع اسلام واشغل الاتنين مع بعض، سؤال بقى إيه افضل ميديا موجوده وهل هى احسن من كسر الفخار؟
@@MahmoudAhmed-nh5hg حلقات السيراميك هيا الافضل
مشكور على معلوماتك استاذ اسامة
عندي سؤال والرجاء الاجابة عليا بحكم خبرتك في الاوسكار يا استاذ هل يتم زيادة ملح الخشن لماء حوض سمك الاوسكار ولا لا
في الوضع الطبيعي اي الزيادة الي تتعمل لكل 20 لتر ملعقة طعام لتخفيف الماء للسباحة والتعقيم الي سمعنا عليهاا على مايفعله الملح يعني
الرجاء الرد او مشكور استمر في معلوماتك الجميلة
بص أنا بستعمل الملح فقط في حالة العلاج غير كده الاوسكار بيحب الماء العسير فلو مفيش أمراض مينصحش باستعماله
@@samakxmaya بارك الله فيك استاذ اسامة استمر موفق او ربي يحفظك يامحترم
ممكن اسعار الميديا
ممكن تسأل عليها اسلام يس أو الحج محمد حلمي متوفرة عندهم
@@samakxmaya شكرا
بس معلومه فيه احواض بتبقى ملهاش فلاتر بس بتبقى فيه نباتات كتير علشان الامونيا و بيبقى تغير دورى للمياه و الحوض بيبقى حلو هادى
مفيش حوض ينفع من غير فلتر لو هتعتمد على النباتات و تغيير الميه دا معناه إنك هتغير ميه كل يوم ولا يومين بالكتير و لازم حوض فيه دورة بيولوجيه سليمة جدا الموضوع محتاج حد محترف آوي علشان يعمل دا
samakxmaya سمك في مية تمام بس انا عامل حوض ٨٠سم و بقاله سنه شغال و الدوره البيولوجية فيه تمام والحوض مستقر جدا و فصلت كل حاجه بعدها بسنه و حاطط فيه خمس حتت دوارف جرامى و عامله زرع كتير كامومبا و وانوبيي فلسناريا و الحوض بقاله شهرين و شغال عادى و بالعكس جميل جدا فا ياريت لو انا غلطان تقولى اعمل ايه فى الحوض دا
@@mostar2660 بص الحوض مساحته كبيره بالنسبة لخمس سمكات دوراف جرامي فالموضوع هبقي مستقر عندك متقلقش انت كده في الامان بس ظبط الاضائة و تغيير الميه
ولو حابب ان الموضوع دا يبقي انجح و انجح هات فلتر معلق و ركبيه و تعالي بعد اسبوع بص علي الفايبر بتاعه هتلاقي فيه فضالات دا هيوفر عليك كمان تغيير الميه ممكن كل اسبوعين تغير ميه
samakxmaya سمك في مية حبيبى تسلم و شكراً على المعلومه
ممكن تشيل الاستكاوز الي علي المكتب
ليه ؟🤔
@@samakxmaya وخده تركيز في مشاهدة
فلتر مياه الشرب 3 مراحل ينفع
ينفع بس هتغير شمعاته كل اسبوع تقريبا إنت ممكن تستعمل الفلتر ٣ مراحل في تغيير الميه أفضل علشان فيه مزيل الكلور من المياه
فينك يا هندسة
سعر الفلتر البيولجي يتراوح من كام إلي كام
الفلتر البيولوجي مش غالي خالص من أول ٢٥ جنيه و انت طالع و ممكن تعمله بنفسك في البيت أنا عامل فيديو إزاي تعمله و مش هيكلفك ٥ جنيه
الفديو رائع بجد ....عاااش
بس في مشكله ونبي حلهالي كنت جايب سمكه اوسكار صغيره وحططها مع جولد فيش وكوي اكبر منها بس مش اوي قعدت اربع ايام كويس جدا وجه فيوم مسكوها ضربوها وذيلها اتقطع وفصلتها عنهم وكل يوم ديلها بيتاكل لغايه دلوقتي تقريبا معتش فيه ديل وبتاكل صدور فراخ اكتر حاجه بتحبها وكنت حاططها بحيث تاكل الاوسكار الجولد فيش اعمل ايه علشان ديلها يطلع تاني ﻻن ديه اول سمكه اوسكار ومش عاوز اتعقد منهم...وشكرا لو قرات الرساله لغايه هنا
أولا لازم تظهر مكان للإصابة ببيتاجين مخفف علي قطنة علشان تطهر الجرح و تغيير دوري للمياه كل ٣ أيام ربع الحوض و حط مثلين بلو في الحوض بمعدل نقطة لكل ١٠ لتر
@@samakxmaya شكرا جدا لحضرتك وهل هضرتك قصدك بتادين واطهرها ازاي اطلع السمكه برا الميه واطهر بسرعه وارجعها وﻻ ايه.....واسف علي ازعاجك وطول الكﻻم
انا في ثانوية عامة و انت كل شوية تنزل فيديو ببقي عايز اقولك
حرام عليكي يا مدام نانا بصوت احمد مكي
😅😂ربنا معاك أنا بنزل حلقة كل اسبوع تقريبا أتفرج عليها وقت الفراغ بقي أو يوم الاجازة ،
السلام عليكم
اشكرك على الفيديو الرائع ولي سؤال
حاليا انا بعمل حوض 180*60*55 وبعمل فيه سامب جانبي 20 سم له 3 غرف فلترة مقاس كل واحدة 10*20
اولا هل ده كافي للفلترة مع العلم ان الحوض باذن الله سيكون سيكلد افريقي
ثانيا هل السامب الجانبي له صوت مزعج ام لا
ثالثا لقيت موتور 2850 لتر/ساعة يفلتر المياه 5 مرات هل ده حيعمل تيار قوي على السمك
تحياتي واسف للاطالة
٢٠ سم قليل محتاج على الاقل ٦٠ سم أو ممكن تعمل السامب سفلي هيكون أحسن و هتستمتع بحجم الحوض كله بالنسبة الماتور فهو قوي هيعمل تيار قوي ممكن تعمل سبراي بار هيقلل التيار
شكرا لسرعة الرد
بالنسبة للاسبراي بار تمام
ولكن عايز أوضح ان السامب الجانبي كله 60*20
هل ده برضه مش كافي
تحياتي
لا مش كافي لأن لازم يكون ثلث مساحة الحوض
لك جزيل الشكر وكل عام وانتم بخير
اسامةاالفيديو جامد جدا وبصراجة عرفني شوية حاجات حلوة عن الفلاتر
و لو سمحت عندي شوية اسئلة .. عشان لسه داخل جديد في موضوع السمك
انا عندي حوض 40سم حاجة كده علي قدي وفيه فلتر باور هد بس التيار الخارج من الفلتر قوي جدا لو ركبت الاستريم بار علي الفلتر لازم اركب خرطوم الهوا بتاعه ولا مش لازم مع العلم ان معنديش فلتر سفنج
. السؤال التاني ايه السبب اللي يخلي قواقع التنظيف تموت ؟
السؤال الثالث لو درجة حرارة المياه في الحوض عالية اقدر اعمل ايه لتقليل الحرارة ؟
ولو سمحت لو ليك رقم تليفون اقدر اتواصل معاك عليه
اهلا بيك تقدر تتواصل معايا في أي وقت على صفحة الفيس بوك الخاصة بالقناة
بالنسبة الفلتر لو مركب الاسبراي بار مش لازم تركب خرطوم الهواء
الحرارة في مراوح بتتباع من أول ٣٥ جنيه لما فوق على حسب عدد المراوح بتقلل درجة الحرارة من درجتين ل ٣ درجات
قواقع التنظيف ممكن السمك بيأكلوها أو القواقع بتهاجم بعض أو ممكن بسبب ارتفاع الامونيا احيانا
@@samakxmaya تمام الله يباركلك بس اعذر جهلي لو انا مركب الاسبراي بار ومش مركب خرطوم الهوا في الفلتر في ناس قالولي ان الفلتر من غير الخرطوم ببتحول وظيفته لفتر سفنج ومش هيطلع اكسجين عشان السمك هل الكلام ده مظبوط ولا مجرد هبد ....اسف لو طولت عليك وبشكرك جدا علي الرد
لا طالما سطح المياة بيتم خلخلته بأي شكل كان هيتم اذابة الاكسوجين في الماء دا الموضوع بكل بساطة
@@samakxmaya مش ناوي تعملنا حلقة حلوة كدة عن حصان البحر ونجوم البحر والسنيلز
الحاجات دي كلها مالح و أنا مربيتش مالح خالص الصراحة قبل كده بس ممكن أعمل حلقة كاملة عن المالح عند حد بيربيه
❤️👍
صباح الفل
اول لايك😍❤️
عامل ايه
سلام سيد اسامه
عندي حوض 50 سم *20 سم و يوجد به مجموعه مختلفه من الاسماك و يوجد به فلتر اسفنج هيد باور
للاسف كل فتره تموت سمكه
سالت البائع قالي من الميه معش تغير الميه و نظف الفلتر كل يوم
و عملت مثل ما قال و للاسف بعد اسبوع مات كل السمك
ما عرفت الخطأ فين
شفت حلقة الفلتر من حضرتكم و حسيت انه جزء كبير من الخطأ كان من الفلتر يمكن
و يمكن من عدم تغيير المياه
مزلت حابب اجيب سمك و زرع بس خايف من التجربه السيئه يلي عشتها
فبعد إذنك لو تفيدني بنصيحه من حضرتكم