Lahcen El fetwaki - tasa n biyswingimn 😘

ⵜⴰⵙⴰ ⵉⵏⵓ ⵓⵔ ⴰⵎ ⵔⵣⵉⵇⵃ ⴰⴼⵍⵍⵉ ⵜⴰⵍⵍⴰⵜ
ⴰ ⵜⴰⵙⴰ ⵉⵏⵓ ⴰⵊⵊⴰⵎⵜ ⵍⵀⵎⵎ ⵉ ⵡⴰⵍⵍⵉⵜ ⵉⵔⴰⵏ
ⴰⵜⵜ ⵓⴽⴰⵏ ⵢⴰⵙⵉ ⵣⵓⴷ ⵉⵖ ⵢⵓⵙⵉ ⵙⴰ ⵍⵃⵎⵓⵍ
ⵍⵀⵎⵎ ⵓⵔ ⴳⵉⵏ ⴰⵣⵔⴳ ⴰⵢⵙ ⵉⵙⵍⵍⴰ ⴽⵉⵡⴰⵏ
ⴰ ⵙ ⵍⵃⵉⵍⵜ ⴰⵙ ⵉⵥⵥⴰⴹ ⵉⵅⵙⴰⵏ ⵏⵏⴰ ⵃ ⵍⵍⴰⵏ
ⴰⴽⴽ ⵏⴳ ⴰ ⵉⵙⵎ ⵏ ⵔⴱⴱⵉ ⴷ ⵍⴼⵜⵓⵃ ⴰⵔ ⵏⵙⴰⵡⴰⵍ
ⴰⴷ ⴼⵍⵍⴰⴽ ⴰ ⴱⵉⵙⵎⵉ ⵙⵙⵔⵙⵓⵅ ⴰⵡⴰⵍ
ⵉⴳⴰ ⴱⵉⵙⵎⵉ ⵍⵃⵊⴰⴱ ⵉⴳ ⵜⵉⵙⵓⵔⴰ ⵏ ⵍⵅⵉⵔ
ⴰ ⵔⵉⴹⴰⵢⵜ ⵍⵡⴰⵍⵉⴷⴰⵢⵏ ⵉⵏⵓ ⵖⵉⵜ ⴰⵜ ⴰⵃ
ⵖⵉⴽⴰⴷ ⵉⵜⵜⵖⵉⵜ ⵍⴱⴰⵣ ⵉⵖ ⵢⵓⵔⵓ ⵃ ⵓⵙⵓⵍⵉⵍ
ⵖⵉⴽⴰⴷ ⵉⵜⵜⵖⵉⵜ ⵉⴳⴳⵉⴳ ⵏ ⵎⴰⵔⵙ ⵜⵓⵣⵓⵏⵉⵏ
ⴰⴽⴽ ⵏⴳ ⴰ ⵉⵙⵎ ⵏ ⵔⴱⴱⵉ ⴷ ⵍⴼⵜⵓⵃ ⴰⵔ ⵏⵙⴰⵡⴰⵍ
ⴰⴽⴽ ⵓⵚⵚⵓⵃ ⵜⵉⵏⵉ ⴳⵉⴳⵓⵏ ⵎⴰ ⵉⵜⵜⵉⵚⵚⵓ ⵢⴰⵏ
ⴰⴽⴽ ⵓⵚⵚⵓⵃ ⵜⴰⴳⵯⵍⵍⴰ ⴷ ⵓⵔ ⵜⵔⵡⵉ ⵎⴰⵙ ⵉ ⵢⴰⵏ
ⴰⴽⴽ ⵙⵔⵙ ⵓⵔ ⵢⴰⵡⵉ ⵍⴰⵥ ⴰⵛⴽⵓ ⵍⴰⵎⴰⵏ ⵉⵎⵎⵓⵜ
ⴰ ⵍⴰⵎⴰⵏ ⵢⴰⵏ ⵜ ⵢⴰⴷ ⵉⴼⴽⴰⵏ ⴰⵃ ⵓⵔ ⵍⵍⵉⵏ
ⵎⴹⵍⵃ ⴰⵔⴳⴰⵣ ⵖ ⵍⵎⴷⵉⵏⵜ ⵉⴽⴽⴰⵏⵏ ⵉⵎⴰⵍ ⴰⵙⵙ
ⵏⵎⵎⴰ ⵇⵇⴰⵔⵜ ⵉⵣⵣⵓⴳⴰⵣ ⵉⵖⵯⵢⵉ ⵓⴽⴰⵏ ⴰⵖⴰⵔⴰⵙ
ⵓⵔ ⵏⵙⵙⵏ ⵉⵣⴷ ⵍⵊⵏⵏ ⴰⴷ ⴰⵏⵃ ⵉⵙⵍⵍⴰⵏ ⵉⵏⵏⴰⵙ
ⵏⵖⴷⴷ ⵉⴳⴹⴰⴹ ⵏ ⵜⴰⴳⴰⵏⵜ ⴰ ⵉⵙⵙⵏⵏ ⴰⵡⴰⵍ
ⵓⵔ ⵉⵙⵓⵍ ⵎⴰ ⵎⵉ ⵢⴰⴷ ⵉⵜⵜⵙⵔⵔⵓ ⵢⴰⵏ ⴰⵡⴰⵍ
ⵉⵏⵏⴰ ⵖⵯⴰⴷ ⵉ ⵖⵯⴰⴷ ⵉⵍⴽⵎ ⵡⴰⵍⵍⵉⵜ ⵉⵏⵏⴰⵏ
ⴰⴽⴽ ⵏⴳ ⴰ ⵉⵙⵎ ⵏ ⵔⴱⴱⵉ ⴷ ⵍⴼⵜⵓⵃ ⴰⵔ ⵏⵙⴰⵡⴰⵍ
ⴰⵔ ⴰⵍⵍⴰⵃ ⵢⵉⵡⵉⵜⵏⴷ ⵉⵥⵔⵉ ⵙⵎⵎⵓⵎⵏ ⵏⵉⵜ
