Ep 02 “So /hôro ons Saam”

Die Weskusmense van die Ratelgat Erfenisgebied, Natalie le Fleur, Florence Filton en Tannie Mary Kriel vertel ons meer van die Griekwa stam se kultuur en erfenis. Waarby die plaaslike bekende Oom Ysterman van Springbok tesame met Magrieta Bezuidenhoudt uit die hart van Namakwaland ons ook vermaak met hul musiek en stories.
“ So /hôro ons Saam “is ‘n 13 episode reeks wat verfilm was in die Ratelgat Erfenisgebied van die Weskus, in die hartjie van Namakwaland naamlik Garies, asook in die blommepragstreek van Springbok in die Noord-Kaap. Die program handel feitliks oor verskillende storievertellers van die verskeie streke wat hul interessante stories deel met kinders van die nuwe generasie. Dit is stories wat aan hulle oor vertel was deur hul voorvaders snags rondom ‘n kampvuur. Die program beloof om oud en jonk baie leer van die Griekwa sowel as die Namamense se kulturele erfenis, beginsel waardes en musiek. Julle kan besonderse inheemse kampvuur stories verwag wat deur verskeie bekende storievertellers van die streke vertel word.