طريقة عمل صابون صن لايت بقوة الليمون🍋 متعدد الاستخدام ورغوة فظيعه
Вставка
- Опубліковано 27 сер 2023
- طريقة عمل صابون صن لايت بقوة الليمون 🍋 متعدد الاستخدام ورغوة فظيعه
طريقة عمل صابون صن لايت/أسهل طريقة تعملي بيها صابون صن لايت/
صابون صن لايت من الزيت المستعمل
طريقة عمل صابون صن لايت
انجح طريقه لعمل صابون صن لايت
صناعة الصابون
عمل الصابون بطريقة سهلة واقتصادية
طريقة عمل الصابون من الزيت القديم المستعمل
#الصابون
#الصابون_البلدي
#صناعة_الصابون
#الصابون_من_الزيت_المستعمل
#منظفات
#صابون_صن_لايت
لينك فيديو لعمل الصابون من كوب واحد من الزيت • اصنعي ٨ قطع صابون لإزا...
لينك فيديو لعمل الصابون من لتر زيت مستعمل • ازاي تعملي من زيت القل...
لينك فيديو لعمل الصابون من ٢كوب زيت • عملت الصابون الصلب ب٢ك...
مقادير عمل الصابون
لتر زيت (٤كوب وربع)/معلقه كبيره ملح/كوب الا ربع صودا (١٥٠جرام)/٥معلقه كبيره صابون مواعين مركز/
كيس برسيل جل بريحة الافندر (لو مش متوفر هنستبدله ب٥معالق صابون مواعين مركز)/٣ليمونات/كوب ماء/نص معلقه لون اصفر غروب الشمس بودرة او نقطتين لون اصفر غذائي
صابون صن لايت من الزيت المستعمل من اقوي المنظفات لازالة البقع الصعبه من الملابس ويستخدم في تنظيف الأحواض والسيراميك وغسل البوتجاز وغسل بقع الدهون على الحوائط وغسل الايدي ويستخدم في كل اغراض النظافه
من المهم مراعاة المقادير المظبوطه وكثرة التقليب لضمان نجاح الصابون
طريقه عمل الصابون
طريقه عمل صابون صن لايت من الزيت المستعمل بقوة الليمون
اسهل طريقه لعمل صابون صن لايت في المنزل
طريقه تحضير الصابون
مقادير عمل الصابون
الصابون البلدي
طريقه عمل الصابون
فضلا اللي يجرب الصابون بالمقادير دي يرجع يكتبلنا رأيه ونشف معاه بعد اد ايه (لان ناس كتير بتنزل تقرأ التعليقات وتحب تطمن من تعليقات الناس انهم جربوا المقادير ونجحت معاهم قبل ميجربو بنفسهم)
نقطه مهمه جدا (ف اخر مرحله من عمل الصابون لما يبدأ يتقل معاكي خلي بالك عليه لانه ف المرحله دي بيجمد بسرعه فمجرد الصابون ميتقل معاكى ويبقي ذي البشاميل التقيل صبيه علطول لان ممكن تسيبيه تلت ولا نص ساعه ترجعي تلاقيه جمد ف البوله ومتعرفيش تصبيه)بحبكم في الله جميعا ،❤️❤️
تعالي اقولك ايه اللي يخلي الصابون يفشل قبل مكتبلك المقادير
اهم عامل لنجاح الصابون هو التقليب..لو مقاديرك مضبوطه والصابون مقليبتهوش كويس هيفشل معاكي
الصودا لازم تكون نوعيه كويسه جدا بيضا جدا ومن غير تراب فيها ولا كتل
المقادير المظبوطه سر مهم لنجاح الصابون
متنشفيش الصابون ف شمس
اوعدك هتعملي الصابون وهتنبهري بنتيجته ان شاء الله
(مقادير لتر زيت واحد)
لتر زيت (٤كوب وربع)
١٥٠صودا كاويه/بطاس) كوب الا ربع صودا
معلقه كبيرة ملح
٣ليمونات
كوب ماء
