جيلي CK 🇨🇳 | ارخص عربيه صيني نزلت سوق السيارات مميزات و عيوب GEELY CK .
Вставка
- Опубліковано 14 жов 2024
- جيلي CK 🇨🇳 | ارخص عربيه صيني نزلت سوق السيارات مميزات و عيوب GEELY CK .
بالتفاصيل الكامله مراجعه شامله ل جيلي CK مع تجربه قياده ممتعه
مع بدايه مخلفه وظهور جديد للصين في صناعه السيارات و السوق العالمي كانت شركه جيلي واحده من الشركات الرائده في التصنيع
وتم انتاح جيلي ck عشان تحقق استراتيجيه الشركه وال كانت ومازالت بتستهدف الفئه المتوسطه و الاقتصاديه عشان تحقق الانتشار الاكبر
وكان اول اصدار ليها سنه 2005 وكالعاده للشركات الصينيه في بدايتها انها بتحاكي في التصميم لشركات عالميه فكان لوجو شركه جيلي مأخوذ من شركه كاديلاك اما بالنسبه لتصميم جيلي ck فكان مأخوذ من تصميم مرسيدس e 200 في الوقت دا و ال بنسميها هنا في مصر مرسيدس عيون
جيلي ck نزلت بكذا موديل بأصدارات مختلفه زي جيلي ck1 و ال تم اصداره في 2005 واتميز بالبساطه مع مظهر مدمج
وجيلي ck2 و الموديل دا نزل بتطوير في التصميم الداخلي و الخارجي عن ck 1
وجيلي ck3 مع تغيير خفيف في التصميم الخارجي فقط
اما اخر موديل كان جيلي ck 4 و ال اتميزت بتصميم عصري مع تطوير شامل في المواصفات و التجهيزات
وتشابهت كل الموديلات خارجي واحد بمقدمه جميله من الاكصدام و الشبك مع كشافات متكامله وكشافات شبوره و التشابه دا برضه كان في التصميم الداخلي للكراسي و التابلوه مع بعض التجهيزات زي ازاز و مرايات كهربا وسنتر لوك وساوند سيستم وبعض الموديلات فيها كانت بتيحي ب abs اما بالنسبه للابعاد فكانت بتيجي
بارتفاع متر ٤٤ سم
وطول ٤ متر ١٥
وعرض متر ٦٨ سم
وبرغم التشابه دا لكن كان في اختلاف في الموتور ودا كان علي حسب الموديل فالعربيه كانت بتنزل بنوعين موتور 1300 و 1600 cc تقريبا لكن ال نزل مصر كان ال 1600 مع فتيس مانول ٥ سرعات و اتوماتيك ٤ سرعات
جيلي ck انتشرت في مصر وقت نزولها بشكل سريع ودا بسبب اول و اهم ميزه ليها ال هو سعرها
فنزلت بسعر قليل جدا بالمقارنه بكل العربيات ال تم اصدارها في نفس السنه
تاني ميزه الاقتصاديه
ف جيلي ck تعتبر اقتصاديه جدا في استهلاك البنزين بمعدل استهلاك من ٧ ل ٩زلتر تقريبا لكل 100 ك
تالت ميزه الصيانه
صيانتها سهله ودا ال ركزت عليه شركه جيلي عشان تسهل صيانتها علي اي صنايعي
رابع ميزه تصميمها
تصميمها عصري جدا وجميل وزي م وضحتلك انه مأخوذ من مرسيدس e200
خامس ميزه التجهيزات و الكماليات
فالعربيه مزوده بوسائل راحه كتير زي تكييف و ازاز كهربا وغيرهم ودا بيدي قيمه اكتر للعربيه
سادس واخر ميزة سعرها
وال يعتبر قليل جدا جدا بالمقارنه بأي عربيه نزلت في نفس سنه الاصدار .
زي ما جيلي ck حققت انتشار و مبيعات كبيره في وقت اصدارها بسبب سعرها و امكانياتها ال اتعرضت الا ان المبيعات و الانتشار دا م استمرش وقل تدريجيا
ودا بسبب العيوب ال هقولك عليها
اول عيب الاعتماديه
فالعربيه بتفتقد للاعتماديه تماما ومع الوقت بيظهر فيها مشاكل كتير ودا ال بيظهر في الموتور و الاجزاء الميكانيكيه و غيرهم و الحلةانك تسقطلها موتور ويكون تويوتا لانه طبعا اقوي واعتمادي جدا
تاني عيب الاداء
اداء ال ck قليل ويكاد يكون سيئ ودا بسبب العزم عزم العربيه منخفض وهتلاحظ دا بالذات في طلعه العربيه من صفر ل ١٠٠
تالت عيب تالت عيب نظام التعليق و الهيكل الخارجي
فالعربيه اعطالها كتير في العفشه خصوصا لو طبيعه مشاويرك مع طرق فيها نقر و مطبات كتير اما بالنسبه للجسم الخارجي ف هتلاقيه ضعيف جدا ومش متماسك ومع اي احتكاك او خبط بسيط بيظهر ضعفه
اما اخر عيب اعاده البيع
و ال بقت سيئه بسبب العيوب ال ظهرت في العربيه مع الوقت برغم سعرها ال قليل
طيب الخلاصه تشتري جيلي ck ولا لا
والله انا شايف ان سعرها مغري خاصه في الوقت ال احنا فيه لكن دا في حاله انك هتقدر تتعامل مع عيوبها و ال تعتبر كتير خاصه ان العربيه تقريبا كل حاجه فيها ممكن تبوظ من وقت للتاني ومش معمره يعني بدايه من الزراير ال في التابلوه و الفرش و البلاستيك و غيرهم لحد الموتور و المشاكل دي كانت سبب في عدم ثقه ناس كتير في العربيات الصيني بشكل عام لانها مكنتش في الجيلي ck بس لا دي كانت في عربيات صيني تانيه
و ممكن تبقي تمام اوي معاك في حاله انك فعلا محافظ عليها واستعمالك خفيف مع العربيات وبتتابع صيانتها الدوريه بأستمرار و مهتم بيها اما لو عايز عربيه تدورها وتمشي فأستبعد العربيه دي من حساباتك وفي عربيات تانيه اعتماديه بشكل اكبر وبنفس السعر او اقل
دا كان فيديو جيلي ck
متنساش اللايك و السبسكرايب
سلام ي وحش
سلسله #ارخص_سيارات_في_مصر
• ارخص سيارات في مصر
#فيات
• فيات
#بيجو
• بيجو 🇨🇵
#لادا
• لادا 🇷🇺
#دايو
• دايو 🇰🇷
#سيتروين
• ستروين 🇨🇵 CITROEN
#دايهاتسو
• دايهاتسو | 🇯🇵 DAIHATSU
سلسله سيارات #جيلي
• جيلي 🇨🇳 GEELY
اللهم صلي وسلم علي سيدنا محمد
❤️
لا حول ولا قوة الا بالله
اين صنع محرك جيلي سيكي ون ٢٠٠٦
التصنيع تقريبا اختلف وكان االمنشأ الصين تقريبا مع الاعتبار بأمكانيه تركيب موتور تويوتا
#سينما_السيارات ❤️
عااش يا وحش 💪❤️😊
ياريت تفيدني انا معروض عليا ck و mk وهشتغل عليها ياريت تفيدني انهي احسن واشتري اي وشكرا
جيلي mk الضل الي حد ما لكن لو في شغل ومشاوير منصحكش بأي واحده من الاتنين
#سينما_السيارات #جيلي_mk #جيلي_ck ❤️
ممكن السبب انها متنفعش ف الشغل@@muhamedawad8193
انا عندي العربية معايا من ٢٠٠٩ عامل بيها ١١٥ الف كم، اتفق معاك تماما في نقطة الصاج الضعيف من الجناب و البيبان لكن انا دخلت بيها في لانسر كرستالة قبل كده اللانسر شنطتها اتطبقت و ما بقيتش تقفل لكن انا يا دوب الاكصدام اتعوج حاجة بسيطة خالص مش ملحوظة اساسا و مرة تانية دخلت فطوبة من الجنب، لقيت الاكصدام اتطبق، نزلت رديته بايدي و كملت مشي عادي لكن بالنسبة للاعتمادية فأنا شايف ان معظم قطع الغيار اللي بتختاج تتغير بتبقى مستهلكات بتتغير لما عمرها الافتراضي يخلص و خلاص و بالنسبة للعزم فأنا معايا الاصدار المانيوال ١٦٠٠ و عزمها مش ضعيف، بطلع بيها مطلع جراج عادي جدًا، احيانا اصلا لما باجي اطلع على طريق عادي بتفرك مني فالارض من قوة العزم و بشد بيها كتير مع عربيات اقوى منها فالاداء كأرقام عالورق و بترفع راسي بصراحة
تمام ي أ مصطفي ربنا يباركلك فيها بس ي ريت متخبطش عربيه حد تاني و خلي بالك من الحجر وغيره . اي عربيه مع الاهتمام بيها هتلاقي منها اداء كويس
#سينما_السيارات ❤️
@@muhamedawad8193 منا مكنتش قاصد اكيد، انا خيشت 😂
@@mostafael-sharkawi2905 😅
#سينما_السيارات ❤️
ممكن رقم للتواصل معك
المهم اخبار قطع الغيار متوفرة ولا لأ سي كيه2009
قطع غيارها مش متوفره بشكل كبير في كل المحافظات لكنها بتقبل قطع غيار بديله من عربيات تانيه صيني او كوري
#سينما_السيارات ❤️
ممكن فيديو عن لادا سمارا ؟
قريب ب اذن الله ❤️
بيركب عليها موتور تويوتا ياريس بس مش عارف ظروفه ايه دلوقتي ف المرور
بيترخص عادي بعد المطابقه لكن مع مصاريف و اجراءات تانيه
@@muhamedawad8193 تمام تسلم يا غالي 🙏🙏
تعمل كام دلوقتي 2009
للاسف مفيش سعر ثابت لكن بأفضل حاله متعدي ال ٩٠ الف
هل العربيه ممكن تسافر
هتحتاج تشيك عليها كويس قبل م تسافر ولو في اشتباه في اي عطل انصحك بلاش
#سينما_السيارات ❤️
سافرت بيها قبل كده من اسكندرية لمطروح متواصل مخدتش استراحة واحدة و كنت بفتح بيها لل١٧٠ و ما اشتكيتش من حاجة
فاكرها دي كانت عربية احلامي نزلت وانا ف ثانوي كانت شبه المرسيدس
فعلا الموديل دا بالتحديد كان مأخوذ من مرسيدس e200
@@muhamedawad8193 بس على صغير 😍
ئص سي ٤بر