Lahcen Bumarg - nga rja v Rbi av ismH v lwaldin nv - wintsray Ida ousmlal 1971👌🌹👍

Rays LaHcen Bumarg à Ida Ousmlal 1971 (win tsray)
ⵔⴰⵢⵙ ⵍⵃⵙⵏ ⴱⵓⵎⴰⵔⴳ - ⵡⵉⵏⵜⵙⵔⴰⵢ , ⵉⴷⴰ ⵓⵙⵎⵍⴰⵍ 1971
fb.watch/w_BWt... (ئواليون س تيفيناغ غ رابط اد)
تاقصيدت لوالدين
لوالدين ئي يان ايسّعبرن ار ئقّرم د لخير
ئغ ياد ئمّوت اتّ سّرباحن ئغ ئكًُز اكال
بيسم الله ادّ ئعبر ربّي زّناد ؤبوري
ا ييسن ؤتخ لوشارت كًر ميدّن اياد غ لّيغ
مانزاك اسيدي نرّيكًي زناد ؤبوري
مانزاك امولاي لحاج اد نزور دارون
اسيغ تيغرسي ف ؤمكًّرض ار لقوبت نّون
لحورما وارّاو نّك غ دّوكور والا غ لونات
لحورما وّايّور ؤلا تافوكت ؤلا ئكًنوان
لحورما ن مّانا عيشا حورميغ ؤدم نّون
اياحكيم اراسّول ؤلله اتّفوكّو دعوت نغ
نّاند لعولاما غ لكوتوب لّيغ ساولن
لخيار ؤواوال دّيكر د لوضو د تزالّيت
لخيار ئي ئركًازن سيدي نّبي بو لبوراق
لخيار ن تمغارين موّنا عيشا د فاطيم
ؤر نكًا اعوريض ئشتّان رمضان ن ربّي د تزالّيت
نّاند لعولاما غ لكوتوب لّيغ ساولن
ئغ ئطعم يان اموسلم ئقّاند اياكًُم لخير
ئغ داغ ئلاّ ليمان ن ربّي غ لقالب ئي يان
ئقّاند اسول ئكً ؤسّاعيد ئغ نيت ئكًّز اكال
لحيكما ن دّونيت استّ ئكًان د ئغ ئصبر يان
نسّيلي اون توكًّا ن ربّي اكرا يّي ئدوّرن
ئس ئكًادّا تاريك ؤصّالات د يان ئتزالاّن
ئس ئكًادّا واد ئكّرزن د بوتادليوين
ؤر سار ئكافا يان ئتّامزن تادليوين
تازالّيت لفجر والّيتّ ئكّاتن نتّا ئزيّنّ
ها كرا د اتّينين ئغ ؤر رغي وامان دايّي ئتّضرّون
ئغ اسّوان امّاس ن تركًا باعد ؤراتّ ضرّون
هانّ لموجون س لياقين ئبليس ئزوار اخ
ئنّاغ فلاّغ لفرض ؤلا سّونت اتّندّ كملّغ
هانّ خمسا صالاوات وانّات بدّا ئداومن
ؤرّاتن ئعدّب ربّي ماش ئنت ئغ كا تّوقبالنت
ؤرّاتن ئعدّب ربّي ماشّينت ئغ كا تّوقبالنت
تازالّيت لفجر والّيتّ ئكّاتن نتّا يزيّنّ
ئوارّاونت ئنيغ ئس ابدّا تّوغ ئسم
توفا لباراكا الّفجر ئغد ئقّرّب لحال
ئس اتّكًرو ترار لعقل س لحال ارد ئفاو
ئس اؤر اتّارو حاشاكوم تيّديت ؤرد ئميكّ
لوقت لباراكا ار كًُّانّ ئغد ئقرّب لحال
توسّ ئي ؤكًايّو غ ؤمدّوز واخّات ئتجورّيت
لميتل ئي ئخف ئنو اف نساوال ايا ئعاقلن
ئغ ئلكم دّين ن ربّي ايامومن غ ئلاّ لهمّ انّ
هانّ غامّانرواس ئلاّئيّي لفاوي غ ليخرت
وار تازالّيت ئسّودا ف ئزم ئغالد ايّيس
ئغ اس كًيس ؤر ئكًا ربّي سّلامت ئقّاند اتّ ئشّ
وار تازالّيت اوار ؤزوم اواهوا نّون
مانّ تيويت اواشّ اسّ انّ اغ توكيت د واكال
لقبر هاتينّ ؤراخ ئسّين سيدي د لالاّ
ؤر دارخ ئلّي غار ربّي د لاعمال ئغ كا لاّن
ئخ كا صّبرخ اخويا ئخف ئنو نجمخ اس
ئغ ائتّزالاّن ميدّن لفجر نكّني ئكًن ؤكان
ييوياغد شيطان كرا ئي ئطّس ئغلبن لموت
موحال ئس سول نزّنزا غ دّونيت د ماكًّيس ئلاّن
ؤر داخ نغرم ئي ربّي رّضا ئي يات تزالّيت
نكًا رجا غ ربّي اد اغ ئسمح غ لوالدين نغ
قدّمخ س ربّي ويلّي كًانين ربعا اد اغد ئقيل
ربعا حمّالة لعرش ربعا كوز لمولوك
سرايفيل د عزرايل د جبريل نتّا د ميكايل
د نبي ئنو راسول ؤلله ارحمت لباشار
قدّمغ س ربّي ويلّيد اكّ ئخلق دّو ئكًنوان
لمورسالين د لموهاجيرين د تّابعيّين د نّبي نخ راسّول ؤلله اتّفوكّو دعوت نخ
ئغ ئحكم يان ئحنّو ئغ ئساول ئتابعا شّرع
اغ ئعفو ربي ئسمون ئي لارزاق ئهدو ياغ
ئكً اغ غ تّولوت ن نّاجا غ ئلّيغ ئقّرّب لخير
ئلّيخ رمينت تميزار رمين مّيدّن لّي عدلنين
اتالّي ادّرن ميدن يان د لافعال نس
اكًّورن د لبورود نغ لعار اتّن ؤر ئزري يان ..
