'A CAPA MIA Carmen Auletta

'A CAPA MIA
Penzo ca forze i' so' 'nu poco strana:
quanno mme trovo a casa , sola sola,
desiderasse , immece, 'e stà luntana,
pe ddicere cu 'a ggente 'na parola.
E cquanno 'mmece stongo 'ncumpagnia,
subbeto me vulesse arritirà
pe stà a rriposo dint ' â casa mia
pe scrivere, pe lleggere e ppittà.
'A cerevella mia è mmisteriosa,
ma sulo a mme succede 'e stà a ppatì
cu cchesta capa 'nzista e capricciosa,
ca 'e vvote proprio nnun se fa capì?