ⴰⵔ ⴰⵍⵍⴰⵃ ⵎⴰⵛⵛ ⵏⴽⴽⵉ ⴷ ⵉⵅⴼ ⵉⵏⵓ ⴽⴰ ⵢⴰⵍⵍⴰⵏ
ⴰⵔ ⴰⵍⵍⴰⵃ ⵢⴰⵏ ⵎⵏⴰⴳⴳⴰⵔⵖ ⵉⵏⵏⴰ ⵄⵉⵛⵛ ⵎⵇⵇⴰⵔ
ⵓⴳⴳⴰⵔ ⵏ ⵖⴽⴰⵏⵏ ⴰⴽ ⵉⴳⴰⵏ ⵙⵓⵍ ⵙⵙⴰⴼⵓⵏ ⴰⴽ
ⵉⵎⵟⵟⴰⵡⵏ ⴰⴽⴽ ⵉⵍⴰⵣⵎⵏ ⵎⴰⵛⵛ ⵓⵔⴰ ⵜⴰⵍⵍⴰⵍⵜ
ⴰ ⵖⵡⴰⵍⵍⵉ ⵉⵣⵓⵣⵣⵓⵔⵏ ⴰⴳⴰ ⵙ ⵡⴰⵏⵓ ⵍⴰⵃ ⴰⵎⴰⵏ
ⴰ ⴳⴰⵔ ⴰⵃⴱⵉⴱ ⴰ ⵢⴰⴳⴰ ⵓⵔ ⵉⵍⵍⴽⴽⵎⵏ ⴰⵎⴰⵏ
ⴰⴽⴽ ⵏⴳ ⴰ ⵉⵙⵎ ⵏ ⵔⴱⴱⵉ ⴷ ⵍⴼⵜⵓⵃ ⴰⵔ ⵏⵙⴰⵡⴰⵍ
ⵍⴰⵎⴰⵏ ⵏ ⵔⴱⴱⵉ ⴰⵡⴰ ⴰ ⴱⵉⵢⵥⵓⵍⴰ ⵏⵏⵉⵃ ⵓⴽⴰⵏ
ⵡⴰⵏⵏⴰ ⵉⵔⴰⵏ ⴰ ⴳⴳⵉⴳⵓⵏ ⵉⵛⵜⵜⴰ ⵜⵉⵔⴰⵎ
ⵉⵏⵏⴰ ⵢⴰⴽ ⵡⵉⵏⵏⵓⵏ ⵏⴳⴰⵜⵏ ⴰⵔ ⵉⵜⵜⵎⵛⵉⵡⵉⵔ
ⴰⵔ ⴽⵉⵃ ⴰⴽ ⴳⴰⵏ ⵍⵄⵉⴱ ⴰⵔⴽ ⵉⵎⵎⴰⵍ ⵉ ⵡⵉⵢⵢⴰⴹ
ⴰⴽⴽ ⵏⴳ ⴰ ⵉⵙⵎ ⵏ ⵔⴱⴱⵉ ⴷ ⵍⴼⵜⵓⵃ ⴰⵔ ⵏⵙⴰⵡⴰⵍ
ⴰⵔ ⴽⵉⵃ ⴰⴽ ⴳⴰⵏ ⵍⵄⵉⴱ ⴰⵔⴽ ⵉⵎⵎⴰⵍ ⵉ ⵡⵉⵢⵢⴰⴹ
ⴰⴽⴽ ⵏⴳ ⴰ ⵉⵙⵎ ⵏ ⵔⴱⴱⵉ ⴷ ⵍⴼⵜⵓⵃ ⴰⵔ ⵏⵙⴰⵡⴰⵍ
ⴰⵢⴰⵢⵢⵉⵙ ⵎⴰⴷ ⵍⵍⴰ ⵣⵉⵏ ⴼⵍⵍⴰⴽ ⵓⵍⴰ ⵍⵍⵓⵏ
ⵓⵍⴰ ⵙⵙⴰⵢⵔⴰ ⵜⵍⵍⴰ ⴳⵉⵡⵏ ⵓⵍⴰ ⵍⴰⵖⵉⵔⴰⵜ
ⵉⵔⴱⴱⴰ ⴽⵯⵏ ⵓⴳⵍⵍⵉⴷ ⵉⵙⵎⴰⵍⴰ ⵢⴰⴽ ⵍⵃⵔⴱ
ⵉⵍⵍⴰ ⴳⵉⴽ ⵢⴰⵏ ⵍⵄⵉⴱ ⵉⵙⵃⴰⵛⴰⴽ ⵉ ⴽⵉⵡⴰⵏ
ⴰⵢⵢⵉⵙ ⵓⵙⴷⴰⴷ ⴰⵄⵏⴷⴰ ⵏ ⵡⴰⵍⵍⵉ ⵎⵓ ⵚⴰⵃⴰⵏ
ⴰⵙⵙ ⴰⵏⵏ ⴰⵃ ⴼⵍⵍⴰⵙ ⵉⵣⴰⵃⵎ ⴰⵔ ⵉⵜⵜⵎⵍⵉⵡⵉⵍ
ⵍⵎⴰⵄⵏⴰ ⵓⵡⵃⴱⵉⴱ ⴰⴼ ⵙⴰⵡⵍⵃ ⵉⵎⵎⴰ ⴰⵢⵢⵉⵙ
ⵉⵖ ⴰⵙ ⵉⴳⴳⵔ ⵓⵎⵀⵎⴰⵣ ⵉⵍⴽⵎ ⵙⵔⵙ ⵉⵏⵏⴰ ⵔⴰⵏ
ⴰⵢⵢⵉⵙ ⵓⵔⴷ ⵉⴼⴰⴷⴷⵏ ⵣⵓⵔⵏⵉⵏ ⴰⵙ ⵉⵜⵜⵎⵙⴰⵖ
ⵉⴷⴰ ⵍⴰⵚⵍ ⴰ ⵉⵣⵣⵏⵣⴰⵏ ⵡⵉⵍⵍⵉ ⵃⵓⵔⵔⴰⵏⵉⵏ
ⴰⵙⵉⵢ ⴰ ⵢⴰⵊⴷⴰⵄ ⵜⵜⵔⴱⵉⵜ ⵉⵍⵍⴰ ⵎⴰⴽⴽ ⵉⵔⴰⵏ
