Nakshatra Related Plants | Melukolupu Song Dhanurmasam
Вставка
- Опубліковано 25 сер 2024
- Kesava Naamamula Melukolupu
Lyrics :
1. కేశవాయని నిను, వాసిగ భక్తులు వేడుచున్నారయ్య, మేలుకో వాసవ వందిత వసుదేవ నందన వైకుంఠవాసుడ మేలుకో
2. నారాయణ నిన్ను నమ్మిన భక్తులు కరుణ బ్రోవలల, మేలుకో శరణన్న రక్షణ బిరుదు నీకున్నది శశిధర సన్నుత, మేలుకో
3. మాధవాయని నిన్ను, మహాఋషులెందరో స్మరియించుచున్నారు, మేలుకో చల్లని చూపుల చూచి రక్షించుటకు చల్లని నా స్వామి మేలుకో
4. గోవిందా నిను జూడ, భక్త జనులందరు కోరుచున్నారయ్య, మేలుకో గోపీ మనోహర, గోవర్ధనోద్ధార గోవింద, గోపాల మేలుకో
5. విష్ణురూపము దాల్చి విభవములను జూపు వేదాంత వేద్యుడా, మేలుకో
దుష్ట సంహారక, దురితములను బాసి సృష్టి సంరక్షకా, మేలుకో
6. మధుసూదనా నీవు, మము బ్రోవ వలెనయ్య మరచి నిద్రించక, మేలుకో
అరుణార్క బింబము, ఉదయించు వేళాయె సదయ చక్రపాణి, మేలుకో
7. త్రివిక్రమా నిన్ను, త్రిమూర్తులతి శ్రద్ధ సేవింప వచ్చిరి, మేలుకో శుభముల నిచ్చు, నీ సుందర రూపము చూపవలయునయ్య, మేలుకో
8. వామనా రూపమున, వ్యవహరించినట్టి వాచామ గోచర, మేలుకో నీ పాద సేవను, నిశ్చింత జేసిన బలిని బ్రోచిన వీర, మేలుకో
9. శ్రీధర గోవింద, రాధా మనోహర యాదవకుల తిలక మేలుకో రాధావధూమణి, ఆదరింతూవనుచు ఆతురతా వచ్చెను, మేలుకో
10. హృషీ కేశాయని, హృత్పుండరీకమున అర్చించుచుంటి నిను, మేలుకో
సర్వ శుభములు నాకు, సమకూర్చుటకు వేగ సత్య స్వరూపుడ మేలుకో
11. పద్మనాభా నీదు, పదములు సేవింప భజన పరులొచ్చిరి, మేలుకో భజగోవిందాయను, పావన నామము పాడుచున్నారదుగో, మేలుకో
12. దామోదరాయని, దేవతలందరు దర్శింప వచ్చిరి, మేలుకో
భూమి భారము మాన్పి, బుధుల బ్రోవవలె భూతహృదయాలయ మేలుకో
13. సంకర్షణ శత్రు సంహార మొనరింప సమయమై యున్నది మేలుకో పంకజాక్ష నీదు పరమానుగ్రహమునకై పరితపించూ చుంటి మేలుకో
14. వాసుదేవ నీదు, భాసుర నామము జపియించు చుంటిని, మేలుకో
భాసురంబుగా ఆత్మ, సంరక్షణను కోరి అర్థించు చున్నాను, మేలుకో
15. ప్రద్యుమ్నరూపుడ, సజ్జన వరదుడ దుర్జన సంహార, మేలుకో
దేవాదిదేవా, నిన్నర్చించు వారల నాదరించుటకు మేలుకో
16. అనిరుద్ధయని నిన్ను ఆత్మనిధులందరు, వేడుచున్నారదుగో, మేలుకో వేవేగవారికి వరములియ్యవలె వైకుంఠవాసుడ మేలుకో
17. పురుషోత్తమాయని, పుణ్యస్త్రీలందరు పూజ జేతురయ్య, మేలుకో పురుష సింహాయని పలుమారు వేడెదర పావన చరితుడ, మేలుకో
18. అదోక్షజా మమ్ము, ఆదరించి వేగ ఆనందమును గూర్ప, మేలుకో
శ్రద్ధ తోడ నీదు స్మరణ జేతుమయ్య యోగీశ్వరా, వేగ మేలుకో
19. నారసింహా నిన్ను నమ్మిన భక్తుల కరుణించు వేళాయె మేలుకో శరణన్న రక్షణ బిరుదు నీకున్నది, శీఘ్రమె రక్షింప, మేలుకో
20. నరసింహ నీ విలలో నరహారీ, యనుచును నమ్మియుంటిమయ్య మేలుకో నరసింహ నీ దివ్యనామగానము చేసి, తరియించి రెందరో మేలుకో
21. అచ్యుతయని నిన్ను, సత్యముగా నమ్మి అర్చించుచుంటిమి, మేలుకో అచ్చపు చీకటి సంతరింపా జేసి ముచ్చట మము బ్రోవ మేలుకో
22. జనార్ధనా, జగన్నాధుడనుచూ నిన్ను, జాగుసేయక కొలుతు మేలుకో " జ్ఞానులెల్లరు జన్మ సాఫల్యమును బొంద, వచ్చియున్నారయ్య, మేలుకో
23. ఉపేంద్రాయని నిన్ను, యువదలందరు జేరి సేవించ వచ్చిరి మేలుకో గజేంద్ర వరదా, నీ ఘన రూపమును జూప రాజరాజేశ్వర మేలుకో
24. హరేరామ, హరేరామ హరేరామయని నిన్ను ఆర్తిపిలచుచుంటి, మేలుకో
హరేకృష్ణా, హరేకృష్ణా, హరేకృష్ణా యిలనీవె రక్షకుడవు మాకు, మేలుకో
25. శ్రీకృష్ణాయని నిన్ను గోపాల బాలురు పిలుచుచున్నారయ్య మేలుకో రాధా మనోహర, రమణీయ రవితేజ, కావంగ మము వేగ మేలుకో
26. శ్రీరామాయని మేము స్థిరభక్తితో నిన్ను స్మరియించుచున్నాము మేలుకో శ్రీరామ శ్రీకృష్ణ, శ్రీరామకృష్ణాయని కరుణించి కాపాడు, మేలుకో
27. తెల్లవార వచ్చె తొలిదొల్త మము బ్రోవ త్వరితముగా నీవు, మేలుకో
నల్లని నా స్వామి నమ్మియుంటిమయ్య మముగాచి బ్రోవను మేలుకో
శ్రీకృష్ణార్పణము
