သုသာန်မြေတူးသက်တမ်း ၁၂ နှစ်မှာ မကြုံစဖူးဖြစ်ဟုဆို

ဇင်ဘာဘွေနိုင်ငံမှာ ကိုဗစ်ဗိုင်းရပ်စ် ကူးစက်မှုများပြားလာပြီး သေဆုံးသူဦးရေဟာလည်း တိုးပွားလာခဲ့လို့ အခုအခါ သုသာန်တွေမှာ လုပ်ကိုင်နေတဲ့ မြေသူတူးသူအချို့ဟာ နားရက်မရှိဘဲ အကျပ်အတည်းဖြစ်ကာ ပင်ပန်းနေကြောင်း Aljazeera သတင်းဌာနက ဖော်ပြခဲ့ပါတယ်။ အခုလို ကိုဗစ်ဗိုင်းရပ်စ် ကူးစက်မှုတွေဟာ အတော့်လေး ပြင်းထန်နေလို့ ဇင်ဘာဘွေ အစိုးရက တင်းကျပ်တဲ့ စည်းကမ်းတွေ ထုတ်ပြန်ထားပါတယ်။ ဒါပေမဲ့ ကိုဗစ်ဗိုင်းရပ်စ် ကူးစက်မှုနဲ့ သေဆုံးမှုတွေကြောင့် မစည်းကားသင့်တဲ့ နေရာမှာ စည်းကားနေတဲ့အဖြစ်မျိုးနဲ့ ကြုံတွေ့နေရလို့ အစိုးရကိုယ်တိုင်ကလည်း စိတ်ပျက်နေပါတယ်။ သုသာန်မှာ မြေတူးတဲ့အလုပ်ကို ၁၂ နှစ်ကြာလုပ်ကိုင်ခဲ့တဲ့ ရာဆောကာဆိုသူရဲ့ ပြောကြားချက်အရ အခုကာလဟာ သူ့အတွက် မကြုံဖူးခဲ့တဲ့ အတွေ့အကြုံဖြစ်ပြီး အပင်ပန်း ဆုံးကာလဖြစ်ကြောင်း ဖွင့်ဟပြောကြားခဲ့ပါတယ်။