غير اكًما تاريك ؤصّالات نغ لموجريمين
زون والّيد ئتّاسين اكوراي س لوالدين نس
غّوانّ كا مو كولّو تّينين ئغُزان ئغ ساولن
غّوانّ كا مو كولّو تّينين ئغُزان ئغ ساولن
لعاقل ايمّنعان ئغ اك ئجلا ؤرد لمال
ئلاّ كرا ئكفاياس ربّي ميّات عام لعومور
ئزّريتن كولّو غ تباليست د لمونهيّات
ئلاّ كرا ئكفاياس ربّي ميّات عام لعومور
رارد لعاقل د ؤمزّوغ ايك نعاود اوال
ئلاّ كرا ئكفاياس ربّي ميّات عام لعومور
ئزّريتن كولو غ دّيكر د لوضو د تزالّيت
ئلاّ كرا ئكفاياس ربّي ميّات عام لعومور
ئزّريتن كولّو غ تباليست د لمونهيّات
والاينّي سغفرخ ئي ربّي لارزاق ايكً لحال
ؤرا ئركًّم يان اموسلم ئغت ؤر ئركًم شّرع
لحامدو ليلاّه ئعدل اغ ربّي زّمان اد غ لّيغ
ؤسيند ئرامان ئمندي لجديد ئزهر سّوق
ايت لماحابّا ف ربّي نوشكاد ار دارون
ايت لماحابّا ف ربّي نتّني كائهنّان
اد اون ئسنغوبو ربّي لاهوال اتّهنّوم
اد اون ئفاتح سيدي ربي ماد ترجام غ لخير
شّيخ اقّورايشي ئنّا يابنادم تّغافلت
ئبنو عاشرا اتّن ئكً لادام غ لقالب نّون
ئد بوعشرين شّاباب نك اكّ ؤر غرّون
ئد بو تلاتين لموت تلاّ فلاّخ تّغافالت
ئد بو ربعين زايادا ؤر ئلّي بلا نّقصان
غ ئزري والا دّات مقّارد ؤخسان ؤر دارون
ئد بوخمسين مان تزايدت غ ضاهر نّون
ئد بو ستّين مان لعدر سول دارون
ئد بو سبعين لامان ؤر اون ئكًي زغ لموت
ئد بو تمانيين ئس اك ئزويد ربّي غ لايّام
ئد بو تّسعين احصّاد اتّرا تمكًرا نّون
ئد بو ميّا هان رّاحيل ئبيدّ فلاّس
حيّلات امّودّو هاتينّ ئس ران اد طوّلن
هاتين يان ئران امّودّو ئمون د لقوم
ماني غ يوفا لاعوين مقّار اسنت ئتّضالاب
ابنادم يوت اغ ربّي س ئشّيعا ن دّونيت
لحيكما ن دّونيت اتّ ئكًان د ئغ ئصبر يان
اد ؤر تّندمت اد ؤر تّاحالت ايا يهوّلن
كولّ ماد ؤكان ئقّدّمن ئزري زوند اسيف
غ لاهوال ؤلا تيموضان ؤلا ئضادن جهلنين
مانزاك امولاي لحاج الوالي زوور اح
ابني يعقوب اوالّي ف اتصُوّابخ اوال
سيدي محند ؤبراهيم شّيخ الوالي زوور اح
لحورما ن وارّاو نك غ دّوكور والا غ لونات
اكّولّو رزمن لبيبان كولّو وين لخير
ايصحان د اد اخ يودو كولشي نّيغت
اوال ئعدلن ابنادم ليحسان ايكً
اتّ ؤكان ساولخ نهنّو ئمان ئنو
ساداتنا طّلبا هايّي ضعيخ اون
مكلّي ضعان ايت ئكًنوان ف ئكالّن
ار الاّغ تيويتنيد ؤكان تيطّ ئنو
نكًا زوند اقشّاب ن يان ئمّوتن
يان اخ ئزران ار كًيخ روّلن ئزد
اح اواهلي وايّاهو ماد ئيّي ئحوزن
اتّن درخ ناوي كًيسن تاماضونت
اتيطّ ئنو ادام رزمخ ئلي نيت
اتاكومت غ ؤجدّيكً ايّيكم ؤر ئفل
اسي ئتران اد كًابلخ ؤرتا روحن
يورا ئواليون ئسكًيدّيتّ :
محمد وادي
07.01.2025
الحي المحمدي ، اكادير