معي تورس 22 لها سنة ، والكلام اللي ذكره صاحب المقطع 100٪ سواء الايجابية والسلبية يعطية العافية ، ملاحظتي البسيطة ان العزل صحيح فيها جبار بس للاسف ينخفض بعد فترة ولازم تروح الوكالة يضبطونة لك ويرجع مثل الجديدة والملاحظة الثانية الديكورات صارت تطلع اصوات .
رااعي تورس 21 مر من هنا الاهم من المقطع إشادتك على التورس و بصرتنا في التورس أزود مشكور ولاكن الصرفيه صدقت لك عليه فيه صرفية فعلآ أم الديكورات مالاحظت عليه شي وموتر وصله وحده أعجل علينا بتجربة الموديل الجديد 23 و تحياااتي و الشكر ع طرحك الشيق و المختصر المفيد
@@adelasel3791 ما اعلم ايش اللي سوه بالضبط لكن انا العزل بعد ماشتريتها ب 6 شهور تقريبا قام يخف تدريجي ، ورحت الوكالة ودخلوها على الفنيين وطلعوها بعد 3 ساعات ، وقالو خلاص ضبطناها شدينا الابواب لانها مع الاستخدام ارتخت وشدينا الربلات . وبعدها جربتها وفعلا رجعت مثل اول ماشريتها
معي مديل ٢٠ صار لها سنتين معي.. ملاحظاتك في محلها بصراحه بالنسبه لي ماشي قريب ١٠٠ الف وحمدلله ما واجهني اي مشاكل بالسياره وماقد غيرت الا البطاريه تبارك الله وعاجبني الوسع والتكييف والعزل وان السياره ذكيه جدا مثلا التشغيل عن بعد جدا سريع وانك تنزل وهي شغاله وتتقفل عادي ولو ماقفلت عادي ماراح تنسرق لان القير يقفل لانه اكثر شي يميزها
ولله الحمد والمنة وبعد توفيق الله انا من ملاك التورس فئة التيتانيوم وكملت معي سنتين ونص تقريبا بأمانه موتر متكامل والكامل وجه الله سبحانه، مشكلة التنتيع وتآكل جلد الطاره صحيح حصلت معي وحليتها، نعم هي مشاكل بسيطه ولكنها اشياء لا تذكر جنب بحر من المواصفات الايجابية.
@@abumohammedalgamdi9291 شرح بسيط: بالنسبه للتنتيع سببها التيربو كل ما كانت رجلك حاره وقوماتك قويه "نسبياً" يكون التيربو معك في عز نشاطه لدرجة انك مجرد ما تحط رجلك ع البنزين تبدأ تنتع لانها تبي دفع اقوى مثل ما سويت بالسابق. الحل انك تخفف قوة الدعسه خاصه لما تكون من الصفر. بالنسبه لتقشير جلد الطاره ركبت تلبيسه طاره قماش منها يمنع الحراره ومنها يحفظ جلد الطاره من التآكل لبعدين
يعطيك الف عافيه ، اتوقع الصرفيه داخل المدنيه الي اثر عليها الي هو القير بحكم ان النمره الثانيه ما تطول ابد وذي مشكله صراحه يعني ترس كامل ما تستفيد منه استفاده كامله ودايم على السرعات البسيطه زي ٣٠ يحشر القير فتفرق ويمكن التنتيع بعد من الترس الثاني والله اعلم
بفضل الله احد ملاك تورس ٢٠٢٢ ، السيارة بشكل عام ماشاء الله بارك الله اكثر من من رائعه ، ولا يوجد سيارة خالية من العيوب ، اذا كان مرسيدس الجوهرة تم استدعاءها لمشاكل فيها ، اذن هذا طبيعي ، الاهم حافظ على صياناتها و استخدمها بنمط خفيف ، و باذن الله ستبهرك بدلالها
الفورد مصنوع للكد ماهو للراحه معي فيوجن ٢٠١٥ كارفها كرف حمار داخل الرياض وخطوط ولا قالت اح ولا تغير فيها شي لا ديكور ولا غيره ولا نويت ابيعها ابد على ان سعرها طار فالسما يوم انقطعت وشاء الله وراحت تالف والحمدلله ومن مشاكل التورس الجديد ٢٠٢٢ مع الشباب وقفت نشوف الشكل الجديد اذا مثل ٢٠١٠ الى ٢٠١٩ بالقوه كيشته
السلام عليكم ياخوي نسبة الهواء للكفرات ٣٥ تعتبر السيارة مبنشره وعسره وعسر ممشاها انا اخليها نسبة الهواء للكفرات ٤٠ ٪ والحمد لله ماعرف لا صرفيه ولا شي ابد ابد سهله السياره مع ان سيارتي كامري استاندر سعودي والتورس الحديديه من ٢٠٢١ الى فوق ممكن كويسه
معك واحد استخدمها ٥ سنوات و جلدتها في الاستخدام و ماشاء الله مكمله و خطوط بشكل دائم و كرف السياره تتحمل بس مشاكلها التيربو اذا احتر يطلع صوت مزعج اما زيوت و فلاتر كلها حريص عليها و يارب لك الحمد ما قد دخلت ورش و احيانا ادعس بس صار يضر التيربو في عزمها و خصوصا الظهر تبدء تصير بطيئه في الإستيعاب اذا دعست بشكل بسيط و ريش المكيف اكثر عيب ازعجي مافي تخفيف للهواء لازم اقفلها كلها او افتح التبريد السفلي
انا امتلكت سيارتين عام 2014 مازدا ستة وعام 2019 مازدا سي اكس فايف فيه تنتيع لكن لا تشيل همها سيارة كرررف بمعنى الكلمة ما شاء الله بس انت حافظ على السوائل والاشياء الاستهلاكية والله من حفر من ارصفة ومن دعس كنت كارف السيارة كرف لكن ذحين هديت الوضع في االمازدا سي اكس فايف وهيا صاملة ما شاء الله ونصيييحتي لك السوائل انتبه لها والزيت حافظ عليه
موضوع القير ياخوان ترا الزيت له دور كبير تلقى وقد شفت واحد يتكلم عن السيارات الي تتجمع بالصين او تتصنع الصين تجبر اي واحد يجمع او يصنع يستخدم الزيوت حقتهم فا نوعها سيئ وانصحك تغيرها الى الزيوت الامريكيه وتحط محسنات وباذن الله راح تفرق وانا كان الفورد فكتوريا حقي فيه نتعه وتاخير غيرت الزيت وحطيت محسن والله فرق فرق مب طبيعي وبعض المرات يكون مب سبب الزيت يكون سببه حراره القير مع الزحمه ينتع وبشكل عام التورس فيه مبرد كويس فا اتوقع من الزيت واذا حاب تتاكد من موضوع حراره القير فيه قطعه تشتريها بي٧٠ ريال من ساكو تطلع قرايت الحراره وشف بالزحمه كم توصل الحراره وان شاءالله تلقى المشكله🙏🙏
النتعه فالتورس من ٢٠١٧ ايكو بوست الى الموديل ٢٠٢٢ والسبب بلف الحراره الي موجود خلف البطاريه وجنب المكينه نظام للاسف غير مناسب ل اجواء الخليج لانه اذا جت زحمه يمكن يعلق ويسبب نتعه بالقير وفيه واحد ألغاه واموره تمام باليوتيوب موجود المقطع وموجود بالدوج وبعض السيارات الاماريكيه
لاتفتي بعض السيارات قيرها يكون دبل كلتش وذي تنتع بالسرعات المنخفضه بس يكون استجابه القير عاليه "يعشق بسرعه" وكل سياره لها طريقه تعشييق معينه واسوا السيارات من ناحيه التعشيق تويوتا وام جي
@@user-sv3vr1ro8b لاتفتي وتربط قير الدبل كلتش بتويوتا بطريقة غير مباشرة من باب التلميح علشان تخلي لك مخرج وتقول انا ماقلت تويوتا قيرها دبل كلتش وتعال نتناقش بقير تويوتا بدون ماتدخل ام جي وقير الدبل كلتش وتحاول تضييع القارئ للرد والتلبيس عليه ولعلمك تويوتا عندها قير cvt من افضل القيور من ناحية عدم وجود تنتيع وعمليته
في مبالغة شوي ، انا بالرياض واداوم من اقصى الغرب لاقصى الشرق و امر اغلب الزحمات بالرياض ، ماقد لاحظت ان السيارة تستهلك بنزين بالكمية الي ذكرتها بالفيديو ، بالعكس السيارة بالمدينة موفره الفل يمشيني حدود ال700 .
ع طاري التنتيع شفت المهندس احمد الحربي معروف مهندس سيارات يقول التنتيع بذات الدفع الرباعي الستة سلندر اتوقع قال الستة وواتوقع ذكر بعد التورس انه بسبب هوا الكفرات يعطي قراءة خطا للكمبيوتر وتوزيع القوة وزنو كفراتكم صح ع 32 او حسب اصحاب التورسات
فعلاً فيها زي التنتيعه الخفيفة وانا ماشي 30 الف حالياً لكن اعتقد ان ثقلها في الدعسة او تبديل النمرة هو اللي مخليها تحافظ على صرفية البنزين وانا بحكم كان عندي ماركيز 2004 جلدني بنزين التوروس نعمة عظيمة بخصوص الصرفية سواء داخل المدينة او بالخط. وفيه صوت ماادري هو طبيعي او لا للمكينة بس قلت شكلها المروحة صرصرة كذا خفيفه لكن انا مااسوي صيانة كاملة للأسف بس اغير زيت لذلك ماابي استبق الأحداث وبشكل عام الحمدلله الموتر وش زينه ..
