དགའ་ལྡན་༧ཁྲི་པ་བརྒྱ་དང་ལྔ་པའི་མཛད་སྒོ་ལ་གངས་རི་ཀརྨ་པས་འཚམས་འདྲི་ཞུས་པ།

རྗེ་ཙོང་ཁ་པ་ཆེན་པོས་འབྲོག་རི་བོ་དགེ་ལྡན་པའི་ཆོས་བརྒྱུད་སྲོལ་འབྱེད་ནས་མི་ལོ་དྲུག་བརྒྱ་ལྷག་གི་རིང་ལ་རྗེའི་གདན་ས་འཛིན་པ་མཁས་པའི་ཡང་རྩེ་སོན་པའི་ཁྲི་པ་བརྒྱ་དང་ལྔ་ཕེབས་པའི་ནང་ནས། དེ་རིང་དགའ་ལྡན་རྣམ་པར་རྒྱལ་བའི་གླིང་དུ་ཁྲི་སྟོན་གཟབ་རྒྱས་ཞུ་བཞིན་པའི་ཁྲི་ཐོག་བརྒྱ་དང་ལྔ་པ་༧རྗེ་བཙུན་བློ་བཟང་རྡོ་རྗེ་རིན་པོ་ཆེ་མཆོག་ལ། སྨར་ཚང་བསྟན་པའི་བརྒྱུད་འཛིན་སོ་བརྒྱད་པ་གངས་རི་ཀརྨ་པས་སྨར་ཚང་བཀའ་བརྒྱུད་ཀྱི་ལས་ཀྱི་སྣེ་མོ་བ་ཡོངས་ཀྱི་ཚབ་ཞུས་ནས་རིན་པོ་ཆེ་ལ་འཚམས་འདྲི་བཀྲ་ཤིས་བདེ་ལེགས་ཞུས་ཀྱིན་ཡོད། ཁྲི་རིན་པོ་ཆེ་མཆོག་སྤྱིར་སངས་རྒྱས་ཀྱི་བསྟན་པ་དང་སྒོས་རི་བོ་དགེ་ལྡན་པའི་བསྟན་པའི་ཆེད་དུ་སྐུ་ཚེ་ཡུན་རིང་བཞུགས་པར་གསོལ་བར་འདེབས་པ་ལགས་སོ། །ཕྱི་ལོ་༢༠༢༤་ཟླ་བ་༡༡་ཚེས་༢༥་ལ་སྨར་ཚང་ལས་ཁུངས་ནས་ཕུལ།