ⴰ ⵙⵔⴽ ⵉⵜⵜⴱⵓⵡⴰⵀ ⵉⵄⵍⴼⴽ ⵓⴽⴰⵏ ⵉⵙⵎⵎⵔⴽ
ⵉⴳ ⴰⴽ ⴰⵍⴳⴰⵎⵓ ⵜⵉⵍⵉⵜ ⵜⵉⵛⵉⴽⵔⵜ ⵜⵔⵙⵓⵜ
ⴰ ⵣⵉⵏ ⴰⵔⴽ ⵏⵜⵜⵎⵏⵉⴷ ⵓⵔ ⵏⵓⴼⴰ ⴰⴽⴽⵉⵏⵏ ⵍⴽⵎⵃ
ⵉⵏⵏⴰⵢⵢ ⵢⴰ ⵍⵄⴰⵇⵍ ⴷⴷⵓ ⴷⴰⵔⵙ ⵉⵏⵏⴰⵢⵢⵉ ⵡⵉⵙ ⵙⵉⵏ
ⵉⵔⴱⴱⵉ ⵜⵔⵉⴽ ⵛⵛⴰⵀⴰⵡⴰ ⵜⴼⵙⵉⵎ ⵉⵎⵉⵏⵙ
ⴰⴷ ⵓⵔ ⵉⵔⵣ ⵓⵖⵔⵔⴰⴱⵓ ⵏⵙ ⵓⵔ ⵍⴽⵎⵏ ⴰⵎⴰⵏⵉ
ⴰ ⵣⵉⵏ ⴰ ⵉⵍⴰⵏ ⴰⵜⵉⴳ ⴰ ⵓⵔ ⴰⴽ ⵉⵏⵉⵏ ⵍⵎⴰⵍ
ⴰ ⵣⵉⵏ ⴰⵔ ⴳⵉⵙ ⵓⴼⴼⵔⴷ ⵉⵣⵔⵉ ⵉⵏⵏⵔⴰ ⵜⴰⵎⵎⵏⵜ
ⵓⵍⵍⴰⵀ ⵉⴱⵍⴰ ⵣⵉⵏ ⴰⴷⴷ ⵉⴽⵜⵉ ⵡⴰⵍⵍⵉ ⵢⵓⵙⵉⵏ
ⴰⵎⴰⵏ ⴰⵔ ⵜⵉⵎⵣⴳⵉⴷⴰ ⵉⵏⴰⴽⵔ ⵜⴰⵣⴰⵍⵍⵉⵜ
ⵓⵍⵍⴰⵀ ⵉⴱⵍⴰ ⵣⵉⵏ ⴰⴷⴷ ⵉⴽⵜⵉ ⵡⴰⵍⵍⵉ ⵢⵓⵙⵉⵏ
ⴰⴽⵓⵔⴰⵢ ⵙ ⵍⵡⴰⵍⵉⴷⴰⵢⵏ ⴰⵔⵜⵏ ⵉⵙⵔⵡⴰⵜ
ⴰⴷ ⴰⴽ ⵏⵎⵍ ⴰ ⴱⴰⴱ ⵏ ⵣⵉⵏ ⴽⵓⵍⵍⵓ ⵚⵉⴼⴰⵜ ⵏⴽ
ⴰ ⵣⵉⵏ ⴰ ⵉⵔⴰ ⴷ ⴰⴷ ⵔⴱⴱⵓⵏ ⵜⵉⴼⵢⵢⵉ ⵃ ⴰⵎⵎⴰⵙ
ⴰⵎⵎⴰⵙ ⵏ ⵜⵜⵎⵉ ⵓⵡⵓⵔⵣ ⴰⵔ ⵜⵉⵎⵎⵍⵉ ⵏ ⵓⴼⵓⵙ
ⴰⴳⴳⵉⵙ ⵉⵟⵟⴼ ⵓⵎⴳⴳⵔⴷ ⵓⵙⵄⵓⵏⵜ ⵜⵡⴰⵍⵍⵉⵏ ⵏⵙ
ⴰⵍⵍⴰⵀ ⵓⴽⴱⴰⵔ ⴰⵡⵍⴷⵉ ⴰ ⵍⵖⵔⴹ ⴰⵔ ⵉⵢⵜⵜⴰⵡⵉⵜ
ⵉⵍⵍⵉ ⵃ ⵉⵢ ⵜⵙⴳⴰⵔⴰⵜ ⴷ ⵉⵅⴼ ⵉⵏⵓ ⵜⵔⵣⵎⵜ ⴰⵃ
ⵓⵔ ⵏⵎⵓⵏ ⴷ ⵍⵡⴰⵍⵉⴷⴰⵢⵏ ⵓⵍⴰ ⵡⴰⵍⵍⵉ ⵔⵉⵃ
ⴰⵟⵟⴰⵏ ⴰ ⵉⴳⴰ ⵓⵃⴱⵉⴱ ⵉⵃⴽ ⵓⵔ ⵉⵔⵉ ⵜⵉⵔⵉⵜⵜ
ⴰⵔ ⴰⵡⵏ ⵉⵜⵜⵏⴹⴰⵃ ⴼ ⵉⴳⴳⵉ ⵏ ⵜⴰⵙⴰ
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ : Mohamed Ouadi
رايس الحسن الفطواكي
تاسا ن بي ئسوينكًيمن ؤر اتّيلي لّون