ماشاء الله الله يبارك لك فيها يارب ويطعمك خيرها ويكفيك شرها مشكلة التنتيعه الي بالقير انا صرت اعبي 95 فرق معي الموتر اول كنت احس فيها بـ 91 مدري هو نفسياً او صدق له دخل 95 بس الي لاحظته عزم الموتر صار اقوى
ياملاك التورس 2022 وش تنصحوني بالزيت بحكم انا في الباحه وماعندنا الا بترومين وانا حاليا اغير بترومين وماعندنا وكاله لكن احس ان السياره تحشر البترول الذهبي فتح عندنا ودي اغير الزيت لكن مدري وش اغير
@@Ab-cx9lq المشكله يخوك ماعندي في الباحه الزيت هذا شركه بترومين لازم اغير زيت بترومين ماعندهم غيره وعندنا شركه البترول الذهبي عندهم كل الزيوت الا موتر كرفت يقولون مقطوع وحتى لو جبته من برا وسويت له طلبيه مايوافقون يغيرونه
يعطيك العافية ع الشرح الجميل و البسيط سؤال بسيط انا عندي تورس ٢٠٢٢ واسمع صوت طقطقه خفيفه من تحت كرسي الراكب اذا مشيت ١٢٠ او اكثر ولا عرفت الصوت من وش اذا واجهتك هاذي المشكله او تعرف احد واجه نفس المشكله ممكن تعلمني لو ما عليك امر
مشكلة نتعات القير بجودة الزيت دور لك زيت بنفس المواصفات ولكن شركة معروفه وينحل الموضوع السبب يعود ان زيت الجير المستخدم صيني من شركة شانجان ويعتبر ما يتناسب مع اجوائنا وعلى فكرة هذي المشكلة في اغلب السيارات اللي تجي من الصين غير الزيت لشركة متخصصه بنفس مواصفات سيارتك حسب كتالوجك استفسر من الوكاله عن المواصفات وغيره لو ماشي عليه عشرة ويتغير عليك وبتشوف الفرق
بصراحة اتفق معك بكل كل حرف قلته وبخصوص الراحة انا فعلا سافرت بالموتر مرة وحدة حسيت انه نازل يعني طريقة جلوسك بالمقعد كانك بسيارة سبورت تكون معفوظ نسبيا خصوصا للي طولهم 180 والموتر جميل لكن بالذمة مايناسب اجواء الرياض الدمام جدة. يصلح بالمناطق الباردة
الله يبارك لك و يعطيك خيرها و يصرف عنك شرها اشكرك على المعلومات اللي أعطيتها صحيحة 100٪ أنا معي تيتانيوم 2022 بصراحة العيوب كلها بسيطة و تتقبل لكن صرفية البنزين كارثة كرهتني فيها التانك فل 95 داخل المدينة ما يمشي 400 و الدعسة خفيفه و اللي مسوي دعاية للسيارة و يقول تمشي 800 و 700 مهو صحيح و السبب إنه مكينتها (تعمل بنظام الإيكوبوست) تستهلك 20 ضعف كمية الوقود عند السرعات المنخفضة و التوقف و لا يوجد حل لا مع زيت او غيره
الله يعطيك العافية بس ياليت ذكرت لنا اي وضعية قيادة داخل البلد اللي تقول عنها سيئة هل كنت على الإيكو او النورمل والسؤال الثاني بالنسبة للخطوط كنت اي وضعية مفعل الإيكو ؟
انا معي افالون حالياً وكان معي تورس ٢٠٢٠ التنتيع اللي بالتورس كان تنتيع وقت التسارع وهذا غير طبيعي بنتظري اما اللي بالافالون يكون وانت تهدي وهذي مشكلتها برمجة القير نفسة لما يسوي داون شفت واللي جرب الموترين بيلاحظ هالشي
قصر السيت احسه وانا اقصر منك التنتيع يحشر لين يبدل حوله ايكو بيبدل اسرع ديكور الشاشة و التكيف اسمع فيه طقه تطلع من نفسها وانت ماشي عادي وماهو شرط تسمعها بالقربعه جايه من الوكالة بالصوت ذا عتبي على الشاشة بعد النظام تحسه قديم و مافيه خصائص كثيره السماعات على الصوت العالي دون المستوى
اول شي سلام عليكم ملاحظاتك صحيح واتفق معاك فيها كلها الا الثبات جربت اغلب المنافسين هي من الافضل والعزل ممتاز ومشكلة تاكل جلد الطاره حصلت معي وحليتها وما واجهة مشاكل غيرها الحمدلله موتري 21 ماشي 87 والصرفيه انا في الطايف ممتازه دخل المدينة 600 تقريبا وعلى الخطوط 800 تقريبا ومشكلة القير ما واجهتني الا مرات معدوده واتواقع من الحراره
من ٢٠١٥ الى ٢٠٢٢ معي فيوجن وراحت تالف ماعمر القير صار فيه شي ولا واحد من اللي اعرفهم شكى بس فالسوشل ميديا اشوف ان القير فيه مشاكل هههههه جد صنعو سياره ٧ سنوات فحمات زيت ومرتين كفرات ودز
ما شاءالله عليك فصصت السيارة تفصيص أنا أخذت السيارة ايجار و فعلا كل الأشياء و الملاحظات اللي تقول عليها كانت موجوده و زيد عليه سوء جودة المواد الداخلية و بطىء في الشاشة يغث
فعلا اكثر شي متضايق منه القير خصوصا اني بالجنوب وكل ما اجي بسافر مثلا لجده لازم انزل العقبه ولازم احطها قير عادي ومايثبت على الاول او الثاني ماعندي غير اني اخليها تدحدر بدون اي لمسة بنزين حتى لو السياره قربت توقف عشان مايبدل من الثاني للثالث
غير زيت القير لنفس المواصفات ولكن شركة معروفه ولها سمعتها بالسوق ويتغير عليك وذلك لان الزيت اللي بداخلها صيني وجودته اقل من عادية كثير واجهتهم بكل الموديلات من 2020 وانحل الموضوع
عز الله انك صادق انا مستخدم لفيوجن ١٦ راسية وممتازة بالخطوط لكن فيها تنتيع غريب وكنت احسبه عطل طلع طبيعي بالفورد وغير كذا فورد بشكل عام ثقيلة على المطبات بشكل غريب هذي ابرز عيوب الفورد بشكل عام
مررره طبيعييه ب النسبه لي داخل المدينه ٥٥٠ و برا المدينه ٨٠٠ مره عادي لنك ماسك خط و مثبت السرعه مريح المكينه و في النهايه على حسب دعسه الواحد يمكن رجله حاره هو
انا مستخدم لفيوجن ١٦ لاحضت السنة ذي كثير يستخدمونها الموتر والله اني كديته خطوط وماشي معي ١٣٦ الف ، عزمه كويس ورساوته جبارة وعزله ممتاز لكن عيوبه نتعة القير والعزم شوي بس لكن الموتر ممكن تحصله بتطبيق سيارة او حراج
@@mr.casanova7145 التورس ال ٢٣ شكل الجديد؟ على العموم اذا قصدك عن الجديد ماجربته لسى. بس مبدئيا كا مواصفات التورس الجديد مواصفاته اشوفها اعلى من اللتيما بس طبعا كا صرفية بنزين اللتيما بتكون افضل بكثير
فريت التعليقات عن التورس غسلت يدي منه 2022 وكل السلبيات هذي فيه امريكي ويش تتوقع من عرفنا المريكي يشرب البنزين ويش الجديد يارجال خذ يارس او كرولا واستانس
معي افالون 2019 افر الرياض فر و احيان اضغط لها بس على خفيف جداً مسكات يعني و المكيف ما يفصل تمشيني على القطعه مره مرره 711 كيلو بس صراحه اني حاط نظام صرفية البنزين على الايكو فـ اعتبرها ممتازه جداً مع مقارنة اخونا خطوط طويله صراحه ما مسكت فيها بس اعتقد انها ممتازه بعد
التورس ماتنافس الكامري ، التورس تنافس الافلون ، التورس والكامري فرق شاسع جدًا في المواصفات لصالح التورس طبعًا ، لكن على العموم اللي اعرفه ان صرفية الكامري افضل
سافرت بالتورس الموديل السايق نفس المشكلة ما تغيرت فعليا للسفر مسافات طويلة متعب جدا مع انه مريح وعزمة ممتاز بالخط لكن جلستة سيئة فعليا كانك جالس على مقعد بمدرسة
أولاً يا صاحب السيارة الله يبارك لك في سيارتــــــــك ... وشي طيب إنه سيارتك 2022 مو 2023 ... الموديـــــل اللي معـــــــك باقي فيه ‘هتمام بالسيارة .... إستأجرت السيارة لمدة 8 أيــــام من أحد الشركات ... وعزمها جبار بالرغم إنها 2.0 وأحصنه أقل من الجيل السابق بحوالي 58 حصان .. وسبب العزم هو التيربو لكن كمحرك المحرك ضعيف في الأصل والجيل السابق 6 سلندر 3.5 يعني أقوى لكن كان وزن السيارة له تأثير على العزم ...النسخة الأمريكية هيبة وقوة وفخامه وكان عندي واحد ليمنتد 6 سلندرات دفع رباعي ومع الأسف فرطت فيه بعته وهو ماشي 21 الف كم وندمت لكن الحمد لله على كل حال ... موديل 2022 مواده الداخليه ممتازة وجودتها عالية وفيه عناية ولاحظت فيه لما إستأجرته إنه كان ينطفي عند الإشارات ويرجع يشتغل بمجرد ما أضغط على البنزين وصرفية البنزين كانت مؤلمة جداً ... 2023 فهو عبارة عن أكسنت وكله بلاستيك حتى الأدراج حولوها بلاستيك بعد ماكانت مبطنه بالقطيفه والمخمل وهذا أكبر دليل إن السيارة أصبحت تتقارن بأكسنت وكورولا وألنترا
