ازاي زوجك تحول من نرجسي متوسط لنرجسي لخبيث؟”مستويات الشر عند النرجسي“.... كوثر سند

النرجسي الظاهر (أطياف النرجسية ) (٢)
المستوى الثاني : المنفصل عن الذات
هنا حصلت الكارثة اللي بتخلق لنا شخص مصاب باضطراب الشخصية النرجسية ، وهنا بيتحول النرجسي من الاحتياج الشديد للتقدير للاحتياج الشديد للتميز ، يعني المستوى الأول كان عايز يستمد احساسه بنفسه من الناس عايز الناس تقدره عشان يحس انه له قيمة وقدر زي الشخصية الاعتمادية ، اما في المستوى الثاني بيكون أسوأ بيكون عايز يحس انه متميز يعني احسن من الكل يعني محدش زيه عايز يعس انه الاحسن والاقوى والاعظم والأفضل ، و.... وبيصبح متمسك بالصورة المزيفة اللي بتقول انه متفوق وعظيم وبيتغلب على الشعور بالقلق والاحساس الداخلي بعدم الأمان والخجل والعار و ومش بيسمح للاحاسيس دي انه تخرج للواعي ابدا وبيدخل بقى في الشعور بالعظمة والاستحقاق ودي هي النرجسية المرضية اللي بتقوده لاستغلال الناس وطبعا المستوى دة الشخص بيكون عنده كمية تبريرات مهولة لتصرفاته لو حصل واتصل باللاواعي وحصل له لحظات ادراك للي بيعمله من أخطاء وبالتالي التبريرات بترجعه لعدم الوعي و عدم الادراك وتحوله للاحساس بالعظمة الوهمية والصورة المزيفة
المستوى دة بيكون النرجسي الظاهر فاقد الاتصال عاطفيا بأي حد حتى نفسه واصبح معندوش لا القلق ولا الشك في عظمته وتفوقه اللي كان موجود في المستوي الأول ، والعياذ بالله بيحصل له عمى القلوب والبصيرة ، ودة طبعا بسبب الكبر اللي بيوصل له فلازم ربنا يطمس على بصيرته بعمله ،
دكتور أبو السعد بيقول ان الأغلبية العظمى من النرجسيين بيكونوا في المستوى الثاني ، وقال كمان نقطة مهمة جدا : ان التحول من المستوى الأول ( الغير مرضي ) للمستوى التاني (المرضي ) بيكون سهل جدا وخطير لان الشخص لو مكانش منتبه لنفسه وواعي وخصوصا في وجود السوشيال ميديا والمتابعين اللي بيزودوا ويأكدوا عظمة الصورة اللي هو مصدرها لهم وهو كان عايز يصدقها طبعا طالما الناس اكدوها وصدقوها يبقى هو كدة صح وبيصدق الكذبة الكبيرة ويبدأ يعتبر الناس مصادر للوقود يعني تأكيد احساسه بالعظمة وتبدأ دورة الاستغلال ، اذا مادتنيش الوقود حهينك وقلل منك واعاقبك وبيدخل في مستوى اعلى من العدائية للحصول على الهيمنة ، ومن هنا بننتقل للمستوى الثالث
المستوى الثالث : طاغية سيكوباتي متنمر (النرجسية الخبيثة)
نادر ان التنرجسي يوصل للمستوى دة
هنا الشخص دة عنده خبرة وأدوات النجاح اخدهم من المستوى التاني وبيبدأ يحافظ على القوة والنجاح اللي وصل لهم بأي ثمن وبيدخل في مستوى السادية اللي هو انه يستمتع انه يشوف الناس متألمة وضعيفة وهنا بيوصل للفقد التام للوعي والادراك لحقيقته ونفسه الحقيقية
امتى بيدخل للمستوى دة ؟ لما يحس انه عمل امبراطورية وحصل مثلا تذمر من موظفينه او عماله ، او يحصل له كارثة اقتصادية ، او يكون حاكم وقامت عليه ثورة ، وهنا بيحصل تحول سريع من المستوي الثاني للثالث وبيصحبه البارانويا اللي هي جنون العظمة وبتتجمع هنا كمان اربع حاجات وبتكون مربع الظلام او مربع الشر اللي هو النرجسية والسيكوباتية والميكافيلية والسادية يعني والعياذ بالله كارثة ، لكن ستر ربنا ان المستوى الثالث صعب الوصول له واللي بيوصلوا له مشاهير ومعروفين زي هولاكو وهتلر والناس دي
اكونت الفيس بوك
www.facebook.c...
جروب ادرس عدوك النرجسي
/ kawthersanad11