تاسا ئنو ؤر ام رزيقح افلّي تالاّت
اتاسا ئنو اجّامت لهمّ ئي والّيت ئران
اتّ ؤكان ياسي زود ئغ يوسي سالحمول
لهمّ ؤر كًين ازركً ايس ئسلاّ كيوان
اس لحيلت اس ئزّاض ئخسان نّاح لاّن
اد ؤكان فلاّك ابيسم سّرسوخ اوال
ئكًا بيسم لحجاب ئكً تيسورا ن لخير
اريضايت لواليداين ئنو غيت ات اح
غيكاد ئتّغيت لباز ئغ يورو ح ؤسوليل
غيكاد ئتّغيت ئكًّيكً ن مارس توزونين
اكّ ؤصّوح تيني كًيكًون ما يتّوصّو يان
اكّ ؤصّوح تاكًُلاّ د ؤر تروي ماس ئي يان
اكّ سرس ؤر ياوي لاز اشكو لامان ئمّوت
ئمّوت لحيا ئتّياكًاس فلاّسن لامان
الامان يانت ياد ئفكان اح ؤر لّين
مضلح اركًاز غ لمدينت ئكّانّ ئما اسّ
نمّاقّارت ئزّوكًاز ئغوي ؤكان اغاراس
ؤر نسّن ئزد لجنّ اد انح ئسلاّن ئنّاس
نغدّ ئكضاض ن تاكًانت ايسّنّ اوال
ؤر ئسول مامي ياد ئتّسرّو يان اوال
ئنّا غوّاد ئي غوّاد ئلكم والّيت ئنّان
ار الاّح ييويتنيد ئزري سمّومن نيت
ار الاّح ماشّ نكّي د ئخف ئنو كايالاّن
ار الاّح يان مناكًّارغ ئنّا عيشّ مقّار
ؤكًّار ن غكانّ اك ئكًان سول سّافون اك