@@basimalshaalan3805 الفيوجن باقي له هيبة والله العظيم افضل من تورس ..... يا حبيبي لا شكر ولا فخامه ولا مواد غالية وجودتها عالية ولا محرك قوي هيبة وصوت ولا حتى بلد المنشا والصنع .... يعني ما بقى شي فيه يدل على أنه من شركة فورد ....... احنا قاعدين انتكلم عن هالسيارة مو عن فيوجن قاعدين انتكلم على سيارة تحولت إلى سيارة صينية بحته بكل شي
@@عبدالالهرهوانالزهراني والله شوف يا زهرانـــــــي 2019 النسخــــــــــــة الأمريكيــــــــة بالنسبـــــــــة لي شخصياً أفضــــــل بس ما تكون الأربعـــــــة سلندر تكون المكينـــــــة الستـــــــة سلندرات ، السيـــارة أمريكية من بلبدأ المنشأ وروح الأمريكيين فيها بالكامل وإذا تبي تتأكد شوف أزرار الأبواب وين جاية في الأبواب جاية على الأعلــــــى وعند فتحها أو إغلاقها تصدر الصوت القديدم اللي تعودناه في السيارات الأمريكية .... هيبة السيارة في النسخــــــــة الأمريكية ... وبعد لاحظ لما تسكر الأبواب لاحظ المساحة اللي فيها الجلود والعوازل ولاحظ مساحتها تلاقيها ضخمــــة وكبيرة . عيوب النسخـــــة الأمريكية الوزن فقط وبعض الأشياء البسيطة مثل طرمبة البانزين وهذا ما يحدث كثير ويتم معالجتها وتصليحها وما تكلف 500 ريــــــال لو تعطلت النسخـــــــــــة 2022 بطل بطل بطل بطل .. إستأجرته لأكثر من أسبــــــوع السيارة مصنوعة بمواصفات فورد بالكامل ولاحظ الداخلية كلها مبطنه من أفضل أنواع الأسفنج والأدراج مفروشة شامواه أو قطيفة وبصراحه والشهادده لله أبدعوا في تصنيعها حتى من ناحية الوســــــع .. ولكن أخطأت فورد بإستخدام تقنية التيربو وحجم المكينه .. السيارة لما أستخدمتها كانت تسابق الريح عزم جبار بشكل ما تتوقعـــــــــــه وأفضل من النسخــــــــــة الأمريكية بكل أمـــــانه ولكن السبب التيربو مو المكينــــــة والا المكينه مسكينه ضعيفة 2.0 وكلها مع التريبو تولد 240 حصان لكن خففو الوزن الزائد .. والستــــــــة سلندر 288 حصـــــان تنفس طبيعــــــــي يعني أحصنــــــة تولدها المكينه نفسها مو التيربو .. وهناك جزئية اللي هي الأنوار .. الأنوار سلمك الله لما شريت السيارة غيرتها ليد من توكيلات الجزيرة على طول الأنوار في سيارات فورد بصفــــــــــة عامه سيئــــــــــــة وما فيه عناية بها مع الأسف أما تورس 2023 لو عرضــــــــوه لي بــ 80 الف ريـــــــــــــال أعلــــى فئة ما شريتـــــــه فالسيارة تحولت الى سيارة صنينية صينية بكل ما تعنيه الكلمة وفيه فرق بين التقنيــــــة والفخامه واللي قاموا أصحاب القنوات مع الأسف يخلطون بينها لعدم علمهم مع الأسف فأصبح الحديث كله عن الشاشات بينما السيــأرة كلها بالكامل بلاستيك ردي وبعد فترة بسيطه تصير السيارة كلها خدوش ومنظر مقززمهما حافظت عليهــــــا أتمنى يكون أفدتك باللي عندي من معلومات متواضعـــــــة
كلامك كثير منه صحيح بس اختلف معك بصرفية البنزين داخل المدينه انا مستخدم موديل 2021 وماشيه الان حول 70 الف واغلب استخدامي داخل الرياض ما لاحظت صرفية البنزين الي تقولها داخل الرياض تمشيني فوق 600 والخط يمشيني 800 انا مره مدقق بصرفية البنزين بحكم اني شغال في اوبر واغلب شغلي بوقت الذروه والزحمه يمشيني 600 بالراحه وبعض الاحيان يمشيني حدود 700 اي فل لازم اصفر العداد واحسب بس انا راكد بالسواقه واغلب الوقت حاط بالوضع البيئي بس للامانه موتر يستاهل كل ريال فيه
تحصلك تسوقها بالمدينة سواقة اقل من الطبيعية الرجال يتكلم عن سواقة طبيعية مو يتحرك زي السلحفاة ويعطل خلق الله وراه ولاسواقة التهميز كلنا نقدر نسوقها لكن بنعطل العالم
@@بدرالبدر-ك7ذ لا تظلم الرجال،ترا الشكب ذا طرمبة البنزين يجي بها بلا،الصرفية العالية ممكن تكون من الطرمبه وبعضهم تتعطل عندهم تماما، يمكن الرجال موتره طرمبتة ممتازه ومافيها شي
@@NotMoes1 يابن الحلال انت تحسبنا ماجربنا سيارات ومانعرف ان سيارات بهالوزن والحجم كم بتمشيك داخل المدينة الرجال اللي بالفيديو صادق اما صاحب هالرد فهو كذاب مدلس متعصب وانا اقدر اهمز اي سيارة واثبت السرعة على ٨٠ ثم اجي واقولهم ابد السيارة ماتصرف
الله يسعد مساك ياغالي بخصوص النتعه وقت الزحمه دبلت كبد لكن انا ماعطيتها اهتمام لاني عارف انها تصنيع القير وطبيعيه .. الطاره فعلا اذا الموتر معرض للشمس سلم عليها .. البنزين صادق ماهو على الطموح بما انها 4 سلندر لكن تنافس ال6 سلندر وهذي المصيبه .. يعني انا دوامي ومشاويري بعز الصيف المعدل مابين 550 كيلو الى 680 اكثر من كذا مستحيل .. لكن بالشتاء كنت مرتاح مع الصرفيه الموتر يقطع بي مسافة 800 كيلو طبعا سلبيات ولكن طبيعي جدا كل السيارات فيها نواقص والحمدلله السياره مطربتني طرب كبير
فيه نقطه مهمه اللي هي سافرت للدمام من الرياض للأسف الصرفيه ضعيفه وانا مثبت السرعه بس ممكن بسبب الهواء ضدي .. عندي انا مشكله الدركسون فيه رجه بسيطه اتوقع احد عضلات السياره فيها اشكاليه وفيه عندك مساعدات السياره امتصاصها ضعيف تحس كأن الموتر يحتاج تغير له مساعدات بكراسيها
@@truthseeker4703 لاوالله انت الغلطان اتا اتكلم عن النظيف مو الخرد موديل قديم النظيفه موديلات ٨الا ١١ اذا امورها كلها تمام دبات حساسات فلاتر بخاخات كويلات والله تمشيك خط ٧٠٠ وداخل المدن ٥٠٠ واذا فيها مشكله تمشيك ٣٠٠ داخل المدن وخط حول ٥٠٠ التصفيه لها دور كبير في الصرفيه لو ٤ سلندر اذا فيها مشاكل تصرف بشكل كبير
@@truthseeker4703 مامعي فورد بس ابعض اخوياي معاهم فوردات وركبت مع واحد منهم في سفر وقطعت ٤٠٠ كيلو السياره بنص التانكي وباقي نص وسألته كم يمشي الفورد خط قال ٧٠٠ قدام عيني شفته التانكي نص بعد ممشا ٤٠٠ خط ويشهد الله فكتوريا ٢٠١٠ وستغربت ٨ سلندر اقتصادي ههههه ماشاء الله وفكر اخذ فورد ماشاء الله ع القوه وهيبت 8 سلندر مقارنه بغيرها اقتصاديه
ياجماعه الكمال لله سبحانه مافي سياره مافيها عيوب اهم شي خذ السياره اللي تعجبك واشكر صاحب المقطع نفس الشي بالنسبه لي ولو رجع بي الزمن اخذها مره ثانيه😃
١٠٠٪
مضبوط خذ السيارة اللي تعجبك واذا خربت او انصدمت كل هوا !
السيارة اللي مالها قطع غيار متوفرة وصيانتها متوفرة في اغلب الورش لاتقرب منها
لا والله استشير وأسأل وجرّب بنفسك لو سيارة إيجار واستخير قبل تقدم عالشراء وتتدم
الالنترا مافيها عيوب ابدا. اشترها وطف دماغك
@@oqhrمافيها مواصفات😅
✦ الحمدُلله ✦ سُبحان الله ✦ لا إله إلا الله ✦ أستغفِر الله ✦ لا حول ولا قوة الا بالله ✦ اللهم صلِ على نبينا محمد ﷺ🥰
معي تورس 22 لها سنة ، والكلام اللي ذكره صاحب المقطع 100٪ سواء الايجابية والسلبية يعطية العافية ، ملاحظتي البسيطة ان العزل صحيح فيها جبار بس للاسف ينخفض بعد فترة ولازم تروح الوكالة يضبطونة لك ويرجع مثل الجديدة والملاحظة الثانية الديكورات صارت تطلع اصوات .