٥معلقه كبيرة صابون سايل للاطباق (مركز بدون تخفيف)
كيس برسيل جل بريحة الافندر (ممكن نستبدله ب ٥معالق كبار صابون مواعين مركز )
مقادير ٢لتر
٢لتر زيت (٨ونص كوب)
٣٠٠صودا كاويه (كوب ونص)
٢كوب ماء
معلقه ونص كبيرة ملح
٦ليمونات
٢كيس برسيل جل بريحة الافندر
ربع كوب صابون سايل مواعين (مركز)
رجاءا متصبيش الصابون الا لما يتقل عشان ينجح معاكي
الصابون بيجمد بعد ٣ل٤ساعات(بشرط تكوني التزمتي بالمقادير وقلبتيه كويس)
اي سؤال اكتبيه في التعليقات وهرد عليه
بحبكم في الله
تسلميلي ياأختي الغاليه من كل سوء يارب 🤲❤️🥰 بسم الله ماشاء الله عملت الصابون طلع روعه اتصبن وقطعته الصبح وسيباه ينشف وبشكرك لزوقك وردك واهتمامك علي ردك علي كل الأسئلة لان اول مره اعمله وجزاك الله كل خير يارب 🤲❤️🥰😍😍 ويباركلك في بيتك وتكبر قناتك بإذن الله تعالى 🤲يآرب حبيبه قلبي ❤️🥰😍😍🥰❤️😍🥰🥰💓👭👭👭 لانك فعلا تستاهلي 🥰😍❤️❤️❤️💓👭
تسلمي حبيبتي على كلامك الجميل والله اسعدني كلامك 😘♥️♥️❤️
@@monwaat-manal والله تستاهلي اكتر حبيبه قلبي ❤️ 🥰 😍 ❤️🥰😍😍 ومنتحرمش منك أبدا يارب 🤲 ودائما في تقدم مستمر ومتتأخريش علينا في الوصفات 😍🥰❤️💓👭👭👭❤️❤️
@@fatmaalzhraalzhra3275 ربنا يجازيكي خير على كلامك ودعوتك الجميلة ومن عيوني ان شاء الله انزلكو وصفات تعجبكو♥️😘❤️
@@fatmaalzhraalzhra3275 نزلت صابون الاستحمام بطريقه سهله جدا وان شاء الله هنزل فيديو لصابون سايل باستخدام صابون صن لايت اللي عملتيه قريب جدا
@@monwaat-manal تسلميلي حبيبتي ❤️🥰😍 ولكي بالمثل يآرب 🤲❤️🥰
الله شكل الصابون حلو وناعم تسلم ايدك
تسلمي حبيبتي كلك ذوق ❤️
ماشاءالله عليكى إن شاءالله حعمله
تسلمي حبيبتي ❤️ ان شاء الله هيعجبك جدا ومستنيه رأيك لما تجربيه❤️
ما شاء الله اسلوب عرض جميل وهادئ..سأجرب هذة الطريقة بعد تجميع المكونات
شكرا لذوقك ولكلامك الجميل 💐♥️
هجربه قريب باذن الله
ان شاء الله هيعجبك
مشاء الله تبارك الله تسلم ايديك اختي حلو اوي اوي ❤️👍🏻👍🏻👍🏻👍🏻👏👏👏👏🌹🌹
تسلمي حبيبتي ❤️
تحفه ماشاء الله تسلم ايدك ياحبيبتي
تسلمي يا رب ❤️
حضرتك طريقتك بسيطه وسهله جدا ربنا يوفقك يارب
تسلمي يا رب كلك ذوق والله ❤️❤️
عاشت الايادي شغل حلو مرتب
@@user-zi1je4hi1w تسلمي حبيبتي ويسلملي قلبك وذوقك ❤️
جمييييل بريحة الليمون ياسلااا
حبيبتي يا تونه❤️
بسم الله ماشاء الله ❤❤😊
تسلمي يا رب ❤️
ربنا يبارك فيكى يارب ويجعله في ميزان حسناتك ❤
تسلمي حبيبتي على كلامك الجميل ❤️❤️
طريقة جميلة تسلم الايادي
تسلمي حبيبتي كلك ذوق ❤️
تسلم ايدك طريقة سهلة وبسيطة
تسلمي حبيبتي كلك ذوق ❤️
❤❤تسلم ايدك ربنا يجلوا فى ميزان حسناتك
تسلمي حبيبتي ع الدعوة الجميلة اللي ذيك ❤️
جميل تسلم ايدكي❤❤
تسلمي حبيبتي كلك ذوق والله ❤️❤️
مشاء الله على مصريات والله احب اتابعكم كتير تسلمي على صابون بلدي احنا فالجزائر نسميه صابون الحجرة او الطرف