ئمطّاون اكّ ئلازمن ماشّ ؤر اتالاّت
اغّوالّي ئزوزّورن اكًا س وانو لاح امان
اكًار احبيب اياكًا ؤر ئلكّمن امان
لامان ن ربّي اوا ابي ئزولا نّيح ؤكان
وانّا ئران اكًّيكًون ئشتّا تيرام
ئنّاياك وينّون نكًاتن ار ئتّمشيوير
ار كيح اك كًان لعيب ارك ئمّال ئي وييّاض
ايايّيس مادلاّ زّين فلاّك ؤلا لّون
ؤلا سّايرا تلاّ كًيون ؤلا لاغيرات
ئربّاكُن ؤكًلّيد ئسمالاياك لحرب
ئلاّ كًيك يان لعيب ئسحاشاك ئي كيوان
ايّيس ؤسداد اعندا ن والّي مو صاحان
اس ان اح فلاّس ئزاحمن ار ئتّمليويل
لماعنا ؤوحبيب اف ساولح ئمّا ايّيس
ئغ اس ئكًّر ؤمهماز ئلكم سرس ئنّا ران
ايّيس ؤرد ئفادّن زورنين اس ئتّمساغ
ئدا لاصل ايزّنزان ويلّي حورّانين
اسي اياجداع تّربيّت ئلاّ ماكّ ئران
اسّرك ئتّبوّاه ئعلفك ؤكان ئسمّرك
ئكًاك الكًامو تيليت تيشيكرت ترسوت
ازّين ارك نتّمنيد ؤر نوفا اكّينّ لكمح
ئنّايّ يالعاقل دّو دارس ئنّايّي ويس سين
ئربّي تريك شّاهاوا تفسيم ئمينس
اد ؤر ئرز ؤغرّابونس ؤر لكمن اماني
ازّين ايلان اتيكً اؤر اك ئنين لمال
