Binaramali aka Ran Ras Kendi - "බිනරමලී" හෙවත් "රන් රැස් කෙඳි Rohitha Wijesooriya සහ ශීලා පරණමානගේ
Вставка
- Опубліковано 11 жов 2024
- පද රචනය: රංජිත් හේවාබටගේ
ගායනය: රෝහිත විජේසූරිය සහ ශීලා පරණමානගේ
තනුව සහ සංගීතය: රෝහිත විජේසූරිය
මෙහි ගීතය ඇතුළු සියලුම චායාරූප අන්තරජාල මූලාශ්‍ර වලින් උපුටා ගත ඒවාය
තොරතුරු: දිවයින පත්‍රයේ අජිත් අලහකෝන්ගේ සටහනෙන් සහ පින්සිරි ආරියරත්නගේ ඡායාරූප
අනිකුත් චායාරූප ස්වර්ණා කහවිට සහ වික්‍රම බෝගොඩ මුහුණුපොත් පිටුවලින් සහ සිනමා ඩේටා බේසයෙන්
www.divaina.com...
බිනරමලී
බිනරමලී
රන් රැස් කෙඳි දසත විදා අහස් ගඟේ මැද
තරු මුතුහර ගෙල පළඳා වළා සේල ඇඳ
බිනරමලී එක්ක එන්න බිනර මහේ මැද
පායාපන් මගේ පැළට පායාපන් සඳ
වනසපු මල් පිපී සුවඳ තීරු පෙරෙනවා
ඇගේ ළඟත් හරියට ඒ පුසුඹ තියෙනවා
පොද වැස්සට පුංචි වතුර බිංදු වැටෙනවා
පුංචි බඳේ පෙති ගෝමර සිහියට එනවා
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ
බිනරමලී සිනාසුනා මතකයි යන්තම්
මල්පෙති ඇමුණුවා වගෙයි වැලකට රන්දම්
නෙරිය තබා ඉඟ නළවන ගමනෙහි අන්දම්
සඳ පෑව්වා වගෙයි වැටට උඩිනුත් පන්දම්
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ
ඉර පායා රැස් විහිදා මුදුනට එන කොට
සඳකත් පිනිදිය ගලලා රැයක් ගෙවෙන කොට
මල් පිපිලා පුසුඹ වැදී බමරුන් එන විට
බිනර මලී මතක් වෙනව ඉන්නට බෑ මට
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ
පීරා පිට මැදට හෙලූ වරළේ රැල් රැල්
තො‍ඳොල් වෙවී කතා කියන හඬවා රසු දැල්
කණේ අරුංගල් හරියට වගෙයි බැබිල මල්
සුදු බංඩගෙ පැලේ තමයි බිනරී හැම කල්
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ
ගොයම් නෙලුමෙ කවි සීපද බිනරි කියන විට
කොවුල් හඬක් තවත් මොටද මුවන්පැළස්සට
බියත් සසළ වෙයි පෑරෙන හදවත ඉඳ හිට
වෙඩික්කාරයා එතරම් හොඳ නැත බජනෙට
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ
පායපු සඳ නැත පුදුමෙකි රාහු ගිල්ලදෝ
පායපු ඉර වළා ගැබේ පතුළට වීදෝ
මැවූ සිහින මාළිගාව බිඳී වැ‍ටුනදෝ
මටත් හොරෙන් බිනරමලී දීග ගියාදෝ
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ ////