تسلمي حبيبتي كلك ذوق والله ❤️ واهلا وسهلا بيكي وبكل اخواتنا في الجزائر ❤️
تسلم ايدك ياحبيبتي طريقه تحضير صابون جميل جدا يستحق 👆👍🏻 تم ❤❤❤❤❤❤❤❤❤🎉🎉🎉🎉🎉🎉🎉🎉
تسلمي حبيبتي ❤️
جزاكي الله خير❤
@@user-px3pu7lu4f جزانا واياكي حبيبتي ❤️❤️
تسلم الايادى بارك الله فيكى
تسلمي حبيبتي ويبارك فيكي
بسم الله ما شاء الله عليك
تسلمي حبيبتي 😘♥️♥️
ماشاءالله ربنا يبارك تسلم ايدك يا حبيبتي تحفه بجد
تم عندك
تسلمي حبيبتي ❤️
حلو اوي تسلم ايدك حبيبتي ♥️
تسلمي يا رب ❤️😘
تسلم ايدك اجملطريقه لصبون
شكرا جزيلا 💐
حجربه واقولك تسلم ايدك
ان شاء الله يعجبك ومستنيه رأيك ❤️
ماشاءالله ربنا يوفقك ويكرمك
تسلمي حبيبتي ع الدعوة الجميلة اللي ذيك ويسلملي قلبك وذوقك ♥️
ماشاء الله ❤ الله عليكي ❤ تسلمي
تسلمي حبيبتي ويسلملي قلبك وذوقك ❤️❤️
تسلم ايدك يا ست الكل ❤
تسلمي يا رب ❤️
ماشاء الله عليكي ان شاء الله حعمله ❤احسنت
شكرا جزيلا لحضرتك 💐 ان شاء الله مستنيه رأيك وتعليقك بعد التجربه 💐
ماشاءالله تسلم ايديكي ياحبيبتي ربنا يحفظك ويبارك فيكي ياقلبي وصل اللهم وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
حبيبتي تسلمي يا رب ❤️ عليه افضل الصلاه واتم التسليم
ماشاء الله تحفه تسلم ايدك ❤❤❤❤
تسلمي حبيبتي كلك ذوق 😘😘❤️
❤❤❤❤❤❤ احلى لايك تسلم ايديكى
@@lolyabbas6412 تسلمي حبيبتي ويسلملي قلبك وذوقك ❤️
ح اجربه بإذن الله وتسلم ايديك
وصل اللهم وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
تسلمي حبيبتي ❤️ مستنيه رأيك اكيد ❤️ عليه افضل الصلاه واتم التسليم ❤️
عملتيه ❤
تسلمي ❤ اول مره اشوف صفحتك. ربنا يسعدك
نورتيني حبيبتي ♥️ تسلمي كلك ذوق ❤️
روووووعه هجربه. حبيبتي ❤❤❤❤❤
تسلمي حبيبتي ❤️
جزاكي الله خير
جزانا واياكي حبيبتي ♥️
شرحك جميل جدا تسلم ايدك
حبيبتي تسلمي يا رب كلك ذوق والله ♥️♥️
تسلم ايدك جميل
تسلمي يا رب ❤️
عملت صابون من قناتك طلع تحفة شكرااااا لك
تسلم ايدك حبيبتي هو طلع حلو علشان من ايديكي ♥️
@@monwaat-manal شكرا
@@user-ih9kv1ko2s عفوا يا قمر 😘❤️
بجدتسلم ايدك ياقمر ❤❤❤
تسلمي حبيبتي كلك ذوق والله ♥️♥️
ايه الجمال دا انتى وكل حاجاتك جميله
عيونك الاحلي والله ❤️
بسم الله ما شاء الله عليك شاطره كل حاجه تعملها تحفه تسلم ايدك اول اشتراك مني لك بالتوفيق لي ولك ان شاء الله🎉🎉🎉
تسلمي حبيبتي ❤️
تسلم ايدك حبيبتى ❤🎉❤🎉❤🎉
تسلمي حبيبتي كلك ذوق ❤️❤️
شفت فيديوهات كتير مجمعتش معلومات ذي الفيديو بتاعك تسلمي
تسلمي حبيبتي ويسلملي قلبك وذوقك ❤️😘
تسلم ايدك روعة ياحببتي يامدام نيرو انا عملته وطلع تحفة الله يصلح مابين ايديكي
تسلمي حبيبتي على كلامك ودعوتك الجميلة اللي ذيك ❤️ وتسلم ايدك هو اكيد طلع حلو علشان من ايديكي