انا الحمدلله ماوجهت مشاكل بالعزل والديكورات، في ناس واجهو مشاكل بالديكور اتوقع بعض السيارات
رااعي تورس 21 مر من هنا الاهم من المقطع إشادتك على التورس و بصرتنا في التورس أزود مشكور ولاكن الصرفيه صدقت لك عليه فيه صرفية فعلآ أم الديكورات مالاحظت عليه شي وموتر وصله وحده أعجل علينا بتجربة الموديل الجديد 23 و تحياااتي و الشكر ع طرحك الشيق و المختصر المفيد
كيف يرجعونها مثل اول وش الي يغيرونه
@@adelasel3791 ما اعلم ايش اللي سوه بالضبط لكن انا العزل بعد ماشتريتها ب 6 شهور تقريبا قام يخف تدريجي ، ورحت الوكالة ودخلوها على الفنيين وطلعوها بعد 3 ساعات ، وقالو خلاص ضبطناها شدينا الابواب لانها مع الاستخدام ارتخت وشدينا الربلات . وبعدها جربتها وفعلا رجعت مثل اول ماشريتها
@@Yxzwq وش قلت للوكالة وبكم
بيض الله وجهك نقاط مهمه كنت ابحث لها عن اجابه
شكرا جزيلا ...
الطارة نصيحه نجدوها جلد وحطو لها مرطب تظبط عانيت منها في الجموس دايم تتقشر
معي مديل ٢٠ صار لها سنتين معي.. ملاحظاتك في محلها بصراحه
بالنسبه لي ماشي قريب ١٠٠ الف وحمدلله ما واجهني اي مشاكل بالسياره وماقد غيرت الا البطاريه تبارك الله
وعاجبني الوسع والتكييف والعزل وان السياره ذكيه جدا مثلا التشغيل عن بعد جدا سريع وانك تنزل وهي شغاله وتتقفل عادي ولو ماقفلت عادي ماراح تنسرق لان القير يقفل لانه اكثر شي يميزها
@@dushkaz لا والله الجزيرة
طيب كيف وضعك مع الزيت وش الزيت اللي تغيره
ول ماشاءالله يعني بالسنه تمشي خمسين الف😨😂💛
@@ht98mm89 طبيعي بالرياض منيب بالباحه
@@hamadmo3143 انا بالضهران ماني بالباحه هههههههههههههههههههههههههههه هههههههههههههههههههههههههههه
ولله الحمد والمنة وبعد توفيق الله انا من ملاك التورس فئة التيتانيوم وكملت معي سنتين ونص تقريبا بأمانه موتر متكامل والكامل وجه الله سبحانه، مشكلة التنتيع وتآكل جلد الطاره صحيح حصلت معي وحليتها، نعم هي مشاكل بسيطه ولكنها اشياء لا تذكر جنب بحر من المواصفات الايجابية.
كيف حليتها ؟
@@abumohammedalgamdi9291
شرح بسيط: بالنسبه للتنتيع سببها التيربو كل ما كانت رجلك حاره وقوماتك قويه "نسبياً" يكون التيربو معك في عز نشاطه لدرجة انك مجرد ما تحط رجلك ع البنزين تبدأ تنتع لانها تبي دفع اقوى مثل ما سويت بالسابق. الحل انك تخفف قوة الدعسه خاصه لما تكون من الصفر.
بالنسبه لتقشير جلد الطاره ركبت تلبيسه طاره قماش منها يمنع الحراره ومنها يحفظ جلد الطاره من التآكل لبعدين
@@Htn-99 .
تآكل جلد الطاره شلون حليته ؟
@@saudaltwaijri3427 كاتب في التعليقات ياغالي
شكرا على المقطع الجميل، بالنسبة للنتعات هذه طبيعية بكل سيارات التيربو واللي تزيد عنده يقدر ينظف الثروتل وترجع تمام👍🏻
بخصوص صرفية البانزين لأن السياره تيربو والتيربو عدو الصيف يحتر فا تزود الصرفيه اما في الشتاء تكون السياره بارده ومرتاح التيربو عشان كذا مايصرف بالشتاء
احسنت
صادق لاحظت الفرق
مشكلة القير هي بسبب شي اسمه تيربو لاق و هو معناها ان دفع الهواء ل التيربو قل ف تصير فضاوه و تطلع الطقه هذي. انا معي توريس ١٨ و فيها نفس المشكلة.
طيب وش حلها يخوي ولله ياهي تعبتني تطلع مع كل النمرات
@@abomgren مالها حل و انا اخوك. شركة بي ام دبليو حطت تيربو مصغر خلف التيربو الكبير عشان تحل مشكلة اللاق و نجحو و لكن بنسبه ٩٠ بالميه
@@otb.bs90 فعلاً اغلب السيارات الالمانيه توين تيربوا مو عشان الاداء عشان نعومة القياده
يعطيك الف عافيه ، اتوقع الصرفيه داخل المدنيه الي اثر عليها الي هو القير بحكم ان النمره الثانيه ما تطول ابد وذي مشكله صراحه يعني ترس كامل ما تستفيد منه استفاده كامله ودايم على السرعات البسيطه زي ٣٠ يحشر القير فتفرق ويمكن التنتيع بعد من الترس الثاني والله اعلم
الله يعافيك، صدقت القير اتوقع هو الي حايس الصرفيه داخل المدينه
اي ولله انا اعاني من مشكلة القير ذي واكيد انها سبب الصرفيه الزياده
Oo
@@moayed4cars668 حلو مشكلة القير في 23؟
بالنسبة لغيارات القير اثناء السرعات المنخفضة، هذي موجودة في سيارتي النترا وفي اغلب السيارات
بالضبط انا معي هونداي نفس مشكله مع الزحمه
كلامك صحيح عندي إلنترا 21 نفس الحاله
التورس تبديلات قيرها ثقيله وتحسه بدون نفس يبدل
@@abomgren فعلا يعشق بدون نفس
جربوا تفصلون الاي بي اس كامل وحط مانيوال
كفيت ووفيت بمعنى الكلمة
شكرا على المراجعة
بفضل الله احد ملاك تورس ٢٠٢٢ ، السيارة بشكل عام ماشاء الله بارك الله اكثر من من رائعه ، ولا يوجد سيارة خالية من العيوب ، اذا كان مرسيدس الجوهرة تم استدعاءها لمشاكل فيها ، اذن هذا طبيعي ، الاهم حافظ على صياناتها و استخدمها بنمط خفيف ، و باذن الله ستبهرك بدلالها
وش تقصد بصيانتها
الفورد مصنوع للكد ماهو للراحه معي فيوجن ٢٠١٥ كارفها كرف حمار داخل الرياض وخطوط ولا قالت اح ولا تغير فيها شي لا ديكور ولا غيره ولا نويت ابيعها ابد على ان سعرها طار فالسما يوم انقطعت وشاء الله وراحت تالف والحمدلله ومن مشاكل التورس الجديد ٢٠٢٢ مع الشباب وقفت نشوف الشكل الجديد اذا مثل ٢٠١٠ الى ٢٠١٩ بالقوه كيشته
السلام عليكم ياخوي نسبة الهواء للكفرات ٣٥ تعتبر السيارة مبنشره وعسره وعسر ممشاها انا اخليها نسبة الهواء للكفرات ٤٠ ٪ والحمد لله ماعرف لا صرفيه ولا شي ابد ابد سهله السياره مع ان سيارتي كامري استاندر سعودي والتورس الحديديه من ٢٠٢١ الى فوق ممكن كويسه
معك واحد استخدمها ٥ سنوات و جلدتها في الاستخدام و ماشاء الله مكمله و خطوط بشكل دائم و كرف السياره تتحمل بس مشاكلها التيربو اذا احتر يطلع صوت مزعج اما زيوت و فلاتر كلها حريص عليها و يارب لك الحمد ما قد دخلت ورش و احيانا ادعس بس صار يضر التيربو في عزمها و خصوصا الظهر تبدء تصير بطيئه في الإستيعاب اذا دعست بشكل بسيط و ريش المكيف اكثر عيب ازعجي مافي تخفيف للهواء لازم اقفلها كلها او افتح التبريد السفلي
شاكر لك على التوضيح وماشاء الله دقيق ..
واقول ان مع هذي السلبيات تستحق الاقتناء .
الصراحه انا محتار مره بين توريس ٢٠٢٢ و٢٠٢٣ كلها فئه التيتانيوم
ك شكل خارجي عاجبني الشكل الجديد عاجبني اكثر، لكن اشوف كثيرين يقولون مشاكلها كثيره ومدري وش ف الحين محتار بينهم.
