Varstu hirm ja arm - Pulga Jaan
Вставка
- Опубліковано 13 кві 2023
- VARSTU HIRM JA ARM
Viis ja sõna’ - Pulga Jaan
1. Küll ma pelksi toda suurt ja hirmsat saivast,
Luiga Leenu tahtsõ Hurda poissõ nuhelda.
Vanaimä ütel, minke kutskõ Laiva,
vaivalt, et seo asi lõpõs vereldä.
Poisi’ pakku saie tuulõveski takka,
kon kõrd Riigu Annõ kits tekk viimse “prut”.
Poisi’ mõtsamehes, rüüvles kumbki es nakka,
näide sõsarast es saaki minu pruut.
2. Tõnõ hirm oll mullõ Kaisi Jaani kulu.
Esäne, tuu vallas vabalt läti kiilt
Vahtsõ-Roosa mehe’ opsi mullõ, et poju,
ütle “lakmandirs”, või-olla muut sõs miilt.
Kulu miilt es muuda’, läti keeli sõimas
“situ nost!” oll timäl takan kui ka iin.
Vana Jaani üle lihahimu võimu
võtt ja õigust mõistsõ meile giljotiin.
3. Kõrdsimehe kulu peränd liivahavva
mullõ tii veeren tsireliide all.
Sääl ma õtakildõ istu tahtsõ kavva
järve veerest kostu kõrvu naistõ laul.
Nimä’ lauliva, kuis maikuu toomõ’ häitsi
kuigi minul tsirel pungõ valla ai.
Lauluga niä’ Vaka Koljal hinge läütsi
tsirgukõisi, lajan käe’, tä takan ai.
4. Aig läts edesi ja latsõpõlv käest kattõ.
Liivahavvan inämb mii’ es unista.
Tollõst aost, ku Vellu tsia sälgä sattõ,
külä pääle kävvemi mi Mõnistõ.
Kaalukuan anti edimäne musu,
sis tull hainaküün vai tarõpäälne säng.
Hummugudsõ Talna bussiga sait kodu,
imä tollõl aol viil sängün külge käänd.
5. Nigu toona häitses tsirel kesktii veeren.
Häitses nii, et pelgät, ärä läpätäs.
Varstu tsireli õks uma rahva meelen,
maikuun kotust tahas läbi hüpädä.
Nüüd kon vahtsõ valla nimel lüvväs lokku,
Varstu nimmegi vast tahtva häötä,
kodutsireliide all kõik saami kokku,
tsireliide nimel tasus sõdida.
Tulkõ kõik, kedä rännümehe veri
noorõlt otsma aie muialt umma saart,
Varstun uut teid tsireliide meri,
avvuraha egaüts säält rinda saa.
Pulga Jaan - laul
Mõtussõ Liivi - laul
Laube Kadri - laul, lõõtspill, pildi kokkosäädminõ
Niglassõ Ago - klarnõt, kontrabass, muusiga kokkosäädminõ ja puutrõtüü (produtseering)
Üles võetu 31. urbõkuu pääväl 2023. aastagal Kõrvipalun
kõike ilusat SulleJaan!!!Jaan om Kuldre kandist peri....vähemalt siss oll ku ma sääl eläsi.. mõnisada meetrit vast oll miiq kodude vahel vahet!!!kate maja pääle oll üts sann..nii et Jnniga olemi ütte sanna kasutanu .. igaüts x ommiga ..mitte es tetä segasanna🥰🥰
Väega illos ❤❤❤❤
Hummogudsõ Talńa bussi võinu jälki liinile panda :-)
Tubli miis Pulga Jaan olõt ja pallo uusi etendusi . Tetvüst ja edu .
No kost Sa küll peritu olõt et säändsit laulõ kokko panõt?
Pulga Jaan om põlinõ varstukas ja tiid nii aoluku ku mõist seo laulõ sisse kirota. Mi Agoga inne avitimi veidü pillimängu ja tehnikaga. Autor esi laul. ❤
@@kadriglaube Jaan om Kuldren elanu poiskesena..I
jaan om JAAN