ربنايبارك في حضرتك كلك ذوق انا من عشاق عمايل المنظفات في البيت لمابشوف فيديوهات حضرتك ومدام ميرو بستفاد من حضرتكم جدا الله يرضيكم في صحكتم واولادكم
يا رب اللهم امين ❤️
جزاكم الله خيرا
جزانا واياكي حبيبتي ♥️♥️
تسلم ايدك ❤ ماشاء الله
تسلمي حبيبتي كلك ذوق ❤️
ضيفه جديده اول مره اشوف القناه وان شاءالله مش اخر مره وهتابع ربي يحفظك ويبارك فيكي حبيبتي انا من دمياط
حبيبتي اهلا وسهلا بيكي تسلمي كلك ذوق ❤️ نورتي قناتي المتواضعة ❤️❤️
شكرا جزيل الشكر
عفواً حبيبتي نورتيني 😘❤️
❤❤ ماشاء الله تبارك الله عليكي يا حبيبتي ❤❤ اللهم صل وسلم وبارك على سيدنا محمد وعلى اله وصحبه وسلم تسليما كثيرا ❤❤ سبحان الله وبحمده سبحان الله العظيم ❤❤
تسلمي حبيبتي كلك ذوق ❤️ عليه افضل الصلاه واتم التسليم ❤️
فهلا القناه ظهرت بالصدفه ضيفه جديده عندك حببتى ❤
نورتيني وشرفتي قناتي حبيبتي ❤️
جميل جدا تسلم ايدك يا حبيبتي
تسلمي يا رب ❤️
تسلم ايدك بجد جميل.
طيب يمسك من غير دقيق
@@user-zn5ps6fp9d عمري مبحط دقيق للصابون وبيجمد في نفس اليوم جربيه ومتخافيش
@@monwaat-manal هجربهأن شاء الله
@@user-zn5ps6fp9d ان شاء الله تعجبك نتيجته جدا ومستنيه رأيك بعد متعمليه ❤️
تسلم ايدك حبيبتي
تسلمي يا رب ❤️
تسلم ايديكي
تسلمي حبيبتي ❤️
الصابون طالع رووووعه تسلم الايادي بالتوفيق حبيبتي 👍 جديده عندك نوريني
تسلمي حبيبتي
احسنتى
اشكرك حبيبتي ♥️
تحفه جربتوا
تسلم ايدك ♥️
انا ضيفه جديده تسلم ايدك
نورتيني حبيبتي ❤️
اللهم صل وسلم وبارك على نبينا محمد وآله وصحبه وسلم تسليما كثيرا
عليه افضل الصلاه واتم التسليم
تسلم ايديكى يستحق التجربة
تسلمي حبيبتي كلك ذوق ❤️
ينفع مشروع تجارى وسعر الصابونة بكام
@@user-pr1gy4wi2vينفه جدا ومشروع مربح وستات كتير بيعملو الصابون ف البيت ويبيعوة..سعر الصابونه هيترواح ما بين ٧ل٩جنيه حسب المنطقه اللي انتي فيها وسعر الصابون عندك كام.لتر الزيت عامل ٢٠صابونه لوب٧جنيه يبقي ١٤٠جنيه فمكسبه حلو جدا
تسلم ايدك ❤
حبيبتي يا يويا 😘
عمل صابون بريحة لوسامحتي وتسلم ايدك جزاك الله كل خير
تسلمي حبيبتي ♥️ جزانا واياكي ❤️ ان شاء الله قريب جدا هنزلك فيديوهات ليه بطريقة سهلة واقتصادية
❤❤❤❤ جزاكى الله خيرا يا حبيبتي
جزانا واياكي حبيبتي تسلمي 😘♥️❤️
ممكن تصبيه الصابون في علب العصير الكليو بتكون تحفه وتضربي الصابون بالهندبلندر بتعمل بسرعه
اهلا وسهلا بيكي حبيبتي 💐 فكرتك جميلة انا عملته ف علب اللبن وعلب الجبنه وفعلا الهاند بلندر مبيخدش وقت خالص نورتيني يا جميله ❤️💐
ماشاء الله تبارك الله الله أكبر اللهم صل وسلم وبارك على سيدنا محمد صلى الله عليه وسلم ❤❤❤❤❤❤❤🎉من الاقصر
اهلا وسهلا بيكي حبيبتي نورتينى ❤️عليه افضل الصلاه والسلام ❤️
اللهم صل وسلم وبارك على سيدنا محمد وعلى آله وصحبه وسلم تسليما كثيرا ❤
