قصة سام مرسي | رحلة الكفاح و تحقيق الحلم
Вставка
- Опубліковано 3 тра 2024
- #سام_مرسي
قصة المصري سام مرسي في الملاعب الانجليزية
مسيرة سام مرسي
سام مرسي يصعد بفريق ايبسويتش تاون الي الدوري الانجليزي
احتفالات جمهور ايبسويتش تاون مع سام مرسي بعد الصعود للدوري الانجليزي
قصة سام مرسي مع ايبسويتش تاون
ملخص لمسات سام مرسي
مهارات و أهداف سام مرسي مع ايبسويتش تاون
---------------------------------------------------------
المصادر :
www.expressandstar.com/news/l...
theglocal.com
www.thesun.co.uk/sport/footba...
www.kingfut.com/wp-content/up...
www.port-vale.co.uk/siteasset...
www.dailystar.co.uk/sport/foo...
www.alamy.com/wolverhampton-w...
www.google.com/search?q=sam+m...
من اب مصري و ام انجليزية في مقاطعة وولفرهامبتون ١٠ سبتمبر ٩١ ، اتولد سامي سيد مكاوي سعيد مرسي و الشهرة سام مرسي
يدا حياته الكروية وهو طفل في مدرسة كريست تشيرش جونيور ، و توماس تيلفورد ،و سرعان مانتقل فين بقي ، بالظبط اكاديمية الوولفز نادي وولفرهامبتون محل نشأته ،وهو في سن السابعة و الفضل يرجع لكريس ايفانز مدير الاكاديمية الشباب في وولفرهامبتون اللي ليه الفضل في تطور أداءه بشكل كبير و تدريبه و هو بيدين له بكل شىء علي الرغم من تسريحه في سن ال ١٦، حيث ان المدرب توني لاسي شاف انه ميستحقش عقد احترافي مع فريق الشباب بالنادي الا ان ده ممنعهوش انه يصبح لاعب محترف و كان مصمم علي اظهار قدراته، عشان يبدا مرحلة احترافية موسم ٢٠٠٨-٢٠٠٩ ينضم لشباب نادي port vale و ينضم للفريق الاول الموسم اللي بعده علي طول و يلعب اول مباراة في ٢٣ فبراير ٢٠١٠ ، لما حل بديل لتومي فريزر الدقيقة ٨٣ امام شيفيلد يونايتد علي ملعب برامال لين ، و عرض عليه عقده الاحترافي الاول كلاعب في الفريق الاول بعد مافاز بجايزة افضل لاعب شاب في النادي في نفس العام
قاد مع الفريق ٣ مواسم متتالية بداية من موسم ٢٠١٠ -٢٠١١ ، و مع الفريق الاول و مع الموسم التحضيري سجل لاعبنا الشاب في مباراتين ودييتين ورا بعض ، اللي خلي مدربه ميكي ادامز سعيد جدا بتطور اداء مرسي و مرسي وعده ان
هيكون له دور اساسي و انه جاهز لاثبات جدارته انه يستحق ثقة المسئولين اللي وضعوها فيه علي المستوي الاحترافي لشاب لسه في ١٩ من عمره ،فعلا سجل هدفه الاول ٢٢ فبراير ٢٠١١ ، امام ستيفنيج ، و قال عنه جيم غانون المدير الفني في الموسم ده ان مرسي لاعب موهوب و بيتمتع بكل المهارات اللي تحتاجها في اي لاعب وسط و فاز بجايزة افضل لاعب شاب في النادي مرة تانية