عطني اقتراحك ؟
بجرب الجديد موديل ٢٣ ان شاء الله قريب بس حاليا ماقدر اعطيك رأيي فيه وانا لسى ماجربته
وانت مغمض 22، 23 تنقصه مواصفات كثير وصنعته ما تدري وش اصلها،22 اضمن لك وللزمن وحتى مواصفاته افضل ورسمي اكثر
اعرف واحد عنده ٢٣ خربت عليه البطاريه وخرب عليه طرمبة البنزين مرتين والسياره توها جديد انصحك بال ٢٢
@@abomgren اما عاد ؟
@@abomgren رافع طلب وبتجي يوم بكرا
الصدق بديت تخوفني
انا معي مازدا ٦ ٢٠٢١ والتنتيع بالقير على سرعات منخفضه في الزحمه عندي ومسبب لي ازعاج بس اغلب الناس يقول طبيعي
نفسك 6 21 فل
انا امتلكت سيارتين عام 2014 مازدا ستة وعام 2019 مازدا سي اكس فايف فيه تنتيع لكن لا تشيل همها سيارة كرررف بمعنى الكلمة ما شاء الله بس انت حافظ على السوائل والاشياء الاستهلاكية والله من حفر من ارصفة ومن دعس كنت كارف السيارة كرف لكن ذحين هديت الوضع في االمازدا سي اكس فايف وهيا صاملة ما شاء الله ونصيييحتي لك السوائل انتبه لها والزيت حافظ عليه
@@redhaahmeed882 الله يبارك لنا ولك
@@Moayad.alyehya ماشاء الله بكم طلعتها
انا اكورد 2018 ونفس القير في نتعه في السرعات الخفيفه خاصه في الصيف القير هذا ورانا ورانا
أبدعت، توصيل راقي للمعلومه
موضوع القير ياخوان ترا الزيت له دور كبير تلقى وقد شفت واحد يتكلم عن السيارات الي تتجمع بالصين او تتصنع الصين تجبر اي واحد يجمع او يصنع يستخدم الزيوت حقتهم فا نوعها سيئ وانصحك تغيرها الى الزيوت الامريكيه وتحط محسنات وباذن الله راح تفرق وانا كان الفورد فكتوريا حقي فيه نتعه وتاخير غيرت الزيت وحطيت محسن والله فرق فرق مب طبيعي وبعض المرات يكون مب سبب الزيت يكون سببه حراره القير مع الزحمه ينتع وبشكل عام التورس فيه مبرد كويس فا اتوقع من الزيت واذا حاب تتاكد من موضوع حراره القير فيه قطعه تشتريها بي٧٠ ريال من ساكو تطلع قرايت الحراره وشف بالزحمه كم توصل الحراره وان شاءالله تلقى المشكله🙏🙏
مالها علاقة وانا اخوك شفت كذا واحد يقولون انها نفس الشي بموديل ٢٠١٧ الايكو بوست وهذاك الموديل امريكي
حقت الطاره اغلب الامريكي كذا فوق انه يتقشر تحس فيه شي لازق بيدك زي الصمغ واسود لونه ومرات ما يعطي لون بس فيه شي بيدك وما يروح مع الماء بسهوله
بيض الله وجهك ، كفيت ووفيت
النتعه فالتورس من ٢٠١٧ ايكو بوست الى الموديل ٢٠٢٢ والسبب بلف الحراره الي موجود خلف البطاريه وجنب المكينه نظام للاسف غير مناسب ل اجواء الخليج لانه اذا جت زحمه يمكن يعلق ويسبب نتعه بالقير وفيه واحد ألغاه واموره تمام باليوتيوب موجود المقطع وموجود بالدوج وبعض السيارات الاماريكيه
بلف القير؟
@@azooozz970 ايه مبرد نظام بلف
@@azooozz970 اكتب ابو رياض الطوهري
جربت تلغيه؟
وهل اذا الغيته على القير ضرر ولا لا؟
تنتيع القير بشكل عام اما يكون نقص زيت قير او ارتفاع حرارة القير
لاتفتي بعض السيارات قيرها يكون دبل كلتش وذي تنتع بالسرعات المنخفضه بس يكون استجابه القير عاليه "يعشق بسرعه" وكل سياره لها طريقه تعشييق معينه واسوا السيارات من ناحيه التعشيق تويوتا وام جي
@@user-sv3vr1ro8b لاتفتي وتربط قير الدبل كلتش بتويوتا بطريقة غير مباشرة من باب التلميح علشان تخلي لك مخرج وتقول انا ماقلت تويوتا قيرها دبل كلتش وتعال نتناقش بقير تويوتا بدون ماتدخل ام جي وقير الدبل كلتش وتحاول تضييع القارئ للرد والتلبيس عليه ولعلمك تويوتا عندها قير cvt من افضل القيور من ناحية عدم وجود تنتيع وعمليته
@@بدرالبدر-ك7ذ انا ماقلت شيء عطيتك امثله عن القيور فقد بس يبدو انك من شبيحه تويوتا ههههه
@@user-sv3vr1ro8b لاتقعد تلقي التهم وتحاول تصرف تبي نتناقش بشكل علمي بدون كيل الاتهامات بالتعصب لماركة معينة
@@بدرالبدر-ك7ذ مافي اي تعصب طال عمرك وموتري كامري ٢٠١٨ لو ابغا اطبل بطبل لموتري بس فعلا سيارات تويوتا وام جي من اسوا السيارات بالقير
في مبالغة شوي ، انا بالرياض واداوم من اقصى الغرب لاقصى الشرق و امر اغلب الزحمات بالرياض ، ماقد لاحظت ان السيارة تستهلك بنزين بالكمية الي ذكرتها بالفيديو ، بالعكس السيارة بالمدينة موفره الفل يمشيني حدود ال700 .
كثير الاي يشتكون
وشوايك في السياره تنصحني
ع طاري التنتيع شفت المهندس احمد الحربي معروف مهندس سيارات يقول التنتيع بذات الدفع الرباعي الستة سلندر اتوقع قال الستة وواتوقع ذكر بعد التورس انه بسبب هوا الكفرات يعطي قراءة خطا للكمبيوتر وتوزيع القوة وزنو كفراتكم صح ع 32 او حسب اصحاب التورسات
سؤال يالغالي لو ردت فيك الزمن تشتريها ولا تاخذ غيرها ؟
انا اشوف انه عادى جدا هذه الصرفيه لانه فيه زحمه والسياره تشتغل فتاخذ مده وهي تصرف وقود وهي واقفه عند الاشاره وطوابير الزحمه
فعلاً فيها زي التنتيعه الخفيفة وانا ماشي 30 الف حالياً لكن اعتقد ان ثقلها في الدعسة او تبديل النمرة هو اللي مخليها تحافظ على صرفية البنزين وانا بحكم كان عندي ماركيز 2004 جلدني بنزين التوروس نعمة عظيمة بخصوص الصرفية سواء داخل المدينة او بالخط. وفيه صوت ماادري هو طبيعي او لا للمكينة بس قلت شكلها المروحة صرصرة كذا خفيفه لكن انا مااسوي صيانة كاملة للأسف بس اغير زيت لذلك ماابي استبق الأحداث وبشكل عام الحمدلله الموتر وش زينه ..
ماشاء الله الله يبارك لك فيها يارب ويطعمك خيرها ويكفيك شرها مشكلة التنتيعه الي بالقير انا صرت اعبي 95 فرق معي الموتر اول كنت احس فيها بـ 91 مدري هو نفسياً او صدق له دخل 95 بس الي لاحظته عزم الموتر صار اقوى
تقصد صوت طقطقه خفيف لمن تشغل السياره او توقف من جهة الراكب تسمعه صح ؟
الفورد تمشي 450 و500 اذا مره مرخي الدعس
كيف الموتر الحين معك
ياملاك التورس 2022 وش تنصحوني بالزيت بحكم انا في الباحه وماعندنا الا بترومين وانا حاليا اغير بترومين وماعندنا وكاله لكن احس ان السياره تحشر البترول الذهبي فتح عندنا ودي اغير الزيت لكن مدري وش اغير
موتر كرفت 5w30 الذهبي 10 الاف لاتغير غيره وبس
ولاتعبي الا 95
@@Ab-cx9lq المشكله يخوك ماعندي في الباحه الزيت هذا شركه بترومين لازم اغير زيت بترومين ماعندهم غيره وعندنا شركه البترول الذهبي عندهم كل الزيوت الا موتر كرفت يقولون مقطوع وحتى لو جبته من برا وسويت له طلبيه مايوافقون يغيرونه
@@a__7liiii عندك فوكس تيتان بديل موتركرافت ممتاز وموتركرافت حصلته في جدة شارع بني مالك عند قطع الغيار
يعطيك العافية ع الشرح الجميل و البسيط
سؤال بسيط انا عندي تورس ٢٠٢٢ واسمع صوت طقطقه خفيفه من تحت كرسي الراكب اذا مشيت ١٢٠ او اكثر ولا عرفت الصوت من وش اذا واجهتك هاذي المشكله او تعرف احد واجه نفس المشكله ممكن تعلمني لو ما عليك امر
والله وانا اخوك ماقدر افيدك فيها
ياحبيب المشكله اللي عندك البطانه
البطانه البلاستيك الغطا تكون نازله يخش فيها هوا قوي يوم تسرع ويطلع الصوت روح الوكاله يصلحوها
طبعا جهة الراكب
@@mr.casanova7145 يعطيك العافية🌹
ايه عندي ترها في باب الراكب يصلحونها الوكاله
مشكلة نتعات القير بجودة الزيت دور لك زيت بنفس المواصفات ولكن شركة معروفه وينحل الموضوع السبب يعود ان زيت الجير المستخدم صيني من شركة شانجان ويعتبر ما يتناسب مع اجوائنا وعلى فكرة هذي المشكلة في اغلب السيارات اللي تجي من الصين غير الزيت لشركة متخصصه بنفس مواصفات سيارتك حسب كتالوجك استفسر من الوكاله عن المواصفات وغيره لو ماشي عليه عشرة ويتغير عليك وبتشوف الفرق
طرحك جبار جدا و مفيد
ياشباب وين افضل كامري او تورس🤚🏼
الف شكر على المعلومات اللي قدمتها كفيت ووفيت الله يبارك لك 🌹🌹🌹
احسن مافيه العزل الارض بارك الله فيك
والسلبيه القاتله الموتر فيه ثقل ووزن متعب
بالنسبة لي العزل الارضي متوسط ماهو سيء بس ثقل بالموتر مالاحظت فيه بالنسبة لي. ولكن ثباته لك عليه شوي.