عليه افضل الصلاه والسلام
ريحته وصلاني هنا 🎉❤
قلباااااي 😘😘❤️
😂😂
إنتي بتتريقي
صح
لأن هي ما تكلمت عن إضافة أي روائح
@@tayirallaylaljarih9068 انا مضفتش روايح لكن الصابون ده بيبقي مميز بريحة الليمون بسبب الليمون اللي ضربناه في الخلاط
تسلم ايدك ينفع في الخلاط
تسلمي حبيبتي كلك ذوق 😘❤️ اه ينفع بس هتحطي الاضافات الاول وتقلبيها بالمضرب السلك وتاخديهم في الخلاط يدوب مش هيكمل دقيقه ضرب وهتلاقي تقل جدا (وطبعا تكوني حاطه غطا الخلاط علشان مفيش حاجه تيجي عليكي)
تسلم اديكي يارب
من شكله روعه وحجربو باذن الله
بس ينفع احط برسيل بودر بدل الجل
تسلمي حبيبتي كلك ذوق ❤️ هو البرسيل جل افضل لكن البودر ينفع خدي معلقتين كبار ودوبيهم كويس جدا ف معلقتين ميه (لان لو انضاف مباشر هيفضل محبب في الصابونه )وبعد كده ضيفيهم
@@monwaat-manal تسلمي حبيبتي
ربي يوفقك ويفرج عنك كل هم وغم
@@roroomari799 تسلمي يا رب ع الدعوة الجميلة اللي ذيك ولكي بالمثل وذيادة 😘❤️
ماشاءالله تسلم ايدك
ممكن استعمل الهند بلندر اسرع من المضرب
ولو هاستعمل زيت مستعمل بلاش زيت ايه في عمل الصابون بصراحه انا من عشاق الصن لايت وهو مش موجود دلوقتي
جزاك الله خيرا
تسلمي حبيبتي كلك ذوق ❤️ اه ينفع الهاند بلندر اضربي بيه مش بياخد وقت..الصن لايت حاليا مش موجود لان انتاجه أتوقف..اي زيت مستعمل عندك استخدميه هينفع
@@monwaat-manal ربنا يجعله عمل صالح لك ينفع به الناس
@@nahlamohamed5627 يا رب اللهم امين 😘❤️
اللهم صل وسلم وبارك على سيدنا وحبيبنا محمد صلى الله عليه وسلم
عليه افضل الصلاه واتم التسليم ❤️
انا عملت صابون من قناتك رائع جدا
الله يبارك فى حضرتك
بس ممكن سؤال من فضلك
ايه افضل طريقه لعمل الصابون ينفع للاستحمام والملابس والوجه
وجزاكى الله خيرا
تسلمي حبيبتي ❤️ وتسلم ايدك وربنا يحسن ما بين ايديكي دايما ♥️ ده لينك صابون استحمام ua-cam.com/video/CIXitZyNlj0/v-deo.htmlsi=CB-8ZCNs_xGjuyHi
وده فيديو تاني لكميه اكبر ua-cam.com/video/2ojC0vN3CJA/v-deo.htmlsi=Z1_J0XPwE2SESAJ5
تسلم ايدك .انا عندي كيلو زيت زيتون قديم وغير مستعمل ينفع اعمله صابون بنفس المقادير اللي عملتيها.شكرا
تسلمي حبيبتي 💐 اه ينفع وهيبقي ممتاز زيت الزيتون بيبقي تحفه
الهم صلى على سيدنا محمد
عليه افضل الصلاه والسلام
تمن كيلو من الصودا الكاويه يعني اقل من 150 جرام بحاجات بسيطه هينفع انا بعمله فعلا بس حاسه انه خفيف
الثمن كيلو يعني ١٢٥ جرام هو المفروض ١٥٠علشان يتقل ويجمد معانا لان اي تقليل ف كمية الصودا هيخلي الصابون يكون خفيف وياخد وقت ع ميجمد
❤صلى الله عليه وسلم صلى الله صلى الله عليه وسلم صلى الله صلى الله عليه وسلم 🎉
اللهم صل وسلم وبارك عليك يا حبيبي يا رسول الله
تسلم ايديك يا قمر اعملي لايك
تسلمي حبيبتي