موسم ورا التاني سام بيكتسب خبرات مع عودة ميكي ادامز في موسم ٢٠١٢ -٢٠١٣ اصبح من الركائز الرئيسية خاصة بعد رحيل زميله انتوني جريفيث و اصبح هو لاعب الوسط الارتكاز اللي مدربه بدا يديله حرية في تسجيل الاهداف خصوصا بعد مافتتح التسجيل في ملعب جلوب ارينا و تحصل علي مكان في فريق الاسبوع في الليج تو ، و كانت بداية لتسجيل المزيد من الاهداف و قدر يشكل ثنائية قوية مع زميله كريس شوكر ، لكن الحال الوردي مبيستمرش كتير ، سام كان وقتها بيعيبه كثرة الحصول علي انذارات منتالية و لسه كان بيوعد مدربه انه يحاول تقليل الانذارات قدر المستطاع الا انه معداش ايام مع اول مباراة في ٦ نوفمبر ٢٠١٢ تعرض لبطاقة حمراء مباشرة بعد ما تدخل علي جيسون كيندي لاعب روشدال و كانت نقطة تحول في المباراة فبعد تقدم فريقه بورت فيل بهدفين استطاع ابخصم انه يسجل هدفين بعد طرد سام و يفقد فريقه نقطتين علي ارضه، مما اثار غضب ميكي آدمز مدربه ، و الواقعة دي مكنتش نقطة تحول في المباراة ، دي كمان نقطة تحول في انهاء سام علاقته بالنادي ، ادامز مديره الفني كان رد فعله قاسي جدا علي سام اللاعب الشاب اللي المفترض انه لسه بيبدا حياته الاحترافيه ، و خطأه ماهو الا مجرد خطا فني في مباراه مايستدعاش انه يغرمه اجر اسبوعين و دي كانت اقصي عقوبة ممكنة و ابعده كمان عن الفريق في ٦ اسابيع منتالية ، مرسي صرح وقتها وقال بالفعل فاتتني العديد من المباريات المهمة و ده يخليك تعيد تقييم لعبتك
،هنا بيظهر الاب الروحي لسام مرسي ، المدرب اللي آمن بيه و بقدراته في مسيرته الكروية كلها
المدرب اللي هيظهر في حياته التدريبية ٣ مرات مع ٣ اندية مختلفة ، افتكر اسمه لاننا هنسمعه تاني ، عامل كده شبه ستيف بروس مع المحمدي ، المدرب ده اسمه بول كوك اللي خده معاه اول مرة لفريق تشيسترفيلد موسم ٢٠١٣ -٢٠١٤
تحديدا في يناير ٢٠١٦ ، وصله عروض كتيرة من ضمنها عقد نادي ويجان اتليتيك ، النادي كان لسه هابط من البريمييرليج و التشامبيونشيب و بيلعب في ليج وان ، لمده موسمين و نص مقابل ٢٠٠ الف استرليني و نسبة ١٠ في المية من اعادة بيع ،فاز في الموسم ده بالبطولة و صعد بيهم للشامبيونشيب
الا انه خرج للاعارة موسم ٢٠١٦ -٢٠١٧
لنادي بارنسلي اللي كان بينافس برضه في الشامبيونشيب ودي كانت خطوة اعلي قي كاريره
مضي عقد جديد مع ويجان لحد ٢٠٢٠ و اترشح لجايزة افضل لاعب في الدوري موسم ١٩-٢٠،و افضل لاغب في الفريق بنسبة تصويت جماعيري ٤٢ في المية من اجمالي الاصوات
مسجل ٣ اهداف في ٤٤ مباراة ، منها الهدف امام متصدر الدوري ويست بروميتش البيون اللي اخرج ويجان من مناطق الهبوط لكن بشكل مثير للجدل الاتحاد الانجليزي بيخصم ١٢ نقطة من الفريق و هبط رسميا و بعدها الفريق اتعرض لازمة اقتصادية هددت بافلاسه ،
رجاء من كل متابعي القناة ، لو وصلك اعلان غير مناسب ، ابعتلي الرابط ليتم التبليغ عنه
عامة أنا مش مفعل الاعلانات في الفيديو ده لاحتوائه علي لقطات لها حقوق طبع و نشر ، خاصة بالأندية اللي لعب لها سام ، رفضت أحذفها علشان متأثرش علي متعتك في مشاهدة الفيديو
مكسبي الوحيد هو انك تشترك في القناة ، رجاء الدعم من اجل الاستمرارية علي القناة .. شكرا لكم جميعا
طبعن يستحق فرص
سام مرسي كابتن و قائد حقيقي ، و الجمهور الانجليزي مقدره جدا ، خسارة غيابه عن المنتخب الفترات الكبيرة دي