حرام عليك الموتر يعتبر الافضل بفئته بالثبات لا افالون ولا ازيرا ولا كيا بكبرها ينافسه @@moayed4cars668
السياره مالها علاقة بالتورس القديم ولا تباع في امريكا
بصراحة اتفق معك بكل كل حرف قلته وبخصوص الراحة انا فعلا سافرت بالموتر مرة وحدة حسيت انه نازل يعني طريقة جلوسك بالمقعد كانك بسيارة سبورت تكون معفوظ نسبيا خصوصا للي طولهم 180 والموتر جميل لكن بالذمة مايناسب اجواء الرياض الدمام جدة. يصلح بالمناطق الباردة
لست محابي لتورس ولكن امتلك 22 تقريبا ماشي عليها 70 الف موتر لاغبار عليه في فئته بأستثناء تاخيرات القير الثاني والثالث !!! فعلا ترفع ضغطك وقت الزحمه
تنصح فيه لاني شايل هم انه مايكون عملي
@@TM-jo7ci انا قبل اشتري استاجرت تورس وافالون جربتهن ماجازت لي التورس واخذت افالون الحمد لله ف نصيحة استاجر وجرب بنفسك تحكم يمكن ما تناسبك السيارة
سؤال مهم طال عمرك هل التيربو له صيانه كل ٥٠الف او٨٠الف
بالنسبه للمكينه فوق الممتاز لان عزمها قريب 390 نيوتن على سيدان رقم جدا قوي
مشيته 200 الف والله موتر ممتاز من كل النواحي ماغيرت الا اشياء استهلاكيه بس لازم يفهم الي يشتريه انه موتر رسمي يبطل تدعيس وزرزره
وين غيرت البطاريه ومتى وبكم
الله يبارك لك و يعطيك خيرها و يصرف عنك شرها
اشكرك على المعلومات اللي أعطيتها صحيحة 100٪ أنا معي تيتانيوم 2022 بصراحة العيوب كلها بسيطة و تتقبل لكن صرفية البنزين كارثة كرهتني فيها التانك فل 95 داخل المدينة ما يمشي 400 و الدعسة خفيفه و اللي مسوي دعاية للسيارة و يقول تمشي 800 و 700 مهو صحيح و السبب إنه مكينتها (تعمل بنظام الإيكوبوست) تستهلك 20 ضعف كمية الوقود عند السرعات المنخفضة و التوقف و لا يوجد حل لا مع زيت او غيره
سلملي ع الاوريون
سته سلندر بخاخه
المدينه يمشيك التانكي ٥٥٠
خطوط ٦٥٠
تنفس طبيعي لا تيربو ولا صيني دخل يده في السياره
تنصحني اخذ مثلها بعد تجربتك وشاكر لك
اتوقع اذا رحت الوكاله يغيرون لك الدركسون عالضمان لانه يعتبر عيب مصنعي
الله يعطيك العافية بس ياليت ذكرت لنا اي وضعية قيادة داخل البلد اللي تقول عنها سيئة هل كنت على الإيكو او النورمل والسؤال الثاني بالنسبة للخطوط كنت اي وضعية مفعل الإيكو ؟
استمره الله يسعدك ♥️💌
بأذن الله
بنسبه للقير نفس ماذكر الاخ حتى في موديل2023
اشكر صاحب المقطع وبنسبه لي اهم شي الثبات وبعته عشان كذا وصرف البنزين وطقطقة الديكور والجير مزعج بزحمه
تقشر الجلد في جميع السيارات بسبب العطور الموجودة في يد السائق ومع الوقت تأثر على الجلد
وش يحسون به اللي يعطرون ايديهم؟ اظن انها حركة منتشره وشائعة
اقدر اعطل صوت البوري لما اقفل باب الموتر وداق السلف ؟
يعطيك العافية مراجعتك تكفي في انه الواحد تعجبه السياره او لا وطبعا وتقريبا كل السيارات فيهم سلبيات
انا عندي سوناتا 2017 وتصير لي تفتفه والغيارات تطول مع التهدئة ومدري شالحل
بس باسال هل جتك علامه ضغط الزيت الحمرا ولمبه المكينه؟؟؟
لا ماقد جتني الحمدلله
ياحيّ سلبياتها عند الايجابيات ذي .. جرب الكامري وتشوف كلها سلبيات والايجابية الوحيدة صرفية الوقود *راعي كامري22*
صادق اخوي بس عاد حبيت اوضح للناس السلبيات والايجابيات والناس تختلف في ناس ممكن تكون السلبيات الي ذكرتها ماتهمه وفي ناس لا تكون مشكله بالنسبه له.
معي 21 ستاندر مطور صح صرفيتها ممتازة والعزل تقريبا سيئ والعزل الارضي والعزم معروف جيد السيارة ماشيا 37000 ولا واجهة اي مشكلة
والمواصفات ابو كلب مشلحها
انا من مستخدم تورس اتفق معك صراحه كلامك جميل
5:20 اتفق معك
من ناحية نتع القير حتنا معي كامري19 فيها واتوقع بخصوص ال8 نمر والله اعلم وحتى الافالون برضو فيها التنتيع الله وعلم⁉️
انا معي افالون حالياً
وكان معي تورس ٢٠٢٠
التنتيع اللي بالتورس كان تنتيع وقت التسارع وهذا غير طبيعي بنتظري
اما اللي بالافالون يكون وانت تهدي وهذي مشكلتها برمجة القير نفسة لما يسوي داون شفت
واللي جرب الموترين بيلاحظ هالشي
@@user-ie9hw9xv6g اتوقع تنتع وقت التسارع بسبب التيربو
@@user-mk4cc5yd7s معتقد، المشكله بالقير نفسه
@@user-ie9hw9xv6g وش الافضل تورس او الافالون
@@user-ie9hw9xv6g التورس بعد 2019 مهي تورس
معي تورس ٢١ وعزالله انك جبت كل المشاكل خاصه القير الي وترني
قد غيرت البطاريه؟
كيف الموتر معك
طيب عندي مشكله اواجهها واللي هي التحكم فالصوت فالخلف احيان يركبون ناس غثيثين وينقصون ويرفعون فا كيف الغي الخاصيه التحكم بالصوت فالخلف ؟
نزله من السياره
في حل انك تروح محل زينه يحط على الازرار نايلون حماية ويلبس التكاية كيس وكاله فالنص منطقة الازار ومحد بيتلقف.
@@hrb1ههههههههههههههههههه
كف كفين واذا زودها نزله من السياره وامورك طيبه
عيوب كثيره .. كيف القير يبدل كل شوي داخل الزحمه .. وكيف في المنعطفات ماهي راسيه ..
اكبر عيب تبديل القير عشان كذا يخبط ههههههه .. والعزل الارضي اقل من المتوسط ..
قصر السيت احسه وانا اقصر منك
التنتيع يحشر لين يبدل حوله ايكو بيبدل اسرع
ديكور الشاشة و التكيف اسمع فيه طقه تطلع من نفسها وانت ماشي عادي وماهو شرط تسمعها بالقربعه جايه من الوكالة بالصوت ذا
عتبي على الشاشة بعد النظام تحسه قديم و مافيه خصائص كثيره
السماعات على الصوت العالي دون المستوى
ها طمنا الان كيف التجربه بعد سنه
اول شي سلام عليكم ملاحظاتك صحيح واتفق معاك فيها كلها الا الثبات جربت اغلب المنافسين هي من الافضل والعزل ممتاز ومشكلة تاكل جلد الطاره حصلت معي وحليتها وما واجهة مشاكل غيرها الحمدلله موتري 21 ماشي 87 والصرفيه انا في الطايف ممتازه دخل المدينة 600 تقريبا وعلى الخطوط 800 تقريبا ومشكلة القير ما واجهتني الا مرات معدوده واتواقع من الحراره
شلون حليت مشكلة الدركسون لو تفيدنا
@@zoooz2870على الضمان في الوكاله
لو اخفف دعستي تمشيني 700؟
يعطيك العافية اخوي مشكلة القير ايش هي بالضبط ؟؟ وكم كلفك تصليح
من ٢٠١٥ الى ٢٠٢٢ معي فيوجن وراحت تالف ماعمر القير صار فيه شي ولا واحد من اللي اعرفهم شكى بس فالسوشل ميديا اشوف ان القير فيه مشاكل هههههه جد صنعو سياره ٧ سنوات فحمات زيت ومرتين كفرات ودز
الفورد بعد الكراون فكتوريا ماهي فورد 👌
لا لا فورد بس انت تحب تطبل
@@بدرالنفيعي-ب6ح
مو تطبيل بس هذي الحقيقه
ـهههههههههههههههههههههههههههههههههههههههههههههههههههههههههههههههههههههههههههههههههههههههههههههه☺︎︎
@@V2cn1 ابشرك شريتها الثنتين والله يا التورس افضل من الفكتوريا
انشهد الفكتوريا امريكي اصلي مو تلفيق بعدين معروفه ومشهود لها بالقوه والكرف تمساح
انا اشهد معاي فورد 2006 فكتوريا وحشششش
ما شاءالله عليك فصصت السيارة تفصيص أنا أخذت السيارة ايجار و فعلا كل الأشياء و الملاحظات اللي تقول عليها كانت موجوده و زيد عليه سوء جودة المواد الداخلية و بطىء في الشاشة يغث
فعلا اكثر شي متضايق منه القير خصوصا اني بالجنوب وكل ما اجي بسافر مثلا لجده لازم انزل العقبه ولازم احطها قير عادي ومايثبت على الاول او الثاني
ماعندي غير اني اخليها تدحدر بدون اي لمسة بنزين حتى لو السياره قربت توقف عشان مايبدل من الثاني للثالث
غير زيت القير لنفس المواصفات ولكن شركة معروفه ولها سمعتها بالسوق ويتغير عليك وذلك لان الزيت اللي بداخلها صيني وجودته اقل من عادية كثير واجهتهم بكل الموديلات من 2020 وانحل الموضوع
@@رشيدالرشيد-ب6سوشرايك تنصحني فيها