متابعين جدد من سوريا❤❤❤
اهلا وسهلا بيكم وبكل اخواتنا واهلنا في سوريا الحبيبه نورتوني والله ❤️♥️♥️
تسلم ايدك ينفع صج الفرن الكهربا الصغير
لو ليه حرف عالي دخليه في كيس واستعمليه
❤❤تسلم لديك جربتو ونجحت فيه ما شاء الله شكرا شكرا
تسلمي حبيبتي وتسلم ايديكي هو طلع حلو معاكي علشان انتي اللي عملاه 😘❤️
تسلم يديك يا حبيبتي جميل جدا
❤❤❤❤❤
@@monwaat-manal❤
@@user-il6cd2oj5o تسلمي حبيبتي كلك ذوق ❤️
صح كلامك انا فصل معي
♥️♥️
تسلم ايدك لو عايزاه صابون سائل اعمل ايه
تسلمي حبيبتي ❤️ ده الفيديو للصابون السائل
ua-cam.com/video/oPWMWiNBRpo/v-deo.htmlsi=7vtCQcjIOtqWDOXI
هي يعني هي دي السوده الكاويه دي هي البطاس
ايوة لو حضرتك من مصر لو من خارج مصر فالبطاس في الدول العربية ماده غير الصودا الكاويه
تسلم ايديك هو ينفع الكحول بتاع مطهر الايد ولو مينفعش ممكن محطحوش اصلا
ممكن تضيفي معلقه كبيرة جليسرين بيخلي الصابون جميل وكدة الاضافات كفايه مش محتاجه تضيفي حاجه تانيه
جزاكي الله خيرا نعمل ايه لو الصابون بعد ما نشف كان مزيتن
جزانا واياكي حبيبتي ❤️لو سنة زيت خفيفه ع الوش يبقي اتحط في شمس او تحت مروحه بينطر زيت بمنديل امسحي اي زيت من ع الصابون واستعمليه عادي بعد ميكون نشف كويس
تسلم ايدك حبيبتي لو سمحتي استخدمة علي طول ولا استنة شوية علية شوية علشان ايدي والبطاس ارجو الرد
اهلا وسهلا بيكي حبيبتي 💐 تسلمي يا رب ❤️ اه يفضل انك تسيبيه بعد التقطيع ينشف لمدة ٣اسابيع لشهر بكده الصودا بتكون طارت منه تماما
@@monwaat-manal جزاك الله خير
@@saharelsaid1893 جزانا واياكي حبيبتي ♥️
هل ينفع نعمل صابون الوجه بنفس الطريقة؟
ده صابون صحي ينفع للبشرة وقريبا هنزل صابون للوجه تاني ua-cam.com/video/NAYNRjVMQZs/v-deo.htmlsi=NBveQxDqavlpVTRf
تسلم ايدك حبيبتي ❤️ شكله تحفه بسم الله ماشاء الله
بعد اذنك هو انا ممكن احط بدل الميه المضروبه في الخلاط احط ميه ليمون مغلي بس هو برد يعني حطاه في التلاجه
وأحط كمان معجون الليمون انا اشتريت اللون البرتقالي اللي حضرتك قوليته عليها معلش هتعبك معايا عشان اول مره اعمل الصابون ده ومنتحرمش منك يارب 🤲❤️🥰😍 ودائما في تقدم مستمر يآرب 🤲 ياقلبييييي ❤️🥰😍
تسلمي حبيبتي كلك ذوق ❤️ اه ينفع تسخدميه.اللون دوبي سنه بسيطه منه في شويى ميه صغيرين واتأكدي انه لما بيدوب بيدي لون اصفر .وتسلمي يا رب ع كلامك الجميل اللي ذيك ❤️
@@monwaat-manal تسلميلي حبيبه قلبي ❤️ لزوڨك وردك واهتمامك والله تستاهلي اكتر ❤️😍🥰🥰💓💓👩❤️💋👩👭وان شاء الله هقولك النتيجه واكيد هيطلع تحفه كفايه أنه من ايدك 💓🥰👩❤️💋👩👭👭😍❤️😍
@@fatmaalzhraalzhra3275 تسلميلي يا رب ويجازيكي كل خير ♥️♥️هو اكيد هيطلع حلو عشان انتي اللي هتعمليه ❤️
حلو جدا عاشت ايديكي بس الزيت كدا هيبقي غالي اوي .
