Це відео не доступне.
Перепрошуємо.
موسوعة امراض أسماك الزينة - مرض النقاط البيضاء
Вставка
- Опубліковано 7 бер 2021
- ازيكم عاملين ايه اسألة كتير بتجيلي عن امراض الاسماك و لأن الاسماك تعتبر من الكائنات الي صعب تحدد الامراض فيها فهعمل سلسة أمراض الاسماك و علاجها و النهرده هنتكلم عن أكتر مرض شائع بين الاسماك و هو مرض النقط البيضاء او الوايت سبوت و قبل ما نبدأ الحلقة متنساش تعمل سب سكرايب للقناة و دوس لايك و يلا نبتدي الحلقة انا اسامة و دا سمك في ميه
قبل ما نتكلم عن مرض النقط البيضاء حابب اقلكم ان لازم تقعد قدام الحوض بتاعك يوميا و تراقيب كل حاجة فيه و تبص علي اسماكك كويس لأن الامراض ممكن لسة في بدايتها و في اعراض بسيطة ابتدت تظهر علي سمكتك و كل ما ابتديت تعالج المرض في مرحلة مبكرة كل ما قدرت تنقذ أسماكك من تفشي المرض في الحوض كله و تنفذ الروح الي انت بقيت مسؤل عنها من وقت ما قررت انك تربيها
دلوقت ايه هو مرض النقط البيضاء ؟
مرض النقط البيضاء يعتبر من الامراض الطفيليه الي بتنتشر في كل جسم السمكة بتلاقي السمكة ابتدي يظهر علي جسمها كله او اجزاء منه نقط بيضة ممكن يكون حجمها صغير جدا جدا عامل زي البودرة او حبات كبيرة الحجم قد حبة السكر و المرض دا بيكون منتشر في كل الميه بتاعة الحوض و لو متعالجش بدري هينتشر في كل جسم السمكة و هياكل في جسمها حرفيا لحد ما تموت و المرض دا بيصيب كل أنواع الاسماك سواء أسماك الميه العذبة او المالح
طيب المرض دا ازاي بيجي للأسماك عندي ؟
أول سبب لمرض النقط البيضاء هو بيكون عن طريق نقل سمكة مصابة بالمرض من حوض مصاب لحوض سليم او مياة من حوض مصاب للحوض السليم علشان كده بنأكد علي انك لما تشتري اي سمكة جديده لازم تبص كويس علي الحوض الي بتشتري منه ميكونش فيه اي اصابة او ارهاق للسمكة و تكون الوانها زاهية و بتعوم كويس في الحوض ثانيا عزل اي اسماك جديد في حوض منفصل لمدة 48 ساعة علشان تتاكد من خلوها من اي امراض طفيليه كمان لما تنقل السمكة من الكيس للحوض متضيفش الميه الي جاي بيها السمك للحوض عندك لأنها ممكن تكون حاملة لأي امراض
طيب انا مجبتش سمك جديد ولا نقلت ميه من حوض تاني و المرض جه للأسماك عندي ايه السبب؟
هقلك ان المرض دا يعتبر زي دور البرد كده الي بيجيلنا بس للأسماك و بيكون بسبب ان درجة الحرارة في الحوض عندك ما بين 24 و 27 و دي درجة حرارة مناسبة جدا لنمو و تكاثر المرض دا و بدون دخول في تفاصيل كتير عن مراحل تطور الطفيل بس بيظهر في الحوض بعد مرور 48 ساعة من وجوده في الميه و ايجاده للعائل الي هو جسم السمكة و بيبتدي يتكاثر و ينمو و ياكل في جسم السمكة و يتذي عليه
طيب هل في اي اعراض تاني بتظهر علي السمكة قبل ما يظهر عليها المرض بشكل واضح ؟
ايوه بتلاقي السمكة بتحاول تحك جسمها في الديكورات بتاعة الحوض او في الجرش او حتي بتلف حولين نفسها او حركتها سريعة جدا لأنها حاسة بأنها عايزة تعرش و الطفيل بياكل في جسمها
طيب دلوقت بعد ما عرفت الاعراض و الاسباب إزاي اقدر اتعمل مع المرض دا ؟
اول حاجة لما تشوف النقط البيضة انك تبتدي ترفع درجة حراره الحوض عندك درجتين في الساعة لحد ما توصل ل 30 درجة مئوية
ليه علشان الطفيل في درجة حرارة 30 بتبقي دورة حياته اسرع و بيموت و البكتريا الي في الميه مبتتحملش الحرارة دي و تموت و كده تبقي قضيت علي جزء كبير من الطفيل
اتأكد ان الحوض عندك متوفر ليه كميه هواء مناسبة زود الهواء في الحوض علشان الأسماك في درجة الحرارة العالية بتحتاج قدر اكبر من الاكسوجين