بعد ماشفت سلبيات وإجابيات التوريس والاكورد جميعهم ٢٠٢٢ ، للامانه ترددت وانا مخير بين هالموترين التوريس ٢٢ والاكورد ٢٢ ، مع اني اميل للتوريس كثير وابي هالموتر لو ادفع فيه دم قلبي لكن بالنهايه بااخذها كلها اقساط واخاف اخذ الموتر وتواجهني مشاكل مستقبليه تبلشني وتوهقني ، وكذالك الاكورد مراتبه قاسيه وقطعه نار ، فوالله اني ماادري ترددت صراحة
وش خذيت ؟؟
صل استخارة وخذ اللي ترتاح له اكثر
انا لاحظت الصرفيه بالسياره السفر تختلف عن المدينه مع ان سيارتي مو فورد بس واضح جدا الفرق
انتظر تجربتك للموديل الجديد 👍
بعد العيد بأذن الله
ما شاء الله تبارك الله العزل حلو الله يباركلك
مشكلة القير موجوده بالمازدا ٦ معي وحده ماشيه ١٦٠ نفس المشكله
في تحديث جديد نزل لTCM للمازدا بس لازم يكون أون لاين عن طريق جهاز الشركة IDs
والله كلامه صحيح ماشاءالله
انا معاي 22 بنزين 91 ما يكمل 400 كيلو وأنا أستغرب كيف واحد يقول تمشيه 600 وداخل المدينة
وش رايك بالموتر من ناحيه الاعتماديه
عز الله انك صادق انا مستخدم لفيوجن ١٦
راسية وممتازة بالخطوط لكن فيها تنتيع غريب وكنت احسبه عطل طلع طبيعي بالفورد
وغير كذا فورد بشكل عام ثقيلة على المطبات بشكل غريب
هذي ابرز عيوب الفورد بشكل عام
غريبه معي ٢٠١٥ ولا مرت علي مره
هل صحيح التورس لزوم توضيب القير ب ٢١الف ؟؟؟؟
مين كذب عليك
صرفيتها داخل المدينه صراحه تصرف شكلها راضعه مع فتك بس الشيء الغريب الفرق كبير بين الخط والمدينه
مررره طبيعييه ب النسبه لي داخل المدينه ٥٥٠ و برا المدينه ٨٠٠ مره عادي لنك ماسك خط و مثبت السرعه مريح المكينه و في النهايه على حسب دعسه الواحد يمكن رجله حاره هو
معي تورس ٢٠١٥ موتر جميل جداا
التورس الجديد فيه عليه كلام
نفس الشي معي تورس ٢٠١٥ واستاجرت ٢٠٢١ قلت اجربها والله ما اعجبتني المقاعد غير مريحة ابدا
الطاره او الدركسون عليه ضمان سنتين او ستين الف كيلو وتقدر تغيره
كويس انه يشملونها بالضمان ، بس المشكله لا انتهى ضمان السنتين وتقطع من جديد
مااتوقع يغيرونه بيقولك سوء استخدام ولا يشمله الضمان
ممكن اخوي تعلمنا كم تعبيها فل؟
الفيوجن موجوده او توقف تصنيعه
انا مستخدم لفيوجن ١٦
لاحضت السنة ذي كثير يستخدمونها
الموتر والله اني كديته خطوط وماشي معي ١٣٦ الف ، عزمه كويس ورساوته جبارة
وعزله ممتاز
لكن عيوبه نتعة القير والعزم شوي بس
لكن الموتر ممكن تحصله بتطبيق سيارة او حراج
الامريكي ماعليه كلام
والبنزين بالمدينه كلها تسرف حتى السيارات الصغار والسائق له دور وف الدعسه ايضا
ي رجال احد قد غير بطاريه التوريس غير بطاريه الوكاله وهل واجهه اي مشكله بعد استخدم بطاريه غير بطاريه الوكاله ؟
هاه وش سويت معى البطاريه
فديو مختصر جميل واضح اللي تبيه تلقاه
اسعدني تعليقك
@@moayed4cars668 لو سمحت انا محتار بين التيما ٢٠٢٢ او توروس ٢٠٢٣ َش افضل وحتى لو قلنا تورس ٢٠٢٢ بس بشكل عام التيما َولا توريس؟
@@mr.casanova7145 التورس ال ٢٣ شكل الجديد؟ على العموم اذا قصدك عن الجديد ماجربته لسى. بس مبدئيا كا مواصفات التورس الجديد مواصفاته اشوفها اعلى من اللتيما بس طبعا كا صرفية بنزين اللتيما بتكون افضل بكثير
@@mr.casanova7145 بس شف بشكل عام التورس فئه اعلى من التيما و اشوفه افضل من التيما عندك كا عزل مواصفات عزم وشكل افضل. طبعا عزم اذا التيما ٢.٥ ماهي تيربو
@@moayed4cars668 طيب اهم شي عملانيه وكدا وكد ومد وعمر مو الالتيما افضل؟
سلبياتها قوية وتخليك تصرف النظر عن السيارة للأمانة الازيرا ملكة الفئة هذي بدون منازع مشكلتها فقط الصرفية غير كذا مافيها مشاكل.
الازيرا ما فيها تنتيع؟
قل افالون قل قراندي
ازيرا!!!
وش نوع البنزين الا تحط
فريت التعليقات عن التورس غسلت يدي منه 2022 وكل السلبيات هذي فيه امريكي ويش تتوقع من عرفنا المريكي يشرب البنزين ويش الجديد يارجال خذ يارس او كرولا واستانس
معي افالون 2019 افر الرياض فر و احيان اضغط لها بس على خفيف جداً مسكات يعني و المكيف ما يفصل تمشيني على القطعه مره مرره 711 كيلو بس صراحه اني حاط نظام صرفية البنزين على الايكو فـ اعتبرها ممتازه جداً مع مقارنة اخونا خطوط طويله صراحه ما مسكت فيها بس اعتقد انها ممتازه بعد
انا عندي افالون 2020 حاطها نورمال تمشيني 750 بالمدينة 700 تقريبا
هل صرفيتها قريبه من الكامري احترت بينها وبين الكامري
بالخطوط ممكن بس داخل المدينه ماتوقع
ممتازه بحكم تجربه داخل الرياض تمشيني فوق 600
خطوط 800
خذ الكامري ولا تفكر لامن قطع غيار ولامن صرفية ولامن جودة مره خيار ممتاز الكامري.
التورس ماتنافس الكامري ، التورس تنافس الافلون ، التورس والكامري فرق شاسع جدًا في المواصفات لصالح التورس طبعًا ، لكن على العموم اللي اعرفه ان صرفية الكامري افضل
550 كم داخل المدينة و مو عاجبك على سيارة كبيرة ?!!!
خذ لك يارس او اكسنت و ترى مو ذاك الفرق
سافرت بالتورس الموديل السايق نفس المشكلة ما تغيرت فعليا للسفر مسافات طويلة متعب جدا مع انه مريح وعزمة ممتاز بالخط لكن جلستة سيئة فعليا كانك جالس على مقعد بمدرسة
أولاً يا صاحب السيارة الله يبارك لك في سيارتــــــــك ... وشي طيب إنه سيارتك 2022 مو 2023 ... الموديـــــل اللي معـــــــك باقي فيه ‘هتمام بالسيارة .... إستأجرت السيارة لمدة 8 أيــــام من أحد الشركات ... وعزمها جبار بالرغم إنها 2.0 وأحصنه أقل من الجيل السابق بحوالي 58 حصان .. وسبب العزم هو التيربو لكن كمحرك المحرك ضعيف في الأصل والجيل السابق 6 سلندر 3.5 يعني أقوى لكن كان وزن السيارة له تأثير على العزم ...النسخة الأمريكية هيبة وقوة وفخامه وكان عندي واحد ليمنتد 6 سلندرات دفع رباعي ومع الأسف فرطت فيه بعته وهو ماشي 21 الف كم وندمت لكن الحمد لله على كل حال ... موديل 2022 مواده الداخليه ممتازة وجودتها عالية وفيه عناية ولاحظت فيه لما إستأجرته إنه كان ينطفي عند الإشارات ويرجع يشتغل بمجرد ما أضغط على البنزين وصرفية البنزين كانت مؤلمة جداً ... 2023 فهو عبارة عن أكسنت وكله بلاستيك حتى الأدراج حولوها بلاستيك بعد ماكانت مبطنه بالقطيفه والمخمل وهذا أكبر دليل إن السيارة أصبحت تتقارن بأكسنت وكورولا وألنترا
بس الفيوجن سيدان متوسط، تنافس الكامري والاكورد والسوناتا
مو الالنترا والكورولا
@@basimalshaalan3805 الفيوجن باقي له هيبة والله العظيم افضل من تورس ..... يا حبيبي لا شكر ولا فخامه ولا مواد غالية وجودتها عالية ولا محرك قوي هيبة وصوت ولا حتى بلد المنشا والصنع .... يعني ما بقى شي فيه يدل على أنه من شركة فورد ....... احنا قاعدين انتكلم عن هالسيارة مو عن فيوجن قاعدين انتكلم على سيارة تحولت إلى سيارة صينية بحته بكل شي
@@aa-nk1nr
من يوم صارت صناعه صينيه وانا غاسل يدي منها
اخي الكريم من ناحية تجربتك وش تفضل التورس شكل 2019 ولا 2022 وليش؟
@@عبدالالهرهوانالزهراني والله شوف يا زهرانـــــــي 2019 النسخــــــــــــة الأمريكيــــــــة بالنسبـــــــــة لي شخصياً أفضــــــل بس ما تكون الأربعـــــــة سلندر تكون المكينـــــــة الستـــــــة سلندرات ، السيـــارة أمريكية من بلبدأ المنشأ وروح الأمريكيين فيها بالكامل وإذا تبي تتأكد شوف أزرار الأبواب وين جاية في الأبواب جاية على الأعلــــــى وعند فتحها أو إغلاقها تصدر الصوت القديدم اللي تعودناه في السيارات الأمريكية .... هيبة السيارة في النسخــــــــة الأمريكية ... وبعد لاحظ لما تسكر الأبواب لاحظ المساحة اللي فيها الجلود والعوازل ولاحظ مساحتها تلاقيها ضخمــــة وكبيرة .