ازّين اركًيس ئفّرد ئزري ئنّرا تامّنت
ؤللّه ئبلا زّين ادّ ئكتي والّي يوسين
امان ار تيمزكًيدا ئناكر تازالّيت
ؤللّه ئبلا زّين ادّ ئكتي والّي يوسين
اكوراي س لواليداين ارتن ئسروات
اد اك نمل اباب ن زّين كولّو صيفات نك
ازّين ايرا د اد ربّون تيفيّي ح امّاس
امّاس ن تّمي ؤورزّ ار تيملّي ن ؤفوس
اكّيس ئطّف ؤمكًّرض ؤسعانت توالّين نس
اكّ نكً ايسم ن ربّي د لفتوح ار نساوال
اكّيس ئطّف ؤمكًّرض ؤسعانت توالّين نس
الله ؤكبار اولدي الغرض ار ئيّ تّاويت
ئلّي ح ئيّ تسنكًارات د ئخف ئنو ترزمت اح
ؤر نمون د لواليداين ؤلا والّي ريح
اطّان ايكًا ؤحبيب ئحك ؤر ئري تيريتّ
ار اون ئتنضاح ف ئكًي ن تاسا .
يورا ئواليون ئسكًيدّيتّ : محمد وادي
30.01.2025
المغرب

[@Edouakrimhamid]

شكرا شكرا كتابة

[@bnasermedrab]

😂😂😂😂🎉🎉🎉🎉aknihfd rbi..

[@yassineboulak6146]

❤❤❤❤❤❤❤❤❤❤

[@amijaamina5033]

سلام واش باقي هاد الفنان ف الحياة معمر شي واحد هضر عليه

[@kamalak9923]

Amarg aqbur

[@MAzaouagh]

وتبارك الله على سي محمد ازول امقران