تسلمي حبيبتي ❤️ لما تستخدمي زيت مستخدم مش هيكون غالي لان صحيا مش مفروض نقلي في الزيت كتير بيعمل انسداد في الشرايين فكده هتستفيدي بيه
تسلم ايدك طريقه تحضير رائع جدا
تسلمي يا رب ❤️😘
من فضلك اريد مقادير صابونه واحدة كم مقدار الصودا الكاويه وكم مقدار زيت الزيتون
ده فيديو انا عملاه لكميه قليله جدا ua-cam.com/video/NAYNRjVMQZs/v-deo.htmlsi=f6-nd_FVUu3RfYHk
❤❤
♥️♥️
حياتي اريد اسوين الصابون السود الكويه السيل ماعنه السود الكويه القشور ربنه يحفظج
اهلا وسهلا بيكي حبيبتي 💐 ان شاء الله انزلك فيديو قريب مخصوص ليكي❤️
@@monwaat-manal تسلمين حياتي ياوردة
@@user-ie7qj1hg6n تسلمي حبيبتي ❤️
تسلم ايدك والله
لو مش عندي مستعمل ونعمل بزيت عادي يكون ازاي
تسلمي حبيبتي كلك ذوق ❤️ اه ينفع غير مستخدم وهيكون تحفه كمان بنمشي بنفس الطريقة ونفس المقادير
@@monwaat-manal ربنا يحسن ما بين ايدك يارب
تسلمي يا رب اللهم امين ويحسن ما بين ايديكي دايما ♥️♥️
هو احنه ممكن نستعملها للوجه والجسم
انا نزلت ع القناه الصابون بريحه للوجه والجسم اخر فيديو ع القناه جربيه حلو جدا
تسلم ايدك بقدر استخدم خلاط كهربائي
اه ينفع هتقلبي الاضافات وبعدين تاخدي الصابون ف الشفشق وتضربيه مبياخدش وقت خالص وتغطي الخلاط كوبس علشان مفيش حاجه من الصابون تيجي عليكي وتكوني محضره جمبك القالب اللي هتصبي في
@@monwaat-manal شكرا لك
@@UMTHAERALDEEB عفوا حبيبتي ❤️❤️
❤❤❤❤
😘😘❤️❤️
من فضلك انا عملته وصبيته وطيبته ينشف بس عمل زيت عالوش وتاني يوم كان لسه قوامه مش ناشف زي الملبن كده
اهلا وسهلا بيكي حبيبتي 🌺 كده نطر زيت علشان متقلبش كفايه خدي منديل وامسحي اي زيت ع الوش وسيبيه ينشف براحته لان قلة التقليب بتخلي الصابون ياخد وقت ع مينشف
ينفع احط بدل اللون دم غزال بودر
لو اصفر ينفع ولو مش متوفر عادي متحطيش هو مجرد لون مش بيأثر في جودة ولا رغوة الصابونه
ينفع نحط كركم بدال اللون الاصفر
ينفع بس دوبي الكركم والرواسب اللي مش بتدوب متحطيهاش او صفيها