عيوب النسخـــــة الأمريكية الوزن فقط وبعض الأشياء البسيطة مثل طرمبة البانزين وهذا ما يحدث كثير ويتم معالجتها وتصليحها وما تكلف 500 ريــــــال لو تعطلت
النسخـــــــــــة 2022 بطل بطل بطل بطل .. إستأجرته لأكثر من أسبــــــوع السيارة مصنوعة بمواصفات فورد بالكامل ولاحظ الداخلية كلها مبطنه من أفضل أنواع الأسفنج والأدراج مفروشة شامواه أو قطيفة وبصراحه والشهادده لله أبدعوا في تصنيعها حتى من ناحية الوســــــع .. ولكن أخطأت فورد بإستخدام تقنية التيربو وحجم المكينه .. السيارة لما أستخدمتها كانت تسابق الريح عزم جبار بشكل ما تتوقعـــــــــــه وأفضل من النسخــــــــــة الأمريكية بكل أمـــــانه ولكن السبب التيربو مو المكينــــــة والا المكينه مسكينه ضعيفة 2.0 وكلها مع التريبو تولد 240 حصان لكن خففو الوزن الزائد .. والستــــــــة سلندر 288 حصـــــان تنفس طبيعــــــــي يعني أحصنــــــة تولدها المكينه نفسها مو التيربو .. وهناك جزئية اللي هي الأنوار .. الأنوار سلمك الله لما شريت السيارة غيرتها ليد من توكيلات الجزيرة على طول الأنوار في سيارات فورد بصفــــــــــة عامه سيئــــــــــــة وما فيه عناية بها مع الأسف أما تورس 2023 لو عرضــــــــوه لي بــ 80 الف ريـــــــــــــال أعلــــى فئة ما شريتـــــــه فالسيارة تحولت الى سيارة صنينية صينية بكل ما تعنيه الكلمة
وفيه فرق بين التقنيــــــة والفخامه واللي قاموا أصحاب القنوات مع الأسف يخلطون بينها لعدم علمهم مع الأسف فأصبح الحديث كله عن الشاشات بينما السيــأرة كلها بالكامل بلاستيك ردي وبعد فترة بسيطه تصير السيارة كلها خدوش ومنظر مقززمهما حافظت عليهــــــا
أتمنى يكون أفدتك باللي عندي من معلومات متواضعـــــــة
ما فيه مثل توروس 2107-2018-2109 .. اسال مجرب
كلامك كثير منه صحيح بس اختلف معك بصرفية البنزين داخل المدينه انا مستخدم موديل 2021 وماشيه الان حول 70 الف واغلب استخدامي داخل الرياض ما لاحظت صرفية البنزين الي تقولها داخل الرياض تمشيني فوق 600 والخط يمشيني 800
انا مره مدقق بصرفية البنزين بحكم اني شغال في اوبر واغلب شغلي بوقت الذروه والزحمه يمشيني 600 بالراحه وبعض الاحيان يمشيني حدود 700 اي فل لازم اصفر العداد واحسب بس انا راكد بالسواقه واغلب الوقت حاط بالوضع البيئي بس للامانه موتر يستاهل كل ريال فيه
تحصلك تسوقها بالمدينة سواقة اقل من الطبيعية
الرجال يتكلم عن سواقة طبيعية مو يتحرك زي السلحفاة ويعطل خلق الله وراه
ولاسواقة التهميز كلنا نقدر نسوقها لكن بنعطل العالم
@@بدرالبدر-ك7ذ سواقتي طبيعيه جداً امشي بسرعة الشارع
الي مو طبيعي والي يلاحظ ملاحظة صرفية البنزين هو الي سواقته مو طبيعيه وراعي مطاير اكيد بتصرف بنزين
@@zoooz2870 قال وش دراك انها كذبة قال من كبرها
@@بدرالبدر-ك7ذ لا تظلم الرجال،ترا الشكب ذا طرمبة البنزين يجي بها بلا،الصرفية العالية ممكن تكون من الطرمبه وبعضهم تتعطل عندهم تماما، يمكن الرجال موتره طرمبتة ممتازه ومافيها شي
@@NotMoes1 يابن الحلال انت تحسبنا ماجربنا سيارات ومانعرف ان سيارات بهالوزن والحجم كم بتمشيك داخل المدينة
الرجال اللي بالفيديو صادق اما صاحب هالرد فهو كذاب مدلس متعصب
وانا اقدر اهمز اي سيارة واثبت السرعة على ٨٠ ثم اجي واقولهم ابد السيارة ماتصرف
المروحه انفضها بهواء من عند البنشري ويختفي الصوت ، الصوت لان ريش المروحه عليها تراب
الله يسعد مساك ياغالي بخصوص النتعه وقت الزحمه دبلت كبد لكن انا ماعطيتها اهتمام لاني عارف انها تصنيع القير وطبيعيه .. الطاره فعلا اذا الموتر معرض للشمس سلم عليها .. البنزين صادق ماهو على الطموح بما انها 4 سلندر لكن تنافس ال6 سلندر وهذي المصيبه .. يعني انا دوامي ومشاويري بعز الصيف المعدل مابين 550 كيلو الى 680 اكثر من كذا مستحيل .. لكن بالشتاء كنت مرتاح مع الصرفيه الموتر يقطع بي مسافة 800 كيلو طبعا سلبيات ولكن طبيعي جدا كل السيارات فيها نواقص والحمدلله السياره مطربتني طرب كبير
فيه نقطه مهمه اللي هي سافرت للدمام من الرياض للأسف الصرفيه ضعيفه وانا مثبت السرعه بس ممكن بسبب الهواء ضدي .. عندي انا مشكله الدركسون فيه رجه بسيطه اتوقع احد عضلات السياره فيها اشكاليه
وفيه عندك مساعدات السياره امتصاصها ضعيف تحس كأن الموتر يحتاج تغير له مساعدات بكراسيها
تنصح فيها ؟ علما محتار بينها وبين الكامري ومابي موتر يقروشني خرابات
@@TM-jo7ci بالنسبة للاعطال الحمدلله ماواجهت الى الان
الطاره لاتقشرت معك تروح تغيرها من الوكالة مجاناً
محتار بينه وبين الالتيماء وشرايكم ؟
والله وانا اخوك يعتمد على استخدامك وش الي تبيه من السياره، هل يهمك مواصفات وعزل ووسع ، ولا تبي سياره اقتصاديه وعمليه.
بأجوائنا الحاره يبي لك ألتيما
الفكتوريا ٨ سلندر تمشي داخل المدن حول ٥٠٠ وبعضها ٥٥٠ وفي الخطوط حول ٧٠٠ الا ٧٥٠ طبعا النظيف منها مو المهربد
شكلك تتكلم عن كامري ولا النترا
كأن معي ماركيز يمشي بالخط 450 إلى 500
والمدينة حدود ال 400
وحاليا معي التورس تمشي حدود 600 بالخط
و المدينة 450 الى 500
@@truthseeker4703 لاوالله انت الغلطان اتا اتكلم عن النظيف مو الخرد موديل قديم النظيفه موديلات ٨الا ١١ اذا امورها كلها تمام دبات حساسات فلاتر بخاخات كويلات والله تمشيك خط ٧٠٠ وداخل المدن ٥٠٠ واذا فيها مشكله تمشيك ٣٠٠ داخل المدن وخط حول ٥٠٠ التصفيه لها دور كبير في الصرفيه لو ٤ سلندر اذا فيها مشاكل تصرف بشكل كبير
@@AAA-kh5dd
إلي معك أي موديل
والي كأن معي موديل 2008 مصين كامل
وأنت اتكلم عن السفر بدرجه الحرارة 45 وانت طالع مع المكيف
والله وانا اخوك كان معي فكتوريا اخذته من وكالته ٢٠٠٨ . بالخط ماعمره وصل معي ٧٠٠ ابد حده ٦٠٠ وغير كذا ترا تانكيه اكبر اتوقع كان ٧٥ لتر والتورس ٦٠ لتر
@@truthseeker4703 مامعي فورد بس ابعض اخوياي معاهم فوردات وركبت مع واحد منهم في سفر وقطعت ٤٠٠ كيلو السياره بنص التانكي وباقي نص وسألته كم يمشي الفورد خط قال ٧٠٠ قدام عيني شفته التانكي نص بعد ممشا ٤٠٠ خط ويشهد الله فكتوريا ٢٠١٠ وستغربت ٨ سلندر اقتصادي ههههه ماشاء الله وفكر اخذ فورد ماشاء الله ع القوه وهيبت 8 سلندر مقارنه بغيرها اقتصاديه
فيها عيب واحد الي هو القير نفسه يبي له توضيب والله يعينك عليه وذا عيب مصنعي