انا واثق ان سام ده وقته لان وصل لمستوي عالي عن السنين اللي فاتت ، و هيفيدنا جدا بس لازم يلعب كتير و يكون من العناصر الأساسية
لاعب يستحق الفرصة من زمان مش من دلوقتي.. أشكرك على المعلومات اللي فيديو اول مرة اسمع عنها
العفو ، اتمني اني اكون عند حسن ظن أخواتي و كل متابعي القناة ❤️
لاعب ممتاز يستحق المشاركة منذ البطولة الماضيه اتمني اهتمام حسام حسن بضمه
أتمنى إن حسام حسن يضمه المعسكر الجاي
لاعب سوبر
لاعيب كبير طبعا ويستحق الانضمام للمنتخب
هو احسن من ناس كتير
ياحبذا تتكلم عن قصة الاعب المحترف علي الحمادي وشكرآ
هيحصل ان شاء الله
سوي حلقة على الحمادي الي بداها من درجه 5 و وصل للدوري الانكليزي
ورفع علم فلسطين في نص انكلترا❤
متابعه طبعا ، و اتكلمت عنه في حلقة عن الشامبيونشيب علي قناتي التانية
ان شاء الله ، اسوي حلقة عنه ، متنساش تتأكد انك مفعل اشتراكك في القناة و تكون منورني دايما
@@Feenbelarabi حبيبي اني مختم محتواك استمر الله يوفقك
ربنا يعزك يا غالي
انافاكر المره الوحيده اللى المنتخب استدعى فيها سام كانت ٢٠١٧ /٢٠١٨بس ملعبش كتير ومن ساعتها وهما باعولنا الهواء انه لاعب تعبان وم حلو لكن سبحان الله السنه دى انا متابع ماتشاته عامل أداء لا يعلى عليه ماشاء الله وكابتن فريقه اتمنى وياريت اى حد فى ام المنتخب الخرا دا يبص عليه علشان حرام ما ينضمش❤
كل واحد بيشتري دماغه ، انا كمان شفتله ماتشات كتيرة ، و عندك حق مستواه عالي جدا ، اللي مش واثق في تقييمنا يدخل بس يبص علي تقييم اللاعب في كل مباراه و كم تقييمه في الموسم كله
07.40
انا بشوف مساهماته وملخصات مبارياته وكده بس ازاي اشوف ماتشات كامله ل اييوسيتش تاون؟
بطولة التشامبيونشيب حقوقها مع بين سبورت ، ده غير انها مذاعة كمان علي معظم الأقمار اللي بتبث قنوات كورة
بس خلاص الفريق فنش تاني دوري رسميا ، ده كان في الجولة الاخيرة ، و صعد دوري ممتاز
شوف الفيديو ده انا كنت عامله علي قناتي التانية و بالمرة اعمل اشتراك وانت معدي 😊
ua-cam.com/video/mkA996cUWW0/v-deo.html
نجيبه ليه خلينا فالنني اللي منزلش ولا دقيقه مع فريقو
الأول ثبت تعليقى ❤❤❤
أجمل متابع ، و أحلي تعليق
شكرا 😍
المشكل انه لم يتم استدعائه للمنتخب المصري الان
حاجة في منتهي الاستنكار في الحقيقة ، مسلسل لعدم تقدير اللاعب
الغريب ان النيني بيلعب اساسي في المنتخب عليه
الصيت و لا الغنى ، علشان ده آرسنال ، و ده درجة أولي
لاعيب تعبان وتقيل ومعندوش موهبة حسام عاشور احسن منه هي ناقصة
اختلف معاك يا ميدو ، عاوز أقولك ان سام علَي أوي السنة دي ، انا تابعته في ماتشات كتيرة لايف ، ده البرايم بتاعه ، الموسم ده وصل لأوج قدراته ، افضل لاعب في الفريق السنة دي علي الاطلاق
@@Feenbelarabi اكيد كلامك صح ياصاحبي طالما متابع ماتشات الموسم وعملت الفيديو ده… هتابع اكتر
@@MidotripS ان شاء الله ، بقي هنشوفه في البريميرليج