هنستعمل علاج خاص بالنقط البيضاء زي دواء النقط البيضاء بتاع نايل تانك و دا بنستعمل جرعة 10 مم لكل 100 لتر من ميه الحوض و يفضل طبعا علاج الاسماك بنفس الحوض بدون عزل علشان نعالج الطفيل من الحوض كله
كمان متنساش تقفل الفلتر علشان ميسحبش العلاج هنكرر الجرعة دي في الحوض لمدة 10 ايام مع تغيير المياة الدوري ربع الحوض كل يومين لحد ما هتلاقي ان شاء الله المرض اختفي من الحوض عندك
ممكن كمان تستعمل الملح البحري او الخشن الخالي من اليود و ممكن عمل حمام ملح للأسماك يعني هتجيب حوض صغير 20 سم مثلا و تحط عليه معلقة ملح صغيره و تدوبها في الحوض و تغطس السمكة بتاعتك فيه لمدة 10 دقائق او ربع ساعة و بعد كده ترجعها الحوض تاني
بس كده اتمني تكون الحلقة عجبتكم و بتمني دايما الصحة و السلامة لكل أسماكم و متنسوش تعملوا 3 حاجات لايك شير سب سكرايب و تفعلوا زي الجرس علشان يوصلكم كل جديد
انا اسامة و دا سمك في ميه سلام
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع
السلام عليكم استاذ
ممكن شرح او ايضاح مشكلة ظهور مادة تشبه القط في حوض السمك مثلا ظهرت عندي على خراطيم الهواء وشكر
الله ينورررررررررر عليك يانجم 👍
مرحبا
هل تكرير الجرعة يجب تغيير المياه او اضافة فقط؟
كلامك وجد
مشاء الله تحفه استفدت من جدا
لو سمحت عندى سمك السيكلد الأفريقى ومش عارف الدكر من النتايه اعرفه اذاى
هعمل حلقة إن شاء الله عن الافريقي
انا السمك للاسف مات بالكامل بسبب ظهور نقط او سائل هلامي حول السمك ... سؤالي مابعد موت السمك عاوز اربي سمك ثاني كيفية تطهير وغسل الحوض قبل وضع سمك جديد .. شكرا
أنا هلا شفت انو رأسه في نقاط بيضاء اشي بسوي
وحشتنا... مستني الفيدىو بتاع مرض السل
سلام عليكم ...هل يجوز سمك كولد فش أن تأكل بقدونس -سبانخ - خس /مجفف
هل تأكل موز أو تفاح
ايه طرق الوقايه لاسماك
السلام عليكم شكرآلك فعلآ اشتريت سمك اوسكاروخلال ثلاث ايام السمكةخملت وظهرعل جسمهم نقاط بيض رجعت اله عطاني حبه اظيفه لكل الحوض لمدةاسبوع بعده ابدل نص الحوض ماءه وبعدالاربعاءتخلص لاسبوع وراقبت السمكةتختبى وضهرعليه نقاط احمرارايضن
اهتم بتغيير المية و اتباع الجرعة المكتوبة على الدواء و ان شاء الله هيتم الشفاء ❤️
استاذ أسامة حضرتك رجل محترم وانا بحب استفيد من خبرتك أنا متابع لكل حلقات حضرتك أنا شوفت الحلقة الخاصة بفلتر هانج Hidom HL600 ممكن لو سمحت اعرف سعره تقريبا بكام و ممكن الاقيه فين فاسكندرية
سعره كام حاليا مش عارف بس ممكن تلاقيه في محل يوسف بيتس ستور كنت عامل عنهم الحلقة بتاعة أكبر محل سمك في مصر
انت متكلمتش عن تغيير المايه مع العلاج !؟ هل نغير ولا نحط الجرعه كل يوم بنفس الكمية !!
تغيير الميه بيكون كل يومين ربع الحوض فعلا نسيت أتكلم عنها
👏🏼👏🏼👏🏼👏🏼👏🏼 شكراً
عندى ذكر فلور هورن فى ٢نقطه بيضاء كبيره في رأسه ايه الحل ارجو الرد فى اقصى سرعه
الماس الازرق ممتاز وارفع درجه الحراره٣٠ لمده ٣ ايام
عندي سمكه جزء من جلدها متشال وباين اللحم اتصرف ازاي ضروري
المية عندى ابيضت اعمل ايه
في بوست على الصفحة لسا نازل قريب عن أسباب تعكر الماء أنصحك تقرأه
السلام عليكم أخي بارك الله فيك ، عندي حوض فيه سمكتين أوسكار ولاحظت عليهم من مدة بكو جسمهم بالصخور أعمل أيه بالضبط؟ لكن لايوجد أي نقطة بيضة على جسمهم!. أرجو الإفادة جزاك الله كل خير
تعامل مع الوضع نفس معاملة علاج النقط البيضاء
تاني تعليق
احلي تعليق
سلام عليكم ممكن سؤال عندي حوض أوسكار لاحضت. انو في خيوط رقيقة بيضاء.. تتحرك مع السمك.. على شكل دود..رقيق...ممكن نصيحة..
قلل الاكل العالي البروتين لإنه بتحلل و دا دوده إسمها بلناريا هات كلاون لوتش بياكلها
عزيزي لو سمحت..الاضاءه لو غير لون ابيض ممكن تتعب الاسماك؟؟ لو حبست احيانا ازرق مثلا
مش هتفرق كتير بس هو الضوء الابيض أو الاصفر لمحاكاة الضوء الطبيعي
استاذ اسامه انا عندي سمكه جولدن فيش لونها برتقالي بس فيها نقط سوداء كده نوعها ايه لاني مشعارف نوعها
النقط السوداء دي في بوقها وديلها
كاليكو
@@samakxmaya شكرا
اخي أنا عندي سمك كولد فيه نقاط بيضاء أزيد درجة الحرارة الي ما بين 26 أو 27 بس الحوض صغير شوي
زود الحرارة و ضيف دواء للنقاط البيضاء من نوع جيد
السلام عليكم عندي ٤ سمكات مولي في حوض ٦٠ × ٤٠ × ٢٥ بغير ٣٠ او ٢٠ %المويه كل ٤ او ٣ ايام درجه الحراره ٢٨ ورفعت الحراره تجريجيا في خلال أيام ل٢٩ والان ٣١ نظام الفلتر عندي ممتاز والأكسجين ممتاز للأسف انا يوميا بشغل اضاءه بيضاء خاصه وقت التأكيل انا بأكل مرتين في اليوم كميه قليله انا شلت كل الديكورات تماما عشان احافظ على نظافه الحوض لاحظت انو في سمكه عندي بتحك جسمها بالأرض وبتسبح كان في كهربا وقافله كل زعانفها بعد مده من الزمن لاحظت على جسمها فطريات او بكتيريا بيضاء على شكل بقع مش نقط انتشر على جسمها حتى وصل للعين عملت حمام ملح بحري لكن مافي تحسن اعمل ايه؟
ممكن سؤال لو سمحت عايز اعمل حوض ٨٥ سم وعرض ٤٠ سم وارتفاع ٥٠ سمك الزجاج يبقي كام ملي والمقاسات دي تمام ولا لا
خليه ١٠٠ بدل ٨٥ علشان يبقي متناسق و مقاس ستاندر الزجاج ١٠ مم شطف كمبيوتر و يعملك شدادات من فوق بنفس سمك الزجاج ال ١٠ مم
بسرعه قول علاج
ثالث تعليق
احلي تعليق
اريد معرفة علاج مرض فقدان السمكه كل قشرتها
صقوط القشور مرض جلدي يوجد ليه دواء مخصص هتلاقيه في الحلات الكبري لأسماك الزينة
لو سمحت عندي السسمك كام عليه نقط حمرا وبعد ما خف بقى مرشوم حروق سوده وبقالعا فتره ازاي اعالجها؟؟؟
طالما البقع الحمراء راحت فدا مكان البقع مع الوقت الجلد هيتجدد و يرجع لطبيعته تاني
قرص سيبروفلوكساسين قرص كل ٣ ايام
طيب لو حوض مزروع الحل ايه
نفس العلاج بس هيبقي في ضرر علي بعض الزرع و الافضل نقل الاسماك المصابة لحوض عزل و علاجها
السلام عليك عندي سمك كوبي والمولي صار مات عندي ٣ الكوبي هر الدنب بتعها وعليها بقع برتقالي مع انو الونها احمر وكذالك الموالي شو سبب وهاد السبب كل جمعتين بتموت وحده وكلهم من زكور
دا مرض التهابات بتحتاج لعلاج للامراض الظاهرية و تغيير ٢٥٪ من المياه كل ٣ أيام مع مراعاة درجة الحرارة و تكون مياه بدون كلور
بحب اسامه ينزل كل يوم
انت مش هتنزل فيديوهات تاني😭😭😭😭
بإذن الله في القريب العاجل
ان شاء الله
الحوض اللي وراء حضرتك مقاسه كام ونوعه ايه وسعره كام
مقاسة ٥٠ في ٥٠ في ٤٠ ماركة كامري عامل حاليا حوالي ٢٥٠٠ جنيه
@@samakxmaya طيب ممكن اجيبه منين ف القاهره او الجيزه .ولو ف بديل لي حضرتك ترشحه يبقي تمام .لاني كل اللي موجود rs و xilong
محتاج اتواصل معاك
تحت أمرك ممكن تبعتلي على رسائل الصفحة
أسامة تجي فترة ينزل كل يومين بعديها يقطع ٣شهور😒🤣😔
🤣🤣🤣🤣
ظهرت عندي هذه النقاط والسبب على ما اعتقد اني شغلت السخان يومين لانه كان الجو بارد بعدها وقفت السخان بعد ما الجو رجع معتدل
صح كده السخان بيتحط و ميتشالش غير على ده ل الصيف و ثبات درجات الحرارة
